കെഎസ്ആർടിസിയെ ‘കൊലയാളിവണ്ടി’ എന്ന് ആക്ഷേപിക്കുന്നവർ വായിച്ചറിയുവാൻ

Total
0
Shares

കെഎസ്ആർടിസിയെയും, കെഎസ്ആർടിസി ഡ്രൈവർമാരെയും ഒന്നടങ്കം കുറ്റപ്പെടുത്തി ചില മാധ്യമങ്ങൾ നടക്കുന്നത് ശ്രദ്ധയിൽപ്പെട്ടതിനാൽ, സത്യം പോതുജനങ്ങളിലേക്ക് എത്തിക്കുന്നതിനായി കെഎസ്ആർടിസി ഒഫീഷ്യൽ ഫേസ്‌ബുക്ക് പേജിൽ പോസ്റ്റ് ചെയ്യപ്പെട്ട കുറിപ്പ് താഴെ കൊടുക്കുന്നു. ആരോപണങ്ങളുടെ ഒരുവശം മാത്രം കേട്ടുകൊണ്ട് കെഎസ്ആർടിസിയെ കുറ്റപ്പെടുത്തുന്നവർ ഇതൊന്നു വായിക്കുക.

കെ.എസ്.ആർ.ടി.സി എന്നാൽ കൊലവണ്ടി എന്ന രീതിയിൽ ഫെയ്‌സ്‌ബുക്കിൽ ചില പോസ്റ്റുകൾ ഞങ്ങളുടെ ശ്രദ്ധയിൽപെട്ടതിനാലാണ് അതിന്റെ യാഥാർഥ്യം പൊതുജനങ്ങളിലേക്കെത്തിക്കുക എന്ന ഉദ്ദേശ്യത്തോടു കൂടി ഞങ്ങൾ ഈ പോസ്റ്റ് നിങ്ങളിലേക്കെത്തിക്കുന്നത്. വിദ്യാഭ്യാസപരമായി ഉന്നതി നേടിയവരും ലോകപരിചയം നേടിയവരും കെ.എസ്.ആർ.ടി.സി യെക്കുറിച്ച് ഇത്തരം കഴമ്പില്ലാത്ത ആരോപണങ്ങൾ ഉന്നയിക്കുമ്പോൾ അത് ബാധിക്കുന്നത് പൊതുജനസേവനം എന്ന മാനദണ്ഡം മാത്രം ഉൾക്കൊണ്ട് പ്രവർത്തിക്കുന്ന കെ.എസ്.ആർ.ടി.സി ജീവനക്കാരുടെ മനോവീര്യത്തെയാണ്.

2019 ജനുവരി മുതൽ സെപ്റ്റംബർ മാസം വരെ കേരളത്തിൽ ആകെ 30784 റോഡ് അപകടങ്ങൾ ഉണ്ടായിട്ടുണ്ട്. 3375 മനുഷ്യജീവനുകൾ ആ അപകടങ്ങളിൽ പൊലിഞ്ഞിട്ടുണ്ട്. ആകെ അപകടങ്ങളിൽ പരിക്കേറ്റവരുടെ എണ്ണം 34509 ആണ്. നിങ്ങൾ കൊലയാളി എന്ന് മുദ്ര കുത്താൻ ശ്രമിക്കുന്ന കെ.എസ്.ആർ.ടി.സി അതിൽ വെറും 3 ശതമാനത്തിൽ താഴെ (653 എണ്ണം) അപകടങ്ങളിൽ മാത്രമാണ് ഉൾപ്പെട്ടിരിക്കുന്നത്.

പട്ടികയിൽ ഒന്നാം സ്ഥാനത്ത് നില്ക്കുന്ന ഇരുചക്രവാഹനങ്ങളും സ്വകാര്യകാറുകളും യഥാക്രമം ഉണ്ടാക്കിയിരിക്കുന്നത് ആകെ അപകടങ്ങളുടെ 32ഉം 26 ഉം ശതമാനമാണ്. പ്രസ്തുത കാലയളവിൽ ഏകദേശം 5 ശതമാനത്തിലധികം അപകടങ്ങൾ (1629 എണ്ണം) ഉണ്ടാക്കിയ സ്വകാര്യബസ്സുകളും കെ.എസ്.ആർ.ടി.സിയെക്കാൾ നിരത്തുകളിൽ ദുസ്വപ്നം വിതച്ചവർ ആണ്. പക്ഷെ അവരെ ആരെയും എന്തുകൊണ്ട് നിങ്ങൾ കൊലയാളി എന്ന് മുദ്ര കുത്തുന്നില്ല?

