‘മെട്രോ സിറ്റി’ വഴി ‘ലുലു മാളി’ലേയ്ക്ക് ഒരു കർക്കിടക തീർത്ഥാടനം

Total
0
Shares

വിവരണം – Baiju B Mangottil.

പത്ത് കിലോമീറ്ററിൽ കൂടുതൽ വണ്ടിയിൽ ഇരുന്നാൽ 2 ദിവസം തല പൊങ്ങാതെ കിടക്കുന്ന അമ്മയും, തന്റെ ആടുകളെയും പട്ടിയെയും പട്ടിണിക്ക് ഇട്ടോണ്ട് തല പോയാലും അനങ്ങില്ലെന്നു പറയുന്ന അപ്പനെയും എങ്ങനെങ്കിലും പുകച്ച് പുറത്ത് ചാടിക്കണം എന്നത് പണ്ട് മുതൽക്കേ ഞങ്ങടെ വാശിയായിരുന്നു. മുൻപ് പല തവണ പലയിടത്തേയ്ക്കും കൊണ്ട് പോകാൻ ശ്രമിക്കുമ്പോഴും ഓരോ കാരണം പറഞ് ഒഴിയുന്നതാണ് രണ്ടാളുടേം സ്വഭാവം.

അതിനിടയ്ക്ക് കർക്കിടകം ഒക്കെ ആയപ്പോ അനിയൻ നൈസായിട്ട് ഒരു നൂലെറിഞ്ഞു നോക്കിയതാണ് നാലമ്പല തീർത്ഥയാത്ര. അമ്പലപ്പടിക്കൽ മഴയ്ക്ക് പോലും പോവാത്ത നിങ്ങക്കൊക്കെ ഇപ്പഴെങ്കിലും നല്ല ബുദ്ധി തോന്നിയല്ലോ എന്ന് കരുതിയാവണം പാവം രണ്ടു പേരും പുലർച്ചെ 4 മണിക്ക് തന്നെ റെഡി. പൈസ ചിലവുള്ള ഒരു പരിപാടിക്കും കൂട്ട് നിൽക്കാത്ത അമ്മ 2 നേരത്തേയ്ക്കുള്ള ആഹാരം വരെ ഉണ്ടാക്കി പായ്ക്ക് ചെയ്ത് വണ്ടിയിൽ കയറ്റി, കെട്ടിയോളെയും അനിയനേയും ഒപ്പം കൂട്ടി.

നേരെ ഗുരുവായൂർ തൃപ്രയാർ കേറി ഉമ്മറത്ത് നിന്ന് നാല് കറക്കം ഒക്കെ കറങ്ങി രണ്ടമ്പലം അവർക്ക് ദർശനം കൊടുത്തു. അത് കഴിഞ്ഞു സ്നേഹതീരത്ത് പോയി കടലും കണ്ട് ബാക്കി രണ്ട് അമ്പല ദർശനം കാത്ത് വണ്ടിയിൽ ഉറങ്ങി പോയവർ കണ്ണ് തുറക്കുന്നത് കൊച്ചി മെട്രോയുടെ കളമശ്ശേരി സ്റ്റേഷന് മുൻപിൽ.

അടുത്ത അമ്പലത്തിലേയ്ക്കുള്ള എളുപ്പ വഴിയാണെന്നും പറഞ്ഞു രണ്ടാളെയും മ്മടെ പുതിയ മെട്രോയിൽ കയറ്റി. ശബ്ദം ഇല്ലാതെ ഓടുന്ന ട്രെയിനും അവിടുത്തെ എസ്കലേറ്ററും അമ്മയെ വല്ലാതെ തളർത്തിയിട്ടുണ്ട്. ആകെ അമ്പരപ്പാണ് രണ്ടാൾക്കും. “ഇതിനൊക്കെ പൈസാ കൊടുക്കണ്ടെടാ ഉണ്ണിയേ…” അതെ ഉള്ളു വിചാരം. വണ്ടി നേരെ ചെന്നിറങ്ങിയത് ലുലു മാളിന്റെ മുൻപിൽ.

