‘ത്രിലോക ലീല’ – റോയൽ മെക്കിൻ്റെ കോളേജ് ടൂർ അടിപൊളിയാക്കാൻ ആനവണ്ടിയും… വീഡിയോ വൈറൽ..

Total
0
Shares

ഒരു വിദ്യാർത്ഥിയുടെ ജീവിതത്തിൽ ഒരിക്കലും മറക്കാൻ കഴിയാത്ത മുഹൂർത്തങ്ങൾ സമ്മാനിക്കുന്ന ഒന്നായിരിക്കും സ്‌കൂൾ – കോളേജ് ടൂറുകൾ. പണ്ടൊക്കെ മൂന്നാറും ഊട്ടിയും മൈസൂരുമൊക്കെയായിരുന്നു കോളേജ് ടൂറുകളുടെ പ്രധാന കേന്ദ്രം. എന്നാലിപ്പോൾ അതൊക്കെ മാറി മണാലിയും ഗോവയുമൊക്കെയാണ് നമ്മുടെ ന്യൂ ജനറേഷൻ പിള്ളേർ ടൂറുകൾക്കായി തിരഞ്ഞെടുക്കുന്നത്. ഇതിനെല്ലാം സപ്പോർട്ട് ചെയ്യുന്ന നല്ല കിടിലൻ അധ്യാപകരും പ്രിൻസിപ്പാളും മാനേജ്‌മെന്റും കൂടിയുണ്ടെങ്കിൽ പറയുകയേ വേണ്ട. കോളേജ് ടൂറുകളിൽ ഏറ്റവും അടിച്ചുപൊളിച്ചു കൊണ്ട് യാത്ര നടത്തുന്ന ടീമാണ് ബിടെക് മെക്കാനിക്കൽ വിഭാഗത്തിലെ കുട്ടികൾ. ‘റോയൽ മെക്ക്’ എന്നറിയപ്പെടുന്ന ഇവർ മറ്റാരേക്കാളും അൽപ്പം വ്യത്യസ്തമായായിരിക്കും ഓരോ പരിപാടികളും അറേഞ്ച് ചെയ്യുക.

പൊതുവെ കോളേജ് ടൂറുകൾ പോകുവാനായി പ്രൈവറ്റ് ടൂറിസ്റ്റ് ബസ്സുകളെയാണ് വിളിക്കാറുള്ളത്. വെറുതെയൊരു ടൂറിസ്റ്റ് ബസ് അയാൾ മാത്രം പോരാ. ബസ്സിൽ ഇടിമുഴക്കം ശബ്ദത്തോടു കൂടിയ മ്യൂസിക് സിസ്റ്റവും, ഡിജെ ക്ലബുകളെ അനുസ്മരിപ്പിക്കുന്ന തരത്തിലുള്ള ലേസർ, എൽ.ഇ.ഡി. തുടങ്ങിയ ലൈറ്റുകളും അതിൽ വേണം. ഇതൊക്കെ കണ്ടു ബോധ്യപ്പെട്ടാൽ മാത്രമേ കോളേജ് പിള്ളേർ ബസ് വാടകയ്ക്ക് ഉറപ്പിക്കൂ. ഇതുമൂലം തങ്ങളുടെ ബസ്സുകൾ മികച്ചവയാക്കുവാൻ ടൂറിസ്റ്റ് ബസ്സുകാർക്കിടയിലും കനത്ത മത്സരമായിരുന്നു. എന്നാൽ ടൂറിസ്റ്റ് ബസ്സുകളിൽ കാതടപ്പിക്കുന്ന പാട്ടുപെട്ടിയും കണ്ണഞ്ചിപ്പിക്കുന്ന ലൈറ്റുകളും പാടില്ലെന്ന മോട്ടോർ വാഹന വകുപ്പിന്റെ നിയമം വന്നതോടെ അത് ടൂറിസ്റ്റ് ബസ്സുകാർക്കും ടൂർ പോകുന്ന കോളേജ് പിള്ളേർക്കും പാരയായി.

