കേരള ആർടിസിയുടെ ബോർഡ് എടുത്തു വെച്ച് കർണാടക ആർടിസി; രസകരമായ സംഭവം ഇങ്ങനെ…

Total
38
Shares

ബസ്സുകളിൽ യാത്രക്കാർ കയറുന്നത് ബോർഡ് നോക്കിയിട്ടായിരിക്കും. അതിനാൽ ഒരു സർവ്വീസ് ബസ്സിന്‌ വേണ്ട ഏറ്റവും പ്രധാനപ്പെട്ട കാര്യം അതിൻ്റെ റൂട്ട് ബോർഡ് തന്നെയായിരിക്കും. ചിലപ്പോഴൊക്കെ ബോർഡുകൾ മാറി പ്രദർശിപ്പിക്കുന്നതും, അക്ഷരത്തെറ്റോടെ എഴുതിയ ബോർഡുകളുമെല്ലാം വാർത്തകളിലും ട്രോൾ ഗ്രൂപ്പുകളിലും ഇടം നേടാറുണ്ട്. കെഎസ്ആർടിസി ആയിരിക്കും ഇത്തരം സംഭവങ്ങളിൽ സ്ഥിരം കഥാപാത്രം.

എന്നാൽ കുറച്ചു ദിവസങ്ങൾക്ക് മുൻപ് സോഷ്യൽ മീഡിയയിലെ ട്രോൾ ഗ്രൂപ്പുകളിൽ ഹിറ്റായ ഒരു ചിത്രം പറഞ്ഞത് വളരെ വ്യത്യസ്തമായ, കൗതുകമുണർത്തുന്ന ഒരു തമാശക്കഥയായിരുന്നു. ഇതിലും നായകൻ കെഎസ്ആർടിസി തന്നെ. പക്ഷെ നമ്മുടെ ആനവണ്ടിയല്ല, കർണാടക ആർടിസി എന്ന കെഎസ്ആർടിസിയായിരുന്നു താരം. സംഭവം വേറൊന്നുമല്ല, എറണാകുളം – ഹസ്സൻ റൂട്ടിൽ സർവ്വീസ് നടത്തുന്ന കർണാടക ആർടിസിയുടെ ‘സുവർണ കർണാടക സാരിഗേ’ (SKS) എക്സ്പ്രസ്സ് ബസ്സിൽ കേരള ആര്ടിസിയുടെ ഏതോ സൂപ്പർഫാസ്റ്റിന്റെ ഡെസ്റ്റിനേഷൻ ബോർഡ് വെച്ചിരിക്കുന്നു.

ഒരു ബോർഡ് മാറ്റിവെച്ചതിൽ ഇത്ര പറയുവാനുണ്ടോ എന്നു ചിന്തിക്കുന്നുണ്ടാകും, എന്നാൽ ബാക്കി കൂടി കേട്ടോളൂ. ഹാസനിൽ നിന്നും എറണാകുളം വരെയാണ് കർണാടക ആർടിസിയുടെ ഈ ബസ് സർവ്വീസ് നടത്തുന്നത്. എന്നാൽ ഇതിൽ വെച്ചിരുന്ന കേരള ആർടിസിയുടെ ബോർഡിൽ എറണാകുളത്തിനു പുറമെ കൊട്ടാരക്കര, കോട്ടയം, വൈക്കം തുടങ്ങിയ സ്ഥലപ്പേരുകളും ഉണ്ടായിരുന്നു. സംഭവം വേറൊന്നുമല്ല, കന്നഡ അണ്ണന്മാർക്ക് ഒരു അമളി പറ്റിയതാണ്. എറണാകുളം ഡിപ്പോയിൽ എവിടെയോ എറണാകുളം ബോർഡ് കിടക്കുന്നതു കണ്ട അണ്ണന്മാർ അത് എടുത്ത് ബസ്സിൽ വെച്ചു.

സ്ഥിരം വരുന്ന റൂട്ട് ആയതിനാൽ എറണാകുളം എന്നു മലയാളത്തിൽ എഴുതിയത് മനസിലാക്കുവാൻ അവർക്ക് സാധിക്കുമായിരുന്നു. എന്നാൽ മലയാളം വായിക്കാൻ അറിയാത്തതിനാൽ എറണാകുളത്തിനു താഴെയുള്ള ബാക്കി സ്ഥലങ്ങൾ ഇവർക്ക് മനസ്സിലായതുമില്ല. അങ്ങനെയാണ് കൊട്ടാരക്കരയും വൈക്കവും കോട്ടയവുമെല്ലാം ബസ്സിന്റെ ബോർഡിൽ ഇടംപിടിച്ചത്. ഈ ബസ്സിൽ കയറുന്നത് കൂടുതലും കന്നഡിഗർ ആയതുകൊണ്ടാണോ എന്തോ ആരും ഇത് അധികം ശ്രദ്ധിച്ചതുമില്ല.

ഈ സംഭവം ശ്രദ്ധയിൽപ്പെട്ട ആരോ ബസ്സിന്റെയും ബോർഡിന്റെയും ചിത്രമെടുത്ത് ഫേസ്‌ബുക്കിൽ പോസ്റ്റ് ചെയ്തതോടെയാണ് രസകരമായ ഈ സംഭവം ആളുകൾ അറിഞ്ഞത്. സംഭവം വൈറലായതോടെ ‘Troll KSRTC’ തുടങ്ങിയ പേജുകളിൽ ഇത് വിഷയമാക്കി ധാരാളം ട്രോളുകളാണ് ചാകരയാണ് ഇറങ്ങിയത്. എന്തായാലും പറഞ്ഞു ചിരിക്കാൻ ഒരു കാരണമായി. ഇതോടുകൂടി കർണാടക ആർടിസി ബസ്സുകാർ അബദ്ധത്തിൽ എടുത്തു വെച്ച ‘കേരള സൂപ്പർഫാസ്റ്റ് ബോർഡ്’ മാറ്റിയെന്നാണ് അറിയുന്നത്.

ദിവസവും വൈകുന്നേരം അഞ്ചരയ്ക്കാണ് എറണാകുളം കെഎസ്ആർടിസി ഡിപ്പോയിൽ നിന്നും കർണാടകയിലെ ഹാസനിലേക്ക് ബസ് പുറപ്പെടുന്നത്. തൃശ്ശൂർ, കോഴിക്കോട് വഴി പിറ്റേദിവസം രാവിലെ 7 മണിയോടെ ബസ് ഹാസൻ ബസ് സ്റ്റാൻഡിൽ എത്തിച്ചേരുകയും ചെയ്യും. കർണാടകയിലെ ഒരു ജില്ലയാണ് ഹാസൻ. ഇവിടത്തെ ഹാസനാംബ ക്ഷേത്രത്തിലെ ദേവതയായ ഹാസനാംബയിൽനിന്നുമാണ് ഹാസന് ആ പേർ ലഭിച്ചത്. ഐ.എസ്.ആർ.ഒ.യുടെ ഇന്ത്യൻ നാഷനൽ സാറ്റലൈറ്റ് സിസ്റ്റത്തിനെ മാസ്റ്റർ കണ്ട്രോൾ ഫസിലിറ്റി സ്ഥിതിചെയ്യുന്നത് ഹാസനിലാണ്. ഇതുകൂടാതെ ഒട്ടേറെ ചരിത്ര പ്രാധാന്യമുള്ള ഒരു സ്ഥലം കൂടിയാണ് ഹാസൻ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post