ഇന്ത്യ ഇസ്രായേലിന് സമ്മാനിച്ച നഗരം – ഹൈഫ

Total
0
Shares

ലേഖകൻ – വിനോദ് പദ്മനാഭൻ.

ഇസ്രായേൽ മണ്ണിൽ ജ്വലിക്കുന്ന, ഇന്ത്യയുടെ അഭിമാനമാണ് ഹൈഫ. പ്രകൃതി കനിഞ്ഞനുഗ്രഹിച്ച ഹൈഫയുടെ ഓരോ മണൽത്തരിക്കും പറയാനുണ്ടാവും ഇന്ത്യൻ പടയാളികളുടെ പോരാട്ടവീര്യത്തിന്റെ കഥ.

നാനൂറു വർഷങ്ങളായി ഓട്ടോമൻ തുർക്കി സാമ്രാജ്യത്തിന്റെ അധീനതയിലായിരുന്ന ഹൈഫ, സ്വാതന്ത്രത്തിന്റെ വെളിച്ചം കണ്ടത് 1918 സെപ്റ്റംബർ 23 നാണ്. കരുത്തരായ ഓട്ടോമൻ തുർക്കി സൈന്യത്തെയും ജർമ്മൻ പട്ടാളത്തെയും കീഴ്പെടുത്തിയത് ഇന്ത്യൻ നാട്ടുരാജ്യങ്ങളായ ജോധ്പൂരിന്റെയും മൈസൂരിന്റെയും കുതിരപ്പടയാളികളായിരുന്നു. കുന്തവും വാളും മാത്രം കൈമുതലായ അവർ പീരങ്കികളും യന്ത്രത്തോക്കുകളും കളിക്കോപ്പുകൾ പോലെയാണ് നേരിട്ടത്. തീ തുപ്പുന്ന തോക്കുകൾക്ക് കുതിച്ചു പാഞ്ഞെത്തിയ കുതിരപ്പടയെ തടഞ്ഞു നിർത്താനായില്ല.

ഒന്നാം ലോകമഹായുദ്ധകാലത്ത് ബ്രിട്ടന്റെ കീഴിൽ യുദ്ധം ചെയ്തു കൊണ്ടിരുന്ന മൂന്ന് നാട്ടുരാജ്യങ്ങളായിരുന്നു ജോധ്‌പൂരും, മൈസൂരും, ഹൈദരാബാദും. അതിൽ മൈസൂരും ജോധ്‌പൂരും നേരിട്ടുള്ള യുദ്ധത്തിൽ പങ്കെടുത്തപ്പോൾ ഹൈദരാബാദ് പിന്നിൽ നിന്ന് കരുത്തേകി. വാർത്താ വിനിമയവും, പരിക്കേറ്റ സൈനികരെ ചികിൽസിക്കുന്നതും ഹൈദരാബാദിന്റെ കടമയായിരുന്നു.

ഒന്നാം ലോകമഹായുദ്ധത്തിന്റെ അവസാന നാളുകളിൽ ഓട്ടോമൻ സാമ്രാജ്യത്തെയും ജർമൻ പടയാളികളെയും തുരത്തി ഹൈഫയെ സ്വാതന്ത്രമാക്കിയതാണ് ഇന്ത്യ ഇസ്രായേലിനു (സാങ്കേതികമായി ഇസ്രായേൽ എന്ന രാജ്യം അന്ന് സ്ഥാപിതമായിട്ടില്ല) നൽകിയ ഏറ്റവും വിലപ്പെട്ട സമ്മാനം.

