ഒരു കെഎസ്ആർടിസി യാത്രയും വെളുത്ത സ്ഫോടനവും

Total
9
Shares

അനുഭവക്കുറിപ്പ് – അജിത്ത്.

11/03/2020 നു ഞാൻ നേരിട്ട ഒരു അനുഭവവും അതോടൊപ്പം എനിക്ക് ഉണ്ടായ ആശങ്കയും ആണ് ഞാൻ ഇവിടെ നിങ്ങളോട് പങ്കു വക്കുന്നത്. ഒരു സ്ഥിരം ആനവണ്ടി യാത്രക്കാരനാണ് ഞാൻ. ജോലി സംബന്ധമായി ഒരുപാട് യാത്ര ചെയ്യേണ്ടി വരുമ്പോഴും പരമാവധി ആനവണ്ടി പിടിക്കാൻ ഞാൻ ശ്രമിക്കും.

പാലക്കാട്‌ നിന്ന് പട്ടാമ്പിയിലേക്കുള്ള കെഎസ്ആർടിസി യാത്രയിൽ വാണിയംകുളം കഴിഞ്ഞു കുറച്ചു മുന്നോട്ട് വന്നതും ബസ്സിന്റെ മുൻവശത്തു നിന്ന് അതായത് ഡ്രൈവർ സീറ്റിനു പിറകിൽ നിന്നായി വലിയ രീതിയിൽ വെളുത്ത പൊടിയോടു കൂടിയ പുക ഒരു സ്ഫോടനം നടന്ന പോലെ പടർന്നു പൊങ്ങി. സാമാന്യം വേഗത്തിൽ ഇറക്കം ഇറങ്ങി ഓടികൊണ്ടിരിക്കുന്ന ബസ്സിന്റെ പുറകു വശം വരെ ആ പുക വളരെ വേഗം ചിതറി എത്തി..

മൊത്തത്തിൽ ഒരു പക്ഷെ ഭയന്നിട്ടോ അല്ലെങ്കിൽ എന്താണ് സംഭവിക്കുന്നത് എന്ന് മനസ്സിലാവാഞ്ഞിട്ടോ ആയിരിക്കാം ഡ്രൈവർ ചേട്ടൻ വണ്ടി നടുറോഡിൽ നിർത്തി. പുള്ളി ഒരു 50 വയസ്സിനു അടുത്ത് പ്രായം ഉള്ള ആളാണ്. അത് കൊണ്ട് തന്നെ എക്സ്പീരിയൻസ് വച്ചു വാഹനം നിയന്ത്രിച്ചു നിർത്താൻ പുള്ളിക്കാരന് അറിയാം. കണ്ടക്ടർ ആവട്ടെ ഒരു ലേഡി ആണ്. അവർക്കു ബാക്കി കൊടുക്കാൻ ചില്ലറ ഇല്ലാതെ വിയർത്തു നിന്നപ്പോ ഇതേ ഡ്രൈവർ ചേട്ടൻ തന്നാണ് എവിടെ നിന്നോ ചില്ലറ തപ്പി കൊണ്ട് വന്നു കൊടുത്തത് പാലക്കാട്‌ നിന്ന് പുറപ്പെടുന്നതിന് മുൻപ്.

റോഡിലെ മറു വശത്തു നിന്ന ചില ലോറി ഡ്രൈവർ ചേട്ടന്മാരും കൂടി വന്നു പറയുന്നത് ബ്രേക്ക്‌ ജാം ആയതാണ് ഓടില്ല എന്നൊക്കെ ആണ്. പക്ഷെ നമ്മടെ ഡ്രൈവർ പാവം ഇതെവിടുന്നാ ഈ വെളുത്ത സാധനം വന്നത് എന്ന് തിരഞ്ഞു ടെൻഷൻ അടിക്കുന്നു. ഇതിനിടെ മറ്റൊരു യാത്രക്കാരൻ ചേട്ടൻ കാര്യം കണ്ടു പിടിച്ചു. സംഗതി ബസിൽ ഉണ്ടായിരുന്ന ഫയർ extinguisher അബദ്ധത്തിൽ തുറന്നു പോയതാണ്. ഡ്രൈവർ സീറ്റിനു പിറകിൽ ഇരുന്ന ചെറുപ്പക്കാരൻ അറിഞ്ഞോ അറിയാതെയോ അതിന്റെ പമ്പിൽ കാല് വച്ചു അത് ഫോം പുറത്തു വിട്ടു.

