സാധാരണക്കാർക്കും യാത്രകൾ പോകണ്ടേ? എങ്ങനെ ചെലവ് ചുരുക്കാം?

Total
0
Shares

മിക്കയാളുകൾക്കും യാത്ര എന്നു കേൾക്കുമ്പോൾ അത് കാശുള്ളവർക്ക് മാത്രമേ പറ്റുകയുള്ളൂ എന്നൊരു വിചാരം മനസ്സിലുണ്ടാകും. ആ ധാരണ പൊളിച്ചെഴുതേണ്ട കാലം അതിക്രമിച്ചിരിക്കുകയാണ്, എന്നാലും സാധാരണക്കാർക്ക് ടൂർ, ട്രിപ്പ് എന്നൊക്കെ കേൾക്കുമ്പോൾ ഒരു ഭയമായിരിക്കും. ഇത് എല്ലാവരെയും ഉദ്ദേശിച്ചല്ല കേട്ടോ. ഇത്തരം ചിന്താഗതി മൂലം ജോലിയും കുടുംബവും മാത്രമായി ഒതുങ്ങുന്നവരെയാണ് ഇവിടെ ഉദ്ദേശിച്ചത്. ഇത്തരക്കാർക്കായി കുറച്ചു കാര്യങ്ങൾ പറഞ്ഞുതരാം. ഇത് മുഴുവനും ഉൾക്കൊണ്ടാൽ നിങ്ങൾക്ക് ഒരു ഭയവും കൂടാതെ ട്രിപ്പ് പോകുവാനുള്ള ഒരു ധൈര്യം കൈവരും. അങ്ങനെ വരണം, അതാണ് ഈ പോസ്റ്റ് കൊണ്ടുള്ള ഉദ്ദേശ്യവും.

1. വാഹനം – സ്വന്തമായി വാഹനം ഇല്ലെന്ന കാരണത്താൽ ആരും യാത്ര പോകാതിരിക്കുന്നില്ല എന്നോർക്കുക. ടൂറിസ്റ്റു വണ്ടിയൊക്കെ വാടകയ്ക്ക് എടുത്ത് പോകാമെന്നു വെച്ചാലോ വാടകയോർത്ത് എല്ലാം വേണ്ടെന്നു വെയ്ക്കുകയും ചെയ്യും. ഇങ്ങനെ ചിന്തിക്കുന്നതിനു മുൻപായി ഒരു കാര്യം ഓർക്കുക. നിങ്ങൾക്കു വേണ്ടിയാണ് സർക്കാർ ‘ആനവണ്ടി’ എന്നു വിളിക്കുന്ന നമ്മുടെ കെഎസ്ആർടിസി ഓടിക്കുന്നത്. കേരളത്തിലെ എല്ലാ ടൂറിസ്റ്റു കേന്ദ്രങ്ങളിലേക്കും കെഎസ്ആർടിസിയുടെ സർവ്വീസുകൾ ലഭ്യമാണ്. സമയവിവരങ്ങൾ അറിയുവാനായി www.aanavandi.com ഉപയോഗിക്കാം. വേണമെങ്കിൽ ബസ്സിൽ സീറ്റുകൾ റിസർവ്വ് ചെയ്യുവാനും സാധിക്കും. ഇതിനായി http://online.keralartc.com എന്ന സൈറ്റിൽ കയറിയാൽ മതി.

2. ഭക്ഷണം – ഭക്ഷണം കഴിക്കുന്നതിലൂടെയാണ് യാത്രകളിൽ കൂടുതലും പണം പോകുന്ന വഴി. എന്നുവെച്ച് പട്ടിണി കിടന്നു പോകാൻ പറ്റുമോ? അപ്പോൾ നമ്മൾ ചെയ്യേണ്ട ഒന്നുണ്ട്. ഏത് സ്ഥലത്താണോ പോകുവാൻ ഉദ്ദേശിക്കുന്നത്, ആ സ്ഥലത്ത് ഏറ്റവും വില കുറഞ്ഞ, എന്നാൽ മോശമല്ലാത്ത ഭക്ഷണം ലഭിക്കുന്നത് എവിടെയാണെന്ന് അന്വേഷിച്ചു കണ്ടെത്തുക. ഫേസ്‌ബുക്കിൽ ധാരാളം ട്രാവൽ ഗ്രൂപ്പുകൾ നിലവിലുള്ളതിനാൽ ഇത്തരം കാര്യങ്ങൾക്ക് അവിടെ നിന്നും നിങ്ങൾക്ക് സഹായം ലഭിക്കുന്നതായിരിക്കും.