ചരിത്രത്തിലെ ഏറ്റവും മികച്ചതും ഒടുവിലത്തേതും എന്ന് ചരിത്രകാരന്മാർ രേഖപ്പെടുത്തിയ അശ്വയുദ്ധത്തിൽ അസംഖ്യം തുർക്കി,ജർമ്മൻ പടയാളികൾ വധിക്കപ്പെടുകയും ആയിരക്കണക്കിനു പേർ ഇന്ത്യൻ സൈന്യത്തിന്റെ തടവിലാവുകയും ചെയ്തു. നേട്ടത്തിനൊടുവിൽ ഇന്ത്യൻ പക്ഷത്ത്‌ നിന്നും 8 സൈനികരും അറുപതോളം കുതിരകളും കൊല്ലപ്പെട്ടു. ഹൈഫയെ മോചിപ്പിച്ചുവെങ്കിലും ജോധ്പൂരിന്റെ സൈനിക മേധാവിയായ മേജർ ദൽപത്‌ സിംഗ്‌ ഷെഖാവത്ത്‌ യുദ്ധത്തിൽ കൊല്ലപ്പെട്ടു. ഹൈഫക്ക്‌ വേണ്ടി പൊരുതി വീണ ഷെഖാവത്താണ് “ഹൈഫ യുദ്ധ”ത്തിന്റെ വീരനായകനായി അറിയപ്പെടുന്നത്..

1930 ൽ സ്ഥാപിതമായ തീൻ മൂർത്തി ഭവന്, ആ പേര് നൽകാൻ കാരണം ഈ മൂന്ന് നാട്ടുരാജ്യങ്ങളോടുള്ള ബഹുമാനാർത്ഥമായിരുന്നു. ആദ്യ ഇന്ത്യൻ പ്രധാനമന്ത്രി ആയിരുന്ന ജവഹർലാൽ നെഹ്‌റു, പ്രധാനമന്ത്രി പദത്തിലേറി മരണം വരെയുള്ള കാലഘട്ടം ഇവിടെ ആയിരുന്നു ചിലവഴിച്ചത്.

കാതങ്ങൾക്കപ്പുറത്ത് ഇന്ത്യൻ പട നേടിയെടുത്ത വിജയത്തിന്റെ ഓർമ്മയ്ക്കായി എല്ലാ വർഷവും സെപ്റ്റംബർ 23 നു ഇന്ത്യൻ സൈന്യം ഹൈഫ ദിനമായി ആചരിക്കുന്നു. ഡൽഹി നഗരത്തിലെ തന്ത്രപ്രധാനമായ സ്ഥലങ്ങളിലൊന്നായ തീൻ മൂർത്തി ചൗക്ക് റോഡ്, ഇപ്പോൾ തീൻമൂർത്തി ഹൈഫ ചൗക്ക് റോഡ് എന്നാണറിയപ്പെടുന്നത്. ഇന്ത്യയും ഇസ്രയേലും തമ്മിലുള്ള ചരിത്ര ബന്ധത്തിന്റെ നൂറാം വാർഷികസ്മരണ പുതുക്കുന്ന വേളയിൽ ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ഇന്ത്യ സന്ദർശിച്ചപ്പോൾ ആണ് ഈ തീരുമാനം കൈക്കൊണ്ടത്.

ഇസ്രായേൽ മണ്ണിലെ ഇന്ത്യൻ വിജയഗാഥയുടെ നഷ്ടപെട്ട ശേഷിപ്പുകളായി ഒരു സിമിത്തേരി ഇസ്രായേലിൽ ഇന്നും നിലനിൽക്കുന്നു. പോർക്കളത്തിൽ പൊലിഞ്ഞു വീണ ധീരന്മാർക്കായി ഹൈഫയുടെ മണ്ണിൽ ഒരിടം കാത്തു വെച്ചിരിക്കുന്നു. തനിക്കു വേണ്ടി പൊരുതി വീണ വീരന്മാർക്കായി ഹൈഫയുടെ ആത്മാവിൽ നിന്നും സമർപ്പിതമായൊരിടം. ബഹായ്‌ മതക്കാരുടെ ആഗോള തീർത്ഥാടന കേന്ദ്രവും കൂടിയാണ് ഹൈഫ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ജോസഫ് കോനി – ഒരുകാലത്ത് ജനങ്ങളുടെ പേടിസ്വപ്നമായ ആഫ്രിക്കൻ ഭീകരൻ

