സൂര്യാസ്തമയം കാണുവാൻ പെരുമാതുറക്കാരുടെ ‘ഗോൾഡൻ ബീച്ചി’ലേക്ക്..

Total
6
Shares

വിവരണം – Akhil Surendran Anchal.

ഈ യാത്ര കുടുംബത്തിനൊപ്പം ആയിരുന്നു. ഒരു പാട് നാളുകൾക്ക് ശേഷമാണ് കുടുംബത്തിനൊപ്പം ഒരു യാത്ര ചെയ്യുന്നത്. സൂര്യാസ്തമയം കാണാനായിരുന്നു ഈ മനോഹരമായ യാത്ര. വളരെ മനോഹരമായ സൂര്യാസ്തമയം ആണ് ഇവിടെ നമ്മുടെ നയന നേത്രങ്ങളാൽ കാണാൻ കഴിയുന്നത്. ഞാൻ ഉൾപ്പടെ പത്ത് പേരായിരുന്നു യാത്രയിൽ ഉണ്ടായിരുന്നത് , ഒപ്പം ചേട്ടന്റെയും ,ചേച്ചിയുടെ കുടുംബം .

ഏകദേശം ഒരു 6 മണിക്ക് എത്തിയ ഞങ്ങൾ സൂര്യാസ്തമനം കാണാനായി നിന്നു , അസ്തമയ സൂര്യനെ കാണാൻ എന്താ ഭംഗി. അക്ഷര ലിപികളിൽ എഴുതി തീർക്കാൻ കഴിയില്ല . പക്ഷേ സൂര്യനെ ക്യാമറയിലും , ഫോണിലും പകർത്താൻ കഴിഞ്ഞില്ല നമ്മൾ പറയാറില്ലേ ചില സമയ സന്ദർഭങ്ങൾ. കുറച്ച് ചിത്രങ്ങൾ മാത്രം പകർത്താൻ സാധിച്ചു . എന്നാലും ഒന്ന് പറയാം സഞ്ചാരി സുഹൃത്തുക്കളെ എന്റെ മനസ്സിൽ പതിഞ്ഞ സൂര്യസ്തമയ ദൃശ്യം എന്നും ഹൃദയത്തിലുണ്ടാക്കും. അതു പോലെ തന്നെ എന്റെ കുടുംബമായുള്ള യാത്ര അത് എന്റെ മനസ്സിനെ വളരെ സന്തോഷ പൂർണ്ണമാക്കിയ സമയവും നിമിഷങ്ങളും .

അവധി ദിവസമായതിനാൽ കടൽ തീരത്ത് നല്ല തിരക്കുണ്ടായിരുന്നു. അപ്പോൾ ഒരു കാര്യം മനസ്സിലായി ഞങ്ങൾക്ക് എന്താണന്നോ ഇതിനോടകം തന്നെ ഈ പ്രദേശം ഇത്രയും വിദേശ ടൂറിസ്റ്റുകളുടെയും ആഭ്യന്തര ടൂറിസ്റ്റുകളുടെയും ഇഷ്ട സ്ഥലമായി മാറിക്കഴിഞ്ഞതിന്റെ കാരണം .അവധി ദിവസങ്ങളിലും മറ്റും സ്ത്രീകളും കുട്ടികളും ഉള്‍പ്പെടെ നൂറുകണക്കിന് പേരാണ് പാലത്തില്‍ നിന്നുള്ള കടല്‍, കായല്‍ കാഴ്ചയ്ക്കായി പാലത്തിലേക്കും പെരുമാതുറ തീരത്തുമായി എത്തുന്നത്.

ചിറയിന്‍കീഴ് ഗ്രാമപ്പഞ്ചായത്തിലെ പെരുമാതുറ -താഴംപള്ളി ഭാഗങ്ങളെ ബന്ധിപ്പിച്ചുകൊണ്ട് 259.7 മീറ്റര്‍ നീളത്തിലും പത്തര മീറ്റര്‍ വീതിയിലുമാണ് പെരുമാതുറ പാലം നിര്‍മ്മിച്ചിരിക്കുന്നത്. തീരദേശ ഹൈവേ നടപ്പാക്കലിനും മത്സ്യബന്ധന, ടൂറിസം, ഗതാഗതം തുടങ്ങി വിവിധ മേഖലകളുടെ സമഗ്ര വികസനത്തിനും പുതിയ പ്രതീക്ഷ നല്‍കുന്നതാണ് പാലം. വിദേശികളും സ്വദേശികളും ഉള്‍പ്പെടെ ആയിരക്കണക്കിന് വിനോദ സഞ്ചാരികളുടെ ഇഷ്ട തീരമായിരുന്ന പെരുമാതുറയിൽ ഇപ്പോൾ വിനോദ സഞ്ചാരികൾക്കും സ്വദേശികൾക്കും ചെറിയ ഒരു വേദന പറയാൻ ഉണ്ട് നമ്മളോട്.

