പൂർണ്ണമായും ഗ്രാമീണർ നിയന്ത്രിക്കുന്ന ഭാരതത്തിലെ ഏക റെയിൽവേ സ്റ്റേഷൻ

Total
171
Shares

ലേഖകൻ – പ്രകാശ് നായർ മേലില.

ടിക്കറ്റു വിൽപ്പന , സ്റ്റേഷൻ ക്ളീനിങ് , ടിക്കറ്റ് ചെക്കിങ് , കുടി വെള്ള വിതരണം എല്ലാം നിയന്ത്രിക്കുന്നത് ഗ്രാമീണരാണ്. ഒരൊറ്റ റെയിൽവേ ജീവനക്കാർ പോലും ഇവിടെ ജോലിയിലില്ല. റെയിൽവേ സ്റ്റേഷന്റെ പൂർണ്ണനിയന്ത്രണം ഇവിടെ ഗ്രാമീണർക്കാണ്. രാജസ്ഥാനിലെ സീക്കർ ജില്ലയിലുള്ള സീക്കർ – ലക്ഷ്മൺഗഡ് മീറ്റർ ഗേജ് ലൈനിലെ റഷീദ്‌പുര ഖോറി ( RASHIDPURA KHORI ) റെയിൽവേ സ്റ്റേഷനാണ് ഇങ്ങനെ പൂർണ്ണമായും ഗ്രാമീണർ ഏറ്റെടുത്തു നടത്തുന്നത്. ഇതിനുള്ള കാരണമുണ്ട്..

നോർത്ത് -വെസ്റ്റ് റെയിൽവേയുടെ ജയ്‌പൂർ ഡിവിഷന് കീഴിലുള്ള ഈ സ്റ്റേഷൻ വളരെ നഷ്ടം സഹിച്ചാണ് നടത്തിക്കൊണ്ടു പോയത്. തന്മൂലം 2005 ൽ റെയിൽവേ ഈ സ്റ്റേഷൻ അടച്ചുപൂട്ടി.സ്റ്റേഷൻ അടച്ചുപൂട്ടിയതുമൂലം പാൽത്താന, പ്രതാപ്ഗഡ് , റഷീദ്‌പുര ഖോറി മുതലായ ഗ്രാമങ്ങളിലെ ഇരുപതിനായിരത്തോളം യാത്രക്കാരാണ് ബുദ്ധിമുട്ടിലായത്. ആളുകൾ നിരവധി തവണ റെയിൽവേ അധികാരികളെക്കണ്ടു നിവേദനം നൽകി. നേതാക്കളെയും മന്ത്രിമാരെയും കണ്ടു.. ഒരു പ്രയോജനവുമില്ല.

 

ഒടുവിൽ സ്റ്റേഷൻ ഏറ്റെടുത്തു ലാഭത്തിൽ നടത്താൻ തങ്ങൾ തയ്യാറാണെന്ന് ഗ്രാമീണർ റെയിൽവേയെ അറിയിച്ചു. റെയിൽവേ നിരവധി കൂടിയാലോചനകൾ നടത്തി ഒരു നിർദ്ദേശം ആളുകൾക്ക് മുന്നിൽ വച്ചു. അതായത് സ്റ്റേഷൻ നിയന്ത്രണം ഏറ്റെടുക്കുന്ന തോടൊപ്പം മാസം മൂന്നു ലക്ഷം രൂപയുടെ ടിക്കറ്റും വാങ്ങണം. ആളുകൾ നിർദ്ദേശം സ്വീകരിച്ചു. വിശാലമായ ഒരു കമ്മിറ്റിക്കു രൂപം നൽകി മൂന്നുലക്ഷം രൂപ കളക്ഷൻ നടത്തി ശേഖരിച്ചു.

