കുടുംബവുമൊത്ത് ഒരു ഹൈറേഞ്ച് യാത്ര; മറക്കാനാവാത്ത ഓർമ്മകൾ

Total
69
Shares

വിവരണം – Denny P Mathew.

തനിച്ചുള്ള യാത്രകളാണ് പ്രിയപ്പെട്ടത്‌. എങ്കിലും ചില നേരങ്ങളിൽ കുടുംബവുമൊത്തു യാത്ര പോവുന്നത് ബന്ധങ്ങളുടെ നീർചാലുകളിൽ പരസ്പര സ്നേഹത്തിന്റെ ആഴം വർധിപ്പിക്കും.
അപ്പോൾ മാത്രം നാം അത്ഭുതപ്പെടുക, ഈ യാത്രക്ക് ഇവരൊക്കെ ഇത്ര കൊതിച്ചിരുന്നോ എന്ന്. ജോലിത്തിരക്കുകളുടെയും ഓട്ടപ്പാച്ചിലുകളുടെയും ഇടയിൽ നാം പലപ്പോഴും കുടുംബത്തോട് ചോദിയ്ക്കാൻ മറന്നുപോവുന്നൊരു ചോദ്യമുണ്ട്. “നമുക്കൊരു യാത്ര പോയാലോ?”

സംഭവം 2018 ലാണ്. രണ്ടു ദിവസത്തെ യാത്രയാണ് തീരുമാനിച്ചത്. അവസാനദിവസം എത്തിയ ഹർത്താലെന്ന ദുഷിച്ച നാട്ടുവ്യവസ്ഥ അത് മൂന്നു ദിവസമാക്കി നീട്ടി. കോഴഞ്ചേരിയിൽ നിന്നും ഒരിന്നോവയിൽ ഞങ്ങൾ ആറുപേരടങ്ങുന്ന സംഘം യാത്ര പുറപ്പെട്ടു. 82 വയസുള്ള ശോശാമ്മച്ചിയായിരുന്നു ഞങ്ങളുടെ സംഘത്തിലെ ഇളയകുട്ടി. കോഴഞ്ചേരിയിൽ നിന്നും റാന്നി എരുമേലി മുണ്ടക്കയം കുട്ടിക്കാനം വഴി ഏലപ്പാറയിലെ ആന്റിയുടെ വീട്ടിലെത്തി. വഴിയിലൊക്കെ വണ്ടി നിർത്തി കണ്ണുകൊതിച്ച കാഴ്ചകളൊക്കെ ആവോളം കണ്ടു. മുറിഞ്ഞപ്പുഴയിലെ വെള്ളച്ചാട്ടം നിറഞ്ഞൊഴുകുന്നൊരു മഴക്കാലമായിരുന്നു അത്.

എന്തിനും സ്വന്തം നാട്ടിൽ വിലയില്ല എന്ന് പറയുംപോലെ നമ്മുടെ നാട് പലപ്പോഴും നാം ശരിയായി കണ്ടുതീർത്തിട്ടില്ല എന്ന അഭിപ്രായമാണെനിക്ക്. കുട്ടിക്കാനമെത്തിയപ്പോഴേക്കും മഞ്ഞിന്റെ തണുപ്പ് ശോശകൊച്ചിനെ ബുദ്ധിമുട്ടിച്ചു തുടങ്ങി. വൈകിട്ട് ഏലപ്പാറയിലെ വീട്ടിൽ തങ്ങി.

