കായംകുളം – കുമളി ബസ്സിലെ വാട്‍സ്ആപ്പ് ഗ്രൂപ്പും, ശിവൻ ചേട്ടൻ്റെ കുടിവെള്ള വിതരണവും…

Total
0
Shares

ബസുകളിലെ സ്ഥിര യാത്രക്കാരും ജീവനക്കാരും തമ്മിൽ ഇന്ന് വളരെ നല്ല രീതിയിലുള്ള സൗഹൃദങ്ങൾ ഉടലെടുക്കുന്നതായി കാണാറുണ്ട്. അത്തരത്തിലൊരു സംഭവമാണ് ഇനി പറയുവാൻ പോകുന്നത്. വിവരണം : സജി കുട്ടപ്പൻ മാന്നാർ.

KSRTC യിലെ കൗതുക കാഴ്ചകൾ : കായംകുളത്തു‌ നിന്നും പുറപ്പെട്ട്‌ കുമളിയിലേക്ക്‌ പോകുന്ന RPM 701 കെഎസ്‌ആർടിസി ബസ്‌ ഉച്ചക്ക്‌ 12:10 നു മാന്നാർ കുരട്ടി അമ്പലം ജംഗ്ഷനിൽ എത്തുമ്പോൾ ഒരു കുപ്പി വെള്ളവുമായി ഒരാൾ കാത്ത്‌ നിൽപുണ്ടാവും. ഈ ബസിലെ ജീവനക്കാരുടെ ദാഹമകറ്റുവാനായുള്ള കാത്ത്‌ നിൽപ്‌. ഇത്‌ ശിവൻ ചേട്ടൻ. ചങ്ങനാശേരി സ്വദേശി. മാന്നാറിലെ മീരാ സ്റ്റോർ എന്ന പലചരക്കു കടയിലെ കണക്കെഴുത്തുകാരൻ. ചങ്ങനാശേരിയിൽ നിന്നും രാവിലെ 8:10നു മാന്നാറിലേക്ക്‌ വരുമ്പോൾ ശിവൻ ചേട്ടൻ സ്ഥിരമായി ഈ ബസിലാണു യാത്ര ചെയ്യുന്നത്‌. അങ്ങനെ ഈ ആനവണ്ടിയും ഇതിലെ ജീവനക്കാരും സഹയാത്രികരുമെല്ലാം ശിവൻ ചേട്ടന്റെ ജീവിതത്തിന്റെ ഭാഗമായി മാറി.

ചങ്ങനാശ്ശേരി ശിവാനി വാസിൽ പരേതനായ സി. രാമകൃഷ്ണപിള്ളയുടെയും അംബുജാമ്മയുടെയും മൂത്തമകനായ R.ശിവദാസ് എന്ന ശിവൻ ചേട്ടൻ കഴിഞ്ഞ 15 വർഷക്കാലമായി മാന്നാറിലെ മീരാ സ്റ്റോഴ്സ് എന്ന പലചരക്ക് സ്ഥാപനത്തിലെ ജീവനക്കാരനാണ്. KSRTC ബസ്സിലെ സ്ഥിരം യാത്രികനായ ശിവൻ ചേട്ടൻ രാവിലെ ജോലിക്കെത്തുവാൻ കയറുന്ന ബസ്സ് കുമളിയിൽനിന്നും രാവിലെ 4.50 ന് പുറപ്പെട്ട് ഏതാണ്ട് 8 – 10 ഓടുകൂടി ചങ്ങനാശ്ശേരിയിൽ എത്തും. ഈ ബസ്സിലെ ഏതാണ്ട് 68 ഓളം വരുന്ന സ്ഥിരം യാത്രക്കാർ ചേർന്ന് ഒരു വാട്സപ്പ് ഗ്രൂപ്പുതന്നെ ഉണ്ടാക്കിയിട്ടുണ്ട്. വണ്ടി കുമളിയിൽ നിന്ന് പുറപ്പെടാനായി സ്റ്റാന്റിൽ എത്തുമ്പോൾ ഡ്രൈവർ ആദ്യ മെസ്സേജ് ഗ്രൂപ്പിലിടും. അതിനുശേഷം ഗ്രൂപ്പ് അഡ്മിനും മല്ലപ്പള്ളി സ്ക്കൂളിൽ ജോലി നോക്കുന്നതുമായ റ്റീച്ചർ കറുകച്ചാൽ ഇറങ്ങുന്നതുവരേയും ബസ്സിന്റെ വരവിനെക്കുറിച്ച് ഗ്രൂപ്പിൽ മെസ്സേജുകൾ അയച്ചു കൊണ്ടേയിരിക്കും.

