തെയ്യത്തെ കൺകുളിർക്കെ കണ്ട ജീവിതയാത്രാനുഭവം

Total
35
Shares

വിവരണം – അഖിൽ സുരേന്ദ്രൻ അഞ്ചൽ.

കണ്ണൂരിലെ തെയ്യങ്ങളോട് ജീവിത കഥ പറയുമ്പോൾ കാലിൽ ചിലമ്പ് ഇട്ട ദൈവങ്ങൾ നൽക്കുന്ന സ്നേഹവും , അനുഗ്രഹവും വാക്കുകൾക്കും വർണ്ണനാതീതം. നൃത്തം ചെയ്യുന്ന ദേവതാസങ്കല്പമാണ്‌ തെയ്യം. തെയ്യത്തിന്റെ നർത്തനം തെയ്യാട്ടം എന്നും തെയ്യത്തിന്റെ വേഷം തെയ്യക്കോലം എന്നും അറിയപ്പെടുന്നു. ദേവാരാധന നിറഞ്ഞ തെയ്യം കലയിൽ മന്ത്രപരമായ അനുഷ്ഠാനം, തന്ത്രപരമായ അനുഷ്ഠാനം, കർമ്മപരമായ അനുഷ്ഠാനം, വ്രതപരമായ അനുഷ്ഠാനം എന്നിവ ഇടകലർന്നു കാണുന്നു. പ്രധാനമായും അമ്മ ദൈവങ്ങൾ ആണ് തെയ്യങ്ങൾ (ഉദാ: മുച്ചിലോട്ട് ഭഗവതി) കൂടാതെ വീരന്മാരെയും തെയ്യങ്ങൾ ആയി ആരാധിക്കുന്നു (ഉദ:കതിവന്നൂർ വീരൻ) ഏതാണ്ട്‌ അഞ്ഞൂറോളം തെയ്യങ്ങൾ ഉണ്ടെന്നാണു പറയപ്പെടുന്നത്‌. എങ്കിലും നൂറ്റിരുപതോളം തെയ്യങ്ങളാണ്‌ സാധാരണമായിട്ടുള്ളത്‌.

കാലിൽ ചിലമ്പിട്ട കണ്ണൂരിലെ ദൈവങ്ങളെ എന്റെ മനസ്സിലെ അമ്പലമില്ലാത്ത ശ്രീകോവലിൽ ഞാൻ അറിയാതെ പ്രതിഷ്ഠിച്ചു. കണ്ണൂരിലെ ഓരോ കാവുകളും ഒരു പാട് ഓർമ്മകൾ സമ്മാനിക്കുണ്ട് അതുപോലെ കാവുകളും , തെയ്യവും എന്നും മനസ്സിൽ ഒരു വിശ്വാസമായി നിലനിൽക്കും. “യാത്ര അറിയും തോറും അകലം കൂടുന്ന മഹാ സാഗരം അലഞ്ഞിട്ട് ഉണ്ട് അതും തേടി മൂന്ന് വർഷക്കാലമായി, ഏതൊരു സഞ്ചാരിയുടെയും യാത്രകളുടെ ഓർമ്മകൾക്ക് സ്വർണ്ണത്തിനെക്കാൾ വിലയായിരിക്കും .”

ഓരോ യാത്രകളും ഓരോ അനുഭവങ്ങളാണ് , ജീവിതം യാത്രയിൽ മുഴക്കുമ്പോൾ നെഞ്ചോട് ചേർന്നന്റെ കൈകളെ വിടാതെ നീ മുറികെ പിടിക്കുമെങ്കിൽ യാത്രകളുടെ നിഴലായി ഞാൻ ഉണ്ടാകും ഈ മണ്ണോട് ചേരും വരെ. ഒറ്റക്കായെന്ന് തോന്നിയാൽ പ്രണയിച്ച് തുടങ്ങും ഈ പ്രകൃതിയെ. കാത്തിരുന്ന് ഒരു നൂറ് ജന്മം തീർക്കേണ്ടി വന്നാലും എന്റെ അമ്മയ്ക്കും, യാത്രകൾക്കും പകരം മറ്റാർക്കും സ്ഥാനമില്ല.

