‘ആനവണ്ടിയ്‌ക്കൊരു അള്ള്’ പ്രൈവറ്റ് ബസ് മുതലാളിയും ക്ളീനറും പിടിയിൽ

Total
0
Shares

ചാലക്കുടി – മലക്കപ്പാറ റൂട്ടിലെ കെഎസ്ആർടിസി ബസ്സുകൾക്ക് അള്ളുവെച്ച വീരന്മാരെ പിടികൂടി. ഇതേ റൂട്ടിലോടുന്ന മരിയ എന്ന പ്രൈവറ്റ് ബസ്സിൻ്റെ ഉടമ വെട്ടിക്കുഴി വാഴപ്പറമ്പിൽ ജേക്കബ്ബ്, മരിയ ബസ്സിലെ ജീവനക്കാരനായ മലക്കപ്പാറ സ്വദേശി പ്രദീപ് എന്നിവരാണ് പിടിയിലായത്.

കുറച്ചു നാളുകളായി മലക്കപ്പാറ റൂട്ടിലെ കെഎസ്ആർടിസി ബസ്സുകളുടെ ടയറുകൾക്ക് അള്ളു വെയ്ക്കുന്നത് പതിവായിരുന്നു. കഴിഞ്ഞ ഒരാഴ്ചയ്ക്കിടയിൽ മൂന്നു ബസ്സുകളാണ് ഇത്തരത്തിൽ വഴിയിൽ കുടുങ്ങിയത്. പുറംലോകവുമായി ബന്ധമില്ലാത്ത കൊടുംകാട്ടിലൂടെയുള്ള യാത്രയ്ക്കിടയിൽ ബസ് വഴിയിൽ കുടുങ്ങുക എന്നു പറഞ്ഞാലുള്ള അപകടം എല്ലാവർക്കും മനസ്സിലാക്കാവുന്നതാണല്ലോ.

പ്ലാസ്റ്റിക്ക് കുപ്പിയുടെ അടപ്പിൽ ആണികൾ തുളച്ചു കയറുന്ന തരത്തിലാണ് ഇവർ കെഎസ്ആർടിസിയ്ക്കായുള്ള അള്ളു തയ്യാറാക്കിയത്. സംഭവം ഗൗരവകരമായതോടെ ഇതേ റൂട്ടിലോടുന്ന പ്രൈവറ്റ് ബസ്സുകാരാണ് ഇതിനു പിന്നിലെന്ന് കെഎസ്ആർടിസി ജീവനക്കാർ ഡിപ്പോയിൽ സംശയം പ്രകടിപ്പിച്ചു. ഇതോടെ ഡിപ്പോ അധികൃതർ പോലീസിൽ പരാതി നൽകുകയായിരുന്നു. ഒടുവിൽ സിസിടിവി ദൃശ്യങ്ങളുടെ സഹായത്തോടെയാണ് മലക്കപ്പാറ സ്വദേശി പ്രദീപിനെ പോലീസ് പിടികൂടിയത്. ഇയാളെ ചോദ്യം ചെയ്തതോടെയാണ് ‘ആനവണ്ടിയ്‌ക്കൊരു അള്ള്’ എന്ന പരിപാടിയുടെ സംവിധായകൻ ബസ് മുതലാളിയായ ജേക്കബ്ബ് ആണെന്നു വെളിപ്പെട്ടത്. രണ്ടു പ്രതികളെയും ചാലക്കുടി കോടതി 14 ദിവസത്തേയ്ക്ക് റിമാൻറ് ചെയ്ത് ഇരിങ്ങാലക്കുട സബ് ജയിലിലേക്ക് അയച്ചു.

കെഎസ്ആർടിസി ചാലക്കുടി ഡിപ്പോയുടെ പേരുകേട്ട സർവീസുകളാണ് ചാലക്കുടി – മലക്കപ്പാറ റൂട്ടിലേത്. ഈ റൂട്ടിൽ ചാലക്കുടിയിൽ നിന്നും വാൽപ്പാറയിലേക്ക് രണ്ടു സ്വകാര്യ ബസ്സുകൾ സർവീസ് നടത്തുന്നുണ്ട്. അതിലൊന്നാണ് പിടിയിലായ ജേക്കബ്ബിന്റെ ഉടമസ്ഥതയിലുള്ള മരിയ എന്ന ബസ്. ഈ റൂട്ടിൽ സമയത്തെച്ചൊല്ലി കെഎസ്ആർടിസി – സ്വകാര്യ ബസ് ജീവനക്കാർ തമ്മിൽ തർക്കങ്ങൾ പതിവാണ്. ഈ തർക്കങ്ങളാണ് കെഎസ്ആർടിസി ബസ്സുകൾക്ക് അള്ളു വെക്കുക എന്ന ലക്ഷ്യത്തിലേക്ക് പ്രൈവറ്റ് ബസ്സുകാരെ എത്തിച്ചത്. ഒടുവിൽ മുതലാളിയും തൊഴിലാളിയും ഒന്നിച്ച് ജയിലിലാകുകയും ചെയ്തു.

കെഎസ്ആർടിസി ആയാലും പ്രൈവറ്റ് ബസ് ആയാലും ജനങ്ങൾക്ക് ഉപകാരപ്പെടുന്ന രീതിയിൽ ആയിരിക്കണം സർവ്വീസ് നടത്തേണ്ടത്. പ്രൈവറ്റ് ബസ്സുകാരുടെ സമയത്ത് കെഎസ്ആർടിസി മനപ്പൂർവ്വം ഓടിയിട്ടുണ്ടെങ്കിൽ അത് തെറ്റു തന്നെയാണ്. ഇത്തരത്തിൽ സമയത്തെച്ചൊല്ലിയുള്ള പ്രശ്‌നങ്ങൾ മിക്ക റൂട്ടുകളിലും നിലവിലുണ്ട്. പക്ഷേ എന്തെങ്കിലും പരാതിയുണ്ടെങ്കിൽ നിയമപരമായി നേരിടുകയാണ് വേണ്ടത്. എല്ലാവർക്കും ഇതൊരു പാഠമാകട്ടെ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post