ഭൂട്ടാനിൽ ബുദ്ധസ്തൂപത്തിൽ ചവിട്ടിയ ഇന്ത്യൻ സഞ്ചാരി പിടിയിൽ

Total
0
Shares

എഴുത്ത് – സുജിത്ത് ഭക്തൻ.

മാസങ്ങൾക്ക് മുൻപ് ഞങ്ങൾ INB ട്രിപ്പ് (ഇന്ത്യ – നേപ്പാൾ – ഭൂട്ടാൻ) എന്ന പേരിൽ രണ്ടു മാസത്തോളമെടുത്തുള്ള യാത്ര നടത്തിയിരുന്നത് എല്ലാവരും ഓർക്കുന്നുണ്ടാകും. കേരളത്തിൽ നിന്നും ഞങ്ങൾ നേരെ പോയത് ബംഗാൾ വഴി ഭൂട്ടാനിലേക്ക് ആയിരുന്നു. എന്തൊരു മനോഹരമായ രാജ്യം, അവിടത്തെ ആളുകൾ, ചരിത്ര സ്മാരകങ്ങൾ… എല്ലാം കൊണ്ടും ഒരു സന്തുഷ്ട രാജ്യം തന്നെയാണ് ഭൂട്ടാൻ. കള്ളവുമില്ല ചതിയുമില്ല, ഇന്ത്യക്കാരോട് പ്രത്യേകമൊരു മമത ഭൂട്ടാൻ എന്ന രാജ്യത്തിനും ആ നാട്ടുകാർക്കും ഉണ്ട്. അത് ഞങ്ങൾ യാത്രയ്ക്കിടയിൽ നേരിട്ടനുഭവിച്ചതാണ്.

എന്നാൽ കഴിഞ്ഞ ദിവസം ഭൂട്ടാനിലെ ഒരു സ്തൂപത്തിൽ ചവിട്ടി നിന്നുകൊണ്ട് ഇന്ത്യക്കാരനായ ഒരു സഞ്ചാരി ഫോട്ടോയ്ക്ക് പോസ് ചെയ്യുന്ന ചിത്രം കണ്ട് സത്യത്തിൽ എനിക്ക് ദേഷ്യവും ഒപ്പം വിഷമവും വന്നു. കാരണം ബുദ്ധമത വിശ്വാസികളാണ് ഭൂട്ടാനിലെ ആളുകൾ. ബുദ്ധക്ഷേത്രങ്ങളും അതിനോടനുബന്ധിച്ചുള്ള സ്തൂപങ്ങളുമെല്ലാം വളരെ ആദരവോടെയാണ് അവർ പരിപാലിക്കുന്നത്. അവിടെ ചെല്ലുന്ന സഞ്ചാരികളും അങ്ങനെ തന്നെയാണ്. എന്നാൽ അതിൽ കയറി നിന്നുകൊണ്ട് ഫോട്ടോയെടുക്കുക വഴി ആ ഇന്ത്യൻ ബൈക്ക് യാത്രികൻ അവിടത്തെ ജനങ്ങളുടെ വിശ്വാസത്തെ അപമാനിക്കുന്നതിനൊപ്പം നമ്മുടെ രാജ്യത്തിനും കൂടി അപമാനമായിരിക്കുകയാണ്.

