വാട്ടിയ വാഴയിലയിൽ സ്നേഹത്തിൻ്റെ പൊതിച്ചോറ്; ഒരു അനുഭവക്കുറിപ്പ്

Total
71
Shares

അനുഭവക്കുറിപ്പ് – അരുൺ നെമ്മാറ.

ചില സമയങ്ങളിൽ ചിലർ ദൈവത്തിന്റെ രൂപത്തിൽ പ്രത്യക്ഷപ്പെടാം. അതിന്റ വ്യക്തമായ ഉദാഹരണങ്ങളാണ് ഈ കൊറോണക്കാലം. ഡോക്ടേർസ്, നേഴ്‌സുമാർ, പോലീസുകാർ അങ്ങനെ പലതരത്തിലും നമ്മളെ സഹായിക്കുന്നവരെ നമ്മൾ ദൈവത്തിന് തുല്യമായി കാണുന്നു. ആ ഒരു സഹായം നമ്മൾക്ക് കിട്ടുമ്പോൾ ആണ് അതിന്റ ഒരു ഫീൽ മനസ്സിലാവുന്നത്.
പതിവുപോലെ ഡ്യൂട്ടി ചെയ്യുന്നതിനിടയിൽ ആണ് സാർ പറയുന്നത് “നാളെ ഷൊർണുർ പോവണം അവിടെന്ന് കുറച്ചു സാധനങ്ങൾ കൊണ്ട് വരാനുണ്ട്. നാളെ രാവിലെ വരുമ്പോൾ ബാഗ് റെഡി ആക്കിയിട്ട് വന്നോളൂ.” ഞാൻ ഓക്കേ പറഞ്ഞു.

അടുത്ത ദിവസം രാവിലെ നേരത്തെ തന്നെ ബാഗും എടുത്ത് ഓഫീസിൽ എത്തി. അപ്പോഴാണ് അറിയുന്നത് കൊങ്കൺ റെയിൽവേയിൽ മണ്ണിടിഞ്ഞത് കാരണം ട്രെയിൻ എല്ലാം റൂട്ട് മാറ്റി വിട്ടിരിക്കുന്നു. മംഗളാ എക്സ്പ്രസ്സ്‌ 7 മണിക്കൂറോളം വൈകി ഓടുന്നതിനാൽ കാസറഗോഡ് റെയിൽവേ സ്റ്റേഷനിലെത്താൻ 11 മണി കഴിഞ്ഞു. കൂടെ വേറെ ഡിപ്പാർട്മെന്റിലെ അവിടെയുള്ള ഒരു സ്റ്റാഫ്‌ ഉണ്ടായിരുന്നു. അവൻ നാട്ടിൽ പോവുന്നത് കൊണ്ട് എനിക്ക് ഒരു കമ്പനി ആയി. കോഴിക്കോട് വരെ ഞങ്ങൾ മുന്നിലുള്ള SLR കോച്ചിൽ കയറിയിരുന്നു. അടുത്ത കംപാർട്മെന്റിൽ തന്നെ 3 RPF സ്റ്റാഫ് ഉണ്ടായിരുന്നു.

2 മണി ആയിക്കാണും ട്രെയിൻ കോഴിക്കോട് എത്തി കൂടെ ഉണ്ടായിരുന്ന സ്റ്റാഫ് ഇറങ്ങിപോയതോടുകൂടി ഞാൻ വീണ്ടും ഒറ്റയ്ക്കായി. കേരളത്തിന്‌ പുറത്തു നിന്ന് വരുന്ന ട്രെയിൻ ആയതു കൊണ്ട് പുറത്തു അവിടെ ഇറങ്ങുന്ന ആളുകളെ മെഡിക്കൽ സ്റ്റാഫ്‌ ചെക്ക് ചെയ്യുന്നുണ്ടായിരുന്നു. ഞാൻ ട്രെയിനിൽ നിന്ന് ഇറങ്ങിനിന്നു. ആയിരക്കണക്കിന് ആളുകൾ യാത്ര ചെയ്യാൻ ദിവസേന വരുന്ന കോഴിക്കോട് റെയിൽവേ സ്റ്റേഷനിൽ ഇപ്പൊ കുറച്ചു സ്റ്റാഫുകൾ മാത്രം. പിന്നെ ഇപ്പൊ ട്രെയിനിൽ നിന്ന് ഇറങ്ങിയ ആളുകളും.

