അബുദാബിയുടെ സ്വന്തം ഇത്തിഹാദ് എയർവേയ്‌സ്

Total
1
Shares
© Marvin Mutz

യുണൈറ്റഡ് അറബ് എമിറേറ്റ്സിന്റെ ഒരു ഫ്ലാഗ് കാരിയർ എയർലൈനാണ്‌ ഇത്തിഹാദ് എയർവേയ്‌സ്. ഇത്തിഹാദിന്റെ ചരിത്രവും വിശേഷങ്ങളുമാണ് ഈ ലേഖനത്തിലൂടെ നിങ്ങൾക്കു മുന്നിൽ അവതരിപ്പിക്കുവാൻ ശ്രമിക്കുന്നത്.

യുണൈറ്റഡ് അറബ് എമിറേറ്റ്സിന്റെ രണ്ടാമത്തെ ഫ്ലാഗ് കാരിയർ എയർലൈനായ ഇത്തിഹാദ് എയർവേയ്‌സ് 2003 ലാണ് പ്രവർത്തനമാരംഭിക്കുന്നത്. ദുബായ്ക്ക് സ്വന്തമായി എമിറേറ്റ്സ് എന്നതുപോലെ അബുദാബിയ്ക്ക് സ്വന്തമായി ഒരു വിമാന സർവ്വീസ് വേണമെന്ന ആഗ്രഹത്താൽ ഷെയ്ഖ് അഹമ്മദ് ബിൻ സയിഫ് അൽ നഹ്യാൻ ആണ് ഇത്തിഹാദ് എയർവേയ്‌സ് സ്ഥാപിച്ചത്. അതുവരെ അബുദാബി കേന്ദ്രീകരിച്ച് സർവീസുകൾ നടത്തിയിരുന്നത് ഒമാൻ, ബഹ്‌റൈൻ രാജ്യങ്ങളുടെ ഉടമസ്ഥതയിലുള്ള ഗൾഫ് എയർ ആയിരുന്നു.

അങ്ങനെ 500 മില്യൺ UAE ദിർഹം മൂലധനവുമായി 2003 ജൂലൈയിൽ ഇത്തിഹാദ് എയർവേയ്‌സ് പ്രവർത്തനമാരംഭിച്ചു. 2003 നവംബർ 5 നു അബുദാബിയിൽ നിന്നും അൽ ഐനിലേക്ക് ആയിരുന്നു ഇത്തിഹാദിന്റെ ആദ്യത്തെ സർവ്വീസ്. ദിവസങ്ങൾക്കു ശേഷം നവംബർ 12 നു ഇത്തിഹാദ് തങ്ങളുടെ ആദ്യത്തെ ഇന്റർനാഷണൽ സർവ്വീസും തുടങ്ങി. ലബനനിലേക്ക് ആയിരുന്നു ആദ്യത്തെ അന്താരാഷ്ട്ര സർവ്വീസ്.

2004 ജൂൺ മാസത്തിൽ 8 ബില്യൺ US ഡോളർ ചെലവഴിച്ച് ഒരു വമ്പൻ വിമാന പർച്ചേസ് ഓർഡർ തന്നെ നടത്തി. അഞ്ച് ബോയിങ് B777, നാല് എയർബസ് A380 ഉൾപ്പെടെ 24 എയർബസ് വിമാനങ്ങൾ എന്നിവായിരുന്നു ഇത്തിഹാദിന്റെ ഓർഡറുകൾ. ഓർഡർ പ്രകാരം ലോകത്തിലെ ഏറ്റവും വലിയ യാത്രാവിമാനമായ എയർബസ് A380, 2014 ഡിസംബറിൽ ഇത്തിഹാദിനു ലഭിച്ചു. 2008 ൽ നടന്ന ഫാൺബോറോ എയർഷോയ്ക്കിടെ 205 എയർക്രാഫ്റ്റുകൾക്കായി ഇത്തിഹാദ് റെക്കോർഡ് ഓർഡർ തന്നെ നൽകുകയുണ്ടായി.

ഇത്തിഹാദ് എന്നാൽ അറബിയിൽ ‘ഐക്യം’, ‘ഫെഡറേഷൻ’ എന്നിങ്ങനെയാണ് അർഥം വരുന്നത്. 2003-ൽ സ്ഥാപിക്കപ്പെട്ടതിനു ശേഷം, അതിവേഗം വളരുന്ന വ്യാവസായിക വിമാനക്കമ്പനി എന്ന ഖ്യാതി നേടാൻ ഇത്തിഹാദിന് കഴിഞ്ഞു. ഇത്തിഹാദിൻറെ ആദ്യത്തെ പൂർണ്ണ വ്യവസായവർഷമായിരുന്ന 2004 ൽ 340,000 യാത്രക്കാർ മാത്രം സഞ്ചരിച്ചിരുന്ന സ്ഥാനത്ത് 2007ൽ അത് 4.6 മില്യൺ ആയി.