മരിച്ചു കഴിഞ്ഞാൽ സ്വർഗ്ഗം കിട്ടുമെന്ന് പലരും പറഞ്ഞ് നമ്മൾ കേട്ടിട്ടിലേ പക്ഷേ നമ്മൾ ഒന്ന് ചിന്തിച്ച് നോക്കിയാൽ മനിസാലാക്കും , നമ്മുടെ ഈ ഭൂമി തന്നെയാണ് സ്വർഗ്ഗം ഇവിടെ ജീവിക്കാൻ ആയുസ്സ് കിട്ടിയതാണ് ഏറ്റവും വലിയ ഭാഗ്യം. യാത്രകൾക്ക് അറിയില്ലലോ ഞാൻ യാത്രകളെ അത്ര മാത്രം സ്നേഹിക്കുന്നുണ്ടെന്ന്. കണ്ട കിനാവിലെ കാണാ കാഴ്ചകൾ
തേടി അലയണം.

ഇതാ എന്റെ പ്രിയപ്പെട്ട സ്നേഹിതരുടെ മുന്നിലേക്ക് വ്യത്യസ്തയാർന്ന ഒരു യാത്ര വിവരണം. സ്വപ്നങ്ങളെ സഞ്ചിയിലാക്കി നഗരം വിട്ട് ഗ്രാമങ്ങളിലേക്കും അവിടുത്തെ മനോഹരമായ യാത്രകളിലേക്കും പോകാം. എന്റെ ഗ്രാമം പച്ച പുതച്ച പാടങ്ങൾ സ്നേഹം നിറഞ്ഞ നാട് എന്റെ നാട് കണ്ണൂർ. ദൈവത്തിന്റെ മണ്ണിലേക്ക് വിരുന്നെത്തിയ അതിഥി ഞാൻ ഒരു നാടിന്റെ ദൃശ്യാവിശ്ക്കാരമായ തെയ്യത്തെ കൺ കുളിർക്കേ കാണാൻ.

ജീവിതം പോലെ തന്നെ ചില കലകളും അനന്ത സാഗരമാണ്. നിമിഷ നേരം കൊണ്ട് നമ്മുടെയെല്ലാം മനസ്സിനെയും ശരീരത്തിനെയും ചലനം കൊണ്ട് വിസ്മരിപ്പിക്കുന്ന ദൈവത്തിന്റെ മാന്ത്രിക വിദ്യയാണ് തെയ്യം. മൂന്ന് വർഷത്തെ എന്റെ ജീവിതത്തിലെ ഏറ്റവും വലിയ ആഗ്രഹമായിരുന്നു തെയ്യം കാണണം എന്നത്. ആഗ്രഹങ്ങൾക്ക് പിന്നാലെ മനസ്സിന് പറന്ന് പോകാൻ കഴിയും പക്ഷേ നേർ കാഴ്ച നല്ക്കുന്ന മനോഹാരിത അത് ഒന്ന് വെറെ തന്നെ. ശ്രീ എ പി ജെ അബ്ദുൾ സലാം സർ പറഞ്ഞതു പോലെ “നിങ്ങളുടെ സ്വപ്നം സഫലമാക്കുന്നതിന് മുമ്പ് നിങ്ങൾക്ക് സ്വപ്നമുണ്ടായിരിക്കണം”.

എന്റെ ജീവൻ ഈ യാത്രകളാണ് യാത്രകളാണ് എന്നെ ജീവിപ്പിക്കുന്നതും. ഒരു പാട് തവണ എഴുത്തുകളിലൂടെ കണ്ണൂരിലെ പ്രകൃതി മനോഹരമായ കണ്ട് കാഴ്ചകൾ എഴുതാൻ ശ്രമിക്കുമ്പോഴും, സ്നേഹ സമ്പന്നരുടെ നാട് തന്നെയാണ് കണ്ണൂർ എന്ന് ഈ നിമിഷം ഞാൻ എടുത്തു പറയുന്നു. കാരണം തെയ്യത്തിനെ നെഞ്ചോട് ചേർത്ത് പിടിക്കുന്ന നാട് എന്റെ നാട് കണ്ണൂർ.

