ഓട്ടത്തിനിടയിൽ KSRTC ബസ്സിനു കേടുപാട്; കുഴപ്പം പരിഹരിച്ച് സർവ്വീസ് തുടർന്ന് ജീവനക്കാർ..

Total
0
Shares

പ്രൈവറ്റ് ബസ്സുകൾക്ക് ഓട്ടത്തിനിടയിൽ എന്തെങ്കിലും നിസ്സാര കേടുകൾ സംഭവിച്ചാൽ അതിലെ ജീവനക്കാർ തന്നെ ഇറങ്ങി നിമിഷനേരങ്ങൾക്കകം പ്രശ്നം പരിഹരിച്ചുകൊണ്ട് സർവ്വീസ് നടത്തുന്ന കാഴ്ചകൾ നാം ധാരാളം കണ്ടിട്ടുണ്ട്. എന്നാൽ ഇത് ഒരു കെഎസ്ആർടിസി ബസ്സിനായാലോ? മിക്കവാറും ചെറിയ കേടുപാടുകൾ ആണെങ്കിൽ പോലും വർക്ക്‌ഷോപ്പ് വാനും മെക്കാനിക്കും വരുന്നതു വരെ വഴിയരികിൽ കിടക്കും. എന്നാൽ ചില ജീവനക്കാർ തങ്ങൾക്ക് പരിഹരിക്കാവുന്ന കേടുപാടുകളാണെങ്കിൽ അവർ തന്നെ അത് താൽക്കാലികമാണെങ്കിലും ശരിയാക്കിക്കൊണ്ട് യാത്രക്കാർക്ക് ബുദ്ധിമുട്ട് വരുത്താതെ സർവ്വീസ് തുടരും.

ഇത്തരത്തിലൊരു സംഭവം കഴിഞ്ഞ ദിവസം സിദ്ധിഖ് കടവനാട് എന്ന യാത്രക്കാരൻ ഫേസ്‌ബുക്കിൽ അനുഭവക്കുറിപ്പായി പങ്കുവെച്ചിരുന്നു. കോഴിക്കോട് ജില്ലയിലെ മലയോരമേഖലയായ കോടഞ്ചേരിയിൽ നിന്നും പിറവത്തേക്ക് സർവ്വീസ് നടത്തുകയായിരുന്ന RPM 556 എന്ന ഫാസ്റ്റ് പാസഞ്ചർ ബസ്സിലെ ജീവനക്കാരാണ് യാത്രക്കാരെ കഷ്ടപ്പെടുത്താതെ തങ്ങൾക്ക് കഴിയുന്ന തരത്തിൽ പ്രശ്നം പരിഹരിച്ചുകൊണ്ട് യാത്ര തുടർന്നത്. സിദ്ധീഖിൻ്റെ ആ കുറിപ്പ് ഒന്നു വായിക്കാം.

24/02/2019 ന് മലപ്പുറം പോയി തിരികെ വരുമ്പോൾ ചങ്കുവെട്ടിയിൽ നിന്നും ഇടപ്പാളിലേക്ക് നമ്മുടെ സ്വന്തം ആനവണ്ടിയിയിലായിരുന്നു കയറിയത്. എട്ടുമണി ആകുന്നേ ഉണ്ടായിരുന്നുള്ളുവെങ്കിലും ദീർഘദൂര യാത്രക്കാരായ പലരും ഉറക്കം പിടിച്ചിരുന്നു. തലേന്ന് രാത്രിയിലെ ഖത്തറിൽ നിന്നുള്ള യാത്രയും എയർപോർട്ടിൽ ഇറങ്ങിയ ശേഷമുള്ള ഒട്ടപ്പാച്ചിലുമൊക്കെയായി ദേ സീറ്റ്‌ കിട്ടിയാൽ ഉടനെയൊന്നുമയങ്ങണമെന്ന നേർച്ചയുമായി ബസിൽ കയറിയ ഞാൻ പക്ഷേ, പുറകിലോട്ടോടിക്കൊണ്ടിരിക്കുന്ന കുഞ്ഞുവെളിച്ചങ്ങളുടെ കാഴ്ചകളും കണ്ട് നൊസ്റ്റിയടിച്ചങ്ങനെ ഇരിക്കുംനേരം ബസിനുള്ളിൽ നിന്നും ശബ്ദത്തിനു ഒരൽപ്പം വ്യത്യാസം വന്നതായി ഫീൽ വരുന്നു.