കാറ്ററിംഗ് സ്റ്റാളുകൾ എല്ലാം അടച്ചിട്ടു മാസങ്ങൾ ആയി അതിനകത്ത് എലികളും മറ്റു ജീവികളും സഹവാസം തുടങ്ങിക്കഴിഞ്ഞിരുന്നു. എനിക്കാണേൽ നല്ല വിശപ്പ് തുടങ്ങിയിരുന്നു. റൂമിൽ നിന്ന് വരുമ്പോൾ ഭക്ഷണം എടുക്കാത്തത് കൊണ്ട് ഞാൻ എന്നെ തന്നെ തെറി വിളിച്ചു. കൊറോണ ആയതുകൊണ്ട് റെയിൽവേ കാന്റീൻ പൂട്ടിക്കിടക്കുന്നു. അങ്ങനെ പുറത്തു നോക്കി നിൽക്കുമ്പോൾ ആണ് അടുത്ത കോച്ചിൽ ഉണ്ടായിരുന്ന RPF മാർ ഭക്ഷണം കഴിച്ചു കൈ കഴുകുവാൻ പുറത്തു ഇറങ്ങി വരുന്നത്.

അവർ കൈ കഴുകി വരുമ്പോൾ എന്നോട് ഒരാൾ “മോനെ ഭക്ഷണം കഴിച്ചോ.” “ആ കഴിച്ചു” ചുമ്മാ നുണ പറഞ്ഞു. “വേറെ ആരെങ്കിലും കഴിക്കാൻ ഉണ്ടോ? ഞങ്ങളുടെ കയ്യിൽ ഒരു പൊതിച്ചോർ ഉണ്ട്‌” എന്ന് പറഞ്ഞു. ഞാൻ കയറിയ കോച്ചിൽ വേറെ ആരും ഇല്ല. എനിക്കാണെങ്കിൽ നല്ല വിശപ്പും ഞാൻ മെല്ലെ പറഞ്ഞു “സാർ ഞാൻ കഴിച്ചിട്ടില്ല.” ആ സാർ എന്റടുത്ത്‌ വന്ന് “മോനെ ഭക്ഷണത്തിന്റെ കാര്യത്തിൽ ഒരു മടിയും കാണിക്കരുത്. വിശപ്പുണ്ടേൽ ചോദിച്ചു വാങ്ങണം” എന്ന് പറഞ്ഞു കൊണ്ട് എനിക്ക് ഒരു പൊതിച്ചോർ തന്നു. ഞാൻ ഒരു നന്ദി പറഞ്ഞു കൊണ്ട് ട്രെയിനിനക്കത്ത്‌ കയറി.

ന്യൂസ് പേപ്പറിൽ പൊതിഞ്ഞ ഭക്ഷണപൊതി അഴിക്കാൻ തുടങ്ങി. അതിനകത്ത്‌ വാട്ടിയ വാഴയിലയിൽ നല്ല മട്ടയരി ചോറും, രണ്ടുകൂട്ടം കറിയും, അച്ചാറും, സാമ്പാറും. ഇതുവരെ കഴിച്ചതിൽ എനിക്ക് ഏറ്റവും കൂടുതൽ ടേസ്റ്റ് ചോറിന് തോന്നിയത് അന്നാണെന്ന് തന്നെ പറയാം. എന്റെ വിശപ്പും ആ സാറിന്റെ സ്നേഹത്തോടു കൂടിയുള്ള പെരുമാറ്റവും എല്ലാം എന്റെ മനസ്സും വയറും നിറഞ്ഞു.

ഷൊർണുർ എത്തി ഇറങ്ങി അവരുടെ കൂടെ നടക്കുമ്പോൾ പറഞ്ഞു അദ്ദേഹം ഷൊർണുർ സ്റ്റേഷനിലെ RPF ആണെന്ന്. സ്റ്റേഷന് പുറത്തു പോവുമ്പോൾ വീണ്ടും നന്ദി പറഞ്ഞു. പിന്നെ കാണാം എന്നും അദ്ദേഹം പോയി. ആ നല്ല മനുഷ്യന്റെ പേര് ചോദിക്കാൻ മറന്നു പോയി എന്ന വിഷമത്തിൽ പുറത്തു ഇറങ്ങുമ്പോൾ ആലോചിച്ചു ഇങ്ങനെ ഉള്ള ആളുകൾ ഒരുപാട് ഉണ്ടാവണെ എന്ന്.

എത്രയോ ആളുകൾ ഒരു നേരത്തെ ഭക്ഷണം ഇല്ലാതെ അലയുന്നു. അതിനേക്കാൾ എത്രയോ പേർ ഭക്ഷണം ആവശ്യമില്ലാതെ കളയുന്നു. ഓർക്കുക, നമ്മൾക്കും ഈ ഒരു അവസ്ഥ എപ്പോഴാ വരുന്നത് എന്ന് പറയാൻ കഴിയില്ല. ഈ കൊറോണ സമയത്ത്‌ ഒരുപാട് പേർ ജോലിയില്ലാതെ ഒരു നേരത്തെ ഭക്ഷണം കിട്ടാതെ നടക്കുന്നുണ്ട്. ഇതെല്ലാം കണ്ട് കണ്ണ് അടച്ചു നടക്കാതെ നമ്മളാൽ കഴിയുന്നത് ചെയ്യും എന്ന് നമ്മളെ ബോധ്യപ്പെടുത്തണം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post