കാന്തം പോലൊരു വെള്ളച്ചാട്ടം : വയനാടിൻ്റെ സ്വന്തം കാന്തൻ പാറ

Total
49
Shares

വിവരണം – അരുൺ വിനയ്.

900 കണ്ടി അന്വേഷിച്ചുള്ള പോക്കിനിടയില്‍ വഴി വക്കിലെ ചേട്ടന്‍റെ കടയിലൊരു കട്ടന്‍ ചായ നുണയാന്‍ ഇരിക്കുമ്പോഴാണ്, KTDC-യുടെ ബോര്‍ഡില്‍ “കാന്തന്‍പാറ വെള്ളച്ചാട്ടം” എന്ന് കണ്ടത്. കടക്കാരൻ ചേട്ടനോട് ചോദിച്ചപ്പോ നേരെ പോയിട്ട് കിഴക്കോട്ടു വച്ചു പിടിച്ച മതിയെന്നൊരു കമന്റും കക്ഷി പാസ്സാക്കി. അത് പിന്നെ ഞങ്ങൾ തിരോന്തോരംകാരു ഇടത്താട്ടും, വലത്താട്ടും പറഞ്ഞു ശീലിച്ചിടത്തു എനിക്കുണ്ടോ വല്ല പിടിയും പിന്നെ രണ്ടും കൽപ്പിച്ചു ഗൂഗിൾ പെങ്ങളെയും കൂട്ടി വച്ചു പിടിച്ചു.

ചെമ്പ്ര പീക്കും സൂചിപ്പാറയും ഉൾപ്പടെയുള്ള മിക്കവാറും സ്വർഗ്ഗകവാടങ്ങളും പൂട്ടിട്ടു പൂട്ടി ടൂറിസം വകുപ്പ് ആരോടൊക്കെയോ പകരം വീട്ടുമ്പോള്‍ ഇങ്ങനെയുള്ള കുറച്ചു സ്ഥലങ്ങള്‍ മാത്രമാണ് നമ്മളെ പോലെയുള്ളവർക്കു ഒരു ആശ്വാസം. പണ്ടെപ്പോഴോ സുജിത്തേട്ടന്റെ ‘Tech Travel Eat’ വ്ലോഗ്ഗില്‍ കണ്ടുള്ള പരിചയം മാത്രമാണ് എനിക്കും കാന്തൻപാറയ്ക്കും ഇടയിൽ ഉണ്ടായിരുന്നത്. എന്തായാലും വയനാട് എക്സ്പ്ലോര്‍ ചെയ്യാന്‍ ഇറങ്ങിയ സ്ഥിതിക്ക് പറ്റുന്ന സ്ഥലങ്ങള്‍ അത്രയും കണ്ടു മടങ്ങാനുള്ള പ്ലാനുമായിട്ടു തന്നെ മുന്നോട്ട് പോകാമെന്നു ഞാനും ഉറപ്പിച്ചു.

മേപ്പാടിയില്‍ നിന്നും ഏകദേശം 13 കിലോമീറ്റര്‍ മാറിയാണ് കാന്തന്‍ പാറ സ്ഥിതി ചെയ്യുന്നത്. ഈ സ്ഥലത്തിന് ഈ പേര് വന്നതിന്റെ കഥ എന്താണെന്നു വച്ചാൽ എനിക്കും അറിയില്ല. പക്ഷെ എവിടെയോ വായിച്ചത് പോലെ നമ്മള് മനിഷന്മാരെ കാന്തം പോലെ ആകർഷിക്കുന്നത് കൊണ്ടാവാം ചിലപ്പോ അങ്ങനെ വിളിച്ചു തുടങ്ങിയത്.

കാപ്പിതോട്ടങ്ങൾക്കും മുളങ്കാടുകള്‍ക്കും ഇടയിലൂടെ കുറച്ചു ഉള്ളിലേക്ക് കടന്നു തുടങ്ങുമ്പോള്‍ വെള്ളച്ചാട്ടത്തിന്റെ ശബ്ദം ഇങ്ങനെ കാതിൽ കേട്ടു തുടങ്ങും. അവിടെ ചെന്ന് പ്രവേശന പാസ്‌ എടുക്കുന്ന കൗണ്ടറിലെ ഗൂര്‍ഖ ചേട്ടന്റെ മുറിയില്‍ കെട്ടും ഭാണ്ഡവുമൊക്കെ ഇറക്കി വച്ച് 40 രൂപ പാസ് എടുത്തു. ഉള്ളിലേക്ക് എത്തുമ്പോൾ തന്നെ ആദ്യം ശ്രെദ്ധിക്കുന്ന ഒരു കാര്യമുണ്ട്. സാധാരണ ടൂറിസ്റ്റ് കേന്ദ്രങ്ങളെ ഒഴിച്ച് തിരക്ക് കുറവാണ്, അത് കൊണ്ട് തന്നെ ചപ്പു ചവറുകളും പ്ലാസ്റ്റിക്കുകളും വളരെ കുറച്ചു മാത്രമേ ഉള്ളു.

ഉള്ളിലേക്ക് കയറുമ്പോള്‍ ആദ്യം കാണുന്ന ഭാഗത്തായി സഞ്ചാരികള്‍ക്ക് സുരക്ഷിതമായി കുളിക്കാനുള്ള സൗകര്യങ്ങൾ ടൂറിസം വകുപ്പ് തന്നെ ഒരുക്കിയിട്ടുണ്ട്. ഇവിടെ നിന്നും പാറകള്‍ക്ക് മുകളിലൂടെ കെട്ടിയുണ്ടാക്കിയ പാലത്തിലൂടെ താഴേക്കു ഇറങ്ങുമ്പോള്‍ വെള്ളച്ചാട്ടത്തെ കാണാം. ആർത്തുലച്ചു താഴേക്കു പതിക്കുന്ന വെള്ളത്തെ വാരി പുണരാനൊക്കെ തോന്നിപോകും. പക്ഷെ ആ തോന്നലിലെ അപകടം മുൻകൂട്ടി അറിഞ്ഞത് കൊണ്ടാവണംടൂറിസം വകുപ്പ് അവിടേക്കുള്ള വഴി കെട്ടിയടച്ചു വെള്ളച്ചാട്ടത്തെ ദൂരെ നിന്നും മാത്രം ആസ്വദിക്കാനുള്ള വഴി ഒരുക്കിയത്.

വായിച്ചറിഞ്ഞതില്‍ വളരെ ചെറുതായിരുന്നു എങ്കിലും മഴ സമയം ആയത് കൊണ്ട് തന്നെ നല്ല ഒഴുക്കുള്ള അവസ്ഥയില്‍ ആയിരുന്നു ഇവിടം.ഏകദേശം 50ലക്ഷം രൂപയോളം ചിലവഴിച്ചായിരുന്നു വനഭൂമി ആയിരുന്ന ഇവിടം ടൂറിസ്റ്റ് കേന്ദ്രമാക്കിമാറ്റിയത്. ഒഴിവു ദിവസങ്ങളൊക്കെ ഒട്ടും ബോറടിക്കാതെ ചിലവഴിക്കാവുന്ന ഒരു നല്ല വിനോദ സഞ്ചാര കേന്ദ്രമാണ് ഇവിടം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post