വർഷത്തിലൊരിക്കൽ 3 ദിവസം മാത്രം തുറക്കുന്ന എറണാകുളം ജില്ലയിലെ ഒരു വനപാത

Total
58
Shares

വിവരണം – സുനീർ ഇബ്രാഹിം.

ഭൂതത്താൻകെട്ട്, തുണ്ടം വഴി മലയാറ്റൂർക്കുള്ള കാട്ടുപാതയിലൂടെയുള്ള യാത്ര, കാടിനെ സ്നേഹിക്കുന്നവർക്ക് ഒരു ദൃശ്യവിരുന്നാണ്‌. വർഷത്തിലൊരിക്കൽ 3 ദിവസം മാത്രം തുറക്കുന്ന ഒരു കാട്ടുപാത, അതാണ് തുണ്ടം കാടപ്പാത. വനം വകുപ്പിന്റെ അനുമതിയോടെ മലയാറ്റൂർ പളളിയിലേയ്ക്ക് പോകുന്ന ഭക്തർക്കായി തുറന്നു കൊടുക്കുന്ന ഈ കാട്ടുപാതയിലൂടെ ഞങ്ങൾ കഴിഞ്ഞയിടയ്ക്ക് യാത്ര ചെയ്തു.

രാവിലെ 6 മുതൽ വൈകുന്നേരം 6 വരെ 3 ദിവസത്തേക്കു പ്രവേശനം ഉണ്ടായിരിക്കും. വനപാലകർക്കു യാത്രികന്റെ വിവരങ്ങൾ നൽകി യാത്ര ചെയ്യാം. ഏതാണ്ട് 14 Km ദൂരമാണ്. ഏറ്റവും കൂടുതൽ ആനകൾ ഉള്ള ഒരു വനമേഖല ആണ്‌, വളരെ ശ്രദ്ധിക്കുക. ഏതാണ്ട് 9 മണിയോടെ പേര് വിവരങ്ങൾ നൽകി ബുള്ളെറ്റ്മായി ഞങ്ങൾ രണ്ടുപേർ വനത്തിൽ കേറി യാത്ര തുടർന്നു. അത്യാവശ്യം ഭീതിപെടുത്തുന്ന വനം, വലിയ നിശബ്ദത. മനുഷ്യരുടെ കൈകടത്തലുകൾ ഇല്ലാത്തതിനാൽ ആ വന്യത അതുപോലെ തന്നെ സൂക്ഷിക്കപ്പെട്ടിരിക്കുന്നു. ഒരു ഭാഗത്ത് ഇടമലയാർ പതഞ്ഞൊഴുകുന്നു!.പ്രളയം താണ്ഡവമാടിയതിന്റെ എല്ലാ ലക്ഷണങ്ങളും ഉണ്ട് . റോഡ് നിറയെ അധികം പഴക്കമില്ലാത്ത ആനപിണ്ഡങ്ങൾ ഏതൊരാളുടെയും നെഞ്ചിടിപ്പ് കൂട്ടും. അതും എല്ലാ 50 മീറ്ററിലും ഒഴിയാതെ ആനപിണ്ഡങ്ങൾ കിടക്കുന്നു. ആനപ്പേടി ഉള്ളിൽ ഉരുണ്ടു കൂടി തുടങ്ങി.

ഞങ്ങളോടൊപ്പമോ എതിരെയോ ഒരു വണ്ടി പോലും കണ്ടില്ല, ഉണ്ടായിരുന്നില്ല. വഴിയിൽ ഏതോ മൃഗത്തിന്റെ എല്ലിൻ കഷണങ്ങൾ ചിതറി കിടക്കുന്നത് കണ്ടു. ഫോറെസ്റ്റ് കാരുടെ ജീപ്പ് കേറി അത് കുറെയൊക്കെ പൊടിഞ്ഞുപോയിട്ടുണ്ട്. റോഡ് നിറയെ കരിയിലകലും, മറച്ചില്ലകളും, തൂങ്ങി ആടുന്ന വള്ളികളും ഒരു അനുഭവം തന്നെ. വണ്ടികൾ പോയതിന്റെ വലിയ ലക്ഷണങ്ങൾ ഒന്നും കണ്ടില്ല. ടയർറിന്റെ പാടുകൾ ഒന്നും അതികം കണ്ടതുമില്ല. 10 KM കഴിഞ്ഞു ഒരു ഫോറെസ്റ്റ് സ്റ്റേഷൻ ഉണ്ട്. അവിടെ എത്തിയപ്പോൾ ചെക്ക്പോസ്റ് താഴ്ത്തി വച്ചിരിക്കുന്നു. ഫോറെസ്റ്റ് കാർ ഞങ്ങളോട് ആനയെ കണ്ടോ എന്നു ചോതിച്ചു. ഇല്ല എന്നു മറുപടിയും പറഞ്ഞു. ഹോ ഭാഗ്യം കാണാതിരുന്നത് എന്നും പറഞ്ഞു അവർ ചിരിച്ചു. ഇന്നലെ ഒക്കെ റോഡിൽ ആകെ ആനയായിരുന്നു. ഇന്നത്തെ ആദ്യത്തെ വണ്ടി ഞങ്ങളുടെ ആണ്. വെറുതെ അല്ല ടയർ പാടുകൾ ഒന്നും കാണാതിരുന്നത്. ആദ്യം പോയി ആനയുടെ ചവിട്ടു കൊള്ളേണ്ട എന്നോർത്താണ് അല്പം വൈകി വന്നത്. അടിപൊളി ആയിട്ടുണ്ട്. നല്ല രസം ഉള്ള റൈഡ് ആണ്, കാടൊക്കെ കണ്ട് ആസ്വദിച്ചു യത്ര ചെയ്യാം. ഈ വർഷത്തെ ആദ്യത്തെ യാത്രികർ എന്ന സന്തോഷവും!!.

Route: ഭൂതത്താൻകെട്ടിൽ നിന്നും ഇടമലയാർ പോകുന്ന വഴിക്ക് പോയാൽ ഇടത് വശത്തേക്ക് ഒരു റോഡ് പോകുന്നുണ്ട്.വളരെ ശ്രദ്ധിച്ചു നോക്കിയാൽ കാടപ്പാറ എന്ന ബോർഡും കാണാം. അതിന്റെ എതിർവശത്തു ഒരു forest സ്റ്റേഷനും ഉണ്ട്. പ്ലാസ്റിക് വനത്തിൽ അനുവദിക്കില്ല, കൊണ്ടു വരാതിരിക്കുക. ഇടി മുഴക്കമുള്ള സൈലെൻസർ പിടിപ്പിച്ച വണ്ടികൾ കടത്തി വിടില്ല, സൗണ്ട് കുറഞ്ഞ വണ്ടി ആയി വരിക. പുഴയിലും വനത്തിലും അനുമതിയില്ലാതെ പ്രവേശനം ഇല്ല. റോഡിൽ മുള്ളുകൾ ഉള്ളതുകൊണ്ട് നല്ല ടയർ ഉള്ള വാഹനങ്ങൾ കൊണ്ടു പോവുക. ആർക്കും ഉപദ്രവമില്ലാതെ നിയമങ്ങൾ അനുസരിച്ചു പോകുക. അടുത്ത വർഷവും പോകണ്ടേ?? പ്രകൃതിയോട് മാന്യത കാണിക്കുക..

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post