പ്രിയപ്പെട്ട സുഹ്യത്തായ കണ്ണൂരുക്കാരൻ Jithin Nambiar Kirath ഈ വർഷം തെയ്യം കാണാൻ കണ്ണൂരിലേക്ക് ക്ഷണിച്ചത്. അങ്ങനെ കഴിഞ്ഞ ജനുവരി 29 തീയതി കെല്ലം റെയിൽവേ സ്റ്റേഷനിൽ നിന്ന് കണ്ണൂരിലേക്ക് തെയ്യം കാണാൻ യാത്ര ആരംഭിച്ചു. ജിതിന്റെ നാട് ശ്രീകണ്ഠപുരം, കുറുമാത്തൂരാണ് അവിടെ ആശാരി കോട്ടം കുറുമാത്തൂർ കാവിൽ ബാലി തെയ്യവും, പട്ടുവം നീലങ്കോൽ ശ്രീ വയനാട്ട് കുലവൻ ക്ഷേത്രത്തിൽ കണ്ടനാർ കേളൻ തെയ്യവും ആണ് ഞാൻ കണ്ടത്.

ബാലി തെയ്യത്തിന്റെ വെള്ളാട്ടം – തെയ്യത്തിന്റെ ചെറിയ രൂപമാണ്‌ വെള്ളാട്ടം അതായത് തെയ്യത്തിന്റെ ബാല്യവേഷം. എങ്കിലും എല്ലാ തെയ്യങ്ങൾക്കും വെള്ളാട്ടമില്ല. ചില തെയ്യങ്ങൾക്ക് തോറ്റം, വെള്ളാട്ടം, തെയ്യം എന്നിങ്ങനെയും മറ്റു ചിലത് തോറ്റം, തെയ്യം എന്നിങ്ങനെയുമായിരിക്കും. അപൂർ‌വ്വം ചില തെയ്യങ്ങൾക്കു മാത്രമേ തോറ്റം, വെള്ളാട്ടം ,തെയ്യം എന്നീ മൂന്ന് അംശങ്ങൾ കാണുകയുള്ളു.

രാവിലെ ശ്രീ പറശ്ശിനിക്കടവ് ശ്രീ_മുത്തപ്പൻ ക്ഷേത്ര സന്നിദ്ധിയിലേക്കായിരുന്നു ഞങ്ങളുടെ യാത്ര. തേടിയെത്തുന്നവരുടെ മനസ്സും ഒപ്പം വയറും നിറയ്ക്കുന്ന അപൂർവ്വ ദേവസ്ഥാനങ്ങളിലൊന്ന്. ജാതിയുടെയോ , മതത്തിന്റെയോ വർണ്ണത്തിന്‍റെയോ ഒന്നും മാറ്റി നിർത്തലുകളോ അവഗണനകളോ ഒന്നുമില്ലാതെ ഏതു പാതി രാത്രിയിലും ആർക്കും കയറിച്ചെല്ലുവാൻ കഴിയുന്ന സന്നിധി. മലബാറുകാരുടെ ശക്തിയും കൈത്താങ്ങുമായ പറശ്ശിനി മുത്തപ്പൻ ഒരു വിശ്വാസം എന്നതിലുപരി ഒരഭയസ്ഥാനമാണ്.

ബാലി തെയ്യം – വിശ്വ വിശ്രുതമായ രാമായണ കഥയിലെ ശ്രീരാമ ഭക്തനായ ബാലി തന്നെയാണ്. സുഗ്രീവ സഹോദരനായ ബാലി രാമ ബാണമേറ്റ് വീരമൃത്യു വരിച്ചപ്പോൾ ആ ധീരനെ ആരാധ്യ പദവിയിലേക്ക് ഉയർത്തിയതാണ് ശ്രീരാമദേവൻ. ദൈവക്കരുവായി,തെയ്യമായി , ശ്രീ ബാലി ഭക്‌തരെ അനുഗ്രഹിക്കാന്‍ കാവുകളില്‍ ഉറഞ്ഞാടുകയാണ്. ഇന്ന് എന്റെ മനുഷ്യായുസ്സിലെ പ്രധാനപ്പെട്ട ദിവസമായിരുന്നു .

