സൂര്യകാന്തി പൂത്തുനിക്കണ കാഴ്ച കാണാൻ കൊച്ചിയിൽ നിന്നും സുന്ദരപാണ്ഡ്യപുരത്തേക്ക്

Total
0
Shares

വിവരണം – Shijo&Devu_The Travel Tellers.

സ്വർണശോഭ വിടർത്തി നിൽക്കുന്ന സൂര്യകാന്തി പൂക്കൾ സോഷ്യൽ മീഡിയയിൽ നിന്ന് സ്വപ്നത്തിന്റെ സംഗീതമായി നിദ്രയുടെ പടിവാതിലിൽ ശ്രുതി മീട്ടാൻ തുടങ്ങി. എന്നു വച്ചാൽ സൂര്യകാന്തി പൂത്തു നിക്കണ പ്രൊഫൈലുകള് കണ്ട് കിളി പോയപ്പോൾ കുഞ്ഞാവയേം പൊക്കി ഞങ്ങളും പോയി സുന്ദരപാണ്ഡ്യപുരത്തേക്ക്.

കൊച്ചിയിൽ നിന്ന് രാവിലെ 6 മണിക്ക് തുടങ്ങിയ യാത്ര ആലപ്പുഴയും കൊല്ലവും കടന്ന് തെങ്കാശി എത്തിയപ്പോൾ സമയം ഉച്ചയോട് അടുത്തിരുന്നു. തല ഉയർത്തി നിൽക്കുന്ന കാറ്റാടി പാടങ്ങളും വിളഞ്ഞു നിൽക്കുന്ന പച്ചക്കറി തോട്ടങ്ങളും കടന്ന് ഞങ്ങൾ സാംബവാർ വടകരൈ എത്തി. പച്ചക്കറിത്തോട്ടങ്ങളും പാടങ്ങളും നിറഞ്ഞ ഒരു തമിഴ് കർഷക ഗ്രാമമണ് സാമ്പവാർ വടകരൈ.

റോഡരികിൽ കേരള രജിസ്ട്രേഷൻ വണ്ടികൾ വരിവരിയായി പാർക്ക് ചെയ്തിരിക്കുന്നത് കണ്ടു എന്താ സംഭവം എന്നറിയാൻ വണ്ടി നിർത്തിയ ഞങ്ങളുടെ ബാല്യo മാത്രമല്ല വാർദ്ധക്യം വരെ പകച്ചു പോയി! പൂത്തുലഞ്ഞു നിൽക്കുന്ന സൂര്യകാന്തി പൂക്കളും അതിനു നടുവിൽ കുറേ ടിക്ടോക്ക് ഉം സെൽഫി പ്രാന്തൻമാരും. ഇവർ ഒക്കെ എന്താ ഇവിടെ? ഇനി ഇവിടെ എന്തേലും ഫ്രീ ആയി കൊടുക്കുന്നുണ്ടോ ആവോ. ആന കരിമ്പിൻ തോട്ടത്തിൽ കയറിയാൽ ഉള്ള ‘that’ അവസ്ഥ. ട്രാവലർ ഒക്കെ പിടിച്ച് ഫാമിലി ആയിട്ടാണ് പലരും വന്നിരിക്കുന്നത്. അവധി ദിവസമായിട്ട് ഇവർക്കൊക്കെ വീട്ടിൽ ഇരുന്നൂടെ (ആത്മഗതം).

