കുമ്പളം ടോൾ പ്ലാസയിൽ എനിക്ക് നേരിടേണ്ടി വന്ന മോശം അനുഭവം

Total
1
Shares

കേരളത്തിൽ ഏറ്റവും കൂടുതൽ വാർത്തകളിൽ നിറഞ്ഞു നിൽക്കുന്നത് തൃശ്ശൂരിലെ പാലിയേക്കര ടോൾ ബൂത്ത് ആണെങ്കിലും യാത്രക്കാരോടുള്ള മോശം പെരുമാറ്റത്തിൽ കുമ്പളം ടോൾ ബൂത്തും ഒട്ടും മോശമല്ല. പലതവണ ഇക്കാര്യം എനിക്ക് നേരിട്ടു ബോധ്യപ്പെട്ടിട്ടുണ്ടെങ്കിലും കഴിഞ്ഞ ദിവസം (28-09-2019) എനിക്ക് കുമ്പളം ടോൾ പ്ലാസയിൽ നിന്നും നേരിടേണ്ടി വന്നത് വളരെ മോശം അനുഭവം തന്നെയായിരുന്നു. ആ സംഭവമാണ് ഇനി പറയുവാൻ പോകുന്നത്.

ആലപ്പുഴ ജില്ലയിലെ തുറവൂരിൽ നിന്നും എറണാകുളത്തേക്കുള്ള യാത്രയിലായിരുന്നു ഞാനും ഭാര്യ ശ്വേതയും. ഏതാണ്ട് സമയം രാവിലെ 11.30 ആയിക്കാണും ഞങ്ങൾ കുമ്പളത്തെ ടോൾബൂത്തിൽ എത്തിയപ്പോൾ. ഒട്ടുമിക്ക ടോൾ ബൂത്തുകളിലും ഫാസ്റ്റാഗ് സൗകര്യമുള്ളവർക്കായി പ്രത്യേകം ലെയ്ൻ ഉണ്ടെങ്കിലും കുമ്പളം പോലുള്ള തിരക്കേറിയ ടോൾ ബൂത്തിൽ അതില്ല. എല്ലാ ലെയ്‌നിലും ഫാസ്റ്റാഗ് സൗകര്യമുണ്ടെങ്കിലും ക്യൂവിൽ കിടന്നു വേണം ടോൾ അടച്ച് അപ്പുറം എത്തുവാൻ.

അങ്ങനെ ഞങ്ങളും ലൈനിൽ വരിയായി കിടന്നു അവസാനം ബൂത്തിൽ എത്തിച്ചേർന്നു. സാധാരണ ഫാസ്റ്റാഗ് ഉള്ളവർക്ക് അതിൻ്റെ സ്റ്റിക്കർ റീഡ് ആയി ടോൾ ഓൺലൈനായി അടച്ച് കടന്നു പോകാവുന്നതാണ്. പക്ഷെ ഞങ്ങൾ ചെന്നപ്പോൾ ഫാസ്റ്റാഗ് പ്രവർത്തിക്കുന്നില്ല. ഫാസ്റ്റാഗ് പ്രവർത്തിച്ചില്ലെങ്കിൽ ടോൾബൂത്ത് ജീവനക്കാർ അതിനുള്ള റീഡർ ഉപകരണവുമായി വാഹനത്തിനടുത്തു വന്നു റീഡ് ചെയ്ത് വിടേണ്ടതാണ്. പക്ഷെ ഇവിടെ അതുണ്ടായില്ല.

ടോൾ ബൂത്ത് ജീവനക്കാരൻ ഞങ്ങളോട് പണം കൊടുത്ത് ടോൾ അടക്കുവാൻ നിർദ്ദേശിക്കുകയുണ്ടായി. എന്നാൽ ഞങ്ങൾ അത് നിരസിച്ചു. “പണം കൊടുത്തുകൊണ്ട് പോകാൻ ആണെങ്കിൽ പിന്നെ പൈസ മുടക്കി ഫാസ്റ്റാഗ് എന്തിനാണ് വെച്ചിരിക്കുന്നത്? NHAI വരെ എന്തിനാണ് ഫാസ്റ്റാഗ് ഉപയോഗം പ്രോത്സാഹിപ്പിക്കുന്നത്?” ഈ ചോദ്യങ്ങൾക്കൊന്നും ഉത്തരം നൽകുവാൻ ടോൾബൂത്ത് ജീവനക്കാർക്ക് കഴിഞ്ഞില്ല. എൻ്റെ ചോദ്യങ്ങളെ അവർ ധിക്കാരപൂർവ്വമുള്ള വാക്കുകൾ കൊണ്ടാണ് തടുക്കുവാൻ ശ്രമിച്ചത്. തെരുവ് ഗുണ്ടകളെക്കാൾ മോശമായ രീതിയിലായിരുന്നു അവരുടെ പെരുമാറ്റം.

പലതവണ ഇവരുടെ ധിക്കാരപൂർവ്വമുള്ള പെരുമാറ്റം നേരിടേണ്ടി വന്നിട്ടുണ്ടെങ്കിലും അന്നൊക്കെ എല്ലാം സഹിച്ചും ക്ഷമിച്ചും പോകുകയായിരുന്നു. എന്നാൽ ഇത്തവണ ഞങ്ങളും ഒട്ടും വിട്ടുകൊടുക്കുവാൻ തയ്യാറായില്ല. ഒന്നുകിൽ ഫാസ്റ്റാഗ് വഴി പണം ഈടാക്കി ഞങ്ങളെ കടത്തി വിടണം, അല്ലെങ്കിൽ ബാരിയർ തുറന്നു വിടണം. ഇതിലേതെങ്കിലും ഒന്നിനു മാത്രമേ ഞങ്ങൾ തയ്യാറായുള്ളൂ. അല്ലെങ്കിൽ പോലീസിനെ വിളിക്കുവാൻ പറഞ്ഞു.

