അൽപ്പം കാടുകാണുവാൻ പുനലൂരിൽ നിന്നും ഒറ്റ ദിവസത്തെ ഒരു ചിന്ന യാത്ര

Total
0
Shares

വിവരണം – അരുൺ പുനലൂർ.

പ്രതീക്ഷയുടെ അമിത ഭാരമില്ലാതെ ഒരു ദിവസം അൽപ്പം കാട് കാണാനൊന്നു പോകണമെന്ന് തോന്നുന്ന യാത്രാ പ്രിയർക്കു പുനലൂരിൽ നിന്നും ചാലിയക്കര വഴി മാമ്പഴത്തറയിലേക്കും അവിടെ നിന്ന് കുറവൻതാവളം വഴി കറങ്ങിയിറങ്ങി കഴുതുരുട്ടിയിലെത്തിയിട്ട് ഇടത്തോട്ടു തിരിഞ്ഞു തമിഴ്‌നാട്ടിൽ കേറി പമ്പ്ലിയിൽ നിന്ന് ഇടത്തേക്ക് തിരിഞ്ഞു തിരുമല കോവിലിലേക്കോ അച്ചന്കോവിലിലേക്കോ അല്ലെങ്കിൽ നേരെ പോയി സുന്ദരപാണ്ട്യപുരത്തേക്കോ കുറ്റാലത്തേക്കോ തെങ്കാശി ഗോപുരത്തിന് മുന്നിലേക്കോ പോവുകയോ പോണ വഴിക്കു റഹ്മത്ത് ഹോട്ടലിൽ കയറി ‘ബോർഡർ കൊത്തുപൊറോട്ട’ തിന്നിട്ടു വൈകിട്ട് തിരിച്ചു പോരുകയോ ചെയ്യാം.

അൽപ്പം ഓഫ്‌റോഡ് ഡ്രൈവിങ്ങിനു പറ്റിയ വണ്ടിയും ഡ്രൈവറും അങ്ങിനെയുള്ള റോഡിൽ കാട്ടിലും മേട്ടിലുമൊക്കെ പോകാനുള്ള റിസ്ക് എടുക്കാൻ താൽപ്പര്യം ഉള്ളവരും വേണം ഇറങ്ങിത്തിരിക്കാൻ. കാരണം കുറച്ചു റോഡ് നല്ലതാണ് കുറെ മോശവുമാണ്. അതുമാത്രമല്ല ആന കാട്ടുപോത്തു പോലുള്ള വല്യ കുഴപ്പക്കാരല്ലാത്ത ചിലർ സന്ധ്യക്കും രാത്രിയിലും ചിലപ്പോഴൊക്കെ പകലും സഞ്ചരിക്കുന്ന കാട്ടു വഴിയിലൂടെയാണ് നമ്മൾ പോകേണ്ടത്. അവരെ കണ്ടുമുട്ടുന്നതും കാണാൻ പറ്റാതെ പോകുന്നതും അവരവരുടെ തലവര പോലിരിക്കും. വഴിയിൽ ഉണ്ട്‌ എന്നു സൂചന കിട്ടിയാൽ സൂക്ഷിക്കണം. കാട്ടിലൂടെയുള്ള യാത്രയിലെമ്പാടും ചുറ്റുപാടും നല്ല ശ്രദ്ധ വേണം…ഇടക്ക് മനോഹരമായിടങ്ങളിൽ ഇറങ്ങിനിന്നു കാഴ്ച കാണുമ്പോളും ഫോട്ടോയെടുക്കുമ്പോളും പരിസരം കൂടുതൽ ശ്രദ്ധിച്ചോണം.

ഇനി വഴി. പുനലൂർ നിന്ന് നേരെ ചാലിയക്കര എത്തുക ഉപ്പുകുഴിയിൽ നിന്ന് ഇടത്തോട്ട് കനാൽ പാലം കേറി മുകളിലേക്കു നേരെ പോകുന്ന റോഡ് മെറ്റിലിളകി അൽപ്പം പ്രശ്നമാണ്. അൽപ്പം കഴിഞ്ഞാൽ മാമ്പഴത്തറ വരെ നല്ല റോഡാണ്. പോകുന്ന വഴിയിൽ കാടിന്റെ കാഴ്ചകളും ശബ്ദങ്ങളും അതിമനോഹരമാണ്. മാമ്പഴത്തറയിൽ പുരാതനമായൊരു ക്ഷേത്രമുണ്ട്.. അവിടെ നിന്ന് അൽപ്പം മുന്നോട്ടു പോയാൽ ഇടതു വശത്തു കണ്ണീരു പോലെ തെളിഞ്ഞ വെള്ളവും കുഞ്ഞു മീനുകളുമുള്ള ഒരു അരുവിയുണ്ട്. അവിടുന്നങ്ങോട്ട് റബ്ബർ തോട്ടമാണ്.

