451 രൂപയ്ക്ക് അഞ്ചേക്കർ സ്ഥലം വാങ്ങി കോടതി പണിത ചരിത്രകഥ

Total
59
Shares

അഞ്ചേക്കർ സ്ഥലത്തിന് വില 451 രൂപ. കേട്ടിട്ട് കിളി പോയോ? എങ്കിൽ ബാക്കി കൂടി കേട്ടോളൂ. എറണാകുളം ജില്ലയിലെ വടക്കൻ പറവൂരിലെ കോടതി സ്ഥിതി ചെയ്യുന്ന അഞ്ചേക്കർ സ്ഥലത്തിന്റെ വിലയായി നിചയിക്കപ്പെട്ടത് വെറും 451 രൂപ. ഇപ്പോഴല്ല, ഒന്നര നൂറ്റാണ്ട് മുൻപത്തെ കാര്യമാണ് പറഞ്ഞു വരുന്നത്. പുറമെയുള്ളവർക്ക് അധികമറിയാത്ത ആ ചരിത്ര വിശേഷങ്ങൾ ഇനി വായിക്കാം.

പറവൂർ രാജാവിന്റെയോ കൊച്ചി രാജാവിന്റെയോ സൈനിക സേവനത്തിനായി വന്ന കുപ്പയാണ്ടി പിള്ളമാർക്ക് കാരമൊഴിവായി നൽകിയ ഭൂമിയാണ് കോടതിക്കായി 451 രൂപക്ക് വിട്ട് നൽകിയത്. തിരുവിതാംകൂർ രാജാവായിരുന്ന ആയില്യം തിരുനാൾ രാമവർമ്മയാണ് 1875 ൽ പറവൂരിൽ കോടതി സ്ഥാപിച്ചത്. 16 നീളൻ ചെങ്കല്ലിൽ പ്രത്യേക കുമ്മായ കൂട്ടിലാണ് കോടതിയുടെ നിർമ്മാണം നടന്നത്. മണലും കുമ്മായവും ചേർത്ത് പതം വരുത്തി പത്ത് ദിവസം പഴുപ്പിക്കാൻ കൂട്ടിയിടുകയും പത്താം നാൾ കടുക്ക ചെമ്പരത്തി ഉഴിഞ്ഞാവള്ളി എന്നിവ ചതച്ചു ചേർത്ത മിശ്രിതമാണ് നിർമ്മിതിക്ക് ഉപയോഗിച്ചത്.

കോടതി പ്രവർത്തന ക്ഷമമായതോടെ കച്ചേരി മൈതാനം, കച്ചേരിപ്പടി, കച്ചേരി തോട് എന്നിങ്ങനെയുള്ള പേരുകൾ ഈ സ്ഥലത്തിന് വന്നു ചേർന്നു. കോടതിയുടെ നിർമ്മാണത്തിനാവശ്യമായ സാധന സാമഗ്രികൾ കൊണ്ട് വരാൻ രാജാവിന്റെ നിർദ്ദേശാനുസരണം നിർമ്മിച്ച ജലഗതാഗത മാർഗ്ഗമാണ് കച്ചേരി തോടായത്. ഇപ്പോൾ പറവൂർ പ്രൈവറ്റ് ബസ് സ്റ്റാൻഡ് ഇരിക്കുന്ന സ്ഥലത്ത് റോഡറ്റം വരെ അന്ന് കെട്ടുവള്ളം വരുന്ന തോടായിരുന്നുവത്രേ.

ഒന്നര നൂറ്റാണ്ടിനോട് അടുക്കുന്ന കോടതിയുടെ പ്രായം തന്നെയാകും കോടതിയിലും പരിസരത്തും കാണുന്ന വൻമരങ്ങൾക്കും ഉള്ളതത്രെ. തണലിനായി മരം വച്ചു പിടിപ്പിച്ചവർ കോടതിക്കകത്ത് മര പങ്കകൾ സ്ഥാപിച്ചിരുന്നതായും പറയുന്നുണ്ട്. ഉത്തരത്തിൽ ഉറപ്പിച്ച പങ്കകൾ കയറുകൾ കെട്ടി ഇരുവശത്ത് നിന്നും രണ്ടുപേർ വലിച്ചു കറക്കിക്കൊണ്ടിരുന്നതായാണ്
പഴമക്കാർ പറയുന്നത്.

കോട്ടയം, ഇടുക്കി, എറണാകുളം, പത്തനംതിട്ട ജില്ലകൾ ഉൾപ്പെടുന്ന പ്രദേശങ്ങളാണ് അന്നത്തെ പറവൂർ കോടതിയുടെ അധികാര പരിധി. തൃശൂർ ജില്ലയിലെ ചില പ്രദേശങ്ങളും ഈ കോടതിയുടെ പരിധിയിൽ ഉൾപ്പെട്ടിരുന്നു. തൊടുപുഴ, മൂവാറ്റുപുഴ, കോട്ടയം, പെരുമ്പാവൂർ, ദേവികുളം കോടതികൾ ഈ കോടതിയുടെ കീഴിലായിരുന്നു. 1956 ൽ ഐക്യ കേരളം നിലവിൽ വന്നതോടെ ജില്ലാ കോടതികൾ ജില്ലാ ആസ്ഥാനങ്ങളിലേക്കു മാറ്റുകയായിരുന്നു. അഡീഷണൽ ജില്ലാകോടതി ഉൾപ്പെടെ 7 കോടതികൾ ഇപ്പോൾ പറവൂരിൽ പ്രവർത്തിക്കുന്നു.

കടപ്പാട് – രാമദാസ് നാരായണൻ, പറവൂർ വാർത്തകൾ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post