അനാഥക്കുട്ടികളുടെ സൂപ്പര്‍ഹീറോ ‘ഗ്രാൻഡ് പാ കിച്ചൻ’ അപ്പൂപ്പന്‍ വിടവാങ്ങി

Total
0
Shares

യൂട്യൂബിലൂടെ പ്രശസ്തരായ ധാരാളമാളുകൾ ലോകമെമ്പാടുമുണ്ട്. അത്തരത്തിൽ വ്യത്യസ്തമായ പാചകത്തിലൂടെയും മറ്റും പ്രശസ്തമായ ഒരു യൂട്യൂബ് ചാനലാണ് ‘ഗ്രാന്‍പാ കിച്ചന്‍.’ ‘ഗ്രാന്‍പാ കിച്ചന്‍’ വഴി അനാഥരായ കുട്ടികള്‍ക്ക് ഭക്ഷണം പാചകം ചെയ്‌തിരുന്ന നാരായണ റെഡ്ഡി എന്ന അപ്പൂപ്പന്‍ വിടവാങ്ങി എന്ന വിഷമകരമായ വാർത്തയാണ് ഇപ്പോൾ സോഷ്യൽ മീഡിയയിൽ അലയടിക്കുന്നത്.

2017 ഓഗസ്റ്റ് മാസമാണ് യൂട്യൂബിൽ ഗ്രാൻപാ കിച്ചൻ എന്ന ചാനൽ ആരംഭിക്കുന്നത്. വ്യത്യസ്തമായ അവതരണ രീതികൾ കൊണ്ടും മറ്റും വളരെ പെട്ടെന്നു തന്നെ ചാനലും അപ്പൂപ്പനും പ്രേക്ഷകരുടെ മനസ്സു കവർന്നു. 60 ലക്ഷം ഫോളോവേഴ്സ് ഉള്ള അപ്പൂപ്പന്റെ വിഡിയോകള്‍ ലോകമെമ്പാടുമായി ലക്ഷക്കണക്കിന് ആളുകളാണ് കാണാറുണ്ടായിരുന്നത്.

തെലങ്കാനയിലെ ഹൈദരാബാദിന് സമീപമുള്ള തൻ്റെ ഗ്രാമത്തിലെ ഒഴിഞ്ഞ പറമ്പുകളായിരുന്നു നാരായണ റെഡ്ഡി അപ്പൂപ്പൻ പാചകത്തിനായി തിരഞ്ഞെടുത്തിരുന്നത്. ഇത് ഒരു സാധാരണ കുക്കിംഗ് ചാനല്‍ അല്ല എന്നതുകൊണ്ടാണ് നാരായണ റെഡ്ഡി അപ്പൂപ്പനെ ആളുകളെല്ലാം സ്‌നേഹിച്ചത്. വിദേശികളായ ആരാധകരും ഗ്രാൻഡ് പാ കിച്ചന് ഉണ്ടായിരുന്നു എന്നത് എടുത്തുപറയേണ്ട മറ്റൊരു പ്രധാനപ്പെട്ട കാര്യമാണ്.

അപ്പൂപ്പന്‍ ലോകത്തുള്ള എല്ലാ ഭക്ഷണവും ഉണ്ടാക്കും, അനാഥ കുട്ടികള്‍ക്ക് വേണ്ടി. അപ്പൂപ്പന്‍ ഭക്ഷണം ഉണ്ടാക്കാറുണ്ടായിരുന്നത് വലിയ പാത്രങ്ങളിലാണ്. ഉണ്ടാക്കുന്നതു കാണാനും നല്ല രസമായിരുന്നു. ഉണ്ടാക്കിയ ഭക്ഷണം കുട്ടികള്‍ സന്തോഷത്തോടെ കഴിക്കുന്നത് കാണുമ്പോഴോ? കാണുന്നവരുടെ മനസ്സ് നിറയും. കുക്കിംഗിനായി അപ്പൂപ്പന് രണ്ടു സഹായികളുമുണ്ടായിരുന്നു. കാര്യം ഒരു സാധാരണക്കാരന് ആയിരുന്നെങ്കിലും അപ്പൂപ്പന്‍ ചില്ലറക്കാരനായിരുന്നില്ല കേട്ടോ. ലസാന്യ, കഫ്സി ചിക്കന്‍, ഡോനട്ട്, പാസ്ത എന്നു വേണ്ട നല്ല കിടിലൻ മട്ടന്‍ ബിരിയാണി വരെ അപ്പൂപ്പന്‍ കൂളായി ഉണ്ടാക്കുമായിരുന്നു.

