ഹർത്താലിൽ തകർന്നത് നൂറോളം KSRTC ബസ്സുകൾ; വിലാപയാത്ര..

Total
0
Shares

സംസ്ഥാനത്ത് ഇന്നു (03-01-2019) നടന്ന ഹർത്താലിൽ പരക്കെ അക്രമങ്ങളുണ്ടായി. സാധാരണ ഹർത്താലുകളിൽ നിന്നും ഒരൽപ്പം കൂടുതലായി ഇത്തവണ നാശനഷ്ടങ്ങൾ സഹിക്കേണ്ടി വന്നിരിക്കുന്നത് കെഎസ്ആർടിസിയ്ക്ക് ആണ്. രണ്ടു ദിവസമായി നടക്കുന്ന അക്രമ പരമ്പരകളിലായി തകർന്നത് നൂറോളം കെഎസ്ആർടിസി ബസ്സുകളാണ്. ഇതിലൂടെ കെഎസ്ആർടിസിയ്ക്ക് ഉണ്ടായിരിക്കുന്ന നഷ്ടം മൂന്നരക്കോടി രൂപയോളമാണെന്നു കെഎസ്ആർടിസി എംഡി ടോമിൻ തച്ചങ്കരി അറിയിച്ചു.

കടക്കെണിയിൽ നിന്നും കരകയറുവാൻ ശ്രമിക്കുന്നതിനിടെയാണ് കെഎസ്ആർടിസിയ്ക്ക് വീണ്ടും കടബാധ്യത ഹർത്താൽ ദിനത്തിൽ സമ്മാനിച്ചത്. ബസ്സുകള്‍ തകര്‍ക്കപ്പെട്ടതുമൂലം ഉണ്ടായ നഷ്ടം മാത്രമാണ് വിലയിരുത്തിയിട്ടുള്ളത്. സര്‍വീസുകള്‍ മുടങ്ങുന്നതുമൂലം ഉണ്ടായകുന്ന നഷ്ടം കണക്കാക്കാന്‍ ദിവസങ്ങളെടുക്കും.  അതുപോലെതന്നെ അക്രമങ്ങളിൽ തകർന്ന ബസുകൾ നന്നാക്കി തിരികെ സർവ്വീസ് നടത്തുവാൻ ദിവസങ്ങളെടുക്കും.

കെഎസ്ആർടിസിയ്ക്ക് എതിരെയുള്ള അക്രമങ്ങളിൽ പ്രതിഷേധിച്ച് തിരുവനന്തപുരത്ത് തകർക്കപ്പെട്ട ബസ്സുകളുമായി കെഎസ്ആർടിസി ജീവനക്കാരുടെ വിലാപയാത്ര നടന്നു. തിരുവനന്തപുരത്തെ കെഎസ്ആർടിസി ചീഫ് ഓഫീസിൽ നിന്നും പാളയം രക്തസാക്ഷി മണ്ഡപത്തിലേക്ക് ആയിരുന്നു ജീവനക്കാർ ബസ്സുകളുടെ വിലാപയാത്ര നടത്തിയത്. കെഎസ്ആർടിസി എംഡി ടോമിൻ തച്ചങ്കരിയുടെ നേതൃത്വത്തിലായിരുന്നു ഇത്തരത്തിൽ വ്യത്യസ്തമായ ഒരു പ്രതിഷേധ യാത്ര സംഘടിപ്പിച്ചത്.

“ഇതിനൊന്നും ഞാൻ ഉത്തരവാദി അല്ല, ദയവായി എന്നെ എറിഞ്ഞു തകർക്കരുത്. ഒരുപാടുപേരുടെ അന്നമാണ്” എന്ന ബാനർ കെട്ടിയായിരുന്നു ബസ്സുകൾ വിലാപയാത്ര നടത്തിയത് എന്നതും ശ്രദ്ധേയമാണ്. മുൻപ് കാവേരി പ്രശ്നത്തിൽ കർണാടക ആർടിസി ബസ്സുകൾ തകർത്തപ്പോൾ ബെംഗളൂരുവിൽ ഇത്തരത്തിൽ വിലാപയാത്ര നടത്തി BMTC ദേശീയ ശ്രദ്ധ ആകർഷിച്ചിരുന്നു. ഇന്ന് കേരളത്തിൽ നടന്ന ക്രമങ്ങളിൽ കർണാടക ആർടിസി ബസുകൾക്കും കേടുപാടുകൾ സംഭവിച്ചിട്ടുണ്ട്.

ബസുകൾക്കെതിരെയുള്ള ആക്രമണങ്ങൾ വർധിച്ചതോടെ സർവീസുകൾ നിർത്തിവയ്ക്കാൻ കെഎസ്ആർടിസി നിർബന്ധിതമായി. സർവ്വീസ് നടത്തിയ ബസ്സുകളെക്കൂടാതെ വിവിധ ഡിപ്പോകളിൽ നിർത്തിയിട്ടിരുന്ന ബസ്സുകൾക്ക് നേരെയും ആക്രമണം ഉണ്ടായി. കൂടുതലും ഓർഡിനറി ബസ്സുകളാണ് അക്രമങ്ങൾക്ക് ഇരയായത്. ഇതുവരെ തകർക്കപ്പെട്ട ബസുകളുടെ വിശദവിവരങ്ങൾ കെഎസ്ആർടിസി പുറത്തുവിട്ടിട്ടുണ്ട്.

പ്രളയം വന്നപ്പോൾ എല്ലാവർക്കും അവശ്യ വസ്തുക്കൾ എത്തിക്കുന്നതിനും മറ്റും താങ്ങും തണലും രക്ഷകനുമായി നിന്ന കെഎസ്ആർടിസി ബസ്സുകളെ മാസങ്ങൾക്കിപ്പുറം എറിഞ്ഞുതകർത്ത് നന്ദി പ്രകടിപ്പിച്ചതിനെതിരെ സോഷ്യൽ മീഡിയയിൽ ശക്തമായ പ്രതിഷേധം ഉയരുകയാണ്. അക്രമങ്ങൾക്കെതിരെ ധാരാളം ട്രോളുകളും ഫേസ്‌ബുക്കിൽ വൈറലായിക്കഴിഞ്ഞു. എന്തു പ്രശ്നമുണ്ടായാലും കെഎസ്ആർടിസിയുടെ മേൽ കയറുന്നവരോട് ഒരു വാക്ക് – “ഏതൊരു ദുർഘട അവസ്ഥയിലും ഓടിയെത്താൻ നമ്മുടെ ആന വണ്ടികൾ തന്നെ വേണം എന്നോർക്കണം.. എറിയുന്നവന്റെ കൂടി വിയർപ്പിന്റെ മണമുണ്ട് ഈ പ്രസ്ഥാനത്തിന്….. ഓർത്താൽ നന്ന്…..”

ചിത്രങ്ങൾ – കെഎസ്.ആർ.ടി.സി. ബ്ലോഗ് ഗ്രൂപ്പിൽ പോസ്റ്റ് ചെയ്തവ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post