ആദ്യം കുറെ പരിഭവം പറഞ്ഞ രണ്ടാളും മാളിൽ കേറിയതോടുകൂടി ഉഷാറായി മരുമോളെ മുറുകെ പിടിച്ചാണ് അമ്മയുടെ നടത്തം സംഗതി വേറൊന്നുമല്ല നല്ല ഷോർട്സും ടൈറ്റ്സും ഇട്ടോണ്ട് വരുന്ന പെമ്പിള്ളേരെ നോക്കി പരദൂഷണം പറച്ചിലാണ്. അപ്പൻ പിന്നെ മുണ്ടും മുറുക്കി കാര്യമായ നിരീക്ഷണത്തിലാണ്. 24 ലക്ഷം വിലയുള്ള tv നമ്മൾ എപ്പഴാണ്ട കുട്ടിയെ വാങ്ങണത് എന്നാണ് പുള്ളീടെ ആലോചന. ഒരു മൊട്ടു സൂചി പോലും ഇവിടുന്ന് വാങ്ങിപോകരുത് എന്നാണ് അമ്മയുടെ കല്പന.

ഒടുക്കം ഹൈപ്പർ മാർക്കറ്റിൽ നിന്ന് തീരാറായ ഓഫർ ഐറ്റംസ് കുറെ പർച്ചേസ് ചെയ്ത് തിരിച്ചിറങ്ങി. കൊച്ചിയുടെ മനോഹാരിതയൊക്കെ ആവോളം ആസ്വദിച്ച് ആവശ്യത്തിലേറെ പരദൂഷണവും പറഞ് മോന്തി നേരത്തോടുകൂടി കുതിരാൻ തുരങ്കവും കാണിച്ച് ഇരുട്ടുമ്പഴേക്കും പെരയിലെത്തിച്ചു.

കാര്യം നമുക്ക് പലർക്കും വളരെ നിസ്സാരമായി തോന്നാവുന്ന ഒരു സാധാരണ യാത്രയാണ് ഇതൊക്കെ. പക്ഷെ അവരെ സംബന്ധിച്ചിടത്തോളം ജീവിതത്തിൽ മറക്കാനാവാത്ത വലിയ ഒരു അനുഭവം തന്നെ ആയിരുന്നു. ഒരു പക്ഷെ ഇത്രയും കാലത്തിനടയ്ക്ക് ഞാൻ നടത്തിയ യാത്രകളിൽ വച്ച് ഏറ്റവും വിലപ്പെട്ട ഓർമ്മകൾ ഞങ്ങൾക്ക് സമ്മാനിച്ച യാത്രയാണിത്. എത്ര കടവും ബാധ്യതയും പ്രാരാബ്ധങ്ങളും ഒക്കെ ഉണ്ടെങ്കിലും അവയൊക്കെ മാറ്റി വച്ച് ഇതുപോലൊരു ദിവസമെങ്കിലും എല്ലാം മറന്ന് പ്രിയപ്പെട്ടവരോടൊപ്പം ചില ആഗ്രഹങ്ങൾ സഫലീകരിക്കണം അതൊരു വല്ലാത്ത അനുഭൂതി തന്നെയാണ്.

എല്ലാറ്റിനും അതിന്റേതായ സമയമുണ്ട് ദാസാ… അത് കഴിഞ്ഞാ പിന്നെ നമ്മളൊക്കെ വിചാരിച്ചാലും അവർക്ക് ഇവിടൊന്നും എത്തിപ്പെടാൻ കഴിഞ്ഞെന്ന് വരില്ല അത്കൊണ്ട് തന്നെ അവരുടെയൊക്കെ ആഗ്രഹങ്ങൾക്ക് ഒരിക്കലും നമ്മൾ അവധി പറയാൻ നിൽക്കരുത്. ഇത്തരമൊരു അവസരം ഉണ്ടാക്കി തന്ന പ്ലാൻ മാസ്റ്റർ തമ്പിയ്ക്കും (Shaiju Mangode) അമ്മയെ തട്ടി കൂട്ടി പ്ലാനിൽ വീഴ്ത്തിയ കെട്ട്യോള്ക്കും നന്ദി..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post