മുൻപരിചയമില്ലാത്തവർ വിമാനത്തിലെ ടോയ്‌ലറ്റുകൾ ഉപയോഗിക്കേണ്ടി വന്നാൽ…

Total
0
Shares

കുറച്ചു ദിവസങ്ങളിലായി ഇവിടെ വിമാനയാത്രയും ടിപ്സും ഒക്കെയാണെന്നു വിചാരിക്കുന്നുണ്ടാകും. യാത്രകൾ എന്നു പറയുമ്പോൾ അത് പല രീതികളിലും ആകാമല്ലോ. നിരവധി ആളുകളാണ് ആദ്യമായി വിമാനത്തിൽ കയറുവാൻ പോകുകയാണെന്നും കുറച്ച് ടിപ്സ് പറഞ്ഞു തരണമെന്നും ആവശ്യപ്പെട്ടുകൊണ്ട് എനിക്ക് മെസ്സേജുകൾ അയയ്ക്കുന്നത്. അതുകൊണ്ടാണ് വിമാനയാത്രകളെ കുറിച്ചുള്ള വിവരങ്ങൾ ഏറെയായി ഞാൻ പറയുന്നത്. പൊതുവെ വിമാനത്തിൽ ആദ്യമായി യാത്ര ചെയ്യുന്നവർക്ക് പെട്ടുപോകുന്ന ഒരു അവസ്ഥയായിരിക്കും വിമാനത്തിലെ ടോയ്‌ലറ്റ് ഉപയോഗിക്കേണ്ടി വന്നാൽ. ആദ്യമായി വിമാനത്തിന്റെ ടോയ്‌ലറ്റിൽ കയറുന്ന ആരും ഒന്നു പേടിക്കും എന്നുറപ്പാണ്. പ്രത്യേകിച്ച് വിമാനം പറന്നു കൊണ്ടിരിക്കുന്ന അവസ്ഥയാണെങ്കിൽ. എന്തിനേറെ പറയുന്നു, സ്ഥിരമായി വിമാനയാത്രകൾ ചെയ്യുന്നവർ പോലും മടിക്കുന്ന ഒരു കാര്യമാണ് ആകാശത്തു വെച്ചുള്ള ഈ ടോയ്‌ലറ്റ് ഉപയോഗം.

വിമാനത്തിലെ ടോയ്‌ലറ്റുകളുടെ ഫ്ലഷ് അടിച്ചാൽ അതി ഭീകരമായ ഒരു ശബ്ദമായിരിക്കും ഉണ്ടാകുക. ഇത് മുൻകൂട്ടി കണക്കിലെടുത്തു വേണം ഫ്ലഷ് അമർത്താൻ. മിക്കയാളുകളും ഭയന്നു വിറച്ചു പോകുന്ന ഒരു സന്ദർഭമാണ് ഈ ഫ്ലഷ് പരിപാടി. ആദ്യമായി വിമാനത്തിൽ യാത്ര ചെയ്യുവാൻ പോകുന്നവർ യാത്രയ്ക്കു മുൻപായി യൂട്യൂബിൽ വിമാനത്തിലെ ടോയ്‌ലറ്റ് ഫ്ലഷ് എങ്ങനെയാണെന്നുള്ള വീഡിയോകൾ കണ്ടു മനസ്സിലാക്കുക. ആ ശബ്ദം എങ്ങനെയിരിക്കുമെന്ന് ഒന്ന് അറിഞ്ഞിരിക്കുക. പിന്നീട് വിമാനയാത്രയ്ക്കിടെ നിങ്ങൾക്ക് ടോയ്‌ലറ്റിൽ പോകുമ്പോൾ ഈ ഭയപ്പെടൽ അവസ്ഥകൾ ഉണ്ടാകില്ല. ഫ്ലഷ് ശബ്ദം പേടിയുള്ളവർക്കായി ഇനി മറ്റൊരു വിദ്യ കൂടിയുണ്ട്. ടോയ്‌ലറ്റിൽ പോയ ശേഷം അതിനുള്ളിലെ വാഷ് ബേസിനിൽ കൈകൾ കഴുകി വൃത്തിയാക്കുക. എല്ലാം കഴിഞ്ഞു പുറത്തേക്ക് ഇറങ്ങുന്നതിനു മുൻപായി മാത്രം ഈ ഫ്ലഷ് അമർത്തുക. ഉടനടി പുറത്തേക്ക് ഇറങ്ങുക. അതല്ലെങ്കിൽ നിങ്ങളുടെ ഫോണിൽ പാട്ടു വെച്ചശേഷം ഹെഡ്‌ഫോൺ ചെവിയിൽ വെച്ചുകൊണ്ട് പോയാലും മതി. അപ്പോൾ ശബ്ദം കേൾക്കില്ലല്ലോ. കാര്യം സിംപിളാണ്. പക്ഷേ ഇതുപോലെ ഒരാൾ പറഞ്ഞു തരുമ്പോൾ മാത്രമേ മിക്കവരും ഇതിനെക്കുറിച്ച് ഓർക്കുകയുള്ളൂ എന്നു മാത്രം.