ഓടികൊണ്ടിരുന്ന വണ്ടി ആയതു കൊണ്ട് വളരെ വേഗം പുക പടർന്നു പോയി. മിക്ക യാത്രക്കാരുടെയും കണ്ണ് എരിഞ്ഞു പോയെന്ന് പറയുന്നതും കേട്ടു. ഇത്തിരി വെള്ളം കൊണ്ട് കഴുകിയാൽ മാറും അപകടം ഇല്ല. പക്ഷെ ഇവിടെ സംഭവിച്ചത് അല്ലെങ്കിൽ ഞാൻ ചിന്തിച്ചത് ചില കാര്യങ്ങൾ ആണ്.

1. ഇത്ര വലിയ വാഹനത്തിൽ ‘fire fighting equipment’ ഇരിക്കുന്നത് യാത്രക്കാരൻ ഇരിക്കുന്ന സീറ്റ്‌ഇന് നേരെ മുൻവശം കാലുഉയർത്തിയാൽ തട്ടുന്ന അത്ര അടുത്താണ്- എന്തു കൊണ്ട്?

2. സാധാരണ ഇത്തരം ഫയർ extinguishers ഒരു pin ലോക്ക് സിസ്റ്റം വച്ചാണ് ലോക്ക് ചെയ്യാറ്. അതായത് ആ pin വലിചൂരിയാൽ മാത്രമേ പമ്പ് അമർത്തി ഫോം അടിക്കാൻ സാധിക്കൂ – ആ pin എവിടെ?

3. ബസ്സിൽ ജോലി ചെയുന്ന രണ്ടു ജീവനക്കാർക്കും ഇതിനെ പറ്റി വലിയ അറിവ് ഇല്ല.. അതായത് ഒരു അപകട സമയത്ത് ഈ സാധനം എങ്ങനെ പ്രവർത്തിപ്പിക്കണം എന്നോ എങ്ങനെ പ്രവർത്തിക്കുമെന്നോ ഉള്ളതിനെ പറ്റി ധാരണ ഇല്ല. എന്തു കൊണ്ട്?

3. വാഹനത്തിന്റെ സ്ഥിരം maintenance പോലെ തന്നെ ഇത്തരം സാധനങ്ങളുടെ അവസ്ഥ കൂടി വിലയിരുത്തണം. നമ്മുടെ കെഎസ്ആർടിസിയിൽ അത് നടത്തുന്നില്ല, എന്തു കൊണ്ട്?

ചിലപ്പോൾ ഇത് ഒരു ഒറ്റപ്പെട്ട സംഭവം ആയിരിക്കും. എങ്കിലും ഒരു പക്ഷെ ഇതൊരു അപകടത്തിൽ ആണ് കലാശിച്ചതു എങ്കിൽ അടുത്തു നമ്മൾ സാക്ഷ്യം വഹിച്ച വലിയ ദുരന്തം പോലെ ഒരു അന്വേഷണം പ്രഖ്യാപിച്ചു ഒരു ആദരാഞ്ജലി അർപ്പിച്ചു മറന്നു കളയും. പക്ഷെ ഓരോ ജീവനും വിലപ്പെട്ടതാണ്.

ഇവിടെ മതിയായ പരിശോധനകൾ നടത്തി ഫിറ്റ്നസ് ചട്ടങ്ങൾ ഉറപ്പു വരുത്താത്ത ഓഫീസർമാരെയോ രാവും പകലും കഷ്ടപെടുന്ന ബസ് ജീവനക്കാരെയോ ഞാൻ കുറ്റപ്പെടുത്തുന്നില്ല. അധികാരപ്പെട്ട ആളുകൾ വേണ്ട രീതിയിൽ ഇടപെടണം. അവശ്യമായ ബോധവൽക്കരണം അല്ലെങ്കിൽ അവബോധം കൊണ്ടു വരണം. ഒരു ശ്രദ്ധക്കുറവ് കൊണ്ട് അപകടം സംഭവിച്ചാൽ നഷ്ടപ്പെട്ട ജീവൻ ഒന്നാണെങ്കിലും 20 ആണെങ്കിലും നഷ്ടം നഷ്ടം തന്നെയാണ്. തകർന്നു പോവുന്നത് ഈ പ്രസ്ഥാനം തന്നെ ആണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post