കോവിഡ് കാലത്ത് വരുമാനത്തിനായി വീട്ടിലൊരു ഫുഡ് സംരംഭം തുടങ്ങാം

Total
269
Shares

കോവിഡ് കാലത്ത് വരുമാനം നഷ്ടപ്പെട്ട ധാരാളം ആളുകൾ നമ്മുടെ സമൂഹത്തിലുണ്ട്. വീട്ടിലെ പുരുഷന്മാരോടൊപ്പം സ്ത്രീകളും ചെറിയ ബിസിനസ് തുടങ്ങിയാൽ വരുമാനക്കുറവ് കൊണ്ടുണ്ടാകുന്ന പ്രശ്നങ്ങൾ ഒരു പരിധിവരെ പരിഹരിക്കാവുന്നതാണ്.
ഭക്ഷണപദാർത്ഥങ്ങളുടെ ഉൽപ്പാദനവും വിപണനവും ചെയ്യുവാൻ ഏത് തരത്തിലുള്ള ലൈസൻസ് ആണ് വേണ്ടതെന്ന ആശങ്കയിൽ മടിച്ചു നിൽക്കുന്ന ധാരാളം ആളുകൾ ഉണ്ട്. ഈ ലൈസൻസ്‌ എടുക്കുവാൻ 100 രൂപ മാത്രമേ ചെലവ് ഉള്ളൂ എന്നത് അവർക്ക് അറിയില്ലായിരിക്കാം.

ചെറിയ രീതിയിൽ വീട്ടിൽ ഭക്ഷണപദാർത്ഥങ്ങളുടെ ഉത്പാദനം തുടങ്ങുവാൻ FSSAI രെജിസ്ട്രേഷൻ മതിയാവും.
ഭക്ഷ്യോൽപാദനം, സംഭരണം, വിതരണം, വിപണനം, പാക്കിങ് എന്നിവയുമായി ബന്ധപ്പെട്ട സംരംഭങ്ങൾക്ക് അത്യാവശ്യമായി വേണ്ടതാണ് ഫുഡ് – സേഫ്റ്റി ആൻഡ് സ്റ്റാൻഡേർഡ് അതോറിറ്റി ഓഫ് ഇന്ത്യ(FSSAI) യുടെ സർട്ടിഫിക്കറ്റ്. ഭക്ഷണം പാകം ചെയ്യുന്ന ഇടം, അതിനുപയോഗിക്കുന്ന വെള്ളം, പായ്ക്കിങ് സാമഗ്രികൾ, ഭക്ഷണം ഉണ്ടാക്കി പായ്ക്ക് ചെയ്യുന്ന ആളിന്റെ ആരോഗ്യസ്ഥിതി എന്നിങ്ങനെ ശുചിത്വവും ആരോഗ്യകരമായ ഭക്ഷണനിർമാണവും വിതരണവും പരമാവധി ഉറപ്പാക്കിയാണ് ഈ സർട്ടിഫിക്കറ്റ് നല്‍കുന്നത്.

സംരംഭത്തിന്റെ വലുപ്പം അനുസരിച്ച് രണ്ടു തരം സർട്ടിഫിക്കേഷനുകളാണു നിലവിലുള്ളത്. 1, രജിസ്ട്രേഷൻ കാറ്റഗറി – വാർഷിക വിറ്റുവരവ് 12 ലക്ഷം രൂപയ്ക്കു താഴെയുള്ള സംരംഭകന് എഫ്എസ്എസ്എഐ റജിസ്ട്രേഷൻ മതി. അപേക്ഷയ്ക്കൊപ്പം ഫീസായി ഒരു വർഷത്തേക്ക് 100 രൂപ മതി . കോമൺ സർവീസ് സെന്റർ/ അക്ഷയ എന്നിവിടങ്ങളിൽ സർവീസ് ചാർജ് അടച്ച് ഈ രജിസ്ട്രേഷൻ എടുക്കാവുന്നതാണ്.ഒന്നു മുതൽ അഞ്ചു വർഷത്തേക്കുള്ള റജിസ്ട്രേഷൻ ഒരുമിച്ചു നേടാനാകും. വേണ്ട രേഖകൾ – അപേക്ഷകന്റെ ഫോട്ടോ, ആധാർ കാർഡ്, ഹെൽത്ത് കാർഡ് എന്നിവയാണ് അപേക്ഷിക്കാൻ വേണ്ട രേഖകൾ.

