കൊറോണയെ വകവെക്കാതെ ജീവൻ രക്ഷിക്കാനിറങ്ങിയ നാട്ടുകാർക്കൊരു സല്യൂട്ട്

Total
341
Shares

2020 ആഗസ്റ്റ് 7… കേരളക്കരയ്ക്ക് ദുരന്തത്തിനു മേൽ ദുരന്തം സമ്മാനിച്ച കറുത്ത ദിവസം. രാവിലെ മൂന്നാർ രാജമലയിലെ പെട്ടിമുടിയിൽ ഉരുൾപൊട്ടലിൽപ്പെട്ട് ആളുകൾ മരിക്കുകയും, നാല്പതിലേറെപ്പേരെ കാണാതാവുകയും ചെയ്ത സംഭവത്തിൻ്റെ ഞെട്ടൽ മാറും മുന്നേ, നേരമിരുട്ടിയ നേരത്ത് കേട്ടത് ഭീകരമായ മറ്റൊരു വാർത്തയായിരുന്നു. കരിപ്പൂർ എയർപോർട്ടിലെ റൺവേയിൽ നിന്നും വിമാനം തെന്നിമാറി താഴേക്ക് പതിച്ചിരിക്കുന്നു.

സാധാരണയായി ഇത്തരമൊരു വിമാനാപകടം ഉണ്ടാകുകയാണെങ്കിൽ അതിലെ 95% ആളുകളും ജീവനോടെയുണ്ടാകാൻ സാധ്യത കുറവായിരിക്കും. എന്നാൽ കരിപ്പൂരിൽ മരണസംഖ്യ 19 ആയിരുന്നു. മൂന്നക്കത്തിലേക്ക് പോകേണ്ട മരണസംഖ്യയെ പിടിച്ചു നിർത്തി ജീവനുകൾ രക്ഷിച്ചത് ആദ്യം സംഭവ സ്ഥലത്തെത്തിച്ചേർന്ന നാട്ടുകാർ ആയിരുന്നു. പിന്നീടാണ് പോലീസും ഫയർഫോഴ്‌സും ദുരന്തനിവാരണ സേനയുമെല്ലാം എത്തിയത്.

രക്ഷാപ്രവർത്തനം നടത്തുമ്പോൾ കോവിഡ്‌ കാലവും ശാരീരിക അകലവുമൊന്നും ആരും ഓർത്തില്ല. ഗൾഫിൽ നിന്നും വരുന്ന പ്രവാസികളെ ഭീതിയോടെ അകറ്റി നിർത്തിയ സംഭവങ്ങളുണ്ടായ നമ്മുടെ നാട്ടിൽ തങ്ങളുടെ ജീവൻ കൊടുത്തും മറ്റുള്ളവരുടെ ജീവൻ രക്ഷിക്കുവാൻ ആളുകളുണ്ട് എന്നു മനസ്സിലാക്കിത്തന്ന ഒരു സംഭവം കൂടിയാണിത്. കൊറോണ മൂലം കണ്ടെയ്‌ൻമെൻറ് സോണായ നാട്ടിലെ ഊടുവഴികളെല്ലാം തുറന്ന് സ്വന്തം വാഹനങ്ങളുമായി സംഭവ സ്ഥലത്ത് അവരെത്തി. ആംബുലൻസുകൾക്കായി അവർ കാത്തു നിന്നില്ല. വിവരം അറിഞ്ഞവരെല്ലാം സ്വന്തം കാറുകളിലും മറ്റുമായി രക്ഷാപ്രവർത്തനത്തിനായി പാഞ്ഞെത്തി. ഈ വണ്ടികളിലേക്ക് എടുത്ത്‌ വെയ്ക്കുന്ന ജീവനുകളേക്കാൾ വിലയുള്ളതായി അവർക്ക്‌ ആ സമയത്ത്‌ മറ്റൊന്നും തോന്നിയിട്ടുണ്ടാകില്ല.

എല്ലാവരും ഉണർന്നു പ്രവർത്തിച്ചതു മൂലം അപകടം സംഭവിച്ച് ഒന്നര മണിക്കൂറിനുള്ളിൽ എല്ലാവരെയും ആശുപത്രികളിൽ എത്തിക്കുവാൻ സാധിച്ചു. ഇതുകൊണ്ടാണ് മരണസംഖ്യ കുറഞ്ഞതും. എങ്കിലും 19 ജീവനുകൾ പൊലിഞ്ഞു പോയ വിഷമത്തിലാണ് ആ നാട്ടുകാർ.

ആശുപത്രിയിലും സേവന സന്നദ്ധരായി എല്ലാവരുടെയും മനസ്സു നിറച്ചു നല്ലവരായ മലപ്പുറംകാർ. പരിക്കേറ്റവരുടെ ബന്ധുക്കളെ വിവരമറിയിക്കുവാനും, ഒറ്റപ്പെട്ടു പോയ കുട്ടികൾക്ക് താങ്ങായും, രക്തം നല്കുവാനുമൊക്കെ വലിപ്പച്ചെറുപ്പം നോക്കാതെ, ആർക്കും ബുദ്ധിമുട്ടുണ്ടാക്കാതെ അവരെല്ലാം മുൻപന്തിയിൽത്തന്നെ ഉണ്ടായിരുന്നു. കോവിഡില്ല, സാമൂഹ്യ അകലമില്ല, ആർക്കും ഒരു പേടിയുമില്ല. ഒരു യാത്രക്കാരനെയെങ്കിലും രക്ഷിക്കാൻ തനിക്കായാൽ അതു തന്നെ ജീവിത സാഫല്യമെന്ന് കരുതുന്ന കുറെ പച്ച മനുഷ്യർ. നുഷ്യൻ എന്ന മഹാപദത്തിന്റെ മുഴുവൻ അർഥവും ആവാഹിച്ച കുറെ സാധാരണക്കാർ.

മലപ്പുറംകാരുടെ സ്നേഹത്തിനും കരുതലിനും മുന്നിൽ വിനയത്തോടെ തല കുനിക്കുമ്പോൾ, മൂന്നാർ രാജമലയിലുണ്ടായ ഉരുൾപൊട്ടലിൽ മണ്ണിനടിയിൽപ്പെട്ടവരെ രക്ഷിക്കാൻ കൈയും മെയ്യും മറന്നിറങ്ങിയവരെയും നമ്മൾ മറക്കുവാൻ പാടില്ല. ഇത് കേരളമാണ്… പരസ്പ്പരം പലതും പറഞ്ഞുകൊണ്ട് ഓൺലൈൻ യുദ്ധം നടത്തുമെങ്കിലും ഒരു ആപത്തു വന്നാൽ എല്ലാവരും ഒറ്റക്കെട്ടാണെന്നു വീണ്ടും നമ്മൾ തെളിയിച്ചു കൊണ്ടിരിക്കുകയാണ്. ഇനിയൊരു ദുരന്തം ആവർത്തിക്കാതിരിക്കട്ടെ… ദുരന്തത്തിൽ ജീവൻ പൊലിഞ്ഞവർക്ക് കണ്ണീരോടെ ആദരാഞ്ജലികൾ നേരാം. ബാക്കിയുള്ളവർക്ക് ദുരന്തം ഏൽപ്പിച്ച ആഘാതത്തിൽ നിന്നും മോചനം നേടി പഴയ ജീവിതത്തിലേക്ക് തിരികെ വരുവാനുള്ള ധൈര്യവും കരുത്തും ലഭിക്കട്ടെ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post