മനോരമ പത്രവും വായിച്ച് കെഎസ്ആർടിസി ബസ്സിൽ യാത്ര ചെയ്യുന്ന സായിപ്പ്

Total
0
Shares

മലയാള മനോരമ പത്രവും വായിച്ചുകൊണ്ട് കെഎസ്ആർടിസി ബസ്സിൽ യാത്ര ചെയ്യുന്ന സായിപ്പ്. കേട്ടിട്ട് കൗതുകം തോന്നുന്നുണ്ടാകും അല്ലേ? എന്നാൽ ഇത് നടന്ന ഒരു സംഭവമാണ്. കൗതുകകരമായ ഈ സംഭവത്തിനു സാക്ഷ്യം വഹിച്ചതിനെക്കുറിച്ചും ആ സായിപ്പിനെക്കുറിച്ചും വിവരിക്കുകയാണ് കെഎസ്ആർടിസി എടത്വ ഡിപ്പോയിലെ കണ്ടക്ടറായ ഷെഫീഖ് ഇബ്രാഹിം. അദ്ദേഹത്തിൻ്റെ കുറിപ്പ് താഴെ കൊടുക്കുന്നു.

ഇത് ടോം. ആനവണ്ടി യാത്ര ഇഷ്ടപ്പെടുന്ന ലണ്ടന്‍ സ്വദേശി. കഴിഞ്ഞ ദിനം എറണാകുളം – കായംകുളം ഡ്യൂട്ടിക്കിടയിലാണ് ഇദ്ദേഹത്തെ പരിചയപ്പെടുന്നത്. എറണാകുളത്ത് നിന്നും ആലപ്പുഴയിലേക്കുളള യാത്ര. ലളിതമായി വസ്ത്രധാരണം. അതിലും ലളിതമായിരുന്നു ഇടപെടല്‍. സാധാരണ വിദേശ സഞ്ചാരികളുടെ ജാഡയോ ഒന്നുമില്ലാതെയുളള ഇടപെടല്‍.

എറണാകുളം സ്റ്റാന്‍ഡില്‍ നിന്നും അദ്ദേഹം മുന്‍വശത്തെ ഡോറിലൂടെ പ്രവേശിച്ച് ബസ്സിന്‍റെ ഏകദേശം മധ്യഭാഗത്ത് സൈഡ് സീറ്റിലായിരുന്നു ഇരുന്നത്. സീറ്റിലിരിക്കുന്ന സമയത്താണ് അദ്ദേഹത്തിന്‍റെ കൈവശമുണ്ടായിരുന്ന രണ്ട് പത്രങ്ങള്‍ ശ്രദ്ധയില്‍ പെട്ടത്‌. ഒരു മലയാള പത്രവും, ഒരു ഇംഗ്ളീഷ് പത്രവും. മലയാള മനോരമ പത്രമായിരുന്നു ആദ്യം ബസ്സില്‍ ഇരുന്ന് അദ്ദേഹം വായിച്ചത്. ടിക്കറ്റ് എല്ലാം കൊടുത്തു കഴിഞ്ഞപ്പോഴാണ് ഈ കൗതുക കാഴ്ച്ച എന്‍റെ കണ്ണിലുടക്കിയത്.

യാത്രക്കാരുടെ എണ്ണം കൃത്യമാണ് എന്ന് ഉറപ്പാക്കിയതിന് ശേഷം അദ്ദേഹത്തെ കൂടുതല്‍ അറിയണമെന്ന ആഗ്രഹത്തോടെ അരികിലെത്തി. ആംഗലേയ ഭാഷയില്‍ ഓരോ കാര്യങ്ങള്‍ ചോദിച്ചപ്പോള്‍ അദ്ദേഹത്തിന്‍റെ മറുപടി മലയാളത്തിലായിരുന്നു. പേര് ചോദിച്ചു. ടോം എന്ന് മറുപടി നല്‍കി. സ്ഥലം ഇംഗ്ളണ്ട്. അദ്ദേഹത്തിനായി സോഫ്റ്റ് വെയര്‍ ഡവലപ്പ് ചെയ്യുന്നതിന് വേണ്ടി മലപ്പുറം എത്തിയതാണ്. ആലപ്പുഴക്കുളള യാത്ര ഇതാദ്യമല്ല.