2, ലൈസൻസ് കാറ്റഗറി : വാർഷിക വിറ്റുവരവ് 12 ലക്ഷം രൂപയിൽ കൂടുതൽ ഉള്ള മീഡിയം ഉൽപാദകർക്ക് സ്റ്റേറ്റ് FSSAI ലൈസൻസും വൻകിട ഉല്‍പാദകർ, വിതരണക്കാർ, ഇറക്കുമതി ചെയ്യുന്നവർ എന്നിവർക്ക് സെൻട്രൽ FSSAI ലൈസൻസുമാണ് വേണ്ടത്.

ലൈസൻസിന് വേണ്ടി ചെയ്യേണ്ടത് ഇനി പറയുന്നവയാണ്. ലൈസൻസിനായി സംരംഭകൻ നിർദിഷ്ട ഫോം ബി യി (Form B) ൽ അപേക്ഷിക്കേണ്ടതാണ്. റജിസ്റ്റേർഡ് മെഡിക്കൽ പ്രാക്ടീഷണർ (RMO), പഞ്ചായത്ത് / മുനിസിപ്പാലിറ്റി ലൈസൻസ്, സംരംഭം തുടങ്ങാൻ പോകുന്ന കെട്ടിടത്തിന്റെ ബ്ലൂ പ്രിന്റ്, മലിനീകരണ നിയന്ത്രണബോർഡിൽനിന്നുള്ള സർട്ടിഫിക്കറ്റ് എന്നിവയും സമർപ്പിക്കേണ്ടതുണ്ട്. അപേക്ഷകൾ ഓൺലൈനായും ജില്ലാതല ഫുഡ് സേഫ്റ്റി ഓഫിസറുടെ കാര്യാലയം വഴിയും സമർപ്പിക്കാം.

ഒന്നു മുതൽ അഞ്ചു വർഷം വരെ കാലയളവിലേക്കാണ് ലൈസൻസ് അനുവദിക്കുക. 5000 രൂപയാണ് ഫീസ്. ലൈസൻസ് കാലാവധി പൂർത്തിയാവുന്നതിന് ഒരു മാസം മുൻ‌പ് ഇതു പുതുക്കേണ്ടതാണ്. സംരംഭത്തിൽ നിർമിക്കാൻ പോകുന്ന ഉൽപന്നത്തിന്റെ പേരും എണ്ണവും അപേക്ഷയില്‍ വ്യക്തമാക്കണം. ലൈസൻസ് കാലാവധി പുതുക്കുമ്പോൾ ഉൽപന്നത്തിന്റെ അളവിൽ വർധന ഉണ്ടെങ്കിൽ അക്കാര്യം അറിയിക്കണം.

ഫുഡ് സേഫ്റ്റി രജിസ്ട്രേഷൻ ലഭിച്ചു കഴിഞ്ഞാൽ, പാക്ക് ചെയ്തു വിൽക്കുന്ന ഉൽപ്പന്നങ്ങൾ ആണ് തുടങ്ങുവാൻ ഉദ്ദേശിക്കുന്നതെങ്കിൽ സംരംഭകൻ ലീഗൽ മെട്രോളജി ലൈസൻസ് കൂടി എടുക്കണം. കൂടുതൽ വിവരങ്ങൾക്ക് – https://foodlicensing.fssai.gov.in/index.aspx.

വിവരങ്ങൾക്ക് കടപ്പാട് – Consumer Protection Whatsapp Group.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post