അടുത്ത ദിവസം രാവിലെ ഉണരണമെന്നു ആലോചിച്ചെങ്കിലും ഹൈറേഞ്ചിലെ തണുപ്പല്ലേ! എല്ലാരും അങ്ങുറങ്ങി. അമ്മച്ചിയെ അവിടെ നിർത്തി പത്തുമണിയോടെ വീണ്ടും യാത്ര തുടങ്ങി, ഇടുക്കിയുടെ ഹൃദയത്തിലൂടെ. ഡാമൊഴികെ വേറെ ടിക്കറ്റെടുത്തു കാണാവുന്ന ഒരു സ്ഥലത്തും ഞങ്ങൾ കയറിയില്ല. കാട്ടുവഴികളുടെ വിജനതതന്നെ ഞങ്ങളുടെ യാത്രകളെ ആവോളം നിറക്കാനുതകുന്നതായിരുന്നു. കാണാൻ നല്ല സ്ഥലം തിരിച്ചറിയണമെങ്കിൽ വഴിവക്കത്തെ പ്ലാസ്റ്റിക്ക് കുപ്പിയുടെ കൂമ്പാരത്തിനടുത്തു വണ്ടി നിർത്തിയാൽ മതി എന്നായിട്ടുണ്ട്.

മഹേഷിന്റെ കട്ടപ്പനയിലൂടെ കമ്പംമെട്ടിലെ മറ്റൊരു ബന്ധുവീട്ടിലെത്തി. നാളെ ഹർത്താലാണെന്നറിഞ്ഞപ്പോൾ ആദ്യം നിരാശ തോന്നി. അപ്പോഴാണ് ഒരു ചെക്ക്പോസ്റ്റിനപ്പുറമുള്ള തമിഴ്‌നാട്ടിലെ ചുരുളിപ്പട്ടി വെള്ളച്ചാട്ടത്തെ പറ്റി കേട്ടത്. രാവിലെ അവിടെനിന്ന് ഹർത്താലിന് മുന്നേ കമ്പം ചെക്ക്‌പോസ്റ്റ് കടന്നു. തമിഴൻ വീട്ടുമറ്റം പോലെ സൂക്ഷിച്ചിരിക്കുന്ന അവന്റെ കൃഷിയിടം ശരിക്കും അവരോടു ബഹുമാനം തോന്നിപ്പിച്ചു. കമ്പത്തുനിന്നും 27 കിലോമീറ്ററുകൾ കടന്നു സുരുളിപ്പട്ടിയിലെത്തി. പത്തു രൂപയാണ് പാസ്.

പത്തുനൂറ് പടികയറി മുകളിലെത്തിയപ്പോൾ പണ്ടെങ്ങോ വെള്ളമൊഴുകിപ്പോയ തെളിവുമാത്രം അവശേഷിപ്പിച്ചു ഒരു പാറക്കൂട്ടം. കൗണ്ടറിൽ നിന്നും ആദ്യമേ പറഞ്ഞിരുന്നു മഴയില്ലാത്തതുകൊണ്ടു അവിടെ വെള്ളമില്ല എന്ന്. എങ്കിലും മരങ്ങൾ തിങ്ങിനിറഞ്ഞ വഴിയിലെ പടികെട്ടുകളുടെ ഭംഗിയിൽ കൗതുകം തോന്നി അങ്ങ് നടന്നു. വാനരകുടുംബങ്ങളുടെ കസർത്തുകൾ കണ്ടിരിക്കാനും മാത്രമുണ്ട്.

വൈകുന്നേരത്തോടെ ഞങ്ങൾ തമിഴ്‌നാടിറങ്ങി. പ്രകൃതിയോടുള്ള മലയാളിയുടെയും തമിഴന്റെയും സമീപനം ഈ യാത്രയിൽ വ്യക്തമായി കണ്ടറിഞ്ഞു. പ്രകൃതി കൂടുതലായി അനുഗ്രഹിച്ചതു നമ്മെയാണെങ്കിലും അതിനെ ആദരിക്കുന്നതിൽ തമിഴൻ നമുക്ക് മാതൃകയാണ്. കാശിയല്ല കൗതുകം, കാശിയിലേക്കുള്ള യാത്രകളാണ്. ആ വഴിയോരത്തും ഒരായിരം നിറമുള്ള കാഴ്ചകളുണ്ട്. കാശിമാത്രം ലക്‌ഷ്യം വെച്ചിറങ്ങിയാൽ നാം പലപ്പോഴും അത് കണ്ടില്ലെന്നു വരും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post