പ്രളയകാലത്ത് പോലീസ് വണ്ടിയായി ഉപയോഗിച്ച മോഡിഫൈഡ് ജീപ്പിനു 3000 രൂപ പിഴ

Total
0
Shares

കഴിഞ്ഞ രണ്ടു തവണയും കേരളത്തിൽ പ്രളയം വന്നപ്പോൾ രക്ഷിക്കാൻ മുന്നിട്ടിറങ്ങിയവരിൽ ഒരു പ്രധാന പങ്ക് മോഡിഫൈഡ് ജീപ്പുകൾക്കാണ്. സാധാരണ വാഹനങ്ങൾക്ക് കടന്നു ചെല്ലാൻ കഴിയാത്ത ഇടങ്ങളിലെല്ലാം രക്ഷാപ്രവർത്തനങ്ങൾക്ക് വഴി തെളിയിച്ചത് ഇവരായിരുന്നു. അക്കൂട്ടത്തിൽ പോലീസിനു വേണ്ടിയും ഇത്തരം മോഡിഫൈഡ് ജീപ്പുകൾ ഓടിയിരുന്നത് സോഷ്യൽ മീഡിയയിൽ നാം ചിത്രങ്ങളിലൂടെയും വീഡിയോകളിലൂടെയും കണ്ടതുമാണ്.

എന്നാൽ പ്രളയകാലത്ത് പോലീസിനു വേണ്ടി ഓടിയിരുന്ന ഒരു ജീപ്പിനു മോട്ടോർ വാഹനവകുപ്പ് ഇപ്പോൾ പിഴ ചുമത്തി നൽകിയിരിക്കുന്ന വാർത്തയാണ് വന്നിരിക്കുന്നത്. വാഹനത്തിന്റെ മുന്നിലും പിന്നിലും അനധികൃതമായി മോഡിഫിക്കേഷൻ വരുത്തി എന്നു പറഞ്ഞായിരുന്നു പോലീസ് ജീപ്പിനെതിരെ ചാർജ്ജ് ചെയ്തത്. 3000 രൂപയാണ് പിഴയായി ജീപ്പുടമ അടക്കേണ്ടി വരിക. സംഭവം സോഷ്യൽ മീഡിയയിൽ വാർത്തയായതോടെ ഇതിനെ അനുകൂലിച്ചും പ്രതികൂലിച്ചുമെല്ലാം ആളുകൾ രംഗത്തു വന്നു. പ്രസ്തുത വിഷയത്തിൽ മോട്ടോർ വാഹനവകുപ്പ് അധികൃതരെ കുറ്റം പറയാൻ പറ്റില്ലെങ്കിലും ചെയ്ത ഉപകാരങ്ങൾക്ക് സ്മരണ വേണ്ടേ എന്നാണ് ഒരു കൂട്ടം ആളുകൾ ചോദിക്കുന്നത്.

ചെളിയായാലും കുണ്ടും കുഴിയായാലും മലയും കുന്നുമായാലും ഒരു 4×4 ജീപ്പ് അനായാസം അതുവഴി കടക്കും. ജീപ്പേഴ്‌സ് മിക്കവരും ജീപ്പുകൾ മികച്ച രീതിയിൽ മോഡിഫൈ ചെയ്ത് ഇറക്കാറുണ്ട്. അപകടരഹിതമായ മോഡിഫിക്കേഷനുകളാണ് ഇവർ ചെയ്യാറുള്ളതും. ഒരു തരത്തിലുള്ള‌ മോഡിഫിക്കേഷനുകളും അനുവദിക്കരുത് എന്ന സുപ്രീം കോടതി വിധി വന്നതോടെയാണ് വലിയ ടയറുകളും സ്നോർക്കലുമെല്ലാം ഫിറ്റ് ചെയ്ത മോഡിഫൈഡ് വാഹനങ്ങള്‍ക്കെതിരെ നടപടി എടുത്തു തുടങ്ങിയത്.