“ദുഃഖങ്ങൾ ഒരു പാട് ഉണ്ട് തമ്പുരാനെ, പക്ഷേ നിരാശ ഇല്ലെനിക്ക്. തമ്പുരാൻ തന്ന അനുഗ്രഹത്തോളം വരില്ലലോ അതൊന്നും.” അനുഗ്രഹം എനിക്കും കിട്ടി ആശാരി കോട്ടം കുറുമാത്തൂർ കാവിൽ നിന്നും. മനുഷ്യയുസ്സിലെ ഈ നിമിഷം ഒരിക്കലും മറക്കാനാവാത്ത നിമിഷം. വെയിലേറ്റ് വാടിയ കാവിലെ തെയ്യവും ഞാനും കൊതിച്ചത് ഒരു കൈ കുമ്പിൾ ദാഹജലം മാത്രമാണ്.

ഭഗവതി_തെയ്യം – കനൽ കൊണ്ട് കണ്ണെഴുതി, രുദ്ര ഭാവങ്ങളുടെ മുഖ ചാന്ത് പൂശി, ചുട്ട് പൊള്ളുന്ന വേനൽ ചൂടിൽ ദൈവം ഭൂമിയിലേക്ക് ഇറങ്ങി. ശാന്തിയുടെയും, സമാധാനത്തിന്റെയും, ഐശ്വര്യത്തിന്റെയും പ്രതീകമാക്കാൻ കാവുകളിൽ ഭഗവതി തെയ്യം.

ഗുളികൻ തെയ്യം – പരമശിവന്റെ ഇടതു തൃക്കാലിന്റെ പെരു വിരല്‍ പൊട്ടി പിളര്‍ന്നുണ്ടായ അനര്‍ത്ഥകാരിയും ക്ഷിപ്ര പ്രസാദിയുമായ ദേവനാണ് ഗുളികന്‍. പൊയ്ക്കാലുകളിലെ നടത്തം ഈ തെയ്യത്തിന്റെ ഒരു സവിശേഷതയാണ്. മലബാറിലെ കാവുകളിൽ കെട്ടിയാടപ്പെടുന്ന ഒരു തെയ്യമാണു ഗുളികൻ തെയ്യം.

കണ്ടനാർ കേളൻ തെയ്യം – ദൈവത്തിലേക്കുള്ള കനലാട്ടം… “ഭക്തിയുടെ ചൂടിനെ തോൽപ്പിക്കാൻ കനലിനാവുമോ?” തെയ്യം അനുഷ്ഠാന കലാരൂപത്തിൽ സൗന്ദര്യത്തിന്റെ മൂർത്തി ഭാവമാണ് കണ്ടനാർ കേളൻ. തെയ്യം കലാരൂപത്തിൽ തന്റെ പ്രൗഡിയും, തലയെടുപ്പും, ഒളിമങ്ങാതെ കണ്ടനാർ കേളൻ തെയ്യം കൺ കുളിർക്കേ കണ്ട സമയവും, നിമിഷവും ഒരു മനുഷ്യായുസ്സിലെ എനിക്ക് കിട്ടിയ ഏറ്റവും വലിയ അനുഗ്രഹമാണ്.

“അഗ്നിയിൽ വീണ് ഉഴലും നേരത്ത് അന്ന് ആരുമില്ല സഖേ എനിക്ക് അഗ്നി മാത്രം. കണ്ടുടൻ മേലേടത്ത് അമ്മ അപ്പോൾ വാഴക നീ വളർക നീ കണ്ടനാർ കേളാ…” എത്രയോ അർത്ഥമാർന്ന വരികൾ. ജീവിതം ഒറ്റപ്പെടലിന്റെ വേദനയിൽ ഓരോ നിമിഷവും എരിഞ്ഞ് അടങ്ങുമ്പോൾ ഒരു മനുഷ്യായുസ്സ് മുഴുവൻ കണ്ടനാർ കേളന്റെ അനുഗ്രഹവും വാങ്ങി ഞാൻ ഇതൊക്കെ കൂടെ നിന്ന് കാണാൻ എന്റെ അമ്മ മാത്രം എനിക്കൊപ്പവും.

