കെഎസ്ആർടിസിയുടെ അർത്തുങ്കൽ – വേളാങ്കണ്ണി ബസ് തമിഴ്നാട്ടിൽ തടഞ്ഞു; പരക്കെ പ്രതിഷേധം…

Total
0
Shares

കേരളത്തിൽ നിന്നുള്ള ക്രൈസ്തവ തീർത്ഥാടകർക്കും മറ്റു ദീർഘദൂര യാത്രക്കാർക്കും ഏറെ ഉപകാരപ്രദമായ അഭിമാന സർവീസായ ചേർത്തല – അർത്തുങ്കൽ – വേളാങ്കണ്ണി സൂപ്പർഫാസ്റ്റ് ഓടിത്തുടങ്ങിയിട്ട് ഒരാഴ്ചയേ ആകുന്നുള്ളൂ. ഈ ചെറിയ കാലയളവിൽത്തന്നെ യാത്രക്കാരുടെ പ്രശംസ പിടിച്ചു പറ്റുവാൻ ഈ സർവീസിനു കഴിഞ്ഞു എന്നത് എടുത്തു പറയേണ്ട നേട്ടങ്ങളിൽ ഒന്നാണ്. എന്നാൽ ഈ സർവ്വീസിനെതിരെ തമിഴ്‌നാട് ട്രാൻസ്‌പോർട്ട് അധികൃതരുടെ ഒത്താശയോടെ ചില നാണംകെട്ട കളികൾ അരങ്ങേറുന്നുണ്ട്.

കഴിഞ്ഞ ദിവസം വേളാങ്കണ്ണിയിൽ നിന്നും വൈകുന്നേരം 4.15 നു പുറപ്പെടേണ്ട ബസ് തമിഴ്‌നാട് ട്രാൻസ്‌പോർട്ട് ജീവനക്കാരും സെക്യൂരിറ്റികളും ചേർന്ന് ഒന്നരമണിക്കൂറോളമാണ് തടഞ്ഞു വെച്ചത്. വേളാങ്കണ്ണിയിൽ നിന്നും വൈകീട്ട് 4.30 നുള്ള SETC യുടെ എറണാകുളം ബസ് പോയതിനു ശേഷം കെഎസ്ആർടിസി ബസ് പോയാൽ മതിയെന്ന നിലപാടാണ് അവർക്ക്. കെഎസ്ആർടിസി സർവ്വീസ് ആരംഭിച്ചതു മൂലം അവരുടെ SETC ഡീലക്സ് ബസ്സിന്റെ കളക്ഷൻ കുറയുന്നത്രേ എന്നാണു തമിഴ്‌നാട്ടുകാരുടെ വാദം.

മൂന്നോളം സെക്യൂരിറ്റി ജീവനക്കാരെ ബസ്സിനു മുന്നിൽ തടസ്സം നിർത്തിയാണ് കഴിഞ്ഞ ദിവസം അവർ സർവ്വീസ് മനപ്പൂർവ്വം വൈകിപ്പിച്ചത്. ഒപ്പം തന്നെ കെഎസ്ആർടിസി ബസ് ജീവനക്കാരെ ഭീഷണിപ്പെടുത്തുകയും, ബസ്സിനു കല്ലെറിയും എന്നു പറയുകയുമുണ്ടായി. ഇതുമൂലം മലയാളികളായ യാത്രക്കാർ നന്നായി ബുദ്ധിമുട്ടിലാകുകയും ചെയ്തു. പ്രസ്തുത സംഭവത്തെതുടർന്നു യാത്രക്കാരനായ Bipinkumar N V ഗതാഗത മന്ത്രിയ്ക്കും കെഎസ്ആർടിസി എംഡിയ്ക്കും പരാതി അയയ്ക്കുകയുണ്ടായി. ആ പരാതിയുടെ ഉള്ളടക്കം താഴെ കൊടുക്കുന്നു..