ചങ്ങനാശ്ശേരിയിൽ നിന്നും കയറുന്ന ശിവൻചേട്ടൻ ബസ്സിൽ കയറിയാൽ മാന്നാറിൽ ഇറങ്ങുന്നതുവരേയും ഗ്രൂപ്പിൽ മെസ്സേജുകൾ നല്കുന്നത് ശിവൻ ചേട്ടനാണ്. പെരിങ്ങാലയിൽ നിന്നും കയറുന്ന ഹോമിയോ ഡോക്ടറായ കുമാരി ആശ ഡോക്ടർ വണ്ടിയുടെ ലാസ്റ്റ് സ്റ്റോപ്പായ കായംകുളംവരെയുള്ള കാര്യങ്ങൾ ഗ്രൂപ്പിൽ അപ്ഡേറ്റ് ചെയ്ത്കൊണ്ടേയിരിക്കും. കുമളി – കായംകുളം ബസ്സിലെ സ്ഥിരം യാത്രികനായ ശിവൻ ചേട്ടൻ കഴിഞ്ഞ 2 വർഷക്കാലമായി കായംകുളത്തുനിന്നും തിരികെ വരുന്ന ബസ്സിലെ സ്റ്റാഫുകൾക്ക് തന്റെ വരുമാനത്തിലെ ഒരു പങ്കിൽനിന്നും നിത്യേന കുപ്പി വെള്ളം വാങ്ങി നല്കുന്ന കാഴ്ച അഭിനന്ദനീയമാണ്.

ദിവസവും ഉച്ചയ്ക്ക് 12-50 ന് മാന്നാർ തൃക്കുരട്ടി ജംഗക്ഷന് സമീപം കുപ്പി വെള്ളവുമായി ശിവൻ ചേട്ടൻ കാത്ത് നില്പ്പുണ്ടാകും, ഞായറാഴ്ച ദിനത്തിലൊഴികെ. അഥവാ ഏതെങ്കിലുമൊരു ദിവസം ശിവൻ ചേട്ടന് എത്താൻ സാധിച്ചില്ലായെങ്കിൽ പകരത്തിന് ആരെയെങ്കിലും നിർത്തിയിട്ടുണ്ടാകും വെള്ളം നല്കാനായി. നന്മ നിറഞ്ഞ ഈ പ്രവൃത്തി കണ്ടില്ലായെന്നു നടിക്കാനാവില്ല. തന്റെ ചെറിയ വരുമാനത്തിന്റെ ഒരു പങ്ക് സ്നേഹിതരുടെ ദാഹമകറ്റാനായി ശുഷ്കാന്തിയോടെ പ്രവൃത്തിക്കുന്ന ശിവൻ ചേട്ടന്റെ മൊബൈൽ കഴിഞ്ഞയിടയ്ക്ക് പോക്കറ്റടിച്ച് നഷ്ടമായി. അപ്പോൾ പാസ്സഞ്ചേഴ്സ് വാട്സപ്പ് ഗ്രൂപ്പ് പുതിയ മൊബൈൽ ശിവൻ ചേട്ടന് വാങ്ങി നല്കിയത് വൻ വാർത്തയായിരുന്നു.

രാവിലെയും വൈകിട്ടും കൃത്യമായി കായംകുളം, മാവേലിക്കര ബസുകളുടെ സമയം ഗ്രൂപ്പിൽ അപ്ഡേറ്റ് ചെയ്തിരുന്ന ശിവൻചേട്ടന്റെ ഫോണ്‍ നഷ്ടമായത് ഗ്രൂപ്പിലെ പലർക്കും സ്വന്തം ഫോൺ നഷ്ടമായതു പോലെ വേദനയുണ്ടാക്കി. അങ്ങനെയാണ് ഗ്രൂപ്പ് അഡ്മിൻ ആഷ ടീച്ചർ, ഈ ബസിൽ എംപാനൽ കണ്ടക്ടറായിരിക്കുമ്പോൾ ജോലി നഷ്ടമായ ഷെമീർ, ഡ്രൈവർ സിബി എന്നിവരും മറ്റു ചിലരും ചേർന്ന് ശിവൻ ചേട്ടന് ഒരു സർപ്രൈസ് നൽകാൻ പ്ലാനിട്ടത്.