പതിയെപ്പതിയെ ശബ്ദത്തിന്റെ തീവ്രത വർദ്ധിച്ചു. അൽപ്പ മയക്കത്തിൽ ഉള്ളവരെല്ലാം ഞെട്ടിയുണരുന്നു. പുറകിലുള്ള കണ്ടക്ടർ ഡ്രൈവറുടെ കാബിനടുത്തേക്കു ഓടുന്നു.. ഒരൽപ്പം കൂടി മുന്നോട്ടു നീങ്ങി ബസ്‌ നിൽക്കുന്നു. ഹോ ഇപ്പോഴാണ് ശ്വാസം ഒന്ന് നേരെ നിന്നത്. നൊസ്റ്റിയും, കുസ്റ്റിയും, ശരീര വേദനയും, ഉറക്കവും എവിടെപ്പോയെന്നറിയില്ല. അടുത്തിരിക്കുന്ന യാത്രക്കാർ പറഞ്ഞു കൊണ്ടിരിക്കുന്നു. “ആക്സിൽ പൊട്ടിയതാണെന്നു തോന്നുന്നു, ഭാഗ്യം കൊണ്ട് കെയ്ച്ചിലായി. ഇന്നാളൊരു ആക്സിൽ പൊട്ടിയ ബസ് കത്തി കുറെ യാത്രക്കാർ..” ഡ്രൈവറും കണ്ടക്റ്ററും ബസിൽ നിന്നും ഇറങ്ങിയപ്പോൾ നാലഞ്ചു യാത്രക്കാരും കൂടെയിറങ്ങി. ആകാംക്ഷയോടെ ഞാനും.

റോഡിൽ നിന്നും പരമാവധി മാറി മറ്റു യാത്രാവാഹനങ്ങൾക്കു തടസ്സമില്ലാത്ത രീതിയിലാണ് ബസ്‌ പാർക്ക് ചെയ്തിരിക്കുന്നത്. ഒരുപക്ഷേ, അത്തരം ഒരു സ്‌പേസ് ലഭിക്കാനായിരിക്കാം ശബ്ദം കെട്ടും ഡ്രൈവർ ബസ്സിനെ കുറച്ചുകൂടി മുന്നോട്ടു കൊണ്ടുവന്നത്. എനിക്ക് കെ.എസ്.ആർ.റ്റി.സി.യിൽ നിന്നും മുൻപ് പലതവണ ലഭിച്ച എക്സ്പീരിയൻസ് വെച്ച് അടുത്തതായി നടക്കാൻ പോകുന്ന കാര്യം മനസ്സിൽ കുറിച്ചിട്ടു. ഒന്നുകിൽ അടുത്തുള്ള വർക്ക്ഷോപ്പിൽ നിന്നും മൊബൈൽ മെയിന്റനൻസ് യൂണിറ്റ് വന്ന് കേടുപാടുകൾ തീർക്കും വരെ കാത്തുനിൽക്കുക, അല്ലെങ്കിൽ പുറകിൽ വരുന്ന വണ്ടിയിൽ കയറി നാടുപിടിക്കുക.

പക്ഷേ…ഇവിടെ സംഭവിച്ചത് മറ്റൊന്നാണ്. ഡ്രൈവർ ബസ്സിനടിയിലേക്കു മൊബൈൽ ഫോണിലെ ചെറിയ വെളിച്ചവുമായി നീങ്ങുന്നു. പൊട്ടിയതു ആക്സിലും ലീഫുമല്ലെന്നു മനസ്സിലാക്കി ഞാന്നു കിടക്കുന്ന ഇരുമ്പ് പീസിനെ ഉയർത്തി കെട്ടിയിട്ടാൽ യാത്രതുടരാം എന്നു പറഞ്ഞ് കണ്ടക്റ്ററോട് കമ്പിയോ മറ്റോ ആവശ്യപ്പെടുന്നു. റോഡിന്റെ മറുവശത്തുള്ള ഇന്ഡസ്ട്രിയൽ ഷോപ്പിന്റെ മുന്നിൽ പോയി കണ്ടക്റ്ററും ഞാനും ചേർന്ന് ഒരു റോപ്പ് സംഘടിപ്പിച്ചു ഡ്രൈവർക്ക് കൈമാറി. അദ്ദേഹത്തിന് സഹായമാകട്ടെയെന്നു കരുതി തലയൽപ്പം ബസ്സിനടിയിലേക്കു നീട്ടി മൊബൈൽ ഫോണിന്റെ ടോർച്ചടിക്കാൻ ശ്രമിച്ച എനിക്ക് ബസ്സിനടിയിൽ നിന്നുമേറ്റ പുകച്ചിൽ മൂലം ചുവട്ടിൽ നിന്നും മാറേണ്ടി വന്നു.

പക്ഷേ, ആ ചൂടൊന്നും വകവെക്കാതെ പതുമിനുട്ടോളം ബസ്സിനടിയിൽ കിടന്നു ആ മനുഷ്യൻ ഒറ്റക്ക് പൊട്ടിയ ഭാഗം ഉയർത്തിക്കെട്ടി പ്രശ്നം താൽക്കാലികമായി പരിഹരിച്ചു. കൈകളും, മുഖവും, വസ്ത്രങ്ങളുമൊക്കെ കരിയും പൊടിയും പുരണ്ടു ബസ്സിനടിയിൽ നിന്നും വന്ന അദ്ദേഹത്തെ കണ്ട് ഇച്ചിരി പ്രായമായ ഒരുയാത്രികന് സങ്കടം. ഇരുട്ടിലും തിളങ്ങിനിൽക്കുന്ന ഒരുപുഞ്ചിരി സമ്മാനിച്ചു “ഇതൊക്കെ എന്റെ ജോലിയുടെ ഭാഗമല്ലേ”യെന്ന മറുചോദ്യം ചോദിച്ചു അദ്ദേഹം ഡ്രൈവിങ്ങ് സീറ്റിലേക്ക്..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post