ധാരാവിയും കൊമ്പനും; ആനപ്രേമിയുടെ വണ്ടിസാമ്രാജ്യം

Total
24
Shares

കേരളത്തിൽ വണ്ടിപ്രാന്തന്മാർ പലതരത്തിലുണ്ട്. ചിലർക്ക് കാറുകളോടായിരിക്കും പ്രണയം, ചിലർക്ക് ടൂവീലറുകളോടും. എന്നാൽ അതിലും വ്യത്യസ്തരായ ചിലർക്ക് ബസ്സിനോടായിരിക്കും കമ്പം. അതിൽത്തന്നെ ടൂറിസ്റ്റ് ബസ്സുകളോട് പ്രണയമുള്ളവരുമുണ്ട്. കേരളത്തിലെ വണ്ടിപ്രേമികളെയൊന്നാകെ ഇളക്കിമറിച്ച ഒരു ടൂറിസ്റ്റ് ബസ്… അതാണ് കൊമ്പൻ. പേര് കേൾക്കുമ്പോൾ തന്നെ ഒരു രാജകീയ ഫീൽ അല്ലേ?

ഇന്ന് കേരളത്തിലെ കോളേജുകളിലും മറ്റും ടൂർ പോകുവാനായി ഏതു ബസ് വേണമെന്ന് പ്ലാൻ ചെയ്യുമ്പോൾ എല്ലാവരുടെയും മനസ്സിൽ ആദ്യം ഓടിയെത്തുന്ന പേരാണ് കൊമ്പൻ. എങ്ങനെയാണ് കൊമ്പൻ ഹോളിഡേയ്‌സ് ടൂറിസ്റ്റ് ബസുകളിലെ രാജാവായി മാറിയത്? കൊമ്പനെക്കുറിച്ച് പറയുന്നതിനു മുൻപായി കൊമ്പനെ പുറത്തിറക്കിയ ഒരു മനുഷ്യനെക്കൂടി നിങ്ങൾക്കു മുന്നിൽ പരിചയപ്പെടുത്തേണ്ടതായുണ്ട്. ദീപു ശങ്കർ എന്ന കൊമ്പന്റെ സ്വന്തം മുതലാളിയെ.

കടുത്ത ആനപ്രേമിയായിരുന്ന ദീപു ഒരാനയെ വാങ്ങുവാനായി പണം സ്വരുക്കൂട്ടി. എന്നാൽ വീട്ടുകാരുടെ എതിർപ്പു മൂലം ആ പണം ഒരു ബസ് വാങ്ങുവാനായി ദീപു തീരുമാനിച്ചു. അങ്ങനെ അദ്ദേഹം 2018 ൽ ഒരു സെക്കൻഡ് ഹാൻഡ് ടൂറിസ്റ്റ് ബസ് വാങ്ങി. അപ്പോഴും തൻ്റെ ആനപ്രാന്ത് വിട്ടുകളയാൻ ദീപുവിനു മനസ്സു വന്നില്ല. വാങ്ങിയ ബസ്സിന്‌ ‘കൊമ്പൻ’ എന്ന പേര് നൽകി തൻ്റെ മുടങ്ങിപ്പോയ സ്വപ്നം അദ്ദേഹം സാക്ഷാത്കരിച്ചു. വ്യത്യസ്ത ശൈലിയിലുള്ള കൊമ്പൻ എന്ന എഴുത്തും, ഡിസൈനുകളും, ഒപ്പം അധോലോകം എന്ന എഡിഷൻ നെയിമും ആ സെക്കൻഡ് ഹാൻഡ് ബസ്സിനു ശരിക്കും ഒരു ആനച്ചന്തം നൽകി.

വളരെ കുറഞ്ഞ സമയം കൊണ്ട് തന്നെ ‘കൊമ്പൻ’ കോളേജ് വിദ്യാർത്ഥികളുടെയും വണ്ടിപ്രേമികളുടെയും ഹൃദയം കീഴടക്കി. മുതലാളിയോടൊപ്പം കട്ടയ്ക്ക് നിൽക്കുന്ന നല്ല ജീവനക്കാർ കൂടിയായപ്പോൾ കൊമ്പൻ ഹോളിഡേയ്‌സ് എന്ന സാമ്രാജ്യം ഉടലെടുക്കുകയായിരുന്നു. അധോലോകം എഡിഷന് പിന്നാലെ പിന്നീട് നാലു ബസ്സുകൾ കൂടി കൊമ്പന്റെ ഗാരേജിൽ എത്തിച്ചേർന്നു. ദാവൂദ്, കാളിയൻ, യോദ്ധാവ്, ബോംബെ തുടങ്ങിയവയാണ് ആ കൊമ്പന്മാർ.