ഇപ്പൊ മെറ്റൽ ഇളകി കിടക്കുന്ന റോഡാണ് ഉള്ളത്. രണ്ടു കിലോമീറ്റർ പോയാൽ കുറവൻതാവളം ജംഗ്‌ഷനിൽ എത്താം. ഒരു കൊച്ചു ജംഗ്‌ഷൻ. എസ്റ്റേറ്റ് വകയായുള്ള ബാലവാടിയും ചെറിയൊരു കാന്റീനും, രാവിലെയും വൈകിട്ടും മാത്രം തുറക്കുന്ന ചായക്കടയും, റേഷൻകടയും വെയിറ്റിങ് ഷെഡും ഇഷ്ടം പോലെ പാർട്ടി കൊടികളും ദൈവങ്ങളുടെ സ്തൂപങ്ങളുമൊക്കെ ഉണ്ട്‌. അവിടുന്ന് വലത്തേക്കുള്ള വഴിയേ നേരെ വിട്ടാൽ വീണ്ടും രണ്ടു സൈഡും നിബിഢവനമാണ്. ഉയരത്തിലേക്ക് ചെല്ലുംതോറും വശങ്ങളിലേക്ക് നോക്കിയാൽ അസാധ്യമായ ആമ്പിയൻസിൽ ചില നീളൻ കാഴ്ചകൾ കാണാം.

വലിയ മരങ്ങളും ഇടതു വശത്തെ മലയുടെ മുകളിലെ നാഗമല മൊട്ടയും കാണാൻ ഇറങ്ങി നിന്നു അൽപ്പം നേരം കഴിഞ്ഞപ്പോ വലത്തു വശത്തെ കാട്ടിനു മുകളിൽ നിന്ന് ആനയുടെ ചിന്ന അമറൽ ശബ്ദം കേട്ടതും വണ്ടി സ്റ്റാർട്ട് ചെയ്ത് പറപ്പിച്ചു വിട്ടു. ഇടയിൽ ഒരു മലയണ്ണാന്റെ ലീലാവിലാസങ്ങൾ കാണാൻ പറ്റി. മുകളിൽ എത്തിയാൽ പിന്നെ നെടുമ്പാറയിലേക്കുള്ള ഇറക്കമാണ്. ഇടക്കിടക്ക് റോഡിന്റെ പണികൾ നടത്തുന്ന ബംഗാളികളെ കാണാം. മെറ്റലും മെഷനറീസും കൊണ്ടിറക്കിയിട്ടിരിക്കുന്നു. ടാറിങ് ഉടനുണ്ടെന്നു തോന്നുന്നു. അതു കൂടിയായാൽ റോഡ് സൂപ്പർ ആകും.

ഇറക്കം ഇറങ്ങി വരുമ്പോ നാഗമല എസ്റ്റേറ്റുമായി ബന്ധപ്പെട്ട ഒരു പള്ളി കാണാം 1945 ൽ സ്ഥാപിതമായത് എന്ന് എഴുതി വച്ചിട്ടുണ്ട്. പണ്ട് സായിപ്പന്മാരുടെ കാലത്ത് എസ്റ്റേറ്റിൽ ഉണ്ടാക്കിയതാണെന്ന് അനുമാനിക്കാം. ആ പോക്ക് നേരെ നെടുമ്പാറ ജംഗ്‌ഷനിലും അവിടുന്ന് കഴുത്തുരുട്ടിയിലെത്തി. അണ്ടർ പാസേജ് ഇറങ്ങി വലത്തോട്ടു തിരിഞ്ഞു തെന്മല വഴി തിരുവനന്തപുരത്തേക്കോ പുനലൂർക്കോ ഇടത്തോട്ടു തിരിഞ്ഞു തെങ്കാശിക്കോ പോകാം.

ഒറ്റ ദിവസത്തെ ഒരു ചിന്ന യാത്ര എന്നുള്ള നിലയിൽ നിരാശപ്പെടാതെ കുറച്ചു കാഴ്ചകൾ കണ്ടു കണ്ണു നിറച്ചു കാടിന്റെ കുളിരും ഈണങ്ങളും മുരൾച്ചകളും കേട്ടു അനുഭവിച്ചറിഞ്ഞു മടങ്ങിയെത്താം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post