മഹാരാഷ്ട്ര സ്വദേശിയായ അഭിജിത് രതന്‍ ഹജരേ എന്ന ബൈക്ക് റൈഡറാണ് ഭൂട്ടാനിലെ ദൊലൂച്ചയിലെ ബുദ്ധ സ്തൂപത്തിന് മുകളില്‍ ഏണിവെച്ചു കയറി ഫോട്ടോയ്ക്ക് പോസ് ചെയ്തത്. അറിവില്ലായ്മ കൊണ്ടാണോ എന്തോ ആ ചെയ്തതിന്റെ ഫലം അയാൾ അനുഭവിക്കുകയാണിപ്പോൾ. ചിത്രം ഫേസ്‌ബുക്കിൽ വൈറലായതോടെയാണ് ഭൂട്ടാൻ പോലീസ് അഭിജിത്തിനെ പിടികൂടിയത്. ഇദ്ദേഹത്തിന്റെ പാസ്സ്‌പോർട്ട് പിടിച്ചെടുക്കുകയും ചെയ്തു. ഭൂട്ടാനിലേക്ക് പതിനഞ്ചംഗ സംഘത്തോടൊപ്പം ബൈക്ക് യാത്രയ്ക്കായി എത്തിയതാണ് അഭിജിത് രതൻ. സംഭവത്തിൽ റോയൽ ഭൂട്ടാൻ പോലീസ് (ആർബിപി) അന്വേഷണം ആരംഭിച്ചിരിക്കുകയാണ്. അന്വേഷണം പൂർത്തിയാകുന്നതുവരെ അഭിജിത്തിനു ഹോട്ടലിൽ താമസിക്കാൻ പോലീസ് അനുവാദം നൽകിയിട്ടുണ്ട്.

അറിവില്ലായ്മ കൊണ്ടാണെങ്കിലും വളരെ ഗുരുതരമായ ഒരു കുറ്റമാണ് ഈ ഇന്ത്യൻ സഞ്ചാരിയുടെ ഭാഗത്തു നിന്നും സംഭവിച്ചിരിക്കുന്നത്. കാരണം ഓരോ രാജ്യത്തു പോകുമ്പോഴും അവിടത്തെ നിയമങ്ങളും സംസ്കാരവുമെല്ലാം മനസ്സിലാക്കിയിരിക്കണം. നമ്മുടെ നാട്ടിൽ ചെയ്യുന്നതു പോലെ അവിടെ ചെയ്യുവാൻ മുതിരരുത്. ഒരു സ്ഥലത്തു ചെന്നാൽ അവിടുത്തെ രീതികളാവണം നമ്മുടെ രീതികൾ. ആ രീതികളെ ഹനിച്ചു കൊണ്ടുള്ള പ്രവൃത്തികൾ സഞ്ചാരികളുടെ ഭാഗത്തു നിന്നും ഉണ്ടാകാനേ പാടില്ല.

അതുപോലെ തന്നെ മറ്റൊരു രാജ്യത്തു ചെല്ലുമ്പോൾ നമ്മൾ ഇന്ത്യ എന്ന നമ്മുടെ രാജ്യത്തെയാണ് അവിടെ പ്രതിനിധീകരിക്കുന്നത്. നമ്മുടെ സ്വഭാവത്തിലും പെരുമാറ്റത്തിലും ഓരോരോ ചെയ്തികളിലുമെല്ലാം പ്രതിഫലിക്കുന്നത് ഇന്ത്യ എന്ന മഹാരാജ്യമാണ്. ആയതിനാൽ നമ്മൾ ചെയ്യുന്ന മോശം പ്രവർത്തികൾക്ക് ചീത്തപ്പേര് ചാർത്തപ്പെടുന്നത് നമ്മുടെ രാജ്യത്തിനു മേലായിരിക്കും.

ഭൂട്ടാനിൽ നടന്ന ഈ സംഭവം എല്ലാവർക്കും ഒരു പാഠമാകട്ടെ. ഇനി സ്വന്തം നാട്ടിലാണെങ്കിലും മറ്റു രാജ്യങ്ങളിലാണെങ്കിലും മറ്റുള്ളവർക്ക് ബുദ്ധിമുട്ടുണ്ടാക്കുന്ന തരത്തിലുള്ള പ്രവൃത്തികളിൽ നിന്നും ഒഴിഞ്ഞു നിൽക്കുക. നാടും സംസ്‌കാരങ്ങളും അടുത്തറിയാനായിരിക്കണം നമ്മുടെ യാത്രകൾ. യാത്രകളിൽ നമുക്ക് ലഭിക്കേണ്ടത് ശത്രുക്കളെയല്ല, മിത്രങ്ങളെയാണ് എന്ന കാര്യം മറക്കരുത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post