ഇൻഡിഗോ എയർലൈൻസ് ; ഇന്ത്യയിലെ മികച്ച ബഡ്‌ജറ്റ്‌ വിമാന സർവ്വീസ്

Total
1
Shares

യാത്രക്കാരുടെ എണ്ണത്തിലും, വിമാനങ്ങളുടെ എണ്ണത്തിലും ഇന്ത്യയിലെ ഏറ്റവും മികച്ച എയർലൈൻ കമ്പനിയാണ് ഇൻഡിഗോ എയർലൈൻസ്. ഇൻഡിഗോയുടെ ചരിത്രവും വിശേഷങ്ങളുമാണ് ഇനി പറയുവാൻ പോകുന്നത്.

ഇന്റർഗ്ലോബ് എന്റർപ്രൈസസ് കമ്പനിയുടമയായ രാഹുൽ ഭാട്ടിയയും, അമേരിക്കൻ NRI ആയ രാകേഷ് ഗാംഗ്വാളും ചേർന്ന് പുതിയ ഒരു വിമാനക്കമ്പനി തുടങ്ങുവാൻ ധാരണയായി. അങ്ങനെ ഇരുവരും ചേർന്ന് ഇൻഡിഗോ എന്ന പേരിൽ എയർലൈൻ കമ്പനി ആരംഭിച്ചു. രാഹുൽ ഭാട്ടിയയുടെ ഇൻറർഗ്ലോബിനു 51.12 ശതമാനം ഓഹരികളും, ഗാങ്ങ്വാലിൻറെ വിർജീനിയ ആസ്ഥാനമായി പ്രവർത്തിക്കുന്ന കമ്പനിയായ സീലം ഇൻവെസ്റ്റ്മെന്റിനു 47.88 ശതമാനം ഓഹരികളുമാണ് കൈവശം വച്ചിരുന്നത്.

2006 പകുതിയോടെ പ്രവർത്തനങ്ങൾ ആരംഭിക്കണം എന്ന ലക്ഷ്യത്തോടെ ഇൻഡിഗോ 2005 ജൂൺമാസത്തിൽ 100 എയർബസ് A 320-200 വിമാനങ്ങൾക്ക് ഓർഡർ നൽകി. ഒരുവർഷത്തിനു ശേഷം 2006 ജൂലൈ മാസത്തിൽ ഇൻഡിഗോയ്ക്ക് ആദ്യത്തെ വിമാനം ഡെലിവറി ലഭിക്കുകയും ചെയ്തു. 2006 ഓഗസ്റ്റ് നാലാം തീയതി ഇൻഡിഗോ തങ്ങളുടെ ആദ്യത്തെ വിമാനസർവീസ് ആരംഭിച്ചു. ന്യൂഡൽഹിയിൽ നിന്നും ഗുവാഹത്തി വഴി ഇൻഫാലിലേക്ക് ആയിരുന്നു ആദ്യ സർവ്വീസ്.

പിന്നീട് മുൻപ് ഓർഡർ ചെയ്തതു പ്രകാരം ഇൻഡിഗോയുടെ ഫ്‌ലീറ്റിലേക്ക് എയർക്രാഫ്റ്റ്‌കൾ വന്നു ചേർന്നുകൊണ്ടിരുന്നു. അതിനനുസരിച്ച് അവർ ഇന്ത്യയിലെ വിവിധ ലക്ഷ്യകേന്ദ്രങ്ങളിലേക്ക് തങ്ങളുടെ സർവ്വീസ് വ്യാപിപ്പിക്കുകയും ചെയ്തു. ചുരുങ്ങിയ സമയംകൊണ്ട് ഇൻഡിഗോയ്ക്ക് യാത്രക്കാരുടെയിടയിൽ മികച്ച സ്വീകരണം ലഭിക്കുകയുണ്ടായി. ഇതോടെ 2010 ൽ എയർ ഇന്ത്യയെ മറികടന്ന് ഇന്ത്യയിലെ ഏറ്റവും വലിയ മൂന്നാമത്തെ എയർലൈൻ എന്ന പദവി ഇൻഡിഗോ കരസ്ഥമാക്കി. അന്ന് ഒന്നും രണ്ടും സ്ഥാനങ്ങളിൽ കിംഗ് ഫിഷറും, ജെറ്റ് എയർവെയ്സും ആയിരുന്നു ഉണ്ടായിരുന്നത്.

പ്രവർത്തനമാരംഭിച്ച് അഞ്ചു വർഷങ്ങൾക്കു ശേഷം 2011 ൽ ഇൻഡിഗോയ്ക്ക് ഇന്റർനാഷണൽ റൂട്ടുകളിൽ സർവ്വീസ് നടത്തുവാനുള്ള അനുമതി ലഭിച്ചു. ഇതോടെ ഏകദേശം 15 ബില്യൺ US ഡോളർ മുടക്കി ഇൻഡിഗോ 180 എയർബസ് A320 വിമാനങ്ങൾക്കു കൂടി ഓർഡർ നൽകുകയുണ്ടായി. 2011 സെപ്റ്റംബർ ഒന്നാം തീയതി ഇൻഡിഗോ തങ്ങളുടെ ആദ്യത്തെ അന്താരാഷ്ട്ര സർവ്വീസ് ആരംഭിച്ചു. ന്യൂഡൽഹിയിൽ നിന്നും ദുബായിലേക്ക് ആയിരുന്നു ഇൻഡിഗോയുടെ ആദ്യത്തെ ഇന്റർനാഷണൽ സർവ്വീസ്.