ചങ്ങനാശ്ശേരി സ്വദേശിയായ ശിവൻ ചേട്ടന് ഭാര്യയും രണ്ട് മക്കളും അടങ്ങുന്ന ചെറിയ ഒരു കുടുംബമാണ്. ഭാര്യ ജയലക്ഷമി പെരുന്ന ശ്രീശങ്കര ആയൂർവേദ ഹോസ്പിറ്റൽ ക്യാന്റീനിൽ കുക്കായും, മൂത്തമകൻ അയ്യപ്പദാസ് ഫ്ലിപ്കാർട്ട് ക്യാഷ്യർ ആയും, രണ്ടാമത്തെ മകൻ വിഷ്ണുദാസ് ശംഖുമുഖത്ത് റിസോർട്ടിൽ ഷെഫായും ജോലി ചെയ്യുന്നു. നന്മവറ്റാത്ത ഇത്തരം ശിവൻ ചേട്ടന്മാർ ഈ നാട്ടിൽ ധാരാളം ഉടലെടുക്കട്ടേ എന്ന പ്രാർത്ഥനയോടെ.. സ്നേഹപൂർവ്വം സജി കുട്ടപ്പൻ മാന്നാർ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ജോസഫ് കോനി – ഒരുകാലത്ത് ജനങ്ങളുടെ പേടിസ്വപ്നമായ ആഫ്രിക്കൻ ഭീകരൻ

എഴുത്ത് – ടിജോ ജോയ്. വളരെ യാദൃച്ഛികമായാണ് നാഷണൽ ജിയോഗ്രഫിയില്‍ Warlords Of Ivory എന്നൊരു ഫീച്ചർ കാണാനിടയായത്. രാത്രി പന്ത്രണ്ടുമണി വരെ നീണ്ട ആ ഫീച്ചറില്‍ നിന്നാണ് ഉഗാണ്ടയിലെ LRA യെ കുറിച്ചും ജോസഫ് കോനിയെ കുറിച്ചും അറിഞ്ഞത്. കൂടുതൽ…
View Post

ഡൽഹി – മുംബൈ റോഡ് മാർഗ്ഗം ഇനി 13 മണിക്കൂറിൽ ഓടിയെത്താം

ഇന്ത്യയുടെ തലസ്ഥാനമായ ഡൽഹിയിൽ നിന്നും വാണിജ്യ തലസ്ഥാനമായ മുംബൈയിലേക്ക് എളുപ്പത്തിൽ എത്തുവാൻ ഒരു എക്സ്പ്രസ്സ് വേ. വെറും പദ്ധതി മാത്രമല്ല, സംഭവം ഉടനെ യാഥാർഥ്യമാകും, 2023 ജനുവരിയിൽ. ആദ്യം 2021 ല്‍ പൂര്‍ത്തിയാക്കുമെന്ന് അറിയിച്ചിരുന്നെങ്കിലും കോവിഡിന്റെ പശ്ചാത്തലത്തില്‍ പ്രവൃത്തികള്‍ നീളുകയായിരുന്നു. ഈ…
View Post

ഒയ്മ്യക്കോന്‍ – സ്ഥിരജനവാസമുള്ള ഭൂമിയിലെ ഏറ്റവും തണുത്ത പ്രദേശം

എഴുത്ത് – ബക്കർ അബു (എഴുത്തുകാരൻ, നാവികൻ എന്നീ നിലകളിൽ പ്രശസ്തനാണ്). കൊറിയയില്‍ നിന്ന് നോര്‍ത്ത് ജപ്പാനിലെ ഹോക്കൈടോ സ്ട്രൈറ്റ്‌ വഴി ഈസ്റ്റ്‌ സൈബീരിയന്‍ സീയിലെ തണുത്ത കാറ്റും കൊണ്ട് സൂര്യനെയൊന്നും കാണാതെ അലൂഷ്യന്‍ ദ്വീപിന്‍റെ ഉത്തരഭാഗത്തുള്ള കൊടുങ്കാറ്റു കാലാവസ്ഥയില്‍ അമേരിക്കയിലേക്ക്…
View Post

കെ.പി.എൻ. ട്രാവൽസ് – ഒരു ക്ലീനർ തുടങ്ങിവെച്ച ബസ് സർവ്വീസ് സംരംഭം

ഹൈവേകളിലും മറ്റും നിങ്ങൾ കണ്ടിട്ടുണ്ടാകും KPN എന്ന് പേരുള്ള ബസ്സുകളെ. അതെ, സൗത്ത് ഇന്ത്യയിലെ പേരുകേട്ട ബസ് ഓപ്പറേറ്ററാണ് KPN ട്രാവൽസ്. 1972 ൽ തമിഴ്‌നാട് സ്വദേശിയായ കെ.പി. നടരാജൻ രൂപം നൽകിയ സ്ഥാപനമാണ് കെ.പീ.എൻ ട്രാവൽസ്. വെറും ഏഴാം ക്ലാസ്…
View Post

