നിങ്ങൾ കണ്ടതും കേട്ടതും മാത്രമല്ല യഥാർത്ഥ കൊച്ചി.. അതറിയണോ?

Total
0
Shares

വിവരണം – Shijo&Devu_The Travel Tellers.

‘Kochi is not a city it is a feeling…’ ഞങ്ങടെ മലബാറ്കാരൻ ചങ്കിന്റ കൊച്ചിയെ പറ്റിയുള്ള സ്റ്റാറ്റസ് കണ്ട് തള്ളിയത് എന്റെ കണ്ണാ.. ഒരു മാസമേ ആയിട്ടുള്ളൂ ബ്രോ കൊച്ചീലെത്തീട്ട് അപ്പോഴേക്ക് അവന് കൊച്ചിയോട് ഇത്രക്ക് വികാരമോ?? ഏതായാലും ചങ്ക് ബ്രോയെ നേരിട്ട് കണ്ടപ്പോൾ ഇതിന്റെ പിന്നിലെ ചേതോവികാരം ആരാഞ്ഞു…. ബ്രോയുടെ താമസം ഇടപ്പള്ളിലെ ഫ്ലാറ്റില്, എല്ലാ ദിവസവും വൈകീട്ട് ലുലു, ഒബ്രോൺ, സെട്രൽ സ്ക്വയറിലൊക്കെ കറക്കം. Swiggy, Zomato ന്ന് ഫുഡ് പിന്നെ വീക്കെന്റിൽ സിനിമ, മറൈൻെ ഡ്രെവ് ബൂസ്റ്റ് കുലുക്കി! ഇതാണ് Bro കണ്ട കൊച്ചി! Bro യെ പറഞ്ഞിട്ടും കാര്യമില്ല കൊച്ചീം എറണാകുളോം ഒന്നാണെന്നാ പലരുടേം ധാരണ.

അങ്ങ് അറബിക്കടലിന്ന് വീശുന്ന പടിഞ്ഞാറൻ കാറ്റും കൊണ്ട് ഏഴാം കടലിനക്കരയിലേക്ക് കണ്ണും നട്ട് നിക്കുന്ന ഞങ്ങടെ കൊച്ചി… ഓരോ കാലടിയും ചരിത്രത്തിന്റെ ഉള്ളറയിലേക്ക് കൊണ്ടു പോകുന്ന കൊച്ചി! തോപ്പുംപടീം പള്ളുരുത്തീം മട്ടാഞ്ചേരിം ഫോർട്ട് കൊച്ചീം കണ്ണമാലീം ചെല്ലാനോം ഇടക്കൊച്ചിം ഒക്കെ ചേർന്ന് നിക്കണ കൊച്ചി. മൂന്ന് യൂറോപ്യൻ ശക്തികൾ മാറി മാറി ഭരിച്ച ഒരേ ഒരു നഗരമാണ് നമ്മടെ കൊച്ചി. യൂറോപ്യൻ മാര് ഫോർട്ട് കൊച്ചിക്കിട്ട വിളിപ്പേര് തന്നെ ‘ലിറ്റിൽ ലണ്ടൻ’ എന്നായിരുന്നു. എറണാകുളത്തു നിന്ന് പശ്ചിമ ഭാഗത്തേക്ക് വന്നാൽ ഇന്റർനാഷണൽ ലുക്കുള്ള കൊച്ചിൻ പോർട്ടും ഷിപ്പിയാർഡിലെ കൂറ്റൻ കപ്പലുകളും കടന്ന്, കപ്പൽ പോകുമ്പോൾ പൊങ്ങുന്ന ഹാർബർപാലം ഇറങ്ങി, പാലത്തിനടിയിൽ നിരന്നു കിടക്കുന്ന ഫിഷിംഗ് ബോട്ടും കണ്ട് മുന്നോട്ട് പോന്നാൽ തോപ്പുംപടി എത്തും. അവിടന്ന് വലത്ത് എടുത്താൽ മനുഷ്യരാശിയുടെ കാൽപാട് എന്നറിയപ്പെടുന്ന മട്ടാഞ്ചേരി എത്തി.

