ബെംഗളൂരു – കൊച്ചുവേളി റൂട്ടില്‍ പുതിയ ബൈ-വീക്കിലി ട്രെയിന്‍..

Total
0
Shares

ബെംഗലൂരു മലയാളികള്‍ക്ക് ഇതാ ഒരു സന്തോഷ വാര്‍ത്ത..!! ബെംഗളൂരുവില്‍ നിന്നും തിരുവനന്തപുരം ജില്ലയിലെ കൊച്ചുവേളിയിലെക്ക് പുതിയ ബൈ – വീക്കിലി ട്രെയിന്‍. ഒക്ടോബര്‍ ഇതുപതാം തീയതി മുതല്‍ ഈ ട്രെയിന്‍ സര്‍വ്വീസ് ആരംഭിച്ചു. ഹംസഫര്‍ എക്സ്പ്രസ്സായിട്ടായിരിക്കും ഈ ട്രെയിനുകള്‍ സര്‍വ്വീസ് നടത്തുന്നത്. 2014 ൽ പ്രഖ്യാപിച്ച തിരുവനന്തപുരം – ബെംഗളൂരു ട്രെയിനാണു ഹംസഫറായി സർവീസ് ആരംഭിച്ചിരിക്കുന്നത്.

കൊച്ചുവേളിയില്‍ നിന്നും എല്ലാ വ്യാഴം, ശനി ദിവസങ്ങളില്‍ വൈകീട്ട് 6.50 ന് പുറപ്പെടുന്ന തീവണ്ടി പിറ്റേദിവസം രാവിലെ 10.45 ന് ബെംഗലൂരു ബാസനവാടി റെയില്‍വേ സ്റ്റേഷനില്‍ എത്തിച്ചേരും. ഇതേ ദിവസങ്ങളില്‍ (വ്യാഴം, ശനി) ഇതിന്‍റെ പെയര്‍ ട്രെയിന്‍ ബസനവാടിയില്‍ നിന്നും വൈകീട്ട് ഏഴുമണിക്ക് പുറപ്പെടുകയും പിറ്റേദിവസം രാവിലെ 9.05 ന് കൊച്ചുവേളിയില്‍ എത്തിച്ചേരുകയും ചെയ്യും.

കൊച്ചുവേളി – ബെംഗലൂരു ഹംസഫര്‍ എക്സ്പ്രസ്സ് നിര്‍ത്തുന്ന സ്ഥലങ്ങള്‍ : കൊല്ലം ജംഗ്ഷന്‍, കരുനാഗപ്പള്ളി, കായംകുളം ജംഗ്ഷന്‍, ചെങ്ങന്നൂര്‍, കോട്ടയം, എറണാകുളം ടൌണ്‍ (നോര്‍ത്ത്), തൃശ്ശൂര്‍, പാലക്കാട്‌ ജംഗ്ഷന്‍, കോയമ്പത്തൂര്‍ മെയിന്‍ ജംഗ്ഷന്‍, ഈറോഡ് ജംഗ്ഷന്‍, സേലം ജംഗ്ഷന്‍, കൃഷ്ണരാജപുരം, ബയ്യപ്പനഹള്ളി.

ബെംഗളൂരുവില്‍ ജോലിചെയ്യുന്ന ടെക്കികളുടെയും കേരള – ബെംഗലൂരു തീവണ്ടിയാത്രാ ഫോറത്തിന്റെയും സംയുക്ത പരിശ്രമത്തിന്‍റെ ഫലമായാണ് ഈ പുതിയ ട്രെയിന്‍ സര്‍വ്വീസ് ആരംഭിക്കുന്നത്. ഇവര്‍ ആദ്യം ഇതിനായി റെയില്‍വേയെ സമീപിച്ചെങ്കിലും അതിനു വലിയ പുരോഗതിയൊന്നും കാണാതിരുന്നതിനാല്‍ പ്രധാനമന്ത്രിയ്ക്ക് നിവേദനം നല്‍കുകയായിരുന്നു. ഇതിന്‍റെ അടിസ്ഥാനത്തിലാണ് ട്രെയിന്‍ അനുവദിച്ചിരിക്കുന്നത്.

