യുഎഇയിലെ ഏറ്റവും ഉയർന്ന മലനിരകളിലേക്ക് ഒരു യാത്ര പോകാം

Total
125
Shares

യുഎഇയിലെ ഏറ്റവും ഉയർന്ന മലനിരകൾ… അതാണ് റാസൽഖൈമ എമിറേറ്റിൽ സ്ഥിതി ചെയ്യുന്ന ജബൽ ജൈസ്. 6,345 അടി ഉയരമുള്ള ജബല്‍ ജൈസിലേക്ക് റാസൽഖൈമയിൽ നിന്നും ഏകദേശം 70 കിലോമീറ്ററോളം ദൂരമുണ്ട്. ഈ മലനിരകളുടെ ഒരു ഭാഗം ഒമാൻ രാജ്യത്തിനുള്ളിലാണ്. ചുരുക്കിപ്പറഞ്ഞാൽ ഒരു രാജ്യാന്തര അതിർത്തി കൂടിയാണ് ഈ വലിയ മലനിരകൾ.

ഇവിടേക്കുള്ള യാത്രയിൽ റാസൽഖൈമയിലെ നഗരപ്രദേശങ്ങൾ പിന്നിട്ടു കഴിഞ്ഞാൽ പിന്നെ വരണ്ടതും മനോഹരമായതുമായ ഭൂപ്രകൃതിയിലൂടെയായിരിക്കും പിന്നീടുള്ള സഞ്ചാരം. ഒപ്പം അങ്ങ് ദൂരെ മലനിരകൾ പ്രത്യക്ഷപ്പെട്ടു തുടങ്ങുകയും ചെയ്യും. കൂറ്റന്‍ പാറക്കെട്ടുകള്‍, വിശാലമായ മലഞ്ചെരിവുകള്‍, ബദുക്കളുടെ കൃഷിയിടങ്ങള്‍ ഉള്‍പ്പെടെയുള്ള പച്ചപ്പ് എന്നിവ ആസ്വദിച്ചു കൊണ്ട് ജബൽ ജൈസിലേക്ക് യാത്ര ചെയ്യാം. മല കയറുന്നതിനു മുൻപായി ഇടതുവശത്ത് നീലനിറത്തിലുള്ള ഒരു റിസർവോയർ (തടാകം) കാണാം.

തടാകത്തിനു എതിർവശത്തുള്ള മലയിൽ സഞ്ചാരികൾക്ക് സ്വാഗതമോതുന്ന വിധത്തിൽ യു.എ.ഇ-യുടെ പതാക പാറിക്കളിക്കുന്ന കാഴ്ച അതിമനോഹരമാണ്. അങ്ങനെ കയറ്റം ഇവിടെ നിന്നും തുടങ്ങുകയായി. ജബൽ ജൈസ് മലമുകളിലേക്ക് എത്താന്‍ ഒട്ടേറെ ഹെയര്‍ പിന്‍ വളവുകള്‍ കടന്ന് കയറിപ്പോകണം. പൊതുവെ ചാരനിറത്തിലുള്ള, അതീവ കഠിനമല്ലാത്ത ഒരു തരം പറകളാണ് ഈ മലനിരകളിലുള്ളത്. അടുക്കി വെച്ച പാളികളായാണ് പാറകള്‍ കാണപ്പെടുന്നത്.

അങ്ങ് മുകളിലെത്തി താഴേക്ക് നോക്കിയാൽ കാണുന്ന കാഴ്ച അതിമനോഹരമായിരിക്കും. അഗാധമായ കൊക്കയും മലകളെ ചുറ്റിപ്പിണഞ്ഞ് കിടക്കുന്ന വഴിയും അങ്ങകലെ മരുഭൂമിയുടെ വിശാലതയും… പറഞ്ഞറിയിക്കുവാൻ വയ്യാത്ത ഒരനുഭൂതി തന്നെയായിരിക്കും അത്.

UAE യിലെ മറ്റു സ്ഥലങ്ങളിൽ നിന്നും വ്യത്യസ്തമായി മഞ്ഞ് പെയ്യുന്ന മലനിരകളാണ് ജബല്‍ ജൈസ്. മഞ്ഞു പെയ്യുന്ന അവസരത്തിൽ ഈ മലനിരകള്‍ കണ്ടാൽ ഏതോ ഒരു യൂറോപ്യൻ രാജ്യമെന്നേ ഒറ്റത്തോട്ടത്തിൽ തോന്നിക്കൂ. ശൈത്യകാലത്ത് ജബല്‍ ജൈസ് മലമുകളിലെ ചൂട് അഞ്ച് ഡിഗ്രി മാത്രമായിരിക്കും. ചിലപ്പോൾ അതിലും കുറയുവാനും സാധ്യതയുണ്ട്. ചൂടുകാലത്ത് UAE യിലെ മറ്റു സ്ഥലങ്ങളിൽ താപനില 45 – 50 ഡിഗ്രിയൊക്കെ ആകുമ്പോൾ ജബൽ ജൈസിൽ കൂടിപ്പോയാൽ 29 – 31 ഡിഗ്രി ഒക്കെയേ അനുഭവപ്പെടുകയുള്ളൂ.

മലയാടുകൾ, ഒട്ടകങ്ങൾ, ചെന്നായ്ക്കൾ, കാട്ടുപൂച്ചകൾ, വിവിധയിനം പക്ഷിവർഗ്ഗങ്ങൾ തുടങ്ങിയവയുടെയൊക്കെ വാസസ്ഥലം കൂടിയാണ് ജബൽ ജൈസ് മലനിരകൾ.

