ബീഫിനൊരു മാഷും… മാഷിനൊരു ഹോട്ടലും…

Total
0
Shares

വിവരണം – Vishnu A S Nair.

മലയാളികളുടെ ബീഫ് പ്രേമം വിശ്വപ്രസിദ്ധമാണല്ലോ… ആരൊക്കെ എന്തൊക്കെ പറഞ്ഞാലും ബീഫെന്നത് നമുക്കതൊരു വിചാരമാണ്, കൂടെയൊരു വികാരവുമാണ്.നമ്മുടെ തിരുവനന്തപുരത്തിന്റെ തിരുമുറ്റത്ത് തട്ടുകട മുതൽ നക്ഷത്ര ഹോട്ടലുകളിൽ വരെ (കാശിന്റെ കാര്യത്തിൽ നമ്മളെയും നക്ഷത്രമെണ്ണിക്കും) പല രുചിയിലും ഭാവത്തിലുമുള്ള ബീഫ് വിഭവങ്ങൾ ലഭ്യമാണെന്നിരിക്കലും ബീഫ് ഫ്രൈയ്യോട് എന്തോ വല്ലാത്തൊരു ഇഷ്ടമാണ് നമുക്ക്. അങ്ങനെ നല്ല ഇഞ്ചിയുടെയും വെളുത്തുള്ളയുടെയും വീട്ടിൽ വാങ്ങിച്ചു പൊടിച്ചുണ്ടാക്കിയ നല്ല നാടൻ മസാലകൂട്ടിൽ പൂണ്ടു വിളയാടി അവസാനം വെളിച്ചെണ്ണയിൽ സ്ഫുടം ചെയ്തെടുത്ത് മണിക്കൂറുകളോളം തീയിൽ കിടന്നു പരുവം പറ്റിയ നല്ല കിടുക്കാച്ചി നാടൻ ബീഫ് ഫ്രൈ കഴിക്കണോ ?? എങ്കിൽ നേരെ വിട്ടോ മുതുവിളയിലെ ഹോട്ടൽ മാഷിലേക്ക്..

തിരുവനന്തപുരത്തു നിന്നും ഏതാണ്ട് 32 കിലോമീറ്റർ മാറി സ്ഥിതി ചെയ്യുന്നൊരു ഗ്രാമമാണ് മുതുവിള. ആധുനികതയുടെ വഴുക്കലുകളിലേക്ക് ഇനിയും പൂർണ്ണമായി കാലിടറാതെ ഗ്രാമീണ ഭംഗിയുടെയും നേർമ്മയുടെയും കവലകളുടെയും ഒരിറ്റ് പരിലാളനങ്ങൾ ഏറ്റു വാങ്ങുന്ന മുതുവിളയെന്ന കൊച്ചു ഗ്രാമം. ഈ ഗ്രാമത്തിന്റെ ഹൃദയഭാഗത്താണ് ഹോട്ടൽ മാഷിന്റെ ആസ്ഥാനം. 23 വര്ഷത്തോളമുള്ള പ്രവർത്തിപരിചയമുണ്ട് ഹോട്ടൽ മാഷിന്. മുൻപ് മുതുവിള ജംഗ്ഷനിലായിരുന്നു സ്ഥാനമെങ്കിൽ കഴിഞ്ഞ അഞ്ചു വർഷങ്ങളായി ജംഗ്ഷനിൽ നിന്നും ഒരു 100 മീറ്റർ മാറി കല്ലറ പോകുന്ന വഴിയിൽ വലതു വശത്തായാണ് ഹോട്ടലിന്റെ സ്ഥാനം. ഇക്കാലമത്രയും ഹോട്ടലിന്റെ കുശിനിയിലും വിളമ്പും എല്ലാം കൈകാര്യം ചെയ്യുന്നതും ഉടമയും എല്ലാം സണ്ണിച്ചായനാണ്.