കാരണം ഇതാണ് മുതലപ്പൊഴി തീരത്ത് അദാനിയുടെ പോര്‍ട്ട് നിര്‍മാണത്തിന് തുടക്കമായി. ഇതോടെ വര്‍ഷങ്ങളായി കടല്‍ കാഴ്ചയും സൗന്ദര്യവും മതി വരുവോളം ആസ്വാദിച്ചും കടല്‍ കാറ്റിന്റെ തലോടലേറ്റു വാങ്ങിയും ആയിരങ്ങള്‍ ഉല്ലസിച്ച തീരം ഇനി ഓര്‍മ്മയിലേക്ക് മറയുമോ? പെരുമാതുറക്കാര്‍ ഗോള്‍ഡന്‍ ബീച്ച്‌ എന്ന് വിശേഷിപ്പിക്കുന്ന ഈ മനോഹരതീരം അദാനിയുടെ നിയന്ത്രണത്തിലാക്കുന്നതോടെ ഈ പ്രകൃതിയുടെ സന്തുലിതാവസ്ഥ മാറുമോ എന്ന ആശങ്ക എന്റെ മനസ്സിലും ഒരു ചോദ്യ ചിഹ്നമായി മാറി കഴിഞ്ഞു . എങ്കിലും ഇവിടത്തെ കടലോരവാസികള്‍ പുതിയ പ്രതീക്ഷകളിലും സ്വപ്നങ്ങളിലുമാണ്.

മാസങ്ങള്‍ക്ക് മുന്‍പ് അദാനി സര്‍ക്കാറുമായി കരാറുണ്ടാക്കി വാര്‍ഫ് നിര്‍മാണത്തിന് മുതലപ്പൊഴിയിലെത്തിയെങ്കിലും ജനങ്ങളുടെ പ്രതിഷേധത്തെ തുടര്‍ന്ന് തടസപ്പെട്ടിരിന്നു. ഒടുവില്‍ നിരവധി ചര്‍ച്ചകള്‍ക്ക് ശേഷമാണ് സര്‍ക്കാരും അദാനി ഗ്രൂപ്പും നല്‍കിയ പുതിയ പ്രതീക്ഷകള്‍ക്ക് മുന്നില്‍ കഴിഞ്ഞയാഴ്ച വാര്‍ഫ് നിര്‍മാണം തുടങ്ങാന്‍ ജനം പച്ചക്കൊടി കാണിച്ചത് എന്ന് സ്വദേശികളിൽ നിന്ന് മനസ്സിലാക്കാൻ കഴിഞ്ഞു. പെരുമാതുറക്കാരുടെ പുതിയ സ്വപ്നവും , അസ്തമന സൂര്യന്റെ തിരിച്ച് വരവും പുതിയ നാളുകൾക്ക് ശുഭ പ്രതീക്ഷകൾ നൽക്കുമെന്ന അമിത പ്രതീക്ഷയിൽ ഞങ്ങൾ യാത്ര തിരിച്ചു.

പെരുമാതുറ കടൽ തീരത്ത് എത്തിച്ചേരാൻ ദേശീയപാതയിലൂടെ കൊല്ലം ഭാഗത്തു നിന്നു പെരുമാതുറ ബീച്ചിലെത്താൻ കല്ലമ്പലത്തുനിന്നു തിരിഞ്ഞു വർക്കലയെത്തി തീരദേശ പാതയിലൂടെ വിളഭാഗം–അഞ്ചുതെങ്ങ് വഴിയാണു സഞ്ചാരികൾ യാത്രയൊരുക്കുന്നത്. എന്നാൽ ദേശീയപാതയിൽ ആലംകോടുനിന്നു മണനാക്ക് കടയ്ക്കാവൂർ വഴി അഞ്ചുതെങ്ങിലെത്തിയോ കടയ്ക്കാവൂർ ചെക്കാലവിളാകത്തു നിന്നു ചിറയിൻകീഴ് പാതയിലൂടെ ആനത്തലവട്ടം ജംക്‌ഷനിലെത്തി മുഞ്ഞമൂട് പാലം–ബീച്ച് റോഡിലൂടെയോ എളുപ്പത്തിൽ പെരുമാതുറ–മുതലപ്പൊഴി പാലത്തിൽ എത്തിച്ചേരാനാകും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post