എഴുത്ത് – ടിജോ ജോയ്. വളരെ യാദൃച്ഛികമായാണ് നാഷണൽ ജിയോഗ്രഫിയില്‍ Warlords Of Ivory എന്നൊരു ഫീച്ചർ കാണാനിടയായത്. രാത്രി പന്ത്രണ്ടുമണി വരെ നീണ്ട ആ ഫീച്ചറില്‍ നിന്നാണ് ഉഗാണ്ടയിലെ LRA യെ കുറിച്ചും ജോസഫ് കോനിയെ കുറിച്ചും അറിഞ്ഞത്. കൂടുതൽ…
View Post

ഒയ്മ്യക്കോന്‍ – സ്ഥിരജനവാസമുള്ള ഭൂമിയിലെ ഏറ്റവും തണുത്ത പ്രദേശം

എഴുത്ത് – ബക്കർ അബു (എഴുത്തുകാരൻ, നാവികൻ എന്നീ നിലകളിൽ പ്രശസ്തനാണ്). കൊറിയയില്‍ നിന്ന് നോര്‍ത്ത് ജപ്പാനിലെ ഹോക്കൈടോ സ്ട്രൈറ്റ്‌ വഴി ഈസ്റ്റ്‌ സൈബീരിയന്‍ സീയിലെ തണുത്ത കാറ്റും കൊണ്ട് സൂര്യനെയൊന്നും കാണാതെ അലൂഷ്യന്‍ ദ്വീപിന്‍റെ ഉത്തരഭാഗത്തുള്ള കൊടുങ്കാറ്റു കാലാവസ്ഥയില്‍ അമേരിക്കയിലേക്ക്…
View Post

ഡൽഹി – മുംബൈ റോഡ് മാർഗ്ഗം ഇനി 13 മണിക്കൂറിൽ ഓടിയെത്താം

ഇന്ത്യയുടെ തലസ്ഥാനമായ ഡൽഹിയിൽ നിന്നും വാണിജ്യ തലസ്ഥാനമായ മുംബൈയിലേക്ക് എളുപ്പത്തിൽ എത്തുവാൻ ഒരു എക്സ്പ്രസ്സ് വേ. വെറും പദ്ധതി മാത്രമല്ല, സംഭവം ഉടനെ യാഥാർഥ്യമാകും, 2023 ജനുവരിയിൽ. ആദ്യം 2021 ല്‍ പൂര്‍ത്തിയാക്കുമെന്ന് അറിയിച്ചിരുന്നെങ്കിലും കോവിഡിന്റെ പശ്ചാത്തലത്തില്‍ പ്രവൃത്തികള്‍ നീളുകയായിരുന്നു. ഈ…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

കെ.പി.എൻ. ട്രാവൽസ് – ഒരു ക്ലീനർ തുടങ്ങിവെച്ച ബസ് സർവ്വീസ് സംരംഭം

ഹൈവേകളിലും മറ്റും നിങ്ങൾ കണ്ടിട്ടുണ്ടാകും KPN എന്ന് പേരുള്ള ബസ്സുകളെ. അതെ, സൗത്ത് ഇന്ത്യയിലെ പേരുകേട്ട ബസ് ഓപ്പറേറ്ററാണ് KPN ട്രാവൽസ്. 1972 ൽ തമിഴ്‌നാട് സ്വദേശിയായ കെ.പി. നടരാജൻ രൂപം നൽകിയ സ്ഥാപനമാണ് കെ.പീ.എൻ ട്രാവൽസ്. വെറും ഏഴാം ക്ലാസ്…
View Post