ഫ്രഞ്ചുകാരും ഡച്ച് കാരും പോർച്ചുഗീസ് കാരും ബ്രിട്ടീഷ് കാരുമെല്ലാം സഞ്ചരിച്ച വഴികളിലൂടെ സഞ്ചരിക്കുമ്പോൾ പാശ്ചാത്യ സംസ്കാരത്തിന്റേം വാസ്തു വൈവിധ്യത്തിന്റേം പല ശേഷിപ്പുകളും മുന്നിലൂടെ കടന്നു പോകും.. അറബി പെണ്ണിന്റെ മണമുള്ള ഇടുങ്ങിയ വഴികളിലൂടെ നടക്കുമ്പോൾ മഞ്ഞിന്റെ നിറമുള്ള പാർസി ഇസ്രായേലി പെൺകൊടികളേയും കാണാം. ജൂതത്തെരുവും സിനഗോഗും പാലസും എല്ലാം പഴയ ഒരു ഗസലിന്റെ ഈണം പോലെ മനോഹരമാണ്. ഗുജറാത്തികളും ജൈനരും ബുദ്ധൻമാരും കൊങ്കണികളും ചെട്ടികളുo അങ്ങനെ പല ജാതി പല മത വിശ്വാസികൾ താമസിക്കുന്ന ഇടങ്ങൾ പിന്നിട്ട് കായിക്കാന്റെ ബിരിയാണീം കഴിച്ച് ശാന്തിലാൽ സ്വീറ്റ്സിലെ നെയ്യിന്റെ മണമുള്ള മധുരം നുണഞ്ഞ് കുരിയച്ഛന്റെ നടേൽ തിരീം കത്തിച്ച് ഫോർട്ട് കൊച്ചിലോട്ട് വിട്ടാൽ പോർച്ചുഗീസ്, ഡച്ച്, അറബ്, ബ്രട്ടീഷ് സംസ്കാരങ്ങളും കോസ്റ്റ് ഗാർഡിന്റെ ആസ്ഥാനവും കാണാം.

ആഗ്ലോ- ഇന്ത്യൻ സുന്ദരികളുടെ കാല്പാടുകൾ പതിഞ്ഞ ഫോർട്ട് കൊച്ചി ബീച്ചിലെ കല്ലുപാകിയ വഴികളിലൂടെ നടക്കുമ്പോൾ LNG, വല്ലാർപാടം ടെർമിനലിലേക്ക് പോകുന്ന കൂറ്റൻ കപ്പലുകളേം കാണാം… രാത്രി ആയാൽ വൈപ്പിൻ ലൈറ്റ് ഹൗസിലെ ലൈറ്റ് അടിക്കുന്നതും കാണാൻ പറ്റും. മസാലപ്പൈനാപ്പിളും കടിച്ച് മത്സരിച്ച് പട്ടവും പറത്തി തണൽവൃക്ഷങ്ങൾ നിഴൽ വീഴ്ത്തിയ പാതകളും പിന്നിട്ടാൽ ചരിത്രത്തിന്റെ സാക്ഷിയായ മഴമരം കാണാം.. കൊച്ചിക്കാരുടെ സ്വന്തം X’Mas Tree വാസ്ഗോഡഗാമ ചർച്ചും ഡേവിഡ് ഹാളും ആസ്പിൻ വോളും ബിഷപ്പ് ഹൗസും ജൈന ക്ഷേത്രവും തുടങ്ങി പരിപ്പ് ജംഗ്ഷനും പപ്പങ്ങാമുക്കും അമ്മായി മുക്കും ചാളക്കടവും നസ്രത്തും പിന്നെ സൗദിയും വരെ ഒരു കുടക്കീഴിൽ നിക്കുന്ന കൊച്ചി. കടലിൽ പോണ അച്ചാണ്ടി ചേട്ടൻ തൊട്ട് സാക്ഷാൽ ബ്രട്ടീഷ് രാജവംശത്തിന്റെ ഇളമുറക്കാരെ വരെ ഇഴചേർത്ത് നിറുത്തുന്ന നാട്… അതാണ് ഞങ്ങടെ കൊച്ചി!!