2012 ആയതോടു കൂടി ഇൻഡിഗോയ്ക്ക് സ്വന്തമായ വിമാനങ്ങളുടെ എണ്ണം 50 ആയി. 2012 മാർച്ചിൽ ഇൻഡിഗോ ഇന്ത്യയിലെ ഏറ്റവും ലാഭകരമായി പ്രവർത്തിക്കുന്ന എയർലൈൻ എന്ന പദവി നേടുകയും ഇന്ത്യയിലെ ഏറ്റവും വലിയ രണ്ടാമത്തെ എയർലൈൻ എന്ന നിലയിലെത്തുകയും ചെയ്തു. ആ വർഷം ആഗസ്ത് മാസത്തിൽ, മാർക്കറ്റ് ഷെയറുകളുടെയും മറ്റും അടിസ്ഥാനത്തിൽ ജെറ്റ് എയർവേയ്‌സിന്റെ ഞെട്ടിച്ചുകൊണ്ട് ഇൻഡിഗോ ഇന്ത്യയിലെ ഏറ്റവും വലിയ എയർലൈൻ കമ്പനിയായി മാറി.

2013 ൽ ഇൻഡിഗോ ഏഷ്യയിലെ, എളുപ്പത്തിൽ വളരുന്ന രണ്ടാമത്തെ ബഡ്‌ജറ്റ്‌ എയർലൈൻ കമ്പനിയായി മാറി. ഇന്തോനേഷ്യൻ കമ്പനിയായ ലയൺ എയർ ആണ് ഒന്നാം സ്ഥാനത്തുണ്ടായിരുന്നത്. പ്രവർത്തനങ്ങൾ വിപുലീകരിച്ചതോടെ 2014 ൽ ഏഷ്യയിലെ ഏറ്റവും മികച്ച രണ്ടാമത്തെ ബഡ്‌ജറ്റ്‌ എയർലൈനായി ഇൻഡിഗോ മാറി.

2015 ഓഗസ്റ്റിൽ ഇൻഡിഗോ 250 എയർബസ് A320 Neo വിമാനങ്ങൾക്ക് ഒന്നിച്ച് ഓർഡർ നൽകിയത് എയർബസ് കമ്പനിയുടെ തന്നെ ചരിതത്തിലെ ഏറ്റവും വലിയ സിംഗിൾ ഓർഡറായി മാറി. പിന്നീട് 2019 ഒക്ടോബറിൽ 300 എയർബസ് A320 Neo വിമാനങ്ങൾക്ക് ഒന്നിച്ച് ഓർഡർ നൽകി തങ്ങളുടെ തന്നെ റെക്കോർഡ് ഇൻഡിഗോ മറികടന്നു.

ഇന്ന് ഇന്ത്യയിലെ ഏറ്റവും ജനപ്രിയമായ ബഡ്‌ജറ്റ്‌ എയർലൈനാണ്‌ ഇൻഡിഗോ. മികച്ച ബഡ്ജറ്റ് എയർലൈനിനുള്ള ധാരാളം അവാർഡുകൾ ഇൻഡിഗോ എയർലൈൻസ് കരസ്ഥമാക്കിയിട്ടുണ്ട്.

ഹരിയാനയിലെ ഗുഡ്ഗാവിലാണ് ഇൻഡിഗോയുടെ ഹെഡ്ക്വാർട്ടേഴ്‌സ്. ഡൽഹിയിലെ ഇന്ദിരാഗാന്ധി അന്താരാഷ്‌ട്ര വിമാനത്താവളമാണ് ഇൻഡിഗോ എയർലൈൻസിൻറെ പ്രധാന ഹബ്. 23000 ത്തലധികം ജീവനക്കാർ ഇന്ന് ഇൻഡിഗോയിൽ ജോലി ചെയ്യുന്നുണ്ട്.

1500 ഓളം വിമാന സർവ്വീസുകൾ ഇന്ന് ദിവസേന ഇൻഡിഗോ നടത്തുന്നുണ്ട്. ഏകദേശം 63 ഓളം ആഭ്യന്തര ലക്ഷ്യസ്ഥാനങ്ങളിലേക്കും, 24 ഓളം അന്താരാഷ്ട്ര ലക്ഷ്യസ്ഥാനങ്ങളിലേക്കും ഇൻഡിഗോയുടെ വിമാനങ്ങൾ പറക്കുന്നു. എയർബസ് A320-200, A320 Neo, A321 Neo, ATR72 എന്നിവയാണ് ഇൻഡിഗോ തങ്ങളുടെ സർവ്വീസുകൾക്കായി പ്രധാനമായും ഉപയോഗിക്കുന്ന എയർക്രാഫ്റ്റുകൾ.

ഇന്ത്യയിൽ ബഡ്‌ജറ്റ്‌ എയർലൈനുകൾ വേറെയുണ്ടെങ്കിലും ഇൻഡിഗോയെപ്പോലെ വളർച്ച മറ്റാർക്കും അവകാശപ്പെടാനാകില്ല. സാധാരണക്കാരുടെ ആകാശയാത്രാ സ്വപ്‌നങ്ങൾ സഫലീകരിച്ചുകൊണ്ട് ഇൻഡിഗോ തങ്ങളുടെ ജൈത്രയാത്ര തുടരുകയാണ്…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post