നഷ്ടപ്പെട്ട പാദസരത്തിനു 4000 രൂപ നോക്കുകൂലി ഈടാക്കി കെഎസ്ആർടിസി; പ്രതിഷേധം….

Total
0
Shares

‘സുഖയാത്ര..സുരക്ഷിത യാത്ര..’, ‘കെഎസ്ആർടിസി എന്നും ജനങ്ങളോടൊപ്പം’ എന്നൊക്കെയാണ് കെഎസ്ആർടിസിയുടെ മുദ്രാവാക്യങ്ങൾ. കഴിഞ്ഞയിടെയായി സമൂഹ വാർത്താ മാധ്യമങ്ങളിലൂടെ വൈറലായ ധാരാളം സംഭവങ്ങളിലൂടെ അത് തെളിയിക്കപ്പെട്ടതുമാണ്. എന്നാൽ കഴിഞ്ഞ ദിവസം നടന്ന ഒരു സംഭവം കെഎസ്ആർടിസിയുടെ പ്രതിച്ഛായ തകർക്കുന്നതാണ്. ബസ് യാത്രയ്ക്കിടെ നഷ്ടപ്പെട്ട സ്വർണ്ണപാദസരം തിരികെ ലഭിക്കുവാനായി ഒരു യാത്രക്കാരിയ്ക്ക് നാലായിരത്തോളം രൂപ കെഎസ്ആർടിസിയ്ക്ക് നോക്കുകൂലി കൊടുക്കേണ്ടി വന്നിരിക്കുന്നു.

സംഭവം ഇങ്ങനെ : കോതമംഗലം സ്വദേശിനിയായ യുവതി സിവിൽ സർവ്വീസ് പരീക്ഷ എഴുതുവാനായാണ് തിരുവനന്തപുരത്തേക്ക് കെഎസ്ആർടിസി ബസ്സിൽ യാത്രയായത്. കണിയാപുരം ഡിപ്പോയുടെ ബസ്സിലായിരുന്നു യാത്ര. എന്നാൽ യാത്രയ്ക്കിടെ നിർഭാഗ്യവശാൽ യുവതിയുടെ കാലിൽ കിടന്നിരുന്ന ഒന്നര പവന്റെ ഒരു പാദസരം നഷ്ടമായി. ബസ് യാത്രയ്ക്കു ശേഷമായിരുന്നു യുവതി ഈ കാര്യം ശ്രദ്ധിക്കുന്നതും.

ഉടൻ തന്നെ തിരുവനന്തപുരം മ്യൂസിയം പോലീസിൽ യുവതി പരാതിപ്പെടുകയും സംഭവം പോലീസ് ഫേസ്‌ബുക്കിലൂടെ ഷെയർ ചെയ്യുകയും ചെയ്തു. ഇതോടൊപ്പം യുവതിയും സുഹൃത്തുക്കളുമെല്ലാം സംഭവം ഫേസ്‌ബുക്കിലൂടെ പരമാവധി ഷെയർ ചെയ്യുകയുമുണ്ടായി. ഇതിനിടെ കളഞ്ഞു പോയ പാദസരം ബസ്സിലെ മറ്റൊരു യാത്രക്കാരനു ലഭിക്കുകയും, അത് അവർ കെഎസ്ആർടിസി ജീവനക്കാരെ ഏൽപ്പിക്കുകയും ചെയ്തു. സോഷ്യൽ മീഡിയയിലെ പോസ്റ്റ് കണ്ട കെഎസ്ആർടിസി അധികൃതർ, പാദസരം കിട്ടിയ കാര്യം പോലീസിനെ അറിയിച്ചു. പോലീസ് യുവതിയെയും.