ചിലർക്ക് പേടി വേറെയായിരിക്കും. ടോയ്‌ലറ്റിൽ ഇരിക്കുന്ന സമയത്ത് വിമാനത്തിൽ നിന്നും താഴേക്ക് പോകുമോ എന്നൊക്കെയായിരിക്കും ചിലരുടെ ചിന്ത. ഇത്തരത്തിൽ പേടിയുള്ളവരോട് ഒരു വാക്ക് – നിങ്ങൾ കരുതുന്നത് പോലെ അത്ര പ്രശ്നക്കാരനൊന്നുമല്ല വിമാനത്തിലെ ടോയ്‌ലറ്റുകൾ. എല്ലാവിധ സുരക്ഷയും ഉൾക്കൊണ്ടു തന്നെയാണ് അവയും സജ്ജീകരിച്ചിരിക്കുന്നത്. അതുകൊണ്ട് ആ കാര്യത്തിൽ നിങ്ങൾക്ക് യാതൊരു ടെൻഷനും വേണ്ട.

വിമാനയാത്രയ്ക്കിടെ ഛർദ്ദിയോ മറ്റോ ഉണ്ടാകുകയാണെങ്കിൽ അതിനായി ടോയ്‌ലറ്റുകളെ ആശ്രയിക്കരുത്. ഛർദ്ദിക്കുവാനുള്ള തോന്നൽ ഉണ്ടാകുകയാണെങ്കിൽ കാര്യം എയർഹോസ്റ്റസുമാരോട് പറയുക. അവർ അതിനായുള്ള കവർ നിങ്ങൾക്ക് നൽകുന്നതായിരിക്കും. അല്ലാതെ ടോയ്‌ലറ്റിൽ പോയി അവിടെ വൃത്തികേടാക്കാനുള്ള അവസ്ഥ വരുത്താതിരിക്കുക. നിങ്ങൾക്ക് ഇത്തരത്തിൽ ഛർദ്ദിക്കുന്ന പ്രവണത മുൻപേ ഉണ്ടെങ്കിൽ യാത്രയ്ക്കു മുൻപായി ഡോക്ടറെ കണ്ട് മരുന്ന് വാങ്ങുന്നത് നല്ലതായിരിക്കും.

വിമാനയാത്രയിൽ പുകവലി പാടില്ല എന്ന് നിങ്ങൾക്കറിയാമായിരിക്കും അല്ലേ? ഇനി അറിയില്ലെങ്കിൽ ഇപ്പോഴെങ്കിലും അറിയുക. ട്രെയിനുകളിൽ ചെയ്യുന്നതു പോലെ ടോയ്‌ലറ്റിൽ പോയി പുകവലിക്കാമെന്നു കരുതിയാൽ നിങ്ങൾക്ക് തെറ്റി. ടോയ്‌ലറ്റിൽ പുകവലിച്ചാൽ ആ നിമിഷം അത് വിമാന ജീവനക്കാർക്ക് മനസ്സിലാകും. പിന്നീട് എട്ടിന്റെ പണിയായിരിക്കും ലാൻഡ് ചെയ്യുമ്പോൾ നിങ്ങളെ കാത്തിരിക്കുന്നത്. വെറുതെ പത്തു രൂപയുടെ സിഗരറ്റ് വലിച്ച് മുട്ടൻ പണി വാങ്ങിക്കൂട്ടണോ? അതുകൊണ്ട് വിമാനയാത്രയ്ക്കിടയിൽ പുകവലി എന്ന ചിന്ത അപ്പാടെ മാറ്റിവെക്കുക. ഇനി വിമാനത്തിൽ യാത്ര ചെയ്യുമ്പോൾ ഈ കാര്യങ്ങൾ നിങ്ങളുടെ ഓർമ്മയിൽ ഉണ്ടായിരിക്കട്ടെ. ആദ്യമായി വിമാനയാത്രകൾ പോകുവാൻ തയ്യാറെടുക്കുന്നവർ ടെൻഷനൊക്കെ കളഞ്ഞുകൊണ്ട് കൂളായി ഇരിക്കുക. അപ്പോൾ എല്ലാവർക്കും ഹാപ്പി ജേർണി…

2 comments
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ഹോട്ടലുകളും റിസോർട്ടുകളും തെരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ

ഹോട്ടലുകൾ, റിസോർട്ടുകൾ, റെസ്റ്റോറന്റ്.. ഈ പേരുകൾ കേൾക്കാത്തവരായി ആരുംതന്നെ ഉണ്ടാകില്ല. പലപ്പോഴും ഇവയെല്ലാം നമ്മുടെ ദൈനംദിന സംഭാഷണങ്ങളിൽ ഉൾപ്പെടാറുമുണ്ടാകും. എന്നാൽ ഇവ ശരിക്കും എന്താണെന്ന് അറിയാമോ? ഹോട്ടൽ, റെസ്റ്റോറന്റ്, റിസോർട്ട് ഇവ തമ്മിലുള്ള വ്യത്യാസങ്ങൾ എന്തൊക്കെ? ആദ്യമായി എന്താണ് ഈ ഹോട്ടൽ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post