ബ്ലോക്കിൽ ഓവർസ്മാർട്ടാകാൻ നോക്കല്ലേ.. ചിലപ്പോൾ ഇതുപോലെ മുട്ടൻ പണികിട്ടും…

Total
0
Shares

മത്സരയോട്ടങ്ങൾക്കും ഓവർടേക്കിംഗിനും പേരുകേട്ടവരാണ് കേരളത്തിലെ ചില പ്രൈവറ്റ് ബസുകാർ. പ്രൈവറ്റ് ബസ്സുകാരുടെ പരാക്രമങ്ങൾക്ക് ഏറ്റവും പ്രസിദ്ധമായ റൂട്ടാണ് തൃശ്ശൂർ – പാലക്കാട്. ഈ റൂട്ടിലെ റോഡുകളെല്ലാം വീതികൂട്ടി മികച്ചതാക്കിയെങ്കിലും ഇരു ജില്ലകളുടെയും അതിർത്തി പ്രദേശമായ കുതിരാനിൽ ഇന്നും ട്രാഫിക് ബ്ലോക്ക് പതിവാണ്. ഇവിടെയാണ് പ്രൈവറ്റ് ബസ്സുകാർ സമയം നഷ്ടപ്പെടാതിരിക്കുവാൻ തങ്ങളുടെ കഴിവുകൾ പുറത്തെടുക്കുന്നതും.

കുറച്ചുനാളുകൾക്ക് മുൻപ് ഇത്തരത്തിൽ ബ്ലോക്ക് വന്നപ്പോൾ ലൈനിൽ കാത്തുകിടക്കുകയായിരുന്ന മറ്റു വാഹനങ്ങളെ വിഡ്ഡികളാക്കിക്കൊണ്ട് എതിർദിശയിൽക്കൂടി പതിവുപോലെ സഞ്ചരിച്ചു മുന്നോട്ടു പോയതാണ് തൃശ്ശൂർ – പാലക്കാട് റൂട്ടിലോടിയിരുന്ന ഒരു പ്രൈവറ്റ് ലിമിറ്റഡ് സ്റ്റോപ്പ് ബസ്. എന്നാൽ എതിർദിശയിൽ വന്നത് പോലീസ് വാഹനമായിരുന്നു. മറ്റു വാഹനങ്ങൾക്ക് കടന്നു പോകുവാൻ കഴിയാത്ത വിധത്തിൽ മറു ട്രാക്കിൽ കിടന്നിരുന്ന ബസ്സുകാരോട് അതേപടി പിന്നിലേക്ക് വിട്ടോളാൻ പോലീസ് പറഞ്ഞു.

ഗത്യന്തരമില്ലാതെ ജീവനക്കാർ ബസ് പിന്നിലേക്ക് എടുക്കുകയാണുണ്ടായത്. കണ്ടുനിന്ന മറ്റു വാഹനങ്ങളിലുള്ളവർ ഈ കാഴ്ച കണ്ടു ബസ്സുകാരെ കളിയാക്കി ചിരിക്കുകയും ചെയ്തു. മര്യാദയ്ക്ക് മറ്റു വാഹനങ്ങളോടൊപ്പം കിടന്നിരുന്നെങ്കിൽ അവരോടൊപ്പമെങ്കിലും ബസ്സിനു രക്ഷപ്പെടാമായിരുന്നു. ഇതിപ്പോൾ ഏറ്റവും പിന്നിൽ പോയി കിടക്കേണ്ട അവസ്ഥയും വന്നു.

ഈ സംഭവമെല്ലാം ബ്ലോക്കിൽ കിടന്നിരുന്ന ഏതോ ഒരു വാഹനത്തിലെ യാത്രക്കാരൻ മൊബൈലിൽ വീഡിയോ പകർത്തുകയും ടിക്-ടോക്കിൽ അപ്‌ലോഡ് ചെയ്യുകയും ചെയ്തതോടെയാണ് ഇത് പുറംലോകമറിയുന്നത്. “പേടിയല്ല നീലകണ്ഠാ, എനിക്ക് സന്തോഷമാ, നീയിറങ്ങണം, പഴയ കണക്കുകളൊക്കെ തീർക്കേണ്ടെ” – ദേവാസുരത്തിലെ ഈ സൂപ്പർ ഹിറ്റ് ഡയലോഗിന്റെ അകമ്പടിയോടെയാണ് വീഡിയോ സമൂഹമാധ്യമങ്ങളിൽ പ്രചരിച്ചത്. ഒപ്പം കേരള പോലീസിന്റെ ഫേസ്‌ബുക്ക് പേജിലും വീഡിയോ ഷെയർ ചെയ്യപ്പെട്ടു.