ഇതോടെ ഇതുവരെ അനുഭവിച്ച വിഷമങ്ങൾക്ക് അവസാനമായെന്നു സമാധാനിച്ച യുവതി പാദസരം തിരികെ വാങ്ങുവാനായി കെഎസ്ആർടിസി ഡിപ്പോയിൽ എത്തിയപ്പോഴാണ് ഇടിത്തീ പോലെ ആ കാര്യമറിയുന്നത്. പാദസരം ഒരു ദിവസം കെഎസ്ആർടിസിയ്ക്ക് സൂക്ഷിക്കേണ്ടി വന്നതിനാൽ അതിനു ചാർജ്ജ് കൊടുക്കണമത്രേ. സൂക്ഷിച്ച സാധനത്തിന്റെ അന്നത്തെ മാർക്കറ്റ് വിലയുടെ പത്തു ശതമാനം തുകയാണ് അത് തിരികെ ലഭിക്കുവാനായി ഉടമസ്ഥൻ നൽകേണ്ടി വരുന്നത്. ഒരു തരത്തിൽ പറഞ്ഞാൽ ‘നോക്കുകൂലി’ തന്നെ.

ഒന്നരപ്പവനോളം വരുന്ന പാദസരം തിരികെ ലഭിക്കുവാനായി ഉടമയായ യുവതി കെഎസ്ആർടിസിയ്ക്ക് കൊടുക്കേണ്ടത് നാലായിരം രൂപ. കൂടാതെ 200 രൂപയുടെ മുദ്രപ്പത്രത്തിൽ സത്യവാങ്മൂലവും ആള്‍ജാമ്യവും കെഎസ്ആർടിസി അധികൃതർ യുവതിയോട് ആവശ്യപ്പെട്ടു. ഇത്രയുമൊക്കെ കേട്ടപ്പോൾ ആ പാദസരം കളഞ്ഞു പോകുന്നതായിരുന്നു ഇതിലും ഭേദമെന്നു യുവതിയ്ക്ക് തോന്നിയതിൽ കുറ്റം പറയാൻ പറ്റില്ലല്ലോ. ഒടുവിൽ കടം വാങ്ങിയ തുക കെഎസ്ആർടിസിയ്ക്ക് കൊടുത്താണ് യുവതി തൻ്റെ നഷ്ടപ്പെട്ട മുതൽ തിരികെയെടുത്തത്.

സംഭവം വാർത്തയായതോടെ, കാണാതായ വസ്തുക്കൾ ഉടമസ്ഥന് കൈമാറുവാൻ നോക്കുകൂലി വാങ്ങുന്ന കെഎസ്ആർടിസിയ്ക്കെതിരെ പ്രതിഷേധം ഉയരുകയാണ്. എന്നാൽ നഷ്ടപ്പെട്ട വസ്തുവിന്റെ വിപണി മൂല്യം കണക്കാക്കി 10 ശതമാനം സർവീസ് ചാർജ് വാങ്ങണമെന്ന നിയമം മാത്രമേ നടപ്പിലാക്കിയിട്ടുള്ളൂവെന്നാണ് കെഎസ്ആർടിസി ഉദ്യോഗസ്ഥർ പറയുന്നത്. എന്നാൽ ഇത്തരം നിയമങ്ങൾ എന്തിനാണ് ഉണ്ടാക്കിയിരിക്കുന്നത് എന്ന ചോദ്യത്തിന് ആർക്കും മറുപടിയുമില്ല.

യാത്രക്കാരോട് ഇത്തരത്തിൽ ചതി ചെയ്തതാണോ കെഎസ്ആർടിസി ലാഭം കാണേണ്ടത്? പാവപ്പെട്ടവന്റെ കണ്ണീരു വീണ ആ തുക കെഎസ്ആർടിസിയ്ക്ക് എന്നും ശാപം തന്നെയായിരിക്കും. ഇത്തരം കണ്ണിൽച്ചോരയില്ലാത്ത നിയമങ്ങൾ പൊളിച്ചെഴുതേണ്ട കാലം അതിക്രമിച്ചിരിക്കുകയാണ്. ഈ അവസരത്തിലും പറയണോ ‘കെഎസ്ആർടിസി എന്നും ജനങ്ങളോടൊപ്പം’ എന്ന്?

1 comment
  1. Nothing to wonder… what if she didnot get that ornament back??? She definitly loose almost 40000 rupees.. first of all say thanks to the unknown traveller who got the chain and safely handed over to the responsible persons… such a rare person in this tricky world may you will be blessed by the one who believed to be ruling the endless world

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post