ഇരിങ്ങാലക്കുടയിൽ നിന്ന് സത്യമംഗലം കാട് വഴി ബാംഗ്ലൂർ യാത്ര

വിവരണം – വൈശാഖ് ഇരിങ്ങാലക്കുട. പുതിയ വണ്ടിയെടുത്തു ആദ്യമായി നാട്ടിൽ വന്നു തിരിച്ചു പോവുകയാണ്. രാവിലെ ഏഴേകാലോടെ ഇരിങ്ങാലക്കുടയിൽ നിന്നും പുറപ്പെട്ടു. മാപ്രാണം ഷാപ്പ് കഴിഞ്ഞു, മാപ്രാണത്തു നിന്ന് വലത്തോട്ട് തിരിഞ്ഞു പ്രാവിന്കൂട് ഷാപ്പ്, വാഴ, നന്തിക്കര വഴിയാണ് ഹൈവേയിൽ കയറിയത്.…
View Post

അബുദാബിയുടെ സ്വന്തം ഇത്തിഹാദ് എയർവേയ്‌സ്

യുണൈറ്റഡ് അറബ് എമിറേറ്റ്സിന്റെ ഒരു ഫ്ലാഗ് കാരിയർ എയർലൈനാണ്‌ ഇത്തിഹാദ് എയർവേയ്‌സ്. ഇത്തിഹാദിന്റെ ചരിത്രവും വിശേഷങ്ങളുമാണ് ഈ ലേഖനത്തിലൂടെ നിങ്ങൾക്കു മുന്നിൽ അവതരിപ്പിക്കുവാൻ ശ്രമിക്കുന്നത്. യുണൈറ്റഡ് അറബ് എമിറേറ്റ്സിന്റെ രണ്ടാമത്തെ ഫ്ലാഗ് കാരിയർ എയർലൈനായ ഇത്തിഹാദ് എയർവേയ്‌സ് 2003 ലാണ് പ്രവർത്തനമാരംഭിക്കുന്നത്.…
View Post

വ്യക്തികളുടെ പേരിൽ പ്രശസ്തമായ കേരളത്തിലെ സ്ഥലങ്ങൾ..

ഓരോ സ്ഥലങ്ങളുടെയും പ്രശസ്തിക്കു പിന്നിൽ പല കാരണങ്ങളും ഉണ്ടായിരിക്കും. ചില സ്ഥലങ്ങൾ ടൂറിസ്റ്റു കേന്ദ്രങ്ങൾ കൊണ്ട് പ്രശസ്തമാകും. ചിലത് ചരിത്രപരമായ സംഭവങ്ങൾ കൊണ്ടും. എന്നാൽ ഇവയെക്കൂടാതെ ചില വ്യക്തികൾ കാരണം പ്രശസ്തമായ അല്ലെങ്കിൽ പേരുകേട്ട ചില സ്ഥലങ്ങളുണ്ട് നമ്മുടെ കേരളത്തിൽ. ഈ…
View Post

മലയാളികൾ ‘ഇരട്ടപ്പേര്’ നൽകിയ ചില വാഹനങ്ങളെ പരിചയപ്പെടാം..

എന്തിനുമേതിനും ചെല്ലപ്പേരുകൾ ഇടാൻ നമ്മൾ മലയാളികളെ കഴിഞ്ഞേയുള്ളൂ മറ്റാരും. പല കാര്യങ്ങളിൽ നാം മലയാളികളുടെ ഈ കഴിവ് കണ്ടുകൊണ്ടിരിക്കുകയാണ്.ഇത്തരത്തിൽ ഇരട്ടപ്പേരുകൾ കൂടുതലും വീണിരിക്കുന്നത് വാഹനങ്ങൾക്കാണ്. പഴയ കൽക്കരി ബസ്സുകളെ കരിവണ്ടിയെന്നു വിളിച്ചു തുടങ്ങിയതു മുതൽ ഇത്തരം പേരിടൽ വളരെ കെങ്കേമമായി ഇന്നും…
View Post

ലോക്ക്ഡൗൺ ഇന്ന് കൂടുതൽ ഇളവുകൾ; 12, 13 കർശന നിയന്ത്രണം

കേരളത്തിൽ ലോക്ക്ഡൌൺ ജൂൺ 16 വരെ നീട്ടിയെങ്കിലും പൊതുജനതാല്പര്യാർത്ഥം ജൂൺ 11 വെള്ളിയാഴ്ച ലോക്ക്ഡൗണിനു ഇളവുകൾ പ്രഖ്യാപിച്ചിട്ടുണ്ട്. ഈ ദിവസത്തെ പ്രധാന ഇളവുകൾ ഇനി പറയും വിധമാണ്. ബാങ്കുകളും ധനകാര്യ സ്ഥാപനങ്ങളും ജൂൺ 11 നു പ്രവർത്തിക്കും. അവശ്യ സാധനങ്ങൾ വിൽക്കുന്ന…
View Post