ഈ ടിക്ടോക്ക് ഷൂട്ടിങ്ങ് കാണാനാണോ തമ്പുരാനേ കൊച്ചീന്ന് 230 കിലോമീറ്റർ ഡ്രൈവ്! എന്തായാലും നനഞ്ഞു. അത് കൊണ്ട് അല്പം കൂടി മുന്നോട്ടു പോയി. കുറച്ചു കഴിഞ്ഞപ്പോൾ അധികം തിരക്കില്ലാത്ത ഒരു പൂപ്പാടത്തിൽ വണ്ടി നിർത്തി. വരമ്പിലുടെ ഞങ്ങളാ മഞ്ഞപ്പൂക്കൾക്ക് ഇടയിലേക്ക് ഇറങ്ങി. കുഞ്ഞാവ ആണേൽ സന്തോഷം കൊണ്ട് തുള്ളിച്ചാടാനും എൻറെ കയ്യിൽ നിന്ന് ഊർന്നിറങ്ങി പൂക്കൾ ക്കിടയിലൂടെ ഓടാനും തുടങ്ങി. കുഞ്ഞാവയുടെ മുഖത്തിന്റെ വലിപ്പമുണ്ട് പല പൂക്കളൾക്കും. എൻറെ വീടിൻറെ മുറ്റത്തുമുണ്ട് സൂര്യകാന്തി. പക്ഷേ ഈ പൂക്കളുടെ വകയിലെ അമ്മാവൻറെ മോളാണെന്ന് പോലും തോന്നില്ല അത്രയ്ക്ക് ചെറുതാ.

നോക്കത്താ ദൂരത്തോളം പരന്നു കിടക്കുന്ന സൂര്യകാന്തി പൂക്കളുടെ ശോഭ. സൂര്യപ്രകാശത്തിൽ ആ പ്രദേശം മുഴുവൻ പ്രതിഫലിച്ചിരുന്നു. ഇത്രയധികം പൂക്കൾക്കിടയിലൂടെ അതിനെ തൊട്ടും തലോടിയും നടക്കാൻ വല്ലാത്തൊരു സുഖമായിരുന്നു. ചിത്രകഥളിലെ സൂര്യനും സൂര്യകാന്തിക്കും ഒരേ രൂപമായിരുന്നു. അതു കൊണ്ടാണോ അതോ സൂര്യനുദിക്കുന്നത് മുതൽ അസ്തമിക്കുന്നത് വരെയും സൂര്യന് അഭിമുഖമായിത്തന്നെ വിടർന്ന് നിൽക്കുന്നതുകൊണ്ടാണോ ഈ പേര് ഈ പൂവിന് വന്നത് എന്ന് നിശ്ചയമില്ല.

വലിയ പൂക്കളെ മനോഹരമാക്കിയിരുന്ന മഞ്ഞ ഇതളുകൾ വാടിക്കൊഴിഞ്ഞാൽ പിന്നെ ചെടിയിൽ വിത്ത് മാത്രമാകും. എണ്ണയെടുക്കാനാണ് സൂര്യകാന്തി കൃഷി ചെയ്യുന്നത്. മലയാളികൾ വെളിച്ചെണ്ണയ്ക്ക് നൽകുന്ന പ്രാധാന്യം കർണാടകയിൽ സൂര്യകാന്തി എണ്ണയ്ക്കുമുണ്ട്. ചുറ്റുമുള്ള പൂപ്പാടങ്ങളിൽ വിളവെടുപ്പ് കഴിഞ്ഞു തുടങ്ങി. വിളവെടുപ്പോടെ ഈ മഞ്ഞപൂക്കാലം അവസാനിക്കുo. …ഇനി കാത്തിരിപ്പാണ് സൂര്യകാന്തി ശോഭ വിരിയുന്ന അടുത്ത വസന്ത കാലത്തിനായി.

സൂര്യകാന്തി പൂക്കളുടെ മണവും പേറിക്കൊണ്ട് സാംബവാർ വടകരൈയിലെ ചൂട് കാറ്റ് ഞങ്ങളെ കടന്നുപോയി. മഞ്ഞ വയലേലകളും ദൂരെ കാണുന്ന കാറ്റാടിയും സുഖമുള്ള ഒരു കാഴ്ചയാണ്. സൂര്യനെ നോക്കി കൺചിമ്മാതെ നിൽക്കുന്ന ആ പൂക്കളുടെ മഞ്ഞ ചായത്തിലൂടെ വിരലോടിച്ചു. കുറെ നേരം കൂടി അവിടെ ചിലവഴിച്ച് ഞങ്ങൾ തിരിച്ചു പോന്നു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post