മലമുകളിലെ കാഴ്ചയും, വ്യത്യസ്തമായ കാലാവസ്ഥയും, വളഞ്ഞുപുളഞ്ഞു കിടക്കുന്ന ചുരം പാതയിലൂടെയുള്ള യാത്രയും, സാഹസികതയും ഒക്കെ ജബല്‍ ജൈസിനെ UAE യിലെ വിനോദസഞ്ചാര കേന്ദ്രങ്ങളിലൊന്നാക്കി മാറ്റിയിട്ടുണ്ട്. ടൂറിസത്തിൻ്റെ ഭാഗമായി ജബൽ ജൈസിൽ സീസൺ സമയങ്ങളിൽ സിപ് ലൈൻ, ഹൈക്കിംഗ്, സൈക്ലിംഗ്, ക്യാമ്പിംഗ് തുടങ്ങിയ ആക്ടിവിറ്റികൾക്കായുള്ള സൗകര്യങ്ങളുണ്ട്.

സാഹസികത ഏറെ ഇഷ്ടപ്പെടുന്നവര്‍ക്ക്, ലോകത്തെ ഏറ്റവും നീളംകൂടിയ ഇവിടത്തെ സിപ് ലൈനിലൂടെ മണിക്കൂറില്‍ 120 മുതല്‍ 150 കിലോമീറ്റര്‍ വരെ വേഗതയില്‍ യാത്ര ചെയ്യാം. ഉയരമുള്ള മലയില്‍നിന്ന് ഉയരം കുറഞ്ഞ മലയിലേക്കു വലിച്ചുകെട്ടിയ കേബിളില്‍ തൂങ്ങിയുള്ള സാഹസിക യാത്രയാണിത്. മൂന്ന് കിലോമീറ്ററോളം ദൂരമുള്ള മലനിരകളെ സിപ് ലൈന്‍ തമ്മില്‍ ബന്ധിപ്പിക്കുന്നു. സമുദ്രനിരപ്പില്‍നിന്ന് 1,934 മീറ്റര്‍ ഉയരത്തിലാണ് ഇതു സ്ഥാപിച്ചിരിക്കുന്നത്.

45 നും 150 നുമിടയില്‍ കിലോ ശരീരഭാരമുള്ളവര്‍ക്കും 120 സെന്റി മീറ്ററില്‍ കൂടുതല്‍ ഉയരവുമുള്ള ആരോഗ്യപ്രശ്നം ഇല്ലാത്തവര്‍ക്ക് സിപ് ലൈനിലൂടെ യാത്രചെയ്യാം. യാത്രികരെ സഹായിക്കാന്‍ ട്രെയിനര്‍മാരുടെ സേവനം ലഭ്യമാണ്. കുറേനാൾ മുൻപ് നടൻ ടോവിനോ തോമസ് ഈ സിപ് ലൈനിലൂടെ യാത്ര ചെയ്തത് സോഷ്യൽ മീഡിയയിൽ വൈറലായ ഒന്നായിരുന്നു.

യാത്രക്കാരുടെ സുരക്ഷ ഉറപ്പാക്കാന്‍ എല്ലാ സംവിധാനവും ഇവിടെയുണ്ട്. അപകടമുണ്ടായാല്‍ രക്ഷാപ്രവര്‍ത്തനത്തിന് ഹെലികോപ്ടര്‍ സേവനവും ലഭ്യമാണ്. കൂടാതെ സഞ്ചാരികളുടെ സാധനങ്ങള്‍ സൂക്ഷിക്കാനുള്ള സൗകര്യവും ഭക്ഷണശാലയും വിശ്രമസ്ഥലവും ഇവിടെയുണ്ട്.

നല്ല ശുദ്ധവായു ശ്വസിച്ച് പ്രകൃതി ഭംഗി ആസ്വദിച്ച് യോഗ ചെയ്യാനുമുള്ള സൗകര്യം അധികൃതര്‍ ഇവിടെ ഒരുക്കിയിട്ടുണ്ട്. സമുദ്ര നിരപ്പില്‍ നിന്ന് 1250 മീറ്റര്‍ ഉയരത്തില്‍ സ്ഥാപിച്ച വ്യൂവിംഗ് ഡെക്ക് പാര്‍ക്കുമുണ്ട് ഇവിടെ. ഇവിടെ ഒരുക്കിയിരിക്കുന്ന ബൈനോക്കുലറിലൂടെ യുഎഇയും അതിനപ്പുറവും കാണാനാവും.

UAE യിൽ താമസിക്കുന്നവർക്കും, UAE സന്ദർശകർക്കും ഒരു വീക്കെൻഡിൽ പോയി ആസ്വദിച്ചു വരുവാൻ കഴിയുന്ന മനോഹരമായ ഒരു സ്ഥലമാണ് ജബൽ ജൈസ്. തീർച്ചയായും ഇവിടം സന്ദർശിച്ചിട്ടില്ലാത്തവർ അടുത്ത തവണ ഒന്നു ട്രൈ ചെയ്തു നോക്കുക. കൊവിഡ് കാലത്ത് ധൈര്യമായി സഞ്ചരിക്കാന്‍ പറ്റിയ സ്ഥലം കൂടിയാണ് റാസല്‍ഖൈമ. സുരക്ഷിതമായി യാത്ര ചെയ്യാന്‍ പറ്റിയ സ്ഥലങ്ങളിലൊന്നായി വേള്‍ഡ് ട്രാവല്‍ ആന്റ് ടൂറിസം കൗണ്‍സിലിന്റെ അംഗീകാരവും ഈ എമിറേറ്റിന് ലഭിച്ചിട്ടുണ്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post