ബെംഗളൂരുവിൽ നിന്നും കൊടൈക്കനാലിലേക്ക് പല മാർഗ്ഗങ്ങളിൽ പോകാം

Total
0
Shares

കൊടൈക്കനാൽ എന്ന് കേൾക്കാത്ത മലയാളികൾ ആരുംതന്നെ ഉണ്ടാകുവാൻ ഇടയില്ല. പശ്ചിമഘട്ടത്തിലെ പളനിമലയുടെ മുകളില്‍ സ്ഥിതിചെയ്യുന്ന കൊടൈക്കനാല്‍ ഇന്ത്യയിലെ ഏറ്റവും പ്രശസ്തമായ വിനോദ സഞ്ചാര കേന്ദ്രങ്ങളിലൊന്നാണ്‍. ജനപ്രിയതയുടെ കാര്യത്തില്‍ മുന്‍പന്തിയില്‍ നില്‍ക്കുന്ന കൊടൈക്കനാലിന് മലനിരകളുടെ രാജകുമാരി എന്നൊരു വിളിപ്പേരുകൂടിയുണ്ട്. സമുദ്രനിരപ്പില്‍ നിന്നും 2133 മീറ്റര്‍ ഉയരത്തിലാണ് കൊടൈക്കനാല്‍.

എപ്പോഴും കോടമഞ്ഞിനാൽ ചുറ്റപ്പെട്ടു കിടക്കുന്നതിനാൽ കോടൈ കാണൽ എന്ന തമിഴ് വാക്കുകൾ ചേർന്നാണ് കൊടൈക്കനാൽ ഉണ്ടായത് എന്ന് ചിലർ വാദിക്കുന്നു എന്നാൽ കാടിന്റെ സമ്മാനം എന്നർത്ഥമുള്ള തമിഴ് പദങ്ങളിൽ നിന്നാണ് ഇത് രൂപപ്പെട്ടത് എന്നും വാദിക്കുന്നവർ ഉണ്ട്. വളരെ ഹൃദ്യമായ കാലാവസ്ഥയാണ് കൊടൈയിലേത്. വേനൽക്കാലം തുടങ്ങുന്നത് ഏപ്രിൽ മുതലാണ്. അപ്പോൾ 11നും 19 നും ഇടക്കാണ് താപനില. മഞ്ഞുകാലം നവംബറോടെ ആരംഭിക്കുന്നു. താപനില ഇക്കാലത്ത് പൂജ്യം വരെ താഴാറുണ്ട്. അധിക താപനില 17 ഡിഗ്രിയാണ് മഞ്ഞുകാലത്ത്. മഴക്കാലം കേരളത്തിലേതു പോലെയാണ്. മൺസൂൺ മഴയും തുലാം മഴയും ലഭിക്കാറുണ്ട്. വാർഷികപാതം 165 സെ.മീ. ആണ്. കടുത്ത മഴ കിട്ടുന്നത് ഒക്ടോബർ ഡിസംബർ മാസങ്ങളിലാണ്.

Representative Image.

ഒട്ടേറെ മലയാളികൾ ജോലിചെയ്യുന്ന സ്ഥലമാണ് ബെംഗളൂരു. ഒരു വീക്കെൻഡ് ലഭിച്ചാൽ എവിടേക്ക് പോകണമെന്ന ചിന്തയിൽ ആയിരിക്കും ഒട്ടുമിക്ക ബെംഗളൂരു മലയാളികളും. എന്നാൽ ഇനി ഒന്നു കൊടൈക്കനാലിലേക്ക് പോയി നോക്കിയാലോ? ബെംഗളൂരുവിൽ നിന്നും പലവിധത്തിൽ കൊടൈക്കനാലിൽ എത്തിച്ചേരാം.

നിങ്ങൾക്ക് സ്വന്തമായി വാഹനങ്ങൾ ഇല്ലെങ്കിൽ ബെംഗളൂരുവിൽ നിന്നും ബേസിൽ യാത്ര ചെയ്ത് കൊടൈക്കനാലിൽ എത്തിച്ചേരാം. ബെംഗളൂരുവിൽ നിന്നും കൊടൈക്കനാലിലേക്ക് ഏകദേശം 465 കി.മീ. ദൂരമുണ്ട്. ഹൊസൂർ – കൃഷ്ണഗിരി – ധർമ്മപുരി – സേലം വഴിയാണ് ബസ് സഞ്ചരിക്കുക. ബസ് ടിക്കറ്റുകൾ ലഭിക്കുവാൻ എളുപ്പമാണെന്നതിനാൽ മിക്കയാളുകളും ഈ മാർഗ്ഗം സ്വീകരിക്കാറുണ്ട്. ബെംഗളൂരുവിൽ നിന്നും SRS ട്രാവൽസ്, SAM Tourist മുതലായ പ്രൈവറ്റ് ലക്ഷ്വറി കോച്ച് ബസ്സുകളും കൊടൈക്കനാലിലേക്ക് സർവ്വീസ് നടത്തുന്നുണ്ട്.

