റോഡിലെ തലവേദന; ചില ന്യൂജെൻ ബൈക്ക് റൈഡർമാർ; ഒരു യാത്രികൻ്റെ അനുഭവക്കുറിപ്പ്…

Total
0
Shares

റോഡിൽ ഏറ്റവും കൂടുതൽ തലവേദന സൃഷ്ടിക്കുന്ന കൂട്ടരാണ് അമിതവേഗതയിൽ പായുന്ന ന്യൂജെൻ ബൈക്ക് റൈഡർമാർ. റൈഡേഴ്‌സ് എന്നൊക്കെ സ്വയം വിളിക്കുമെങ്കിലും സത്യത്തിൽ ഇവരുടെ ഈ പാച്ചിൽ കാരണം ചീത്തപ്പേര് കേൾക്കുന്നത് മാന്യമായിട്ടു, എല്ലാ നിയമങ്ങളും പാലിച്ചുകൊണ്ട് പോകുന്ന യഥാർത്ഥ റൈഡർമാർക്ക് ആണ്.

റോഡ് റേസിംഗ് ട്രാക്ക് ആക്കുവാൻ മത്സരിക്കുന്നവർക്ക് കെടിഎം ഡ്യൂക്ക് പോലുള്ള സൂപ്പർ ബൈക്കുകൾ കൂടി ആയപ്പോൾ കാര്യം ഉഷാറായി എന്നുവേണം പറയുവാൻ. ഇത്തരം ഷോ റൈഡർമാരുടെ ലീലാവിലാസം കാരണം ബുദ്ധിമുട്ടുന്നത് റോഡിലെ പാവം മറ്റു യാത്രക്കാരാണ്. അത്തരത്തിലൊരു അനുഭവം പങ്കുവെയ്ക്കുകയാണ് യാത്രാപ്രേമിയും പരിസ്ഥിതി പ്രവർത്തകനുമായ ആദിഷ് (Aadish Sanctus Fortis). അദ്ദേഹത്തിൻ്റെ ഫേസ്‌ബുക്ക് പോസ്റ്റ് താഴെ കൊടുക്കുന്നു…

“ഇന്നലെ വൈകീട്ട് വീട്ടിൽ നിന്നും തിരിച്ചു ബാംഗ്ലൂർ വരാൻ ബസ് ബുക്ക് ചെയ്തത് തെങ്കാശിയിൽ നിന്നാണ്. പുനലൂർ സ്റ്റാൻഡിൽ നിന്നും അച്ചൻകോവിൽ ബസിൽ കയറി. ചെങ്കോട്ട ഇറങ്ങി അടുത്ത ബസിന് തെങ്കാശി എത്താം. പുനലൂരിൽ നിന്നും എന്റെ വീട് നിൽക്കുന്ന കലയനാട് കഴിഞ്ഞാൽ പിന്നെ റോഡിൽ കട്ട വളവും തരക്കേടില്ലാത്ത കയറ്റവും ഒക്കെ ആണ്.

അങ്ങനെ ഓർഡിനറി ബസ് ആര്യങ്കാവ് ഒക്കെ അടുത്തപ്പോ അതാ എതിരെ ഒരു കണ്ടൈനർ ലോറി വളവ് തിരിഞ്ഞ് എതിരെ വരുന്നൂ. ബസ് ഡ്രൈവർ അല്പം ഇടതു ചേർന്ന് വന്ന സ്പീഡിൽ തന്നെ വണ്ടി മുന്നോട്ട് കൊണ്ടു പോകുമ്പോ ധാ നമ്മുടെ ലോറിയുടെ ബാക്കിൽ നിന്നും പെട്ടെന്ന് ഒരു KTM Duke ബൈക്കിൽ രണ്ടു ചേട്ടന്മാർ വലതു എടുത്തു പാഞ്ഞു വരുന്നു. ബസ് ഡ്രൈവർ സഡൻ ഇട്ടു. ബൈക്കൊളികൾ കൃത്യമായി ബസിന്റെ സൈഡ് പിടിച്ചു വിട്ടു. ബസിലെ എല്ലാവരും ബൈക്കൊളിയുടെ അപ്പന് വിളിച്ചു.

പുറകിൽ ഇരുന്ന ഊളൻ ഇളിഞ്ഞ ചിരി പാസ്സാക്കി എന്തോ അചീവ് ചെയ്ത പോലെ. ശെരിയാണ്, രണ്ടാം ജന്മം ആണല്ലോ. ആഘോഷിക്കണം. എത്ര പറഞ്ഞാലും tail gate ചെയ്യരുത്, എതിരെ വരുന്ന വാഹനം കാണാതെ ഓവർടേക്ക് ചെയ്യരുത് എന്ന് പറഞ്ഞാല് മനസ്സിലാകില്ല. ഈ പേക്കൂത്ത് കാണിക്കുന്ന അവന്മാർ ചത്താൽ അവന്മാർക്ക് ഒന്നുമില്ല. വീട്ടുകാർക്ക് ജീവിതകാലം മൊത്തം കരയാനുള്ള വക.

പിന്നെ, എതിരെ വരുന്ന നിർഭാഗ്യ ബൈക്കുകാരുടെ അവസ്ഥ ആണ് അതിലും കഷ്ടം. ശ്രദ്ധിച്ചു നിയമം പാലിച്ചു വണ്ടി ഓടിക്കുന്ന ആൾക്ക് അപകടം വന്നാലോ? പുനലൂർ ടൗണിൽ വച്ച് അച്ഛന് ഇതുപോലൊരു ബൈക്കോളി കൊടുത്ത പണി, അതനുഭവിച്ച അച്ഛനും ഞങ്ങ വീട്ടുക്കാർക്കും മാത്രമേ അറിയൂ. മൈനർ ആക്സിഡന്റ് ആയിട്ടുപോലും കാലിലെ നുറുങ്ങിപോയ വിരല് ഒരെണ്ണം നഷ്ടപ്പെട്ടു എന്ന ഭയത്തിൽ കഴിഞ്ഞ ആദ്യ മൂന്ന് ആശുപത്രി ദിനങ്ങൾ, പിന്നെ ഒടിഞ്ഞ കാലുമായി വീട്ടിൽ കിടന്ന രണ്ടുമാസം.

കുടുംബം എങ്ങനെയൊക്കെയോ മുന്നോട്ട് കൊണ്ട് പോയത് ജോലിക്ക് കയറി ആറു മാസം മാത്രം ആയ എന്റെ ശമ്പളത്തിൽ. എന്റെ കാര്യത്തിൽ ആ ആറുമാസം മുന്നേ ഈയൊരു ലക്ഷ്വറി ലൈഫ് ഇല്ലായിരുന്നു, പലരുടെയും കാര്യത്തിൽ ഇപ്പോഴും ഉണ്ടാകില്ല. അതുകൊണ്ട് അഡ്രിനാലിൻ മൂക്കുമ്പോൾ എതിരെ വരുന്നവനെ എങ്കിലും മനസ്സിൽ ഓർത്താൽ നല്ലത്.”

Cover Photo by vikram sundaramoorthy from Pexels.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post