കൊറോണയെ തോൽപ്പിച്ച KSRTC ഡ്രൈവർക്ക് അഭിനന്ദനങ്ങളോടെ നാട്ടുകാർ

Total
309
Shares

കോവിഡ് അല്ലെങ്കിൽ കൊറോണ എന്നു കേട്ടാൽത്തന്നെ എല്ലാവരും ഒന്നു പേടിക്കും. എന്നാൽ കൊറോണ പോസിറ്റീവ് ആയി എന്നറിഞ്ഞാലോ? മിക്കവാറും ആളുകൾക്ക് പാതി ജീവൻ പോയ അവസ്ഥയാകും. എന്നാൽ കൊറോണയെ ധൈര്യത്തോടെ, വളരെ സിംപിളായി നേരിട്ടവരും നമുക്കിടയിലുണ്ട്. മറ്റുള്ളവർക്കു കൂടി ധൈര്യം പകരുന്ന ചിലർ. അത്തരത്തിലൊരാളാണ് തൃശ്ശൂർ മാള സ്വദേശിയും കെഎസ്ആർടിസി ഡ്രൈവറുമായ മധു. കൊറോണയെ തോൽപ്പിച്ചു നാട്ടിലേക്ക് തിരികെയെത്തിയ മധുവിനെ വരവേറ്റത് നാട്ടുകാരുടെയും കൂട്ടുകാരുടെയും വക അഭിനന്ദന ഫ്ളക്സുകളായിരുന്നു. ഇതിനെക്കുറിച്ച് മധു ഫേസ്‌ബുക്കിൽ ഷെയർ ചെയ്ത കുറിപ്പ് താഴെ കൊടുക്കുന്നു. ഒന്ന് വായിക്കാം.

എല്ലാവർക്കും നമസ്കാരം. എന്റെ പേര് മധു. എന്റെ സ്വദേശം തൃശൂർ ജില്ലയിൽ മാളക്കടുത്തു വടമ പതിയാരി. ഞാൻ കേരള RTC യിൽ ഡ്രൈവർ ആയി ജോലി ചെയ്യുന്നു. കഴിഞ്ഞ 12 വർഷങ്ങളായി തൃശൂർ – ബാംഗ്ലൂർ സൂപ്പർ ഡീലക്സിൽ ആയിരുന്നു ഡ്യൂട്ടി ചെയ്തിരുന്നതു. പക്ഷെ കൊറോണ കാലമായതിനാൽ കഴിഞ്ഞ അഞ്ചു മാസത്തോളമായി ആ സർവീസ് ഉണ്ടായിരുന്നില്ല. കഴിഞ്ഞ വെള്ളിയാഴ്ചയാണ് തൃശൂർ ഡിപ്പോയിൽ നിന്നും കൊറോണ ടെസ്റ്റ് ചെയ്യാൻ വേണ്ടി വിളിച്ചത്.

കൊറോണ പിടിക്കാൻ ഉള്ള യോഗ്യത ടെസ്റ്റ് അങ്ങിനെ വെള്ളിയാഴ്ച ഞാൻ പാസായി. സ്കൂൾ ജീവിതത്തിൽ + കിട്ടിയിട്ടില്ല. പക്ഷെ കൊറോണയിൽ എനിക്ക് + കിട്ടി. പക്ഷെ എനിക്ക് പ്രത്യേകിച്ചു ലക്ഷണങ്ങൾ ഒന്നും ഉണ്ടായിരുന്നില്ല. മൂക്കിൽ നിന്നും ടെസ്റ്റ് ചെയ്‌തതിൽ കുറച്ചു പ്രാണൻ പോയിരുന്നുവെങ്കിലും വേറെ ആരോഗ്യപരമായ പ്രശ്നങ്ങൾ ഒന്നും ഉണ്ടായിരുന്നില്ല. അങ്ങിനെ എനിക്കും കൂടെയുണ്ടായിരുന്ന നമ്മുടെ സാറിനും മാത്രമേ കൊറോണ പരീക്ഷയിൽ പാസ്സാവാൻ ഉള്ള ഭാഗ്യം ഉണ്ടായിരുന്നുള്ളൂ.

പതുക്കെ ഞങ്ങളെ അവിടെ നിന്നും മാറ്റാൻ ഉള്ള കാര്യപരിപാടികൾ തുടങ്ങി. ഉടുത്ത ഡ്രസ്സ് അല്ലാതെ നമ്മുടെ കൈയിൽ ഒന്നുമില്ല. ആ നേരത്തു ഫോൺ വിളികൾ ആണെങ്കിൽ പണ്ടത്തെ ബൂത്തുകളെക്കാൾ കൂടുതൽ. എല്ലാവർക്കും എന്റെ വിവരവും, എന്റെ വീട്ടുകാരുടെ വിവരവും അറിയണം. അതുകൂടാതെ ഹെൽത്ത്, പോലീസ്, സഹപ്രവർത്തകർ എന്നിവരുടെ വിളികൾ വേറെയും. അങ്ങിനെയാണ് ഞാൻ തന്നെ അറിയാതെ കൊറോണ പിടിച്ചു എന്നുള്ളത് എനിക്ക് തന്നെ എന്ന് ബോധ്യമായത്.