ബെംഗളൂരു – കൊടൈക്കനാൽ ബസ് യാത്രയ്ക്ക് ഏകദേശം 8 -10 മണിക്കൂറോളം സമയമെടുക്കും. ഈ റൂട്ടിൽ ബസ്സുകൾക്ക് പതിനെട്ടോളം ബോർഡിങ് പോയിന്റുകളും ഉണ്ട്. ബസ് ടിക്കറ്റുകൾ മുൻകൂട്ടി ബുക്ക് ചെയ്യേണ്ടതാണ്. ഇതിനായി Redbus പോലുള്ള ബുക്കിംഗ് സൈറ്റുകൾ പരിശോധിച്ചാൽ മതിയാകും. ബസ്സുകളുടെ ക്വാളിറ്റി (AC, Non AC, Multi Axle) അനുസരിച്ചായിരിക്കും നിരക്കുകൾ. സീസൺ അല്ലാത്ത സമയങ്ങളിൽ ബസ് നിരക്കുകൾ കുറവായിരിക്കും.

ഇനി ബസ്സിൽ യാത്ര ചെയ്യുവാൻ താല്പര്യമില്ലാത്തവർക്ക് സ്വന്തം ബൈക്കിലോ കാറിലോ ഒക്കെ ഇവിടേക്ക് വരാവുന്നതാണ്. ഇനി സ്വന്തമായി കാർ ഇല്ലാത്തവർക്ക് റെന്റൽ കാറുകൾ എടുത്തുകൊണ്ട് യാത്ര പോകാം. ബസിൽ യാത്ര ചെയ്യുന്നതിനെ അപേക്ഷിച്ച് കാർ യാത്ര വളരെയേറെ ആസ്വാദ്യകരമായിരിക്കും. പ്രത്യകിച്ച് ഡ്രൈവിംഗ് ഇഷ്ടപ്പടുന്നവർക്ക്. കൂടാതെ ആവശ്യമുള്ളപ്പോൾ പലയിടങ്ങളിൽ നിർത്തി വിശ്രമിച്ചുകൊണ്ട് പോകുകയും ചെയ്യാം. അത്യാവശ്യം മൈലേജ് ഉള്ള കാർ ആണെങ്കിൽ 4000 – 6000 ഒക്കെ പെട്രോൾ ചിലവാകും.

ഇനി ഇതൊക്കെ കൂടാതെ ട്രെയിൻ യാത്ര ഇഷ്ടപ്പെടുന്നവർക്ക് ആ വഴിയും കൊടൈക്കനാലിലേക്ക് പോകാവുന്നതാണ്. പക്ഷേ കൊടൈക്കനാലിൽ വരെ ട്രെയിൻ സർവ്വീസ് ലഭ്യമല്ല. കൊടൈക്കനാലിൽ നിന്നും ഏകദേശം 85 കി.മീ. ദൂരത്തായി സ്ഥിതി ചെയ്യുന്ന ‘കൊടൈ റോഡ്’ റെയിൽവേ സ്റ്റേഷനാണ് അടുത്തുള്ള റെയിൽവേ സ്റ്റേഷൻ. ഇവിടെ നിന്നും ടാക്സിയോ ബസ്സോ പിടിച്ച് കൊടൈക്കനാൽ ടൗണിൽ എത്തിച്ചേരാം. തിരുക്കുറൾ എക്സ്പ്രസ്സ്, ജമ്മു താവി നവയുഗ എക്സ്പ്രസ്സ് തുടങ്ങിയവ ഈ റൂട്ടിലൂടെ സഞ്ചരിക്കുന്ന ട്രെയിനുകളാണ്. വിമാനത്തിൽ വരുന്നവരാണെങ്കിൽ മധുര എയർപോർട്ടിൽ ആണ് വിമാനം ഇറങ്ങേണ്ടത്. അവിടെ നിന്നും ബസ്സിലോ ടാക്സി പിടിച്ചോ കൊടൈക്കനാലിൽ എത്തിച്ചേരാം.

ഇത്രയൊക്കെ മാർഗ്ഗങ്ങൾ ഉണ്ടെങ്കിലും കാറിലോ ബൈക്കിലോ ഒക്കെ യാത്ര പോകുന്നവർക്ക് ആയിരിക്കും ആ യാത്രയുടെ പൂർണ്ണമായ സൗന്ദര്യം ആസ്വദിക്കാൻ കഴിയുകയുള്ളൂ. അപ്പോൾ ഇനി വൈകിക്കണ്ട, നിങ്ങളുടെ അടുത്ത വീക്കെൻഡ് കൊടൈക്കനാലിലേക്ക് തന്നെ ആയിക്കോട്ടെ…

വിവരങ്ങൾക്ക് കടപ്പാട് – വിക്കിപീഡിയ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post