അബുദാബിയുടെ സ്വന്തം ഇത്തിഹാദ് എയർവേയ്‌സ്

യുണൈറ്റഡ് അറബ് എമിറേറ്റ്സിന്റെ ഒരു ഫ്ലാഗ് കാരിയർ എയർലൈനാണ്‌ ഇത്തിഹാദ് എയർവേയ്‌സ്. ഇത്തിഹാദിന്റെ ചരിത്രവും വിശേഷങ്ങളുമാണ് ഈ ലേഖനത്തിലൂടെ നിങ്ങൾക്കു മുന്നിൽ അവതരിപ്പിക്കുവാൻ ശ്രമിക്കുന്നത്. യുണൈറ്റഡ് അറബ് എമിറേറ്റ്സിന്റെ രണ്ടാമത്തെ ഫ്ലാഗ് കാരിയർ എയർലൈനായ ഇത്തിഹാദ് എയർവേയ്‌സ് 2003 ലാണ് പ്രവർത്തനമാരംഭിക്കുന്നത്.…
View Post

ഇരിങ്ങാലക്കുടയിൽ നിന്ന് സത്യമംഗലം കാട് വഴി ബാംഗ്ലൂർ യാത്ര

വിവരണം – വൈശാഖ് ഇരിങ്ങാലക്കുട. പുതിയ വണ്ടിയെടുത്തു ആദ്യമായി നാട്ടിൽ വന്നു തിരിച്ചു പോവുകയാണ്. രാവിലെ ഏഴേകാലോടെ ഇരിങ്ങാലക്കുടയിൽ നിന്നും പുറപ്പെട്ടു. മാപ്രാണം ഷാപ്പ് കഴിഞ്ഞു, മാപ്രാണത്തു നിന്ന് വലത്തോട്ട് തിരിഞ്ഞു പ്രാവിന്കൂട് ഷാപ്പ്, വാഴ, നന്തിക്കര വഴിയാണ് ഹൈവേയിൽ കയറിയത്.…
View Post

മലയാളികൾ ‘ഇരട്ടപ്പേര്’ നൽകിയ ചില വാഹനങ്ങളെ പരിചയപ്പെടാം..

എന്തിനുമേതിനും ചെല്ലപ്പേരുകൾ ഇടാൻ നമ്മൾ മലയാളികളെ കഴിഞ്ഞേയുള്ളൂ മറ്റാരും. പല കാര്യങ്ങളിൽ നാം മലയാളികളുടെ ഈ കഴിവ് കണ്ടുകൊണ്ടിരിക്കുകയാണ്.ഇത്തരത്തിൽ ഇരട്ടപ്പേരുകൾ കൂടുതലും വീണിരിക്കുന്നത് വാഹനങ്ങൾക്കാണ്. പഴയ കൽക്കരി ബസ്സുകളെ കരിവണ്ടിയെന്നു വിളിച്ചു തുടങ്ങിയതു മുതൽ ഇത്തരം പേരിടൽ വളരെ കെങ്കേമമായി ഇന്നും…
View Post

വ്യക്തികളുടെ പേരിൽ പ്രശസ്തമായ കേരളത്തിലെ സ്ഥലങ്ങൾ..

ഓരോ സ്ഥലങ്ങളുടെയും പ്രശസ്തിക്കു പിന്നിൽ പല കാരണങ്ങളും ഉണ്ടായിരിക്കും. ചില സ്ഥലങ്ങൾ ടൂറിസ്റ്റു കേന്ദ്രങ്ങൾ കൊണ്ട് പ്രശസ്തമാകും. ചിലത് ചരിത്രപരമായ സംഭവങ്ങൾ കൊണ്ടും. എന്നാൽ ഇവയെക്കൂടാതെ ചില വ്യക്തികൾ കാരണം പ്രശസ്തമായ അല്ലെങ്കിൽ പേരുകേട്ട ചില സ്ഥലങ്ങളുണ്ട് നമ്മുടെ കേരളത്തിൽ. ഈ…
View Post