ദൈവം കണ്ണൂരിന്റെ ഭൂമിയിലേക്ക് ഇറങ്ങി പുലർച്ചെ നാല് മണിക്ക് പട്ടുവം, നീലങ്കോൽ ശ്രീ വയനാട്ട് കുലവൻ ക്ഷേത്രത്തിൽ. തീയ്ക്ക് നടുവിലൂടെ കൈ മെയ് മറന്ന് നിറഞ്ഞാടുന്ന കണ്ടനാർ കേളൻ തെയ്യം… ചില നേർകാഴ്ചകൾ ഒരു പാട് നേരം നോക്കി നിന്നു പോകും അതാണ് കണ്ടനാർ കേളൻ, ഓരോ തെയ്യത്തിന്റെയും മുഖത്തെഴുത്ത് മനോഹരമാണ്.

രക്തചാമുണ്ഡി തെയ്യം – രക്തബീജസുരന്റെ ദുഷ് പ്രവർത്തിയിൽ കോപിതയായ പാർവതി ദേവിയുടെ തിരുമൊഴിയിൽ നിന്ന് ജനിച്ച കാളിയാണ് രക്ത ചാമുണ്ഡി. അതിഭീകരമായ യുദ്ധത്തിൽ രക്താസുരന്റെ രക്തം കുടിച്ചതിനാൽ രക്ത ചാമുണ്ഡി എന്ന് വിളിക്കുന്നത്.

“സർവ്വ മംഗള മംഗല്യേ ശിവേ സർവ്വാർത്ഥ സാധികേ ശരണ്യേ ത്രയംബകേ ഗൗരി ദേവി അമ്മേ നമോസ്തുതേ” ചെറുകുന്ന് പോനാപ്പള്ളി ശ്രീ പുതിയ ഭഗവതി കോട്ടം കാവിലാണ് ഈ തെയ്യം ഞാനും കണ്ണൂർ അഴീക്കോട് സ്വദേശി Jaseer Hamsu ഇക്കയും ചേർന്ന് കണ്ടത് ഇവിടെ ഉള്ള കാര്യം Byju Keezhara ചേട്ടൻ മുഖേനയാണ് അറിയുന്നത് #പൂകുട്ടി ശാസ്തപ്പൻ തെയ്യം, പുതിയ ഭഗവതി, വിഷ്ണു മൂർത്തി തെയ്യവും കണ്ട് ഈ വർഷത്തെ തെയ്യം കാഴ്ചകൾ കണ്ട് സായൂജ്യമടഞ്ഞു.

ഫോട്ടോകൾ നൂറ് കഥകൾ പറയും പക്ഷേ കണ്ണിലെ കാഴ്ചകൾ ഒരേ ഒരു കഥയേ പറയൂ. അതുപോലെ തന്നെ കണ്ടനാർ കേളന്റെ ഫോട്ടോഗ്രഫിയും, വീഡിയോ ചിത്രീകരണം അതിസാഹസികത നിറഞ്ഞ ഒന്നാണ്. അതു മാത്രമല്ല കേളൻ അവതരിച്ചു കഴിഞ്ഞാൽ നമ്മുടെ കണ്ണും മനസ്സും കണ്ടനാർ കേള നൊപ്പം ഇഴുകി ചേർന്ന് പോകും അതും ഒരു കാരണമാണ്.

ഈ മനോഹരമായ കാഴ്ചകൾ കാണുമ്പോൾ ആണ് യാത്രകളെ വീണ്ടും വീണ്ടും ഞാൻ സ്നേഹിക്കുന്നത്. ഇതൊക്കെ കാണാതെ പോയാൽ എത്രയാ നഷ്ട്ടം? കാണണം കണ്ട് കൊണ്ടേയിരിക്കണം.

നാളെയുടെ അരുണോദയം പുതിയ പ്രതീക്ഷകൾ കൊണ്ടാണ് നന്മ നിറഞ്ഞ ഐശ്വര്യ പൂർണ്ണമായ സ്നേഹവും, സമാധാനവും, നന്മയും നിറഞ്ഞ ഒരായിരം യാത്രകൾ പോകാൻ എന്റെ പ്രിയപ്പെട്ടവർക്ക് സാധിക്കട്ടെ. അടുത്ത വർഷ തെയ്യക്കാഴ്ചകൾക്കായി പ്രതീക്ഷയോടെ കാത്തിരിക്കുന്നു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post