“സർ, കേരളത്തിലെ ക്രൈസ്തവ തീർത്ഥാടകരെയും, ദീർഘ ദൂര യാത്രക്കാർക്കും ഏറെ സന്തോഷം ഉളവാക്കിയ പ്രെസ്റ്റീജ് സർവീസ് ആയ അർത്തുങ്കൽ -വേളാങ്കണ്ണി സൂപ്പർ ഫാസ്റ്റ് സർവീസ്, ജനങ്ങൾ ഇരു കയ്യും നീട്ടി സ്വീകരിച്ചിരിക്കുകയാണ്.ഈ സർവീസിനു ഒട്ടേറെ മികച്ച പ്രതികരണം ആണ് ഇത് വരെ ലഭിക്കുന്നത്. എന്നാൽ ഈ സർവീസ് സംബന്ധിച്ച് ചില ആശങ്കകൾ ബഹുമാനപ്പെട്ട ഗതാഗത മന്ത്രിക്കും, ബഹുമാനപെട്ട KSRTC എംഡി ക്കും മുൻപാകെ പങ്കു വെക്കുകയാണ്.

ഈ സർവീസ് ദിവസവും വൈകുന്നേരം 4:15 നു വേളാങ്കണ്ണി പള്ളിയിൽ നിന്നും തിരിച്ചു ആർത്തുങ്കലിലേക്ക് പോകുന്ന രീതിയിൽ ആണ് ക്രമീകരിച്ചിരിക്കുന്നത്. എന്നാൽ ഇന്ന് (05.09.19) ദിവസം, വേളാങ്കണ്ണിയിലെ മറീന പാർക്കിംഗ് ഗ്രൗണ്ടിൽ വെച്ച് നമ്മുടെ വേളാങ്കണ്ണി ബസ് തമിഴ്നാട് ബസ് ജീവനക്കാർ ഒന്നര മണിക്കൂർ തടഞ്ഞു വെക്കുകയും, ജീവനക്കാരെ ഭീഷണിപെടുത്തുകയും, ബസിനു കല്ലെറിയും എന്ന് ഭീഷണിപ്പെടുത്തുകയും ചെയ്തു. ബസ് എടുക്കാതെ ഇരിക്കാൻ 3 സെക്യൂരിറ്റി ജീവനക്കാരെ നിര്‍ത്തുകയും ചെയ്തു. SETC യിലെ ഉയര്‍ന്ന ഉദ്യോഗസ്ഥരെ ഫോണിൽ ബന്ധപ്പെടാന്‍ ശ്രമിച്ചെങ്കിലും അവിടെ ഉണ്ടായിരുന്ന ഉദ്യോഗസ്ഥര്‍ ഫോണ്‍ വാങ്ങാന്‍ കൂട്ടാക്കിയില്ല. 4.30 ന് SETC എറണാകുളം service പോയി 2 മണിക്കൂര്‍ കഴിഞ്ഞ് പോയാൽ മതി എന്നാണ്‌ അവിടെ ഉണ്ടായിരുന്ന ഉദ്യോഗസ്ഥന്‍ ഭീഷണി മുഴക്കിയത്.

ഈ സംഭവം മൂലം മലയാളികളായ ഒട്ടേറെ യാത്രക്കാർ ബുദ്ധിമുട്ടിലാകുകയും ചെയ്തു. ഈ സർവീസിന്റെ സമയക്രമം വേളാങ്കണ്ണിയിൽ നിന്നും വൈകുന്നേരം 3:50 PM നു തിരിച്ചു പോരുന്ന രീതിയിൽ ക്രമീകരിച്ചാൽ തമിഴ്നാട് ബസിനു ബുദ്ധിമുട്ട് ആകാത്ത രീതിയിൽ ആകുകയും ചെയ്യും.അത് പോലെ തന്നെ ചേർത്തലയിൽ നിന്നും വേളാങ്കണ്ണിക്ക് നിലവിൽ വൈറ്റില ഹബ്ബ് വഴി പോകുന്നതിനാൽ, കുണ്ടന്നൂർ, വൈറ്റില, പാലാരിവട്ടം, ഇടപ്പള്ളി എന്നിവിടങ്ങളിലെ ഗതാഗത കുരുക്ക് മൂലം ഈ സർവീസ് മണിക്കൂറുകൾ വൈകി ആണ് എറണാകുളം നഗരം വിടുന്നത്. ഇത് മൂലം അങ്കമാലി, തൃശൂർ, പാലക്കാട്‌ എന്നിവിടങ്ങളിൽ നിന്നുള്ള യാത്രക്കാർ മണിക്കൂറുകൾ കാത്തിരിക്കേണ്ട അവസ്ഥയിൽ ആണ്.