പാശ്ചാത്യ ഭക്ഷണങ്ങള്‍ കാശുള്ളവനു മാത്രമേ കഴിക്കാനും ഉണ്ടാക്കാനും സാധിക്കൂ എന്നെ ധാരണകളെയെല്ലാം അപ്പൂപ്പന്‍ അടുപ്പില്‍ കത്തിച്ചു കളഞ്ഞു. യൂട്യൂബ് വീഡിയോകളില്‍ നിന്നുള്ള വരുമാനം അനാഥാലയങ്ങള്‍ക്ക് അടിസ്ഥാന സൗകര്യങ്ങള്‍ ഉണ്ടാക്കുവാനും, കുട്ടികള്‍ക്കുള്ള വസ്ത്രങ്ങള്‍, പുസ്തകങ്ങള്‍, ജന്മദിന സമ്മാനങ്ങള്‍ എന്നിവ വാങ്ങുവാനുമായിരുന്നു ഉപയോഗിച്ചിരുന്നത്. ഇപ്പോൾ മനസ്സിലായില്ലേ അപ്പൂപ്പന്‍ ആള് മാസ്സ് ആയിരുന്നുവെന്ന്.

2019 ഒക്ടോബര്‍ 27 നു തൻ്റെ എഴുപത്തി മൂന്നാം വയസ്സിലായിരുന്നു സൂപ്പര്‍ഹീറോ അപ്പൂപ്പന്‍ വിടപറഞ്ഞത്. അപ്പൂപ്പന്റെ മരണത്തില്‍ സോഷ്യല്‍ മീഡിയ വിഷമം രേഖപ്പെടുത്തി. കനിവുള്ള മനുഷ്യരെ കണ്ടു കിട്ടാന്‍ പാടാണ്. ഇത്രയും നല്ലൊരു അപ്പൂപ്പനെ നഷ്ടപ്പെട്ടതിന്റെ സങ്കടത്തിലാണ് യൂട്യൂബ് കമ്മ്യൂണിറ്റി. അപ്പൂപ്പന്റെ വീഡിയോകള്‍ തുടങ്ങുന്നത് ഒരു വാചകത്തിലാണ്: ‘സ്‌നേഹം, പരിചരണം, പങ്കിടല്‍.. ഇതാണ് എന്റെ കുടുംബം’. വീഡിയോകൾ അവസാനിക്കുന്നത് കുട്ടികള്‍ സന്തോഷത്തോടെ തയ്യാറാക്കിയ ഭക്ഷണം കഴിക്കുന്ന രംഗങ്ങളിലാണ്.

ഒക്ടോബർ 26 നു പബ്ലിഷ് ചെയ്ത തൻ്റെ അവസാനത്തെ വീഡിയോയിൽ നാരായണ റെഡ്ഢി അപ്പൂപ്പൻ തീർത്തും അവശനായ നിലയിലായിരുന്നു പ്രത്യക്ഷപ്പെട്ടത്. ഈ വീഡിയോ പുറത്തിറങ്ങി അടുത്ത ദിവസമായിരുന്നു അപ്പൂപ്പൻ എന്നെന്നേക്കുമായി വിടവാങ്ങിയത്. നാരായണ റെഡ്ഡി അപ്പൂപ്പന്റെ മരണവാർത്തയും അദ്ദേഹത്തിൻ്റെ യൂട്യൂബ് ചാനൽ വഴിയായിരുന്നു അധികമാളുകളും അറിഞ്ഞത്. അദ്ദേഹത്തിൻ്റെ അന്ത്യയാത്രയുടെയും സംസ്ക്കാരത്തിന്റെയും ദൃശ്യങ്ങളടങ്ങിയ വീഡിയോ അതിനുശേഷം ചാനലിൽ വന്നിരുന്നു. ഏകദേശം 50 ലക്ഷത്തോളം ആളുകളാണ് ഈ വീഡിയോ ഇതുവരെ കണ്ടത്. ഇന്റര്‍നെറ്റിന്റെ പ്രിയപ്പെട്ട അപ്പൂപ്പന്‍ ഇനി ജനഹൃദയങ്ങളില്‍ ജീവിക്കും.

വിവരങ്ങൾക്ക് കടപ്പാട് – വിവിധ ഓൺലൈൻ മാധ്യമങ്ങൾ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post