മുകളിൽ സൂചിപ്പിച്ച കണക്കുകൾ ഞങ്ങൾ നിങ്ങളെ വിശ്വസിപ്പിക്കാനായി സൃഷ്ടിച്ചതല്ല. കേരളാപോലീസിന്റെ വെബ്സൈറ്റിലെ പൊതുജനങ്ങൾക്കായുള്ള റോഡ് അപകടവിവരങ്ങൾ സംബന്ധിച്ച കണക്കുകളിൽ നിന്നും ക്രോഡീകരിച്ചതാണ്. 2019 ലെ കണക്ക് പോലെ തന്നെ മുൻവർഷങ്ങളിലെയും അപകടവിവരങ്ങൾ നിങ്ങൾക്ക് ലഭ്യമാകും വിധം കേരള പോലീസ് പൊതുജനങ്ങൾക്കായി ക്രമീകരിച്ചിട്ടുണ്ട്.

ഒരു കെ.എസ്.ആർ.ടി.സി ഡ്രൈവറും അപകടം ഉണ്ടാക്കുക എന്ന ലക്ഷ്യത്തോടെ ബസ്സ് ഓടിക്കാറില്ല. അപകടം ഉണ്ടാക്കുക എന്നത് ഞങ്ങളുടെ ലക്ഷ്യമല്ല. നിരത്തുകളിൽ മത്സരയോട്ടം മനപൂർവം പലരും സൃഷ്ടിക്കാൻ ശ്രമിച്ചിട്ട് പോലും അതിന് മുതിരാതെ തികച്ചും അച്ചടക്കത്തോടെ മുന്നോട്ടുപോകുന്ന സ്ഥാപനമാണ് കെ.എസ്.ആർ.ടി.സി. ഇനി അഥവാ ഏതെങ്കിലും കെ.എസ്.ആർ.ടി.സി ഡ്രൈവർ അപകടകരമായി വാഹനം ഓടിച്ചു എന്ന് പരാതി ജനങ്ങളിൽ നിന്നും ഉണ്ടായാൽ അത്തരം ഡ്രൈവർമാർക്ക് കൃത്യമായ പരിശീലനപദ്ധതികൾ നടപ്പിലാക്കുന്ന സ്ഥാപനമാണ് കെ.എസ്.ആർ.ടി.സി. അത്തരം പരാതികൾ രേഖപ്പെടുത്താൻ പ്രത്യേക വിഭാഗം ഉള്ള സ്ഥാപനമാണ് കെ.എസ്.ആർ.ടി.സി.

കെ.എസ്.ആർ.ടി.സിക്കെതിരെ വിരൽ ചൂണ്ടുമ്പോൾ നിങ്ങൾ പൊതുജനസേവനം മാത്രം ലക്ഷ്യമിട്ട് ജോലി ചെയ്യുന്ന ഒരു കൂട്ടം സേവകരുടെ ആത്മവീര്യത്തെയാണ് കെടുത്തിക്കളയുന്നത്. കെ.എസ്.ആർ.ടി.സി ബസ്സുകൾ ഉൾപ്പെട്ടിട്ടുള്ള അപകടങ്ങളിൽ ആരുടെ കുറ്റമാണ് എന്ന് പോലും ശ്രദ്ധിക്കാതെ കെഎസ്ആർടിസി ജീവനക്കാർ മർദ്ദനം വരെ ഏറ്റു വാങ്ങുന്ന സ്ഥിതി വിശേഷമാണ് നിലവിലുള്ളത്. ദയവായി വ്യാജാരോപണങ്ങളിൽ നിന്നും മാറി നിൽക്കൂ. അപകടകരമായ കെ.എസ്.ആർ.ടി.സി ഡ്രൈവിംഗ് നിങ്ങളുടെ ശ്രദ്ധയിൽപെടുന്നു എങ്കിൽ 24 മണിക്കൂറും പ്രവർത്തിക്കുന്ന കെഎസ്ആർടിസി കൺട്രോൾ റൂമിൽ അറിയിക്കൂ. ഉറപ്പായും നടപടി ഉണ്ടാകും. കെ.എസ്.ആർ.ടി.സി എന്നും ജനങ്ങൾക്കൊപ്പമാണ്.

1 comment
  1. When you compare accidents by ksrtc vs private vehicles including buses you should also compare the total number of ksrtc buses vs private vehicles on road as well. And still, if you justify those 653 mass killings over an year there’s no doubt that you are biased.
    You’ve a huge responsibility of keeping the passengers and fellow road users safe when you take control of a heavy vehicle. You better leave and join a butcher if you can’t take that responsibility.
    Public do not beatup the driver everytime something wrong happens. But, if a few, not related to the deceased took that call could mean that they witnessed something. And i wont blame them.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post