വൻ ബ്ലോക്കിനിടെ അമിതവേഗത്തിൽ കുതിച്ചു കയറി എത്തിയ സ്വകാര്യ ബസിന് ട്രാഫിക് പൊലീസ് കൊടുത്ത മുട്ടൻ പണി ഫേസ്ബുക്കിലും യൂട്യുബിലും ഒക്കെ വൈറലായി മാറി. മണിക്കൂറുകളായുള്ള ബ്ലോക്കിൽ നിരന്നു കിടന്നിരുന്ന വാഹനങ്ങളെയെല്ലാം പിന്നിലാക്കി ഓവർ സ്മാർട്ട് കളിക്കാൻ നിന്ന ബസ് ഡ്രൈവറെക്കൊണ്ട് റിവേഴ്സ് എടുപ്പിച്ചാണ് പൊലീസുകാർ താരമായത്. ഒരറ്റത്തു നിന്നും ബ്ലോക്ക് ക്ലിയർ ചെയ്തു വരുന്നതിനിടെയാണ് ബസ് ട്രാഫിക് പൊലീസിന്‍റെ മുന്നിൽ പെട്ടത്.

മണിക്കൂറുകളായി ബ്ലോക്കിൽ കുടുങ്ങി കിടന്നിരുന്ന മറ്റു വാഹനങ്ങളെയെല്ലാം മറികടന്നുള്ള ഡ്രൈവറുടെ ഈ അതിസാഹസികതക്ക് നൽകേണ്ട ശിക്ഷ സംബന്ധിച്ച് പൊലീസിനൊരു സംശയവുമുണ്ടായില്ല. അങ്ങനെയാണ് വരിതെറ്റിച്ച് കയറിപ്പോയ വഴിയിലൂടെ തന്നെ റിവേഴ്സിൽ പോകാൻ ബസ് ഡ്രൈവർ നിർബന്ധിതനായത്. റിവേഴ്സ് എടുക്കുന്ന ബസും ഒപ്പം നീങ്ങുന്ന പൊലീസ് വാഹനവും അടങ്ങുന്ന വിഡിയോ അതിവേഗത്തിലാണ് മിന്നും താരമായി മാറിയത്.

സംഭവത്തിൽ സമയം ഇല്ലാത്തതുകൊണ്ടാണ് ബസ്സുകാർ ഇത്തരത്തിൽ ചെയ്തതെന്ന വിശദീകരണം വരുന്നുണ്ടെങ്കിലും, ഇത്രയധികം ആളുകൾ കാത്തുകിടക്കുമ്പോൾ ഇല്ലാത്ത ധൃതി എന്തിനാണ് എന്നാണ് മറ്റുള്ളവരുടെ മറുചോദ്യം. ആംബുലൻസ് പോലുള്ള വാഹനങ്ങളാണ് ഇത്തരത്തിൽ മറികടന്നു പോയിരുന്നതെങ്കിൽ അതിന്റെ ആവശ്യകത നമുക്ക് മനസ്സിലാക്കാമായിരുന്നു. എന്നാൽ കൂടുതൽ ബ്ലോക്ക് ആക്കുന്നതരത്തിലുള്ള ബസ്സുകാരുടെ ഇത്തരം കടന്നുകയറ്റങ്ങൾക്ക് ഇതുപോലുള്ള തിരിച്ചടികൾ അനിവാര്യം തന്നെയാണെന്നാണ് പൊതുജനാഭിപ്രായം. എന്തായാലും ഈ സംഭവത്തിൽ പോലീസുകാർ ഹീറോയാകുകയും ബസ്സുകാർ നൈസായി ചമ്മിപ്പോകുകയും ചെയ്തു എന്നതാണ് വാസ്തവം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post