ഞങ്ങളെ രണ്ടുപേരെയും ഡിപ്പോയിൽ നിന്നും കൈപ്പറമ്പ് വിദ്യ അക്കാദമിൽ (കേച്ചേരിക്കടുത്തു) Covid First Line Treatment Center (CFLTC, Velur) ഉള്ള ഐസൊലേഷൻ ബ്ലോക്കിലേക്കു മാറ്റിയത്. അവിടെയുള്ള ഹെൽത്ത് ഡിപ്പാർട്മെന്റുകാരുടെ പ്രവർത്തനങ്ങളും, മറ്റും വാക്കുകളിൽ ഒതുക്കാവുന്ന ഒന്നല്ല. അവരുടെ കുടുംബ ജീവിതം മാറ്റി നിർത്തി അവിടെയുള്ള ലക്ഷണങ്ങൾ ഇല്ലാത്ത + കിട്ടിയവരെ ശരിയായ രീതിയിൽ ഒരു കുറവും ഇല്ലാതെ ഞങ്ങളെ എല്ലാവരെയും നോക്കുക എന്നുള്ളത് ഒരു ദുഷ്കരമായ ഒരു പ്രവർത്തനം വളരെ കൃത്യനിഷ്ഠതയോടു നടത്തിയ എല്ലാവർക്കും എന്റെ ഹൃദയത്തിൽ തൊട്ട നന്ദി അറിയിക്കട്ടെ.

ആദ്യ ദിവസം അവിടെ ചെന്നപ്പോൾ മേൽപ്പറഞ്ഞ പോലെ ഉടുതുണി വരെ ഉണ്ടായിരുന്നില്ല. എല്ലാ കാര്യങ്ങളും (എന്റെ പ്രെഷറിന്റെ ഗുളിക അടക്കം) അവിടെ ശരിയാക്കി കൊണ്ട് തന്ന മുണ്ടൂരിലെ മൊബൈൽ കട നടത്തുന്ന പ്രമോദ് എന്ന അനിയനോടും, മറ്റു ആവശ്യ സാധനങ്ങൾ എത്തിച്ചു നൽകിയ കൊടുങ്ങല്ലൂർ KSRTC സ്റ്റേഷൻ മാസ്റ്റർ ആയ രമേഷ് കരിന്തലക്കൂട്ടം, തൃശൂർ ഡിപ്പോയിലെ മെക്കാനിക് ആയ സുധീഷ്, എന്റെ പ്രിയ സുഹൃത്ത് സോയിക്കും തീർത്താൽ തീരാത്ത കടപ്പാടുണ്ട്.

വീട്ടുകാരുടെ ടെസ്റ്റ് നടത്തുന്നത് വരെ എനിക്കൊരു സമാധാനവും ഉണ്ടായിരുന്നില്ല. അവരുടെ ടെസ്റ്റ് കഴിഞ്ഞപ്പോൾ അവർക്കു ടെസ്റ്റ് പാസ്സാവാൻ യോഗ്യത ഇല്ലായിരുന്നു. അവരെല്ലാവരും കൊറോണയെ ഉൾക്കൊള്ളാൻ തയ്യാറല്ലായിരുന്നു. അവർക്കെല്ലാവർക്കും നെഗറ്റീവ് ആയി. ഒരു വീട്ടിൽ ഒരു പാസ് മാർക്കു കിട്ടിയതിലുള്ള ഒരു സന്തോഷം എനിക്കുണ്ടായിരുന്നു.

എന്തിനു പറയുന്നു – പത്തു ദിവസത്തിന് ശേഷം ഇന്ന് ടെസ്റ്റ് നടത്തിയപ്പോൾ (പുനഃപരിശോധന) നടത്തിയപ്പോൾ ഞാൻ തോറ്റു പോയി. എനിക്ക് നെഗറ്റീവ് ആയി. അങ്ങിനെ അവരെന്നോട് അവിടെ നിന്നും വേഗം പൊയ്‌ക്കോളാൻ പറഞ്ഞു.

എനിക്ക് കൃത്യ സമയത്തു ഭക്ഷണം തന്നിരുന്ന, ആരോഗ്യപരമായ പ്രശ്നങ്ങൾ എന്നും ചെക്ക് ചെയ്തിരുന്ന അവിടുത്തെ പ്രവർത്തകർക്കും, എന്റെ കാര്യങ്ങൾ എന്നേക്കാൾ കൂടുതൽ വേവലാതി പെട്ടിരുന്നു എന്റെ സ്വന്തം സഹപ്രവർത്തകർക്കും, ചങ്കുകൾക്കും, തിരിച്ചു വരവ് ഗംഭീരമാക്കിയ എന്റെ സ്നേഹം നിറഞ്ഞ നാട്ടുകാർക്കും, വീട്ടുകാർക്കും സ്നേഹത്തോടെ, നന്ദിയോടെ..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post