ഇത്തിഹാദ് എയർവേയ്‌സ്ന്റെ ആസ്ഥാനം അബുദാബിയിലെ ഖലീഫ സിറ്റിയിലാണ്. 2007 ൽ 50 മില്യൺ US ഡോളറുകൾ ചെലവഴിച്ചാണ് ഇത്തിഹാദ് തങ്ങളുടെ ഹെഡ് ഓഫീസ്, ട്രെയിനിംഗ് സെന്റർ എന്നിവ പണികഴിപ്പിച്ചത്.

ഇന്ന് ഇത്തിഹാദ് ആഫ്രിക്ക, ഏഷ്യ, യൂറോപ്പ്, നോർത്ത് അമേരിക്ക, ആസ്‌ട്രേലിയ എന്നിവിടങ്ങളിലെ വിവിധ ലക്ഷ്യകേന്ദ്രങ്ങളിലേക്ക് സർവ്വീസ് നടത്തുന്നുണ്ട്. പാസഞ്ചർ സർവ്വീസുകൾക്കു പുറമെ ഇത്തിഹാദ് കാർഗോ എന്ന പേരിൽ കാർഗോ സർവ്വീസുകളും ഇത്തിഹാദ് നടത്തുന്നുണ്ട്. അൻപതോളം എയർലൈനുകളുമായി ഇത്തിഹാദിനു കോഡ്‌ഷെയർ എഗ്രിമെന്റുകൾ നിലവിലുണ്ട്.

ഇന്ത്യയിലെ അഹമ്മദാബാദ്, ബെംഗളൂരു, ചെന്നൈ, ഡൽഹി, ഹൈദരാബാദ്, ജയ്‌പൂർ, കൊച്ചി, കൊൽക്കത്ത, കോഴിക്കോട്, മുംബൈ, തിരുവനന്തപുരം തുടങ്ങിയ സ്ഥലങ്ങളിലേക്ക് ഇത്തിഹാദ് എയർവേയ്‌സ് സർവ്വീസ് നടത്തുന്നുണ്ട്.

എയർബസ് A320, എയർബസ് A321, എയർബസ് A321 Neo, എയർബസ് A350, എയർബസ് A380, ബോയിങ് 777-300 ER, ബോയിങ് 777-9, ബോയിങ് 787-9, ബോയിങ് 787-10, ബോയിങ് 777F കാർഗോ എന്നീ വിമാന മോഡലുകളാണ് പ്രധാനമായും എത്തിഹാദ് തങ്ങളുടെ സർവീസുകൾക്ക് ഉപയോഗിക്കുന്നത്.

കൃത്യനിഷ്ഠയുടെ കാര്യത്തില്‍ ലോകത്തെ മുഴുവന്‍ വിമാനക്കമ്പനികളെയും ഉള്‍പ്പെടുത്തി തയ്യാറാക്കിയ പട്ടികയിൽ ആദ്യ 50 സ്ഥാനങ്ങളിൽ ഇത്തിഹാദ് എയർവേയ്‌സ് ഇടംനേടിയിട്ടുണ്ട്.

എമിറേറ്റ്‌സുമായുള്ള മത്സരത്തിന്റെ ഭാഗമായി യൂറോപ്പിലെ വിമാന കമ്പനികളിൽ നിന്നും ഇത്തിഹാദ് ഓഹരികൾ സ്വന്തമാക്കിയിരുന്നു. ഇതിന്റെ ഫലമായി കനത്ത നഷ്ടമായിരുന്നു ഇത്തിഹാദിനു നേരിടേണ്ടി വന്നത്. നഷ്ടത്തെ തുടർന്ന് 2016 മുൽ ഇത്തിഹാദ് ചെലവ് ചുരുക്കൽ പ്രക്രിയയിലൂടെയാണ് പ്രവർത്തിക്കുന്നത്. ഇതിന്റെ ഭാഗമായി 38 ഓളം വിമാനങ്ങൾ ഇത്തിഹാദ് വിൽക്കുകയുണ്ടായി. നഷ്ടങ്ങൾ തളർത്താത്ത ഇന്നും ഇത്തിഹാദ് തങ്ങളുടെ സേവനം തുടർന്നുകൊണ്ടിരിക്കുന്നു.

Photo – Marvin Mutz.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post