ഇവിടുത്തെ ഹൈലൈറ്റ് എന്നത് നല്ല കിണ്ണം കിണ്ണം ബീഫ് ഫ്രൈയ്യും / കറിയും ഊണുമാണ്. നിർഭാഗ്യവശാൽ കേട്ടറിഞ്ഞ് ചെന്നെത്തിയത് വൈകിട്ടാണ്.. എന്നിരുന്നാലും കൊതിക്ക് കുറവൊന്നും ഇല്ലായിരുന്നതിനാൽ ദോശയും ബീഫ് ഫ്രൈയ്യും പറഞ്ഞു. നമ്മുടെയൊക്കെ വീട്ടിലെ കോഴിക്കൂട് ഉണ്ടാക്കിയിരിക്കുന്നത് പോലെ തടി അടുക്കി അടിച്ചുകൂട്ടിയ ഒരു ഹോട്ടലാണ് മാഷ്. ആമ്പിയൻസ് ലവലേശം പ്രതീക്ഷിക്കരുത് പക്ഷേ നാട്ടിന്പുറത്തിന്റെ അനുഭവങ്ങളും കൊച്ചു വർത്തമാനങ്ങളും ‘വിടൽസും’ കേൾക്കണമെങ്കിൽ മാഷ് ബെസ്റ്റാ. ഹോട്ടലിനുള്ളിൽ ആകെ രണ്ടു ബൾബുകൾ മാത്രം. ഫോട്ടോ എടുക്കാൻ ‘ശ്ശി’ ബുദ്ധിമുട്ടേണ്ടി വരും. ആകെപ്പാടെ പഴയൊരു കള്ളുഷാപ്പിലിരിക്കുന്ന അനുഭൂതി. ചുരുക്കിപ്പറഞ്ഞാൽ സിറ്റിയിലെ ജീവിതസാഹചര്യത്തിൽപ്പെട്ടവർക്ക് ദഹിക്കാൻ ഇത്തിരി പാടുള്ള ഹോട്ടലാണെന് സാരാംശം…പക്ഷെ ആഹാരം ഒരു രക്ഷയില്ല..

ഓർഡർ കൊടുത്തു നിമിഷങ്ങൾക്കുള്ളിൽ ഒരു വാഴയിലക്കീറ് എന്റെ മുന്നിൽ വീണു. അതിൽ 3 ദോശയും ഒരു പ്ലേറ്റിൽ ബീഫ് ഫ്രൈയ്യും കൂടെ ലേശം ഗ്രേവിയും. ആ ബീഫ് ഫ്രൈ മുന്നിൽകൊണ്ട് വയ്ക്കുമ്പോഴേ നല്ല കിടുക്കാച്ചി മസാലയുടെ മണം മൂക്കിലിങ്ങനെ അടിച്ചു കയറും. കൊതിയുടെ സർവ്വവിധ ബന്ധനങ്ങളും പൊട്ടിച്ചു കൊണ്ട് ആ തട്ട്ദോശ മുറിച്ചു ഒരു കഷ്ണം ബീഫ് ഉള്ളിൽ വച്ച് ആ ഗ്രേവി കൂട്ടി കഴിക്കണം.. “ന്റെ ദേവ്യേ” കിടുക്കാച്ചി ബീഫ്… നല്ല ഒന്നാംതരം മസാല അതിലും മികച്ചു നിന്നത് അതിന്റെ പരുവമാണ്… കടിച്ചാൽ റബ്ബർ പോലെ പല്ലിൽ ‘കിറു കിറു’ ശബ്ദമുണ്ടാക്കുന്ന ‘മാട്ട’ കഷ്ണങ്ങളൊന്നുമല്ല, പതുപതുത്ത നല്ല ഒന്നാംതരം കഷ്ണങ്ങൾ.. അതിൽ വെളുത്തുള്ളിയുടെയും ഇഞ്ചിയുടെയും മറ്റു മസാലകളുടെ കുത്തും (ഒരൽപ്പം കൂടുതലാണോ എന്നു ശങ്കിച്ചാൽ തെറ്റില്ല). കൂടെ നാവിനെ ത്രസിപ്പിക്കുന്ന എരിവും കൂടെയാകുമ്പോൾ ഡബിൾ കിടുക്കാച്ചി. സാധാരണ ഹോട്ടലുകളിൽ കിട്ടുന്നതിലധികം അളവുമുണ്ട്. വിലയും കുറവ്. തേങ്ങാകൊത്തുകൾ കണ്ടുകിട്ടിയില്ല എന്നൊരു കുറവൊഴിച്ചാൽ പക്കാ നാടൻ ബീഫ് ഫ്രൈ… Highly recommended..