ഈ സമയം ഞങ്ങളുടെ ലെയ്‌നിൽ വാഹനങ്ങളുടെ നിര നന്നായി നീണ്ടു തുടങ്ങിയിരുന്നു. പിന്നിലെ വാഹനങ്ങളിൽ നിന്നും ആളുകൾ കാര്യമറിയുവാൻ ടോൾ ബൂത്തിന് സമീപത്തേക്ക് എത്തിത്തുടങ്ങി. കാര്യമറിഞ്ഞപ്പോൾ ന്യായം ഞങ്ങളുടെ ഭാഗത്താണെന്നു മനസ്സിലാക്കി മറ്റു യാത്രക്കാരെല്ലാം ടോൾബൂത്ത് ജീവനക്കാർക്കെതിരെ തിരിഞ്ഞു. ഈ സമയമത്രയും ടോൾബൂത്ത് ജീവനക്കാരൻ (വാടക ഗുണ്ട എന്നു വിളിക്കുന്നതായിരിക്കും കുറച്ചു കൂടി നല്ലത്) എല്ലാവരോടും കയർത്തു തന്നെയായിരുന്നു സംസാരിച്ചിരുന്നത്.

ആളുകൾ കൂടിയതോടെ എൻ്റെ ഫാസ്റ്റാഗ് വാലറ്റിൽ (Paytm) വേണ്ടത്ര ബാലൻസ് ഇല്ലാത്തതിനാലാണ് ടാഗ് റീഡ് ചെയ്യാത്തതെന്നായി ടോൾബൂത്തുകാർ. എന്നാൽ എൻ്റെ വാലറ്റിൽ 500 രൂപ ബാലൻസ് ഉണ്ടായിരുന്നു. അത് ഞാൻ തെളിവ് സഹിതം എല്ലാവരെയും കാണിക്കുകയും ചെയ്തു. ഇതോടെ അത്രയും നേരം ‘ഷോ ഓഫ്’ കാണിച്ചിരുന്ന ടോൾബൂത്ത് ജീവനക്കാർ ആകെ പരുങ്ങലിലായി. മറ്റു യാത്രക്കാരെല്ലാം എനിക്ക് സപ്പോർട്ടുമായി വരിക കൂടി ചെയ്തതോടെ അവർ ടോൾ ബൂത്ത് തുറന്നു വിടുവാൻ നിർബന്ധിതരായി. ഒപ്പം ഞങ്ങളുടെ വാഹനം ബ്ലാക്ക് ലിസ്റ്റ് ചെയ്യുമെന്ന ഭീഷണിയും. അതൊന്നും വകവെയ്ക്കാതെ ഞങ്ങൾ അവിടെ നിന്നും എറണാകുളത്തേക്ക് യാത്ര തുടർന്നു.

പാലം നിർമ്മാണം കാരണം പൊട്ടി പൊളിഞ്ഞു കിടക്കുന്ന കുണ്ടന്നൂർ, വൈറ്റില, പാലാരിവട്ടം ജംഗ്‌ഷനുകളിലൂടെ കടന്നു പോകുന്ന റോഡിന് നാഷണൽ ഹൈവേ ടോൾ പിരിക്കുന്ന അരൂർ കുമ്പളം ടോൾ പ്ലാസയിൽ ഇപ്പോൾ എനിക്കുണ്ടായ അനുഭവം ആണിത്. ഫാസ്റ്റാഗിൽ പൈസ ഉണ്ടായിട്ടും പല സമയത്തും ഇതുപോലെയുള്ള പ്രശ്നങ്ങൾ ഇവിടെയും പാലിയേക്കരയിലും ഉണ്ടായിട്ടുണ്ട്. ഫാസ്റ്റാഗ് ഉള്ളവർക്കുള്ള ഡെഡിക്കേറ്റഡ് ലെയിൻ പോലും അരൂരിൽ ഇല്ല. വണ്ടികളുടെ നിര നീണ്ടാലും ടോൾ പ്ലാസ അധികൃതർക്ക് യാതൊരു കുഴപ്പവുമില്ല. കുണ്ടും കുഴിയും നിറഞ്ഞ ഈ റോഡിലൂടെ ടോൾ കൊടുത്ത് യാത്ര ചെയ്യുന്ന നമ്മൾ പൊതുജനങ്ങളാണ് മണ്ടന്മാർ.

ഇത് ഒരു ഒറ്റപ്പെട്ട സംഭവമല്ല. ദിനംപ്രതി ധാരാളമാളുകൾ ടോൾബൂത്ത് ഗുണ്ടകളുടെ ഇത്തരത്തിലുള്ള, അല്ലെങ്കിൽ ഇതിലും മോശപ്പെട്ട രീതിയിലുള്ള പെരുമാറ്റങ്ങൾക്ക് ഇരയാകാറുണ്ട്. പൊലീസോ വേണ്ടപ്പെട്ട അധികാരികളോ ഒന്നും ഇതൊന്നും ശ്രദ്ധിക്കുന്നു പോലുമില്ല. അനുഭവിക്കുന്നതോ പാവം യാത്രക്കാരും. എന്തു ചെയ്യാൻ? ആരോട് പറയാൻ? ഈ ചോദ്യം മാത്രം നെടുവീർപ്പോടെ സ്വയം ചോദിക്കാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post