ഇതുകൊണ്ടൊന്നും തീർന്നില്ല, കൊമ്പന്റെ ഗാരേജിനുമുണ്ട് ഒരു പ്രത്യേകത, വേറൊന്നുമല്ല ധാരാവി എന്നാണു ഗാരേജിന് പേര് നൽകിയിരിക്കുന്നത്. ആലപ്പുഴ ജില്ലയിലെ കരക്കാട് എന്ന സ്ഥലത്തു സ്ഥിതി ചെയ്യുന്ന ധാരാവി ഇന്ന് വണ്ടിപ്രാന്തമാർ കൂട്ടത്തോടെ സന്ദർശിക്കുന്ന ഒരു കേന്ദ്രമാണ്. ദൂരസ്ഥലങ്ങളിൽ നിന്നുപോലും വരുന്ന വണ്ടിപ്രാന്തന്മാരെ കൊമ്പന്റെ ഉടമ ദീപുവും ജീവനക്കാരുമെല്ലാം ഒരേപോലെ സ്വീകരിക്കുന്നു. കൊമ്പനെ കാണുവാനെത്തുന്ന ആരാധകരെല്ലാം സന്തോഷത്തോടെയല്ലാതെ ധാരാവിയിൽ നിന്നും മടങ്ങിപ്പോകാറില്ല.

കേരളത്തിലെ മറ്റു ടൂറിസ്റ്റ് ബസ്സുകളെക്കാൾ ഒരുപടി ഉയരത്തിലാണ് ഇന്ന് ജനഹൃദയങ്ങളിൽ കൊമ്പന്റെ സ്ഥാനം. ഒരിക്കൽ കൊമ്പനോടൊപ്പം യാത്ര ചെയ്തവർ പിന്നീട് വീണ്ടും കൊമ്പനെത്തന്നെ തേടിയെത്തുന്നത് ബസ്സിലെ സൗകര്യങ്ങളും, ജീവനക്കാരുടെ സൗഹാർദ്ദപരമായ പെരുമാറ്റവും അതിലെല്ലാമുപരി ഉടമയായ ദീപുവിന്റെ കട്ടസപ്പോർട്ടും ഒക്കെക്കൊണ്ടാണ്.
കൊമ്പൻ ഹോളിഡേയ്സിന് ഫേസ്‌ബുക്കിൽ മാത്രം രണ്ടര ലക്ഷത്തിലധികം ആരാധകരുണ്ട്.

കേവലം ഒരു സെക്കൻഡ് ഹാൻഡ് ബസ്സിൽ നിന്നും തുടങ്ങിയ കൊമ്പന്റെ ജൈത്രയാത്ര ഇന്ന് കേരളത്തിലെ മൊത്തം ടൂറിസ്റ്റ് ബസ്സുകളുടെ രാജാവ് എന്ന പദവിയിലെത്തി നിൽക്കുന്നു. കേരളത്തിൽ ടൂറിസ്റ്റ് ബസ്സുകൾക്ക് കളർകോഡ് വരുന്നുവെന്ന വാർത്ത വണ്ടിപ്രേമികളെയൊന്നാകെ വിഷമത്തിലാഴ്ത്തിയെങ്കിലും കൊമ്പൻ എന്നും കൊമ്പൻ തന്നെയായിരിക്കും എന്നാണു ആരാധകരെല്ലാം ഉറപ്പിച്ചു പറയുന്നത്. അതെ, ഇത് കൊമ്പനാണ്, വരുന്നത് ധാരാവിയിൽ നിന്നാണ്… ആരൊക്കെ എന്തൊക്കെ ചെയ്താലും കൊമ്പൻ്റെ തട്ട് എന്നും താണിരിക്കും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post