ആയതിനാൽ ഈ സർവീസ് തോപ്പുംപടി -എറണാകുളം സ്റ്റാൻഡ് വഴി ആക്കിയാൽ സമയം ഒട്ടേറെ ലാഭിക്കാനാകും. കൂടാതെ എറണാകുളം സ്റ്റാൻഡിൽ വൈകുന്നേരം പാലക്കാട്‌, കോയമ്പത്തൂർ മേഖലകളിലേക്ക് സർവീസുകൾ കുറവും ആണ്. ഇത് മൂലം ഈ പോരായ്മ പരിഹരിക്കാനാകും. നിലവിൽ വൈറ്റില, കുണ്ടന്നൂർ, പാലാരിവട്ടം, എടപ്പാൾ ബ്ലോക്ക് മൂലം വേളാങ്കണ്ണി സർവീസിന്റെ കൂടെ ചെങ്ങന്നൂർ -പാലക്കാട്‌, തിരുവനന്തപുരം -പാലക്കാട്‌ സർവീസുകൾ ഒരുമിച്ചു ആണ് പോകുന്നത്. ഇത് KSRTC ക്ക് വരുമാന നഷ്ടം ആകാൻ ഇടയാക്കുന്നു.
എത്രയും വേഗം വേണ്ട നടപടി സ്വീകരിക്കാന്‍ അപേക്ഷിക്കുന്നു.”

ഇനി പറയുവാനുള്ളത് കെഎസ്ആർടിസി ഉദ്യോഗസ്ഥരോടാണ്. ഇത്രയുമൊക്കെ സംഭവിച്ചിട്ടും ഇനിയും ക്ഷമയുടെ വഴി ഉപയോഗിക്കരുത്. തമിഴ്നാട് വണ്ടികൾക്ക് നമ്മുടെ സ്റ്റാൻഡുകളിൽ പ്രവേശന/ട്രാക്ക് പിടിക്കാൻ ഉള്ള സമയങ്ങളിൽ കർശന പരിശോധന നിങ്ങൾ തുടങ്ങുക. നമ്മുടെ പല വണ്ടികളും അവരുടെ സ്റ്റാൻഡുകളിൽ 1 മിനിറ്റ് കൂടുതൽ കിടന്നാൽ യുദ്ധം പ്രഖ്യാപിക്കുന്ന ആളുകൾ ആണ് അവർ. “പ്രതിഷേധിക്കുക” എന്നു പറഞ്ഞതുകൊണ്ട് ഒതുങ്ങുന്നില്ല. പ്രവർത്തിക്കുക തന്നെ വേണം. ഇന്ന് വണ്ടി ബലമായി പിടിച്ചിടുന്ന അവർ നാളെ നമ്മുടെ വണ്ടികൾക്ക് നാശനഷ്ടങ്ങൾ ഉണ്ടാക്കില്ല എന്ന് എന്താണൊരുറപ്പ്?

1 comment
  1. വൈറ്റില കുണ്ടന്നൂർ മേൽപ്പാലങ്ങളുടെ പൂർത്തീകരണത്തിന് ഇനിയും കാലതാമസം നേരിടും എന്നത് ഉറപ്പായിരിക്കേ ചില സൂപ്പർ ഫാസ്റ്റുകൾ ഇടക്കൊച്ചി പള്ളുരുത്തി തോപ്പുംപടി വഴി തിരിച്ചു വിടുവാനുള്ള നിർദ്ദേശം സ്വാഗതാർഹമാണ്. പക്ഷേ അരൂർപ്പാലം കടന്ന് ഇടക്കൊച്ചിയിലേക്ക് പ്രവേശിച്ചാൽ BOT പാലം വരെയുള്ള യാത്ര വളരെ ദുഷ്ക്കരമാണിപ്പോൾ. ഇടക്കൊച്ചിയിൽ റോഡുകൾ ഇല്ലായെന്നു തന്നെ പറയാം. ഈ അവസ്ഥയിൽ അടിയന്തിര നടപടികൾ സ്വീകരിക്കുവാൻ ബന്ധപ്പെട്ട അധികാരികളിൽ സമ്മർദ്ദം ചെലുത്തേണ്ടത് ജനപ്രതിനിധികൾ തന്നെയാണ്. സമയമെടുത്തു ചെയ്യുന്ന അറ്റകുറ്റപ്പണികൾ റോഡിന്റെ നിലവാരം വര്ധിപ്പിക്കുകയെയുള്ളൂ. അവസാന നിമിഷത്തിൽ ഒപ്പിച്ചെടുക്കുന്ന പ്രവർത്തികൾ അഴിമതിയാരോപങ്ങൾക്ക് കാരണമാവുകയും ചെയ്യും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post