വിജയ് എന്ന ഒരു യുവാവിന്റെ നേതൃത്വത്തിലുള്ള ടീമിനെ ടിക്കറ്റ് വാങ്ങിക്കൊണ്ടുവരാനും വിൽക്കാനായി ഏൽപ്പിച്ചു.ഒപ്പം സ്റ്റേഷന്റെ ഉത്തരവാദിത്വങ്ങളും. ഇതിനുപകരമായി ടിക്കറ്റ് വിൽപ്പനയിൽ നിന്ന് ലഭിക്കുന്ന തുകയിൽ 15 % കമ്മീഷനായി അവർക്കെടുക്കാം. ആദ്യമാസ ടിക്കറ്റ് വിൽപ്പന റിക്കാർഡായിരുന്നു.5 ലക്ഷം രൂപയുടെ ടിക്കറ്റാണ് വിറ്റത്.ഇതിൽ യാത്രക്കാരുടെയും അല്ലാത്തവരുടെയും പൂർണ്ണ സഹകരണം ഉണ്ടായിരുന്നു. ഒരു ടിക്കറ്റ് വേണ്ടവർ രണ്ടും മൂന്നും ചിലപ്പോൾ,പത്തു ടിക്കറ്റുകൾ വരെ വാങ്ങി സഹകരിച്ചു..

ഗ്രാമീണരുടെ നേതൃത്വത്തിലുള്ള ഒരു ടീം സ്റ്റേഷൻ പരിസരത്തു സദാ സജീവമാണ്. ടിക്കറ്റെടുക്കാതെ യാത്രചെയ്യുന്നവരെ പിടികൂടാനും ശുചീകരണപ്രവർത്തനങ്ങൾ നിരീക്ഷിക്കാനുമാണിത്. റെയിൽവേയുടെ പ്രശംസ ഇവരെത്തേടിയെത്തി..അത്ര മഹത്തരമായിരുന്നു പ്രവർത്തനങ്ങൾ.

കഴിഞ്ഞ 6 വർഷം നാട്ടുകാർ ഈ സ്റ്റേഷൻ പ്രവർത്തനങ്ങൾ ഭംഗിയായി നടത്തിപ്പോന്നു. 5 ലക്ഷത്തിനു മുകളിൽ എല്ലാ മാസവും ടിക്കറ്റുകൾ വിറ്റു.ഇപ്പോൾ റൂട്ട് ബ്രോഡ്ഗേജ് ആക്കുന്നതിന്റെ ഭാഗമായി ട്രെയിനുകൾ സർവീസ് നിർത്തിവച്ചിരിക്കുകയാണ്. പണികൾ തകൃതിയായി നടക്കു ന്നകൂട്ടത്തിൽ RASHIDPURA KHORI സ്റ്റേഷനും പുതുക്കിപ്പണിയുക യാണ്. ഈ വർഷം തന്നെ പണികൾ പൂർത്തിയായി ട്രെയിൻ ഓടിത്തുടങ്ങുമെന്നാണ് കണക്കുകൂട്ടൽ…

RASHIDPURA KHORI ഗ്രാമീണരുടെ ഉത്സാഹവും ,അർപ്പണബോ ധവും കണക്കിലെടുത്ത് ഇനിമുതൽ ഇവിടെ എല്ലാ ട്രെയിനുകൾക്കും ഹാൾട്ടിങ് അനുവദിക്കാനാണ് റെയിൽവേ പദ്ധതിയിട്ടിരിക്കുന്നത്. അപ്പോഴും ടിക്കറ്റ് വിൽപ്പനയും സ്റ്റേഷൻ സംരക്ഷണവും നാട്ടുകാരുടെ ചുമതലയായിരിക്കുമെങ്കിലും ടാർജെറ്റ് ഉണ്ടാകാനുള്ള സാദ്ധ്യതയില്ല. വളരെ മാതൃകാപരമായ ഒരു ചുവടുവെപ്പിലൂടെ രാജ്യത്തിനുതന്നെ അഭിമാനമായി മാറിയിരിക്കുന്നു റാശിദ്‌പുറ ഖോറി ഗ്രാമവും ഗ്രാമീണരും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post