കൊറിയൻ എയർ; ചീത്തപ്പേരിൽ നിന്നും മികച്ച എയർലൈനിലേക്ക്

Total
9
Shares

സൗത്ത് കൊറിയയുടെ ഫ്ലാഗ് കാരിയർ എയർലൈനാണു കൊറിയൻ എയർ. ദക്ഷിണ കൊറിയയിലെ ഏറ്റവും വലിയ എയർലൈൻ കൂടിയായ കൊറിയൻ എയറിൻ്റെ വിശേഷങ്ങൾ ഒന്നറിഞ്ഞിരിക്കാം.

കൊറിയൻ വിഭജനത്തിനു ശേഷം 1946 ൽ സൗത്ത് കൊറിയയിൽ ‘കൊറിയൻ നാഷണൽ എയർലൈൻസ്’ എന്ന പേരിൽ ഒരു വിമാനക്കമ്പനി സ്ഥാപിതമായി. സൗത്ത് കൊറിയയിലെ ആദ്യത്തെ എയർലൈനായിരുന്നു ഇത്. 1946 ൽ കമ്പനി സ്ഥാപിതമായെങ്കിലും പ്രവർത്തനമാരംഭിച്ചത് പിന്നെയും രണ്ടു വർഷങ്ങൾക്കു ശേഷമായിരുന്നു. 1948 ഒക്ടോബർ 30 നു സിയോളിൽ നിന്നും പുസാനിലേക്ക് ആയിരുന്നു കൊറിയൻ നാഷണൽ എയർലൈൻസിൻ്റെ ആദ്യ സർവ്വീസ്.

1961 ന്റെ അവസാനത്തോടെ സൗത്ത് കൊറിയയിലെ വിവിധ മേഖലകൾ ദേശസാൽക്കരിപ്പെട്ടു. ഇതിന്റെ ഫലമായി കൊറിയൻ നാഷണൽ എയർലൈനിനെ സർക്കാർ ഏറ്റെടുക്കുകയും 1962-ൽ കൊറിയൻ എയർലൈൻസ് എന്ന പേരിൽ ഒരു പുതിയ എയർലൈൻ കമ്പനി സ്ഥാപിക്കുകയും ചെയ്തു. പിന്നീട് 1969 ൽ സൗത്ത് കൊറിയയിലെ പ്രമുഖ ബിസിനസ്സ് ഗ്രൂപ്പായ ഹാൻജിൻ ഗ്രൂപ്പ് ഏറ്റെടുത്തതോടെയാണ് കൊറിയൻ എയർലൈൻസിന്റെ സുവർണകാലം ആരംഭിക്കുന്നത്. ഈ സമയത്ത് എട്ടു വിമാനങ്ങൾ മാത്രമായിരുന്നു കൊറിയൻ എയർലൈൻസ് ഫ്‌ലീറ്റിൽ ഉണ്ടായിരുന്നത്.

1971 ൽ ദീർഘദൂര കാർഗോ സർവ്വീസുകൾ കൊറിയൻ എയർലൈൻസ് ആരംഭിച്ചു. വൈകാതെ 1972 ഏപ്രിൽ 19-നു ലോസ് ആഞ്ചലസ് അന്താരാഷ്ട്ര എയർപോർട്ടിലേക്ക് ആദ്യ അന്താരാഷ്‌ട്ര യാത്രാ വിമാന സർവ്വീസും ആരംഭിച്ചു. ലോസ് ആഞ്ചലസ്‌, ഹോങ്കോങ്, തായ്‌വാൻ തുടങ്ങിയ ഇന്റർനാഷണൽ ലക്ഷ്യസ്ഥാനങ്ങളിലേക്ക് ബോയിങ് 707 മോഡൽ എയർക്രാഫ്റ്റുകൾ ആയിരുന്നു കൊറിയൻ എയർലൈൻസ് ഉപയോഗിച്ചിരുന്നത്.

1973 ൽ അന്ന് ഉണ്ടായിരുന്നതിൽ വെച്ച് ഏറ്റവും വലിയ പാസഞ്ചർ എയർക്രാഫ്റ്റ് ആയ ബോയിങ് B747 മോഡൽ കൊറിയൻ എയർലൈൻസ് ഫ്‌ലീറ്റിൽ എത്തിച്ചേർന്നു. ബോയിങ് 747 ഉപയോഗിച്ച് കൊറിയൻ എയർലൈൻസ് പസഫിക് റൂട്ടുകളിൽ സർവ്വീസ് ആരംഭിച്ചു. അതോടൊപ്പം തന്നെ ബോയിങ് 707, Douglas DC-10 വിമാനങ്ങളുപയോഗിച്ച് പാരീസിലേക്കും സർവ്വീസുകൾ തുടങ്ങി.

1975 ൽ കൊറിയൻ എയർലൈൻസ് മൂന്നു എയർബസ് A300 വിമാനങ്ങൾ വാങ്ങുകയുണ്ടായി. ഇക്കാരണത്താൽ എയർബസ് വിമാനങ്ങളുപയോഗിച്ച് സർവ്വീസ് നടത്തുന്ന ആദ്യകാല ഏഷ്യൻ വിമാനക്കമ്പനികളിൽ ഒന്നായി കൊറിയൻ എയർലൈൻസ് മാറി. 1979 ൽ ന്യൂയോർക്കിലേക്ക് നേരിട്ടുള്ള സർവ്വീസ് കൊറിയൻ എയർലൈൻസ് ആരംഭിച്ചു. 1984 ൽ ലോസ് ആഞ്ചലസിൽ കൊറിയർ എയർലൈൻസ് തങ്ങളുടെ കാർഗോ ടെർമിനൽ തുറന്നു. 1983 ൽ സൗത്ത് കൊറിയയിലെ ജെജുവിൽ ഒരു ഫ്ളയിങ് സ്‌കൂളും കൊറിയൻ എയർലൈൻസ് ആരംഭിക്കുകയുണ്ടായി.