നമ്മളുടെ നാടിന്‍റെ ഭംഗിയെക്കുറിച്ച് അദ്ദേഹം വാചാലനായി. വളരെയധികം ഇഷ്ടപ്പെടുന്നു പ്രത്യേകിച്ച് ആലപ്പുഴ. മലയാള ഭാഷയില്‍ ആണ് അദ്ദേഹം ഞാനുമായി സംസാരിച്ചത്. അദ്ദേഹത്തിന് സംസാരിക്കാന്‍ മാത്രമായിരുന്നില്ല. പത്രം വായിക്കുവാനും കഴിയുമെന്ന് പറഞ്ഞു. അതിനിടയില്‍ തിങ്കളാഴ്ച്ചത്തെ പണിമുടക്കിനെക്കുറിച്ചും ചോദിച്ചു. ഒരു വിഭാഗം മാത്രമാണ് പണിമുടക്കിയത് എന്ന് അദ്ദേഹത്തിനോട് പറഞ്ഞു. കഴിഞ്ഞ ജൂലൈയില്‍ എത്തിയതാണ്. പണിമുടക്ക് ദിനം പണികിട്ടുമെന്ന് മനസ്സിലാക്കിയ സായിപ്പ് യാത്ര ഒഴിവാക്കുകയായിരുന്നു എന്നും പറഞ്ഞു.

പൊതുവെ മലയാളികള്‍ക്ക് ഒരു പ്രത്യേകതയുണ്ട്. നമ്മള്‍ക്ക് എല്ലാം വ്യക്തമായി അറിഞ്ഞാലേ വിശ്വസിക്കുകയുളളു. അതുകൊണ്ടാകാം ടോം സായിപ്പിനോട് മലയാള പത്രം ഒന്നു വായിച്ചു കേള്‍പ്പിക്കാന്‍ കഴിയുമോ എന്ന്. അതുകേട്ട ഉടന്‍
അദ്ദേഹം മലയാള മനോരമയുടെ ഉള്‍പേജില്‍ മുഖ്യമന്ത്രിയുടെ പ്രസ്ഥാവന വായിച്ചു കേള്‍പ്പിച്ചു. വായിച്ചതിന് ശേഷം അല്പം നാണത്തോടെ “എന്‍റെ ഉച്ചാരണം ശരിയാകുന്നില്ല. മലയാളം കുരച്ചു കുരച്ചു അരിയു” എന്ന്. പക്ഷേ, സാമാന്യം നന്നായി സായിപ്പ് പത്രം വായിച്ചു.

മലയാള ഭാഷയെക്കുറിച്ച് അദ്ദേഹം പറഞ്ഞത് ഏറ്റവും കഠിനമായ ഭാഷ എന്നാണ്. ഒരു സായിപ്പ് അപ്രകാരം പറഞ്ഞപ്പോള്‍ അഭിമാനം തോന്നി. പെട്ടെന്ന് അദ്ദേഹത്തിന് മറുപടി നല്‍കി മലയാളിക്ക് ലോകത്തിലെ ഏത് ഭാഷയും പഠിക്കുവാന്‍ എളുപ്പമാണ് എന്ന്. “കഴിഞ്ഞ ദിനം പണിമുടക്ക് ആയിരുന്നല്ലേ” എന്ന് ടോം എന്നോട് ചോദിച്ചു. KSRTC ആനവണ്ടിയാണ് യാത്രക്ക് എല്ലായ്പ്പോഴും തെരെഞ്ഞെടുത്തിരുന്നത്. മലയാള മനോരമ പത്രം വായിക്കുവാന്‍ എന്തുകൊണ്ട് തെരെഞ്ഞെടുത്തു എന്ന് ചോദിച്ചപ്പോള്‍ ലളിതമായ വാക്കുകള്‍ ആണ് മലയാള മനോരമ ഉപയോഗിക്കുന്നത് ആയതിനാല്‍ എളുപ്പത്തില്‍ വായിക്കുവാന്‍ കഴിയും. അദ്ദേഹത്തെ അഭിനന്ദിക്കുവാന്‍ മറന്നില്ല.

തിരക്കുളള സമയമായതിനാല്‍ കൂടുതല്‍ സംസാരിക്കുവാന്‍ കഴിഞ്ഞില്ല. ഇടക്ക് അദ്ദേഹത്തിനെ ശ്രദ്ധിച്ചിരുന്നു. ആലപ്പുഴ എത്തി ബസ്സ് സ്റ്റാന്‍ഡില്‍ ഇറങ്ങിയപ്പോള്‍ ഒരു ചിത്രം എടുക്കുവാനും മറന്നില്ല. whatsapp നമ്പറും നല്‍കിയിരുന്നു. ചിത്രം അദ്ദേഹത്തിന് അയച്ചു നല്‍കിയിരുന്നു. നല്ലൊരു സൗഹൃദം. മലയാളി എന്ന നിലയില്‍ മനസ്സിനെ സന്തോഷിപ്പ നിമിഷങ്ങള്‍ ആനവണ്ടിയാത്ര നല്‍കി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post