കോവിഡ് കാലത്ത് ഒരു മനുഷ്യ ജീവൻ രക്ഷിച്ച് ആനവണ്ടിയും യാത്രക്കാരും

Total
5
Shares

പോസ്റ്റ് ഷെയർ ചെയ്തത് – ഷെഫീഖ് ഇബ്രാഹിം, കെഎസ്ആർടിസി കണ്ടക്ടർ.

ഒരു നിമിത്തം പോലെ ഇന്നൊരു മനുഷ്യ ജീവൻ രക്ഷിക്കാൻ സാധിച്ചതിൽ, അതിലൊരു ഭാഗമാകാൻ കഴിഞ്ഞതിൽ ഭയങ്കര സന്തോഷത്തിലാണ് ഞാൻ. പത്തു ദിവസത്തെ കോവിഡ് ഡ്യൂട്ടിക്ക് ശേഷം ഏഴു ദിവസത്തെ Off ന് കഴിഞ്ഞ് സ്വാബ് ടെസ്റ്റ് ചെയ്തു റിസൽറ്റ് നെഗറ്റീവാണങ്കിൽ പഴയ സ്ഥാപനത്തിൽ ജോലിക്ക് ജോയിൻ ചെയ്യണം അതാണ് റിലിവിംഗ് ഓർഡറിലുള്ളത്. അതും പ്രകാരം ഇന്നു കുറിച്ചിയിലേക്ക് വന്നു ജോയിൻ ചെയ്യാനായി രാവിലെ 9.30 യ്ക്ക് മാവേലിക്കര KSRTC ബസ് സ്റ്റാൻഡിൽ തിരുവല്ല ബസ് നോക്കി അക്ഷമയോടെ കുറെ സമയം നോക്കി നിന്നു.

പത്തു മണി ആയപ്പോൾ കായംകുളത്ത് നിന്നും ഒരു ബസ് തിരുവല്ല ബോർഡും വെച്ച് വന്നു. അവിടേക്ക് പോകാനായി അത്യാവശ്യം നല്ല ആൾക്കാർ സ്റ്റാൻഡിൽ നിന്നും ഉണ്ടായിരുന്നു. വണ്ടി നീങ്ങിത്തുടങ്ങി. കടപ്ര കഴിഞ്ഞു കാണും പെട്ടെന്ന് ബസ്സിൻ്റെ പുറകു ഭാഗത്തു നിന്നും ഒരു ബഹളം. ബസ്സ് പെട്ടെന്ന് സൈഡൊതുക്കി നിർത്തി. കാര്യം അന്വേഷിച്ചപ്പോൾ ബസ്സിൽ ഒരാൾക്ക് സുഖമില്ല.

പെട്ടെന്ന് ഞാൻ എഴുന്നേറ്റ് പുറകിലേക്ക് ചെന്നു. മാവേലിക്കര ബുദ്ധ ജംഗ്ഷനിൽ ഒരു ചെറിയ മുറുക്കാൻ കടയും നാരങ്ങ വെള്ളമൊക്കെ കൊടുക്കുന്ന ഒരു കടയുണ്ട്. ആ കട നടത്തുന്ന പ്രായം ചെന്ന ഒരു അപ്പച്ചനാണ് സീറ്റിൽ വിയർത്തു കുളിച്ചിരിക്കുന്നത്. ബുദ്ധ ജംഗ്ഷനിൽ സ്ഥിരം കാണുന്ന മുഖങ്ങളിലൊന്ന്.. യാത്രയ്ക്കിടയിൽ ദേഹം വല്ലാതെ വന്നു അടുത്തിരുന്ന ആളുടെ ശരീരത്തിലേക്ക് കുഴഞ്ഞു വീണതാണ്.

ഞാൻ അദ്ദേഹത്തിൻ്റെ പൾസ് പരിശോധിച്ചപ്പോൾ അത്ര നല്ല ഫോഴ്സിലല്ലാ പൾസ് ഫീൽ ചെയ്യുന്നത് എന്ന് മനസ്സിലായി. അദ്ദേഹം പതുക്കെ സംസാരിക്കുന്നുണ്ട്. ആരുടെയെങ്കിലും ഫോൺ നമ്പർ ഉണ്ടോ എന്നു ചോദിച്ചപ്പോൾ കയ്യിലിരുന്ന ബാഗിൽ നിന്നും ഒരു ഡയറി എടുത്തു തന്നു. അപ്പോഴേക്കും ഡ്രൈവർ ചേട്ടനോട് തിരുവല്ല ഗവ.ആശുപത്രിയിലേക്ക് ബസ് വിടാൻ പറഞ്ഞു. ആനവണ്ടിയുടെ സാരഥിയായ ചേട്ടൻ ആംബുലൻസിൻ്റെ വേഗതയിൽ എങ്ങും നിർത്താതെ ആശുപത്രി ലക്ഷ്യമാക്കി പാഞ്ഞു.

അതിനിടയിൽ അദ്ദേഹത്തിൻ്റെ മൂത്ത മകളെ ഞാനെൻ്റെ ഫോണിൽ ബന്ധപ്പെട്ടു വിവരങ്ങൾ അറിയിച്ചു നേരെ ആശുപത്രിയിലെത്താൻ പറഞ്ഞു. അപ്പച്ചൻ്റെ അടുത്ത് അദ്ദേഹത്തിൻ്റെ പൾസ് പരിശോധിച്ചും നല്ല സപ്പോർട്ടും കൊടുത്തു ഞാനിരുന്നു. വീട്ടിൽ വയ്യാതെ ഇരിക്കുന്ന എൻ്റെ അപ്പൂപ്പനെയാണ് ആ നിമിഷം ഓർമ്മ വന്നത്. ഇതിനിടയ്ക്ക് അദ്ദേഹം വെള്ളം ആവശ്യപ്പെട്ടു. യാത്രക്കാരിലാരോ വെള്ളം കൊടുത്തു. പലർക്കും അപ്പച്ചനു പനിയുണ്ടോന്നാണറിയേണ്ടത്? ഞാൻ പറഞ്ഞു പനിയൊന്നുമില്ല. ആള് വിയർത്തു കുളിച്ച് ആകെ തണുത്തിരിക്കുകയാണ്. ഇടയ്ക്ക് നെഞ്ചും തിരുമ്മുന്നുണ്ട്.

