നിലയ്ക്കൽ – പമ്പ റൂട്ടിൽ ഇനി KSRTC മാത്രം; ടിക്കറ്റുകൾ ഓൺലൈനായി ബുക്ക് ചെയ്യാം…

Total
0
Shares

ഈ വർഷത്തെ മണ്ഡലകാലത്തോടനുബന്ധിച്ച് ശബരിമലയിൽ നിലയ്ക്കൽ – പമ്പ റൂട്ടിൽ കെഎസ്ആർടിസി ബസ്സുകൾ മാത്രമായിരിക്കും സർവ്വീസ് നടത്തുക. ഭക്തരുടെ തിരക്ക് പരിഗണിച്ചുകൊണ്ടാണ് ഈ തീരുമാനം. മൊത്തം 250 ബസ്സുകളാണ് ഈ റൂട്ടിൽ ചെയിൻ സർവ്വീസുകൾക്കായി കെഎസ്ആർടിസി തയ്യാറാക്കിയിരിക്കുന്നത്. ചരിത്രത്തിലാദ്യമായി കെഎസ്ആർടിസിയുടെ ഇലക്ട്രിക് ബസ്സുകളും ശബരിമല സ്പെഷ്യൽ സർവ്വീസുകളായി ഓടിത്തുടങ്ങും. നിലയ്ക്കൽ – പമ്പ റൂട്ടിൽത്തന്നെ ആയിരിക്കും ഈ  പത്ത് ഇലക്ട്രിക് ബസ്സുകൾ സർവ്വീസ് നടത്തുക.

നിലയ്ക്കൽ – പമ്പ റൂട്ടിൽ ഇത്തവണ തീർത്ഥാടകർക്ക് ഓൺലൈനായിട്ടും അല്ലാതെയും ബസ് ടിക്കറ്റുകൾ എടുക്കുവാനുള്ള സൗകര്യങ്ങൾ കെഎസ്ആർടിസി ഏർപ്പെടുത്തിയിട്ടുണ്ട്. ടിക്കറ്റുകൾ മുൻകൂട്ടി ഓൺലൈനായോ അല്ലെങ്കിൽ അവിടെയുള്ള കെഎസ്ആർടിസി ടിക്കറ്റ് കൗണ്ടറുകളിൽ നിന്നോ എടുക്കാവുന്നതാണ്. ഇതിനു പുറമെ യാത്രക്കാർക്കായി പമ്പയിൽ 15 സെൽഫ് സർവ്വീസ് ടിക്കറ്റ് കിയോസ്‌ക്കുകളും സജ്ജമാക്കിയിട്ടുണ്ട്.

കേരള പൊലീസിന്റെ www.sabarimalaq.com എന്ന വെർച്വൽ ക്യൂ വെബ്സൈറ്റിൽ പോയാൽ കെ എസ് ആർ ടി സി ബുക്കിങ് എന്ന ബാനർ കാണാം. ആ ബാനറിൽ ക്ലിക്ക് ചെയ്താൽ www.keralartc.com എന്ന വെബ്സൈറ്റിൽ പോകും. ആ വെബ്സൈറ്റിൽ വേറെ ബാനർ കാണാം. ആ ബാനറിൽ ക്ലിക്ക് ചെയ്താൽ sabarimala.keralartc.com എന്ന വെബ്സൈറ്റിൽ പോകും.അവിടെ നിന്നു നിങ്ങൾക്ക് നിലയ്ക്കൽ പമ്പ ബസുകൾ ബുക്ക് ചെയ്യാവുന്നതാണ്. ഒരു ബുക്കിങ്ങിലൂടെ പത്ത് പേർക്ക് നിലയ്ക്കൽ, പമ്പ കെഎസ്ആർടിസി ടിക്കറ്റടക്കം തീർഥാടനസൗകര്യം ലഭിക്കും. ശബരിമലയ്ക്ക് പോകേണ്ട തിയതിയും സമയവും നൽകിയാൽ നിലയ്ക്കലിൽ നിന്ന് പമ്പയിലേക്കുള്ള കെഎസ്ആർടിസി ടിക്കറ്റ് ലഭിക്കും. ഇതിനു പുറമെ http://sabarimala.keralartc.com/ എന്ന സൈറ്റിൽ നേരിട്ട് കയറിയും കെഎസ്ആർടിസി ടിക്കറ്റുകൾ ബുക്ക് ചെയ്യാവുന്നതാണ്. നിലയ്ക്കൽ – പമ്പ റൂട്ടിൽ മടക്കയാത്ര ടിക്കറ്റ് അടക്കവും അല്ലാതെയും ടിക്കറ്റുകൾ ബുക്ക് ചെയ്യുവാൻ സൗകര്യമുണ്ട്. ഓൺലൈൻ അല്ലാതെ കൗണ്ടറിൽ നിന്നും നേരിട്ട് എടുക്കുന്ന ടിക്കറ്റുകൾ കാശു കൊടുത്തും ക്രെഡിറ്റ്/ഡെബിറ്റ് കാർഡുകൾ വഴിയും എടുക്കാം.

ഓൺലൈനായി ടിക്കറ്റ് ബുക്ക് ചെയ്യുന്നവർ ശ്രദ്ധിക്കേണ്ട കാര്യങ്ങൾ : ബുക്ക് ചെയ്ത ടിക്കറ്റിന്റെ പ്രിൻറ് കോപ്പികളും ഏതെങ്കിലും ഐഡി പ്രൂഫും കയ്യിൽ കരുതേണ്ടതാണ്. ഡ്രൈവിംഗ് ലൈസൻസ്, ആധാർ കാർഡ്, പാൻ കാർഡ്, വോട്ടേഴ്‌സ് ഐഡി കാർഡ് തുടങ്ങിയവയാണ് സാധാരണയായി ഉപയോഗിക്കുന്ന ഐഡി പ്രൂഫുകൾ. യാത്രയ്ക്കായി ബുക്ക് ചെയ്തിരിക്കുന്ന സമയത്ത് പ്രസ്തുത യാത്രക്കാരൻ ബസ്സിൽ കയറേണ്ടതാണ്. ഗ്രൂപ്പായി ടിക്കറ്റ് ബുക്ക് ചെയ്ത് വരുന്