യാത്ര ചെയ്യുമ്പോൾ നല്ല റേറ്റ് ഉള്ള ഭക്ഷണം ഒഴിവാക്കി പകരം നല്ല നാടൻ ഭക്ഷണം ഒന്ന് ട്രൈ ചെയ്തു നോക്കൂ. ഉദാഹരണത്തിന് ബ്രേക്ക് ഫാസ്റ്റിനു പൊറോട്ടയും പൂരിയുമെല്ലാം ഒഴിവാക്കി ഇഡ്ഡലി, ദോശ, പുട്ട് മുതലായ നാടൻ വിഭവങ്ങൾ ഒന്നു പരീക്ഷിച്ചു നോക്കാം. ശരീരത്തിനും നല്ലത് പോക്കറ്റിനും നല്ലത്. പിന്നെ യാത്ര തുടങ്ങുമ്പോൾത്തന്നെ വീട്ടിൽ നിന്നും ഒരു കുപ്പി വെള്ളം കൂടെക്കരുതുവാൻ ശ്രദ്ധിക്കുക. കുപ്പിയിലെ വെള്ളം തീർന്നാൽ ഹോട്ടലുകളിൽ നിന്നോ മറ്റോ നിറയ്ക്കാവുന്നതാണ്. ഇങ്ങനെ നിറയ്ക്കുന്ന വെള്ളം ശുചിത്വമുള്ളതാണെന്നു ഉറപ്പുവരുത്തുക. പലതവണ ബോട്ടിൽ വെള്ളം വാങ്ങി പണം കളയാതെ സൂക്ഷിക്കുവാൻ ഇത് സഹായിക്കും.

3. ഷോപ്പിംഗ് ഒഴിവാക്കാം – പ്രധാനപ്പെട്ട ടൂറിസ്റ്റു കേന്ദ്രങ്ങളിൽ പോകുകയാണെങ്കിൽ ധാരാളം കച്ചവട കേന്ദ്രങ്ങൾ കാണുവാൻ സാധിക്കും. ഇവിടെ നിന്നുള്ള ഷോപ്പിംഗ് പരമാവധി ഒഴിവാക്കുക. കാരണം നമ്മൾ പോകുന്നത് മാക്സിമം ചെലവ് കുറച്ചല്ലേ? ഇത്തരത്തിലുള്ള കടകളിൽ സാധനങ്ങൾക്ക് മറ്റു സ്ഥലങ്ങളെക്കാൾ വില കൂടുതലായിരിക്കും. കുട്ടികളൊക്കെ കൂടെയുണ്ടെങ്കിൽ ഈ കാര്യം പ്രത്യേകം ശ്രദ്ധിക്കുക. അതുപോലെ തന്നെ തണുപ്പ് കൂടുതലുള്ള സ്ഥലത്തേക്കാണ് യാത്രയെങ്കിൽ തണുപ്പിനെ പ്രതിരോധിക്കാൻ വേണ്ട സാമഗ്രികളായ സോക്സ്, സ്വറ്റർ, തൊപ്പി മുതലായവ വീട്ടിൽനിന്നും തന്നെ കൂടെക്കരുതുക. നേരത്തെ പറഞ്ഞപോലെ അവിടെ ചെന്നിട്ടു വാങ്ങുവാൻ നിന്നാൽ നല്ലൊരു തുക കയ്യിൽ നിന്നും ചെലവാകും.

4. താമസം – ഒരു കാര്യം മനസ്സിലാക്കുക. എത്ര വലിയ ടൂറിസ്റ്റു കേന്ദ്രമാണെങ്കിലും കുറഞ്ഞ നിരക്കിലുള്ള താമസ സൗകര്യങ്ങൾ എവിടെയും ലഭ്യമായിരിക്കും. ഇങ്ങനെ കുറഞ്ഞ ചെലവിൽ താമസം ലഭിക്കണമെങ്കിൽ ഓഫ് സീസൺ സമയത്ത് യാത്ര ചെയ്യുക. അല്ലെങ്കിൽ പണി പാളും. വലിയ ഹോട്ടലുകളെക്കാൾ വിലക്കുറവിൽ നല്ല ഹോം സ്റ്റേകൾ ലഭ്യമായ സ്ഥലങ്ങളുണ്ടായിരിക്കും. ഒന്നുകിൽ ബുക്കിംഗ് സൈറ്റുകളിലോ ആപ്പുകളിലോ നോക്കി ഇവ നേരത്തെ ബുക്ക് ചെയ്തു പോകുക. അല്ലെങ്കിൽ മുൻപ് പറഞ്ഞപോലെ ഫേസ്‌ബുക്കിലെ ട്രാവൽ ഗ്രൂപ്പുകളിൽ നിന്നും നിർദ്ദേശങ്ങളും സഹായവും തേടുക. വളരെ കുറഞ്ഞ ചെലവിൽ നല്ലൊരു താമസ സൗകര്യം ലഭിക്കുവാൻ ഇത് കാരണമായേക്കാം.

