ഒറിജിനലിനെ വെല്ലുന്ന കെഎസ്ആർടിസിയുടെ മിനിയേച്ചർ മോഡലുകൾ

Total
1
Shares

ഒറിജിനലിനെ വെല്ലുന്ന കെഎസ്ആർടിസിയുടെ മിനിയേച്ചർ മോഡലുകൾ നാം പലപ്പോഴായി സോഷ്യൽ മീഡിയയിലൂടെ കണ്ടിട്ടുണ്ട്. ഇത്തരത്തിലുള്ള ക്രിയേഷനുകൾ ചേർത്തുകൊണ്ട് ഒരു എക്സിബിഷൻ തന്നെ വെച്ചാലോ? കെഎസ്ആര്‍ടിസി ഇതു വരെ ഇറക്കിയ മോഡലുകളില്‍ 40 ബസുകളുടെ മാതൃകകള്‍ ഉൾപ്പെടുത്തിക്കൊണ്ട് ‘ആനവണ്ടി എക്‌സ്‌പോ’ എന്ന ഒരു പ്രദര്‍ശനം സംഘടിപ്പിച്ച് ഞെട്ടിച്ചിരിക്കുകയാണ് മിനിയേച്വര്‍ ക്രാഫ്‌റ്റേഴ്‌സ് എന്ന കൂട്ടായ്മ. തമ്പാനൂർ കെഎസ്ആർടിസി ബസ് ടെർമിനലിലാണ് വ്യത്യസ്തവും കൗതുകം ജനിപ്പിക്കുന്നതുമായ ഈ പ്രദർശനം നടന്നത്.

പ്രദർശനത്തിൽ കെഎസ്‌ആർടിസി വിന്റേജ്‌ ബെൻസ്‌ മോഡലുകൾ മുതൽ സ്‌കാനിയ, വോൾവോ തുടങ്ങി ന്യൂജെൻ പരിഷ്കാരിയായ ഇലക്ട്രിക്‌ ബസുകൾ വരെയുണ്ട്. ടാറ്റയുമായി സഹകരിച്ച് ഇറക്കിയതും 1960 കളില്‍ ഉണ്ടായിരുന്നതുമായ ബെന്‍സ് ബസുകള്‍, എഴുപതുകളില്‍ സിറ്റി ഫാസ്റ്റ് ആയും ഓര്‍ഡിനറിയായും സര്‍വീസ് നടത്തിയിരുന്ന ലെയ്ലാന്‍ഡ് കോമറ്റ് ബസുകള്‍, തിരുവനന്തപുരം നഗരത്തില്‍ എണ്‍പതുകളിലും തൊണ്ണൂറുകളിലും ഓടിയിരുന്ന ഡബിള്‍ ഡെക്കര്‍ ബസുകള്‍, തിരുവനന്തപുരം നഗരത്തില്‍ മാത്രം ഓടിയിരുന്ന പച്ചയും ചുവപ്പും നിറത്തിലുള്ള സിറ്റി ബസുകള്‍ തുടങ്ങിയവ യാത്രക്കാര്‍ക്ക് ഓര്‍മകളിലേക്കുള്ള സഞ്ചാരമായി.

2017 ൽ ദുരന്ത നിവാരണ അതോറിറ്റിയുമായി ചേർന്ന്‌ ഇറക്കിയ സന്ദേശവാഹിനി ‘ജലജ’ ബസുകൾ, സ്ത്രീ സുരക്ഷാ സന്ദേശം പ്രചരിപ്പിക്കാൻ ഇറക്കിയ ‘പിങ്ക്‌ ബസ്’, കോട്ടയം – വാഗമൺ റൂട്ടിന്റെ സ്വന്തം ‘ചങ്ക്‌’ ബസ്‌, ആദ്യ കാലത്തെ ട്രെയിലർ ബസുകൾ, ഇവ നിർത്തലാക്കിയതിന്‌ ശേഷം ഇവയുടെ തലഭാഗം ഉപയോഗിച്ച്‌ ഇറക്കിയ കെഎസ്‌ആർടിസി ലോറി, ടാങ്കറുകളും തുടങ്ങി ഓരോ മോഡലിനൊപ്പവും അവയെക്കുറിച്ചുള്ള ചെറു വിവരണവും സംഘാടകർ തയ്യാറാക്കി. ബസ്സുകളുടെ ബോഡി മാത്രമല്ല, സീറ്റുകൾ, സ്റ്റീയറിംഗ് വീൽ, ഗിയർ ലിവർ തുടങ്ങി ഡ്രൈവർമാർ സൂക്ഷിക്കുന്ന കുടിവെള്ള ബോട്ടിൽ വരെ വളരെ സൂക്ഷ്മതയോടെയാണ് ഇവർ തയ്യാറാക്കിയിരിക്കുന്നത്.

കെഎസ്ആർടിസിയെ സ്നേഹിക്കുന്ന 35 കലാകാരന്മാർ ചേർന്നാണ് ഈ 40 ബസുകളുടെ മോഡലുകൾ ഒരുക്കിയത്. അധ്യാപകരും വിദ്യാർഥികളും എൻജിനിയർമാരും മുതൽ വിവിധ മേഖലകളിൽനിന്നുള്ള കലാകാരന്മാരാണ്‌ കുഞ്ഞൻ കെഎസ്‌ആർടിസികളുടെ ശിൽപ്പികൾ. എട്ട്‌ മാസം നീണ്ട തയ്യാറെടുപ്പിന്റെ ഫലമാണ്‌ പ്രദർശനം,’ ഗ്രൂപ്പ്‌ അഡ്‌മിൻ രഞ്ജിത്‌ തോമസ്‌ പറഞ്ഞു. അവിനാശി അപകടത്തില്‍ മരിച്ച കെ.എസ്.ആര്‍.ടി.സി. ജീവനക്കാരെയും യാത്രക്കാരെയും അനുസ്മരിച്ചായിരുന്നു പ്രദര്‍ശനം.

വിവരങ്ങൾക്ക് കടപ്പാട് – വിവിധ ഓൺലൈൻ മാധ്യമങ്ങൾ, മിനിയേച്വര്‍ ക്രാഫ്‌റ്റേഴ്‌സ് ഫേസ്‌ബുക്ക് ഗ്രൂപ്പ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post