അങ്ങനെയിരിക്കെയാണ് വ്യത്യസ്തത വരുത്തുവാനായി ചില കോളേജുകളിലെ റോയൽ മെക്ക് ടീം ഒരു ആശയം കണ്ടെത്തിയത്. ടൂറിസ്റ്റ് ബസ്സുകളെ ഒഴിവാക്കി പകരം കെഎസ്ആർടിസി ബസുകൾ വാടകയ്ക്ക് എടുക്കുക. ടൂറിസ്റ്റ് ബസ്സുകളെ അപേക്ഷിച്ച് കെഎസ്ആർടിസി ബസ്സുകൾക്ക് വാടക അൽപ്പം കൂടുതലാണെങ്കിലും ട്രിപ്പ് എല്ലാവരും ശ്രദ്ധിക്കപ്പെടാൻ ഇത് മികച്ചയൊരു മാർഗ്ഗമാണെന്ന് വിദ്യാർഥികൾ മനസിലാക്കി. അവരുടെ കണക്കുകൂട്ടലുകൾ പിഴച്ചില്ല. റോയൽ മെക്കുകാരുടെ മണാലിയിലേക്കും ഗോവയിലേക്കുമൊക്കെയുള്ള ട്രിപ്പുകൾ സോഷ്യൽ മീഡിയ വഴി ശ്രദ്ധിക്കപ്പെടാൻ തുടങ്ങി. കെഎസ്ആർടിസി ബസ് അലങ്കരിച്ചു രാജാവിനെപ്പോലെ എഴുന്നള്ളിക്കുന്നതായിരുന്നു ഇത് ഇത്രയും ശ്രദ്ധിക്കപ്പെടാനുള്ള പ്രധാന കാരണം. ബസ്സുകളുടെ ബോർഡിൽ മണാലിയും ഗോവയുമൊക്കെയാണ് എഴുതിയിരിക്കുന്നതെങ്കിലും ഈ ബസ്സിൽ അവിടെ വരെ പോകുവാൻ സാധിക്കില്ല. ഒരു രസത്തിനു വേണ്ടി കുട്ടികൾ ചെയ്യുന്നതാണ് ഇങ്ങനെയൊക്കെ.

എന്തായാലും സംഭവം ഹിറ്റായതോടെ ഇപ്പോൾ മിക്ക കോളേജുകളിലും ആനവണ്ടി തന്നെയാണ് താരം. ഏറ്റവുമൊടുവിൽ എസ്.സി.എം.എസ്. കോളേജിലെ വിദ്യാർത്ഥികൾ കെഎസ്ആർടിസി ബസ്സിനെ ആനയിച്ചുകൊണ്ടു വരുന്ന വീഡിയോയാണ് വൈറലായിരിക്കുന്നത്. ബസ്സിന്റെ ബോർഡിൽ ‘ഗോവ’ എന്നെഴുതിയും ബസ്സിനു മുന്നിൽ ‘ത്രിലോക ലീല’ എന്നെഴുതിയ ബാനർ വെച്ചുമാണ് ഇവർ ആഘോഷിച്ചത്. ചാലക്കുടി ഡിപ്പോയുടെ RPC 624 എന്ന ടാറ്റാ ഫാസ്റ്റ് പാസഞ്ചർ ബസ്സായിരുന്നു ഇവർ വാടകയ്ക്ക് എടുത്തത്. ഇതിനിടെ ബസ് ജീവനക്കാരും കുട്ടികളോടൊപ്പം ആഘോഷത്തിൽ പങ്കുചേർന്നതോടെ സംഭവം തകർത്തു. എന്തായാലും പുതു തലമുറയ്ക്കും കെഎസ്ആർടിസി ബസ്സുകൾ ഒരു ഹരമാണെന്നു ഈ സംഭവങ്ങളിലൂടെ വ്യക്തമാണ്. ഇടിമുഴക്കം പാട്ടുകൾ ഇല്ലെങ്കിലും കണ്ണഞ്ചിപ്പിക്കുന്ന ലേസർ ലൈറ്റുകൾ ഇല്ലെങ്കിലും തങ്ങൾക്ക് മാസ്സ് കാണിക്കുവാൻ പറ്റുമെന്നു തെളിയിച്ചിരിക്കുകയാണ് ആനവണ്ടി എന്നറിയപ്പെടുന്ന മലയാളികളുടെ സ്വകാര്യ അഹങ്കാരങ്ങളിൽ ഒന്നായ കെഎസ്ആർടിസിയും.

വിവാഹം. ഉല്ലാസയാത്രകൾ തുടങ്ങിയവയ്ക്ക് കെഎസ്ആർടിസി ബസുകൾ വാടകയ്ക്ക് എടുക്കുവാൻ സാധിക്കും. കൂടുതൽ വിവരങ്ങൾക്ക് : https://bit.ly/2OhaQ3z .

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post