5. മറ്റുള്ള കാര്യങ്ങൾ – ഏത് സ്ഥലത്തു പോയാലും അവിടത്തെ ചെലവ് കുറഞ്ഞ യാത്രാമാർഗ്ഗങ്ങൾ അറിഞ്ഞുവെക്കുക. ഇത്തരം കാര്യങ്ങൾ ഭക്ഷണം കഴിക്കുന്ന ഹോട്ടലിലോ ബസ് ജീവനക്കാരുടെയടുത്തോ ചോദിക്കാവുന്നതാണ്. അല്ലാതെ ഒട്ടും പരിചയമില്ലാത്തവരുടെ അടുത്തു ചെന്ന് സംശയമോ വഴിയോ ചോദിക്കാൻ നിൽക്കരുത്. അതുപോലെ തന്നെ ചില സ്ഥലങ്ങളിൽ അവിടെ മാത്രം ലഭിക്കുന്ന ശുദ്ധമായ ഒറിജിനൽ സാധനം എന്നൊക്കെപ്പറഞ്ഞു ആളുകൾ കച്ചവടത്തിനായി വരും. ഉദാഹരണത്തിന് കാട്ടുതേൻ, മറ്റുള്ള ഐറ്റങ്ങൾ. ചിലപ്പോൾ ഒറിജിനൽ ആയിരിക്കാം, എന്നിരുന്നാലും ഇത്തരത്തിലുള്ള കച്ചവടക്കാരെ തുടക്കത്തിലേ ഒഴിവാക്കുക. ചുമ്മാ വിലപേശി സമയം കളയാൻ നിൽക്കരുത്. ആദ്യമേതന്നെ “വേണ്ട” എന്നു പറഞ്ഞാൽ കുഴപ്പമില്ലല്ലോ.

ഇത് ചുമ്മാ ഇരുന്ന് ആലോചിച്ച് എഴുതിയുണ്ടാക്കിയതല്ല. പലതവണ സഞ്ചരിച്ച് മനസിലാക്കിയതും പ്രവർത്തികമാക്കിയതുമായ കാര്യങ്ങളാണ്. ഇത്രയും കാര്യങ്ങൾ മനസ്സിലാക്കിയപ്പോൾ നിങ്ങൾക്ക് എന്ത് തോന്നുന്നു? അധികം കാശുമുടക്കില്ലാതെ ഒരു ട്രിപ്പ് പോകുവാൻ തോന്നുന്നുണ്ടോ ഇപ്പോൾ? എങ്കിൽ വൈകിക്കണ്ട, പറഞ്ഞതുപോലെയൊക്കെ നോക്കി, വേണ്ടതെല്ലാം പാക്ക് ചെയ്ത് ആനവണ്ടിയും പിടിച്ച് ഒരു യാത്ര തുടങ്ങിയാട്ടെ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

ഹോട്ടലുകളും റിസോർട്ടുകളും തെരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ

ഹോട്ടലുകൾ, റിസോർട്ടുകൾ, റെസ്റ്റോറന്റ്.. ഈ പേരുകൾ കേൾക്കാത്തവരായി ആരുംതന്നെ ഉണ്ടാകില്ല. പലപ്പോഴും ഇവയെല്ലാം നമ്മുടെ ദൈനംദിന സംഭാഷണങ്ങളിൽ ഉൾപ്പെടാറുമുണ്ടാകും. എന്നാൽ ഇവ ശരിക്കും എന്താണെന്ന് അറിയാമോ? ഹോട്ടൽ, റെസ്റ്റോറന്റ്, റിസോർട്ട് ഇവ തമ്മിലുള്ള വ്യത്യാസങ്ങൾ എന്തൊക്കെ? ആദ്യമായി എന്താണ് ഈ ഹോട്ടൽ…
View Post

നെടുമ്പാശ്ശേരി എയർപോർട്ടിൽ നിന്നും കുറഞ്ഞ ചെലവിൽ ബസ്സിൽ യാത്ര ചെയ്യാം…

ഇന്ത്യയിലെ പൊതുമേഖല-സ്വകാര്യമേഖല പങ്കാളിത്തത്തോടെ തുടങ്ങിയ ആദ്യത്തെ വിമാനത്താവളമാണ് എറണാകുളം ജില്ലയിലെ നെടുമ്പാശ്ശേരി എയർപോർട്ട്. 1999 മേയ് 25ന് പ്രവർത്തനമാരംഭിച്ചതു മുതൽ ഇന്ന് വരെ വാർത്തകളിൽ നിറഞ്ഞു നിന്നിട്ടേയുള്ളൂ ഈ ഇന്റർനാഷണൽ എയർപോർട്ട്. മൊത്തം യാത്രക്കാരുടെ എണ്ണത്തിൽ ഇന്ത്യയിൽ ഏഴാമതും അന്തർദേശീയ യാത്രക്കാരുടെ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post