സിനിമേൽ കാണും പോലെ ഫ്രിക്കൻമാരും ചേരീം കൊട്ടേഷനും മാത്രമല്ല കണ്ടൽ കാട് നിറഞ്ഞ നാട്ടുപാതയും കുളക്കോഴി മുതൽ ദേശാടന പക്ഷി വരെയുള്ള പക്ഷി വൈവിധ്യങ്ങളും ചെമ്മീൻ കെട്ടും ചീനവലകളും നിറഞ്ഞ നാട്. കെട്ടുകലക്കലും കാർണിവല്ലും ഔസേപ്പിതാവിന്റെ നേർച്ച സദ്യേം ആഘോഷമാക്കിയ നാട്.. മനസാക്ഷിം മനുഷ്യത്വം ഉള്ള കടലിന്റെ മക്കളുടെ നാട്. രുചിയുടെ കാര്യത്തിലും കൊച്ചിക്കാര് രാജാവ് തന്നാ. വാഴയിലയിൽ പൊള്ളിച്ച കരിമീനും കരുമുളകിട്ട് പറ്റിച്ച ഞണ്ടും വറുത്തരച്ച് വച്ച തെരണ്ടിയും തേങ്ങാക്കൊത്തിട്ട കൂന്തൽ റോസ്റ്റും നമ്മടെ കൊച്ചി സ്പെഷ്യലാ. ലോകത്തിലെ തന്നെ ആദ്യത്തേത് എന്ന് പറയപ്പെടുന്ന മനുഷ്യ നിർമിത ഐലന്റായ വില്ലിംഗ്ടൺ ഐലൻറും അവിടത്തെ താജ് ഹോട്ടലും കാസിനോയുമെല്ലാം ആഡംബരത്തിലും പിന്നോട്ടല്ല കൊച്ചി എന്ന് കാണിച്ച് തരും.

ഏത് തരക്കാർക്കും ഏത് രീതിയിൽ ഉള്ള enjoymentഉം കൊച്ചീലുണ്ട്.. 8 രൂപക്ക് ടിക്കറ്റെടുത്ത് Private bus ൽ വന്നവനേം Benz ൽ വന്നവനേം നിരാശപ്പെടുത്തൂല ഞമ്മടെ കൊച്ചി! എല്ലാർക്കും ഉള്ള വക ഇങ്ങ് കൊച്ചി കിട്ടും. ഹാർബർപാലം കാണാണ്ട് ഫോർട്ട് കൊച്ചി ബീച്ച് കാണാണ്ട് മട്ടാഞ്ചേരി ജൂത തെരുവ് കാണാണ്ട് കായിക്കാന്റെ ബിരിയാണി കഴിക്കാണ്ട് ഇവിടത്തെ പലവിധ സംസ്കാരം അറിയാണ്ട് കൊച്ചീടെ ചരിത്രമറിയാണ്ട് at least ഞങ്ങടെ മ്യൂസിയത്തിലെ പീരങ്കികാണാണ്ട് മെട്രോല് കയറി സെൽഫി എടുത്തിട്ട് കൊച്ചി ചങ്കാണ് ചങ്കിടിപ്പാണ് എന്നൊക്കെ പറഞ്ഞ് ഞങ്ങളെ ചുമ്മാ ചിരിപ്പിക്കാണ്ട്:… വണ്ടി എടുത്തിങ്ങോട് പോര്ന്നേ…. ഇങ്ങ് കൊച്ചിലോട്ട്!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post