എന്നാൽ നാലു വീൽ ഡ്രൈവ് വാഹനങ്ങളെ മോഡിഫിക്കേഷൻ കാറ്റഗറിയിൽ ഉൾപെടുത്തരുതെന്നാണ് 4×4 ജീപ്പ് ഉടമകൾ പറയുന്നത്. “പ്രളയ കാലത്ത് രക്ഷാപ്രവർത്തനങ്ങൾക്കും അവശ്യ സാധനങ്ങൾ എത്തിക്കുന്നതിനും ഞങ്ങളുടെ വാഹനങ്ങൾ ചെറുതെങ്കിലും ഒരു പങ്ക് വഹിച്ചു. അന്ന് ഞങ്ങളുടെ വാഹനങ്ങളിൽ രക്ഷാപ്രവർത്തനം നടത്താൻ ഞങ്ങൾ സ്വമനസ്സാലെ ഇറങ്ങുകയും, വിജയകരമായി അത് പൂർത്തീകരിക്കുകയും ചെയ്തു. അന്ന് ഈ സേവനങ്ങളെ വാനോളം പുകഴ്ത്തിയവർ ഇന്ന് ഞങ്ങളെ തള്ളി പറയുന്ന സാഹചര്യം ആണ് നിലവിൽ ഉള്ളത്. അന്ന് ഉപയോഗിച്ച വാഹനങ്ങൾ modification ചെയ്തതാണെന്നും അപകടങ്ങൾ വരുത്തുന്നതിൽ മുഖ്യ പങ്ക് ഞങ്ങളുടെ വാഹനങ്ങൾക്ക് ആണെന്നും ആണ്‌ പുതിയ വിലയിരുത്തൽ. ആകെയുള്ള അപകടങ്ങളുടെ എണ്ണത്തിൽ എത്ര ശതമാനം ഞങ്ങളുടേത് പോലെയുള്ള 4×4 വാഹനങ്ങൾ ഉണ്ടാക്കുന്നുണ്ട് എന്ന് ഒന്ന് പരിശോധിച്ചാൽ മനസ്സിലാവും.” ഓഫ്‌റോഡ് ജീപ്പുടമകളുടെ വാക്കുകളാണിവ.

പലതരത്തിലുള്ള പ്രളയ അനുഭവങ്ങൾ നേരിടേണ്ടി വന്ന സാഹചര്യത്തിൽ നമ്മുടെ പോലീസിനും വേണ്ടേ അത്തരത്തിലുള്ള ഓഫ്‌റോഡ് വാഹനങ്ങൾ എന്നാണു സോഷ്യൽമീഡിയ ഇപ്പോൾ ഒന്നടങ്കം ചോദിക്കുന്നത്. ഓഫ്‌റോഡ് റൈഡർമാർക്കൊപ്പം കേരളം പോലീസിനും കൂടി ഇത്തരം വാഹനങ്ങൾ ഉണ്ടെങ്കിൽ അടിയന്തിര സാഹചര്യങ്ങളിൽ കുന്നുകളിലും, മലകളിലും, കാടുകളിലുമെല്ലാം സുഗമമായി എത്തിച്ചേരുവാനും രക്ഷാപ്രവർത്തനങ്ങൾ നടത്തുവാനും എളുപ്പത്തിൽ സാധിക്കും.

ചില ഡിസൈനിംഗ് വിദഗ്ധർ കേരള പോലീസിനു സ്വന്തമായി ഓഫ്‌റോഡ് വാഹനങ്ങൾ ഉണ്ടെങ്കിൽ അതെങ്ങനെയിരിക്കും എന്നുവരെ കൃത്യമായി വരച്ചും ഫോട്ടോഷോപ്പ് ചെയ്തുമൊക്കെ ഷെയർ ചെയ്യുന്നുണ്ട്. ഇത് വെറുമൊരു തമാശ മാത്രമായി കാണാതെ വേണ്ടപ്പെട്ട അധികാരികൾ ഒട്ടും വൈകാതെ തന്നെ നമ്മുടെ പോലീസ്, ഫയർഫോഴ്‌സ് സേനകൾക്ക് എന്തു പ്രതിസന്ധികളെയും മറികടക്കുവാൻ പര്യാപ്തമായ എമർജൻസി ഓഫ്‌റോഡ് വാഹനങ്ങൾ സ്വന്തമായി ലഭ്യമാക്കണമെന്നാണ് എല്ലാവരും ഒന്നടങ്കം ആവശ്യപ്പെടുന്നത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post