1984 ൽ കൊറിയൻ എയർലൈൻസ് പേരുമാറ്റം നടത്തി ‘കൊറിയൻ എയർ’ ആകുകയും അതോടൊപ്പം തന്നെ ലിവെറിയിൽ മാറ്റങ്ങൾ കൊണ്ടുവരികയും ചെയ്തു. ഇക്കാലയളവിൽ പുതിയ സർവ്വീസുകളും എയർക്രാഫ്റ്റുകളും കൊറിയർ എയറിലേക്ക് വന്നുകൊണ്ടിരുന്നു. 1994 ൽ സിയോളിൽ നിന്നും ചൈനയിലെ വിവിധ ലക്ഷ്യകേന്ദ്രങ്ങളിലേക്ക് കൊറിയൻ എയർ സർവ്വീസ് തുടങ്ങി. 1995 ൽ നൂറാമത്തെ എയർക്രാഫ്റ്റ് കൊറിയൻ എയർ ഫ്‌ലീറ്റിലേക്ക് എത്തിച്ചേർന്നു.

2008 ൽ കൊറിയൻ എയർ തങ്ങളുടെ സഹോദര സ്ഥാപനമായി ‘ജിൻ എയർ’ എന്ന പേരിൽ ചെലവ് കുറഞ്ഞൊരു എയർലൈൻ കൂടി ആരംഭിച്ചു. കാര്യം ഇങ്ങനെയൊക്കെയാണെങ്കിലും സുരക്ഷയുടെ കാര്യത്തിൽ കൊറിയർ എയർ പിന്നിലായിരുന്നു. 1970 – 90 കാലഘട്ടത്തിൽ ധാരാളം അപകടങ്ങൾ കൊറിയൻ എയർ വിമാനങ്ങൾക്ക് സംഭവിച്ചിട്ടുണ്ട്. ഇക്കാരണത്താൽ ലോകത്തിലെ ഒട്ടും സുരക്ഷിതമല്ലാത്ത എയർലൈനുകളുടെ പട്ടികയിൽ കൊറിയൻ എയർ ഇടംനേടുകയും ചെയ്തു. എന്നാൽ ഈ മോശം പേര് 2009 ഓടെ കൊറിയൻ എയർ തങ്ങളുടെ മികച്ച സർവ്വീസുകളും പ്രവർത്തനവും കൊണ്ട് മാറ്റിയെടുക്കുകയുണ്ടായി.

2011 ൽ ലോകത്തിലെ ഇന്നുള്ളതിൽ വെച്ച് ഏറ്റവും വലിയ പാസഞ്ചർ എയർക്രാഫ്റ്റ് ആയ എയർബസ് A380 കൊറിയൻ എയർ സ്വന്തമാക്കി. 2012-ൽ ബിസിനസ്‌ ട്രാവലർ റീഡർസ് ഏഷ്യയിലെ ഏറ്റവും മികച്ച എയർലൈനായി കൊറിയൻ എയറിനെ തിരഞ്ഞെടുക്കുകയുണ്ടായി.

സൗത്ത് കൊറിയയിലെ സിയോൾ ആസ്ഥാനമാക്കിയാണ് കൊറിയൻ എയർ പ്രവർത്തിക്കുന്നത്. ഇഞ്ചിയോൺ അന്താരാഷ്‌ട്ര എയർപോർട്ടാണ് കൊറിയൻ എയറിൻറെ അന്താരാഷ്‌ട്ര ഹബ്. 2020 ഓഗസ്റ്റ് മാസം വരെയുള്ള കണക്കനുസരിച്ച് 13 ആഭ്യന്തര റൂട്ടുകളിലും, 42 രാജ്യങ്ങളിലായി 109 അന്താരാഷ്ട്ര റൂട്ടുകളിലും കൊറിയൻ എയർ സർവ്വീസ് നടത്തുന്നുണ്ട്. Airbus A220-300, Airbus A330, Airbus A380, Boeing 737, ബോയിങ് 747, Boeing 777, Boeing 787 എന്നിവയാണ് കൊറിയർ എയർ ഫ്‌ലീറ്റിലെ പ്രധാന എയർക്രാഫ്റ്റുകൾ. അങ്ങനെ മൊത്തം 141 പാസഞ്ചർ എയർക്രാഫ്റ്റുകളും 23 കാർഗോ എയർക്രാഫ്റ്റുകളും കൊറിയൻ എയറിനു നിലവിലുണ്ട്.

അങ്ങനെ ഒരുകാലത്ത് മോശം എയർലൈനുകളുടെ പട്ടികയിൽ ഉൾപ്പെട്ടിരുന്ന കൊറിയൻ എയർ തങ്ങളുടെ സൽപ്പേര് വീണ്ടെടുത്തുകൊണ്ട് ജൈത്രയാത്ര തുടരുകയാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post