കേരളത്തിന്‍റെ വിവിധ ഭാഗങ്ങളില്‍ നിന്നും കെഎസ്ആര്‍ടിസി ഉള്‍പ്പെടെ നിരവധി പ്രൈവറ്റ് ബസ്സുകളും ബെംഗളൂരുവിലേക്ക് സര്‍വ്വീസ് നടത്തുന്നുണ്ട്. പക്ഷേ തിരക്കേറിയ സമയങ്ങളില്‍ ഇവയിലെല്ലാം ബുക്കിംഗ് ഫുള്‍ ആകുകയും ചെയ്യും. പോരാത്തതിന് മിക്ക പ്രൈവറ്റ് ബസ്സുകളും ഫെസ്റ്റിവല്‍ സമയങ്ങളില്‍ ഒരു സീറ്റിനു മൂവായിരവും നാലായിരവുമൊക്കെ ഈടാക്കാറുമുണ്ട്. ഒരു നിവൃത്തിയുമില്ലാതെ എല്ലാവരും ഈ ബസ് ലോബിയുടെ കുരുക്കില്‍പ്പെടുകയും ചെയ്യും. ഇതിനെല്ലാം പരിഹാരമെന്നോണമാണ് കൂടുതല്‍ ട്രെയിന്‍ സര്‍വ്വീസുകള്‍ എന്ന ആവശ്യത്തിലെത്തിയത്.

22 തേഡ് എസി കോച്ചുകളുളള ഹംസഫർ ട്രെയിനിൽ സിസിടിവി ക്യാമറ, ജിപിഎസ് സ്റ്റേഷൻ ഡിസ്പ്ലേ സംവിധാനം, എൽഇഡി ലൈറ്റുകൾ, സ്മോക്ക് അലാം, കോഫി വെൻഡിങ് മെഷീൻ, മിനി പാൻട്രി എന്നിവയുണ്ട്.

തിരുവനന്തപുരം– ബെംഗളൂരു സെക്ടറിൽ കൂടുതൽ ട്രെയിൻ വേണമെന്നു റെയിൽവേ മന്ത്രാലയത്തെയും മന്ത്രിമാരെയും ബോധ്യപ്പെടുത്താൻ കഴിഞ്ഞുവെന്നും ബയ്യപ്പനഹളളി സ്റ്റേഷൻ വികസനം തീരുന്നതോടെ ഹംസഫർ എക്സ്പ്രസിന്റെ പ്രതിദിന സർവീസിനായി ശ്രമിക്കുമെന്നും അൽഫോൻസ് കണ്ണന്താനം പറഞ്ഞു.

തിരുവനന്തപുരം അന്താരാഷ്ട്ര വിമാനത്താവളത്തിന് 3 കിലോമീറ്റർ ദൂരത്തിൽ വടക്ക്-പടിഞ്ഞാറുള്ള ഒരു തീരപ്രദേശമാണ് കൊച്ചുവേളി. കേരളത്തിന്റെ വ്യവസായ ഭൂപടത്തിൽ വർഷങ്ങൾക്കു മുമ്പേ കൊച്ചുവേളി സ്ഥാനം പിടിച്ചിരുന്നു. പൊതുമേഖലാ സ്ഥാപനമായ ട്രാവൻകൂർ ടൈറ്റാനിയം ഇവിടെയാണ്. ഈ തീരപ്രദേശത്തിന്റെ കിഴക്കുഭാഗത്തയാണ് കൊച്ചുവേളി റെയിൽവേ സ്റ്റേഷൻ. കൊച്ചുവേളിയെ, തിരുവനന്തപുരം സെൻട്രൽ റെയിൽവേ സ്റ്റേഷൻറെ പ്രധാന സബ് ‌സ്റ്റേഷനാക്കി മാറ്റാനുള്ള പ്രവർത്തനങ്ങൾ പുരോഗമിച്ചു വരികയാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ഹോട്ടലുകളും റിസോർട്ടുകളും തെരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ

ഹോട്ടലുകൾ, റിസോർട്ടുകൾ, റെസ്റ്റോറന്റ്.. ഈ പേരുകൾ കേൾക്കാത്തവരായി ആരുംതന്നെ ഉണ്ടാകില്ല. പലപ്പോഴും ഇവയെല്ലാം നമ്മുടെ ദൈനംദിന സംഭാഷണങ്ങളിൽ ഉൾപ്പെടാറുമുണ്ടാകും. എന്നാൽ ഇവ ശരിക്കും എന്താണെന്ന് അറിയാമോ? ഹോട്ടൽ, റെസ്റ്റോറന്റ്, റിസോർട്ട് ഇവ തമ്മിലുള്ള വ്യത്യാസങ്ങൾ എന്തൊക്കെ? ആദ്യമായി എന്താണ് ഈ ഹോട്ടൽ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post