വണ്ടി ആശുപത്രിയുടെ മുൻപിലെത്തി കണ്ടക്ടറും ചില യാത്രക്കാരും കൂടെ വരണോന്ന് ചോദിച്ചു. ഞാൻ പറഞ്ഞു വേണ്ട സാറേ ഞാനൊരു നഴ്സാണ്. എനിക്കറിയാവുന്ന ആളാണ് ഇദ്ദേഹം. മക്കൾ വരുന്നത് വരെ ഞാൻ നോക്കിക്കോളാം. സാർ മറ്റുള്ളവരുടെ ട്രിപ്പ് മുടക്കണ്ടാ. ധൈര്യത്തോടെ പൊയ്ക്കോളാൻ പറഞ്ഞു. എനിയ്ക്കൊപ്പം തിരുവല്ല സിവിൽ സ്‌റ്റേഷനിലെ ജീവനക്കാരിയും വെട്ടിക്കോട് സ്വദേശിനിയുമായ സുജിത എന്ന ലേഡിയും കൂടി സഹായത്തിനായി വന്നു. ഞങ്ങൾ രണ്ടു പേരും ചേർന്ന് അദ്ദേഹത്തെ ഒരു വിധം കാഷ്വൽറ്റിയിൽ എത്തിച്ചു.

കുട്ടപ്പൻ എന്നാണ് പേര്.. കൊറോണ സെല്ലിൽ ഇദ്ദേഹത്തിൻ്റെ ഡീറ്റയിൽസ് കൊടുക്കാനറിയില്ലായിരുന്നു. ബസ്സിൽ വെച്ചു കുഴഞ്ഞു വീണതാണ്, കൂടെ വന്ന യാത്രക്കാരാണ് ഞങ്ങൾ, എൻ്റെ നാട്ടുകാരനാണ് എന്ന് പറഞ്ഞപ്പോൾ തന്നെ അവർ അദ്ദേഹത്തെ Observation റൂമിലേക്ക് മാറ്റുകയും GRBS ചെക്ക് ചെയ്തപ്പോൾ നോർമലാണ്. ECG പരിശോധിച്ചപ്പോൾ നല്ല വേരിയേഷനുണ്ടന്നു Dr പറഞ്ഞു. ഡ്രിപ്പും ഇൻഞ്ചക്ഷനും കൊടുക്കണമെങ്കിൽ അദ്ദേഹത്തിൻ്റെ മക്കളാരുമില്ലാതെ ചെയ്യുന്നത് എങ്ങനെയെന്ന് പറഞ്ഞപ്പോൾ സാർ ധൈര്യമായിട്ട് ചെയ്തോളൂ.. അദ്ദേഹത്തിൻ്റെ മക്കൾ വന്നിട്ടേ ഞങ്ങൾ പോകൂ..

എന്തായാലും IV സ്റ്റാർട്ട് ചെയ്തപ്പോഴേക്കും മൂത്ത മകളും ചെറുമകളും എത്തി. അപ്പച്ചനെ അവരെ ഏല്പിച്ചു ഞങ്ങൾ രണ്ടു പേരും തികഞ്ഞ സംതൃപ്തിയോടെ മടങ്ങി. ആളിപ്പോൾ Stable ആയി. തക്ക സമയത്ത് ആശുപത്രിയിൽ എത്തിയ്ക്കാൻ വേണ്ടി നമ്മുടെ സ്വന്തം KSRTC ഒരു എമർജൻസി വണ്ടിയായി ഓടി ഒരു മനുഷ്യ ജീവനെ രക്ഷിച്ചെടുത്തു. അതിലൊരു ഭാഗമായി ഞാനും അപ്പോൾ പരിചയപ്പെട്ട സുജിതയും.

ആ വണ്ടിയുടെ നമ്പർ എനിക്കറിയില്ല. അതിലെ കണ്ടക്ടറിൻ്റെയോ ഡ്രൈവറിൻ്റെയോ പേരോ മറ്റ് ഡീറ്റെയിൽസോ അറിയില്ല. അവരുടെ സമയോചിതമായ ഇടപെടലുകളാണ് ആ അപ്പച്ചനെ ആശുപത്രിയിലാക്കാൻ കഴിഞ്ഞത്. ആ ബസ്സിൻ്റെ ഡ്രൈവർ സാറിനും കണ്ടക്ടർ സാറിനും സപ്പോർട്ട് ചെയ്ത മറ്റ് യാത്രക്കാർക്കും അഭിനന്ദനങ്ങൾ. ബസ്സ് യാത്രയിൽ ഇങ്ങനെ ഞാൻ രക്ഷപ്പെടുത്തുന്ന നാലാമത്തെ ആളാണ് കുട്ടപ്പൻ എന്ന അപ്പച്ചൻ. ആനവണ്ടി ഇഷ്ടം.. ആനവണ്ടി അല്ലേലും വേറെ ലെവലാണ്.സ്നേഹത്തോടെ പേരറിയാത്തൊരു ആനവണ്ടി പ്രേമി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post