ഇനി ഈ രുചിയുടെ ഗുട്ടൻസ് എന്താണെന്നറിയാമോ ?? തികച്ചും ലളിതം. ഏതാണ്ട് 90 ശതമാനം വിഭവങ്ങളും ഈ ഹോട്ടലിൽ നിർമ്മിക്കുന്നത് വിറകടുപ്പിലാണ്. പിന്നെ സ്വന്തമായി വാങ്ങി ഉണക്കി പൊടിക്കുന്ന മസാലകളും. നിവർത്തികേടിന്റെ സമയത്തല്ലാതെ കടകളിൽ നിന്നും നേരിട്ട് പൊടികൾ വാങ്ങി ഉപയോഗിക്കാറില്ല. പിന്നെ ഏറ്റവും വലിയ പ്രത്യേകത എന്നത് അടുക്കള കയ്യാളുന്നത് പാചകക്കാരൻ കൂടാതെ സണ്ണിച്ചായനും പെണ്ണുമ്പിള്ളയും കൂടിയാണ്. അവരുടെ കൈപ്പുണ്യം മതിയല്ലോ തനി നാടൻ മട്ടിലുള്ള ഭക്ഷണത്തിന്റെ രുചിക്കൂട്ടുകൾക്ക് മേന്മയേറാൻ.

വിലവിവരം : ബീഫ് ഫ്രൈ :- ₹.70/-, ദോശ :- ₹.5/-. വളരെ മിതമായ വിലയിൽ ഇത്രയും രുചികരമായ ആഹാരം കൊടുക്കുന്ന രുചിയിടങ്ങൾ പലയിടങ്ങളിലും അത്യപൂർവ്വമാണ്. ഒരു തനി നാട്ടിൻപുറത്തെ കടയാണ് മാഷ്.. പേരിനു തന്നെ ഒരു വെറൈറ്റി അല്ലേ… സണ്ണിച്ചായൻ മാഷൊന്നുമല്ല പകരം അടൂർ റവന്യു ടവറിലെ സെക്കന്റ് ഗ്രേഡ് ഓവർസിയർ ആയിരുന്നു. എംപ്ലോയ്മെന്റ് വഴി ജോലി ലഭിച്ചതിനാലും മന്ത്രിസഭ മാറിയപ്പോഴുണ്ടായ കല്ലുകടികൾ കാരണവും ജോലി പോയി. പിന്നീടാണ് ഹോട്ടൽ ബിസ്നസ്സിലേക്ക് കടന്നത്. പുള്ളിക്കാരന്റെ മൂത്ത മകന്റെ പേരാണ് ‘മാഷുണ്ണി’, അവനോടുള്ള വാത്സല്യം കാരണമാണ് ‘മാഷ്’ എന്ന പേര് ഹോട്ടലിനു നൽകിയതും അതൊരു വ്യത്യസ്തയുള്ള പേരായി നമ്മുടെ മുന്നിൽ നിലനിൽക്കുന്നതും..

അധ്വാനിച്ചു ജീവിക്കുന്നവനെ ബൂർഷ്വാ എന്നു വിളിക്കുന്നവരുടെ മുന്നിൽ നട്ടെല്ല് നിവർത്തി നടത്തിക്കൊണ്ട് പോകുന്ന ഹോട്ടലാണ്..വിശ്വസിക്കാം… അത്ര തന്നെ. മിന്നുന്ന ലൈറ്റും ആമ്പിയൻസും പ്രതീക്ഷിച്ചു പോകരുത്.. നിരാശപ്പെടേണ്ടി വരും.. പക്ഷേ ഫുഡ് അത് കിടുക്കാച്ചി. ലൊക്കേഷൻ :- Hotel Mash, Muthuvila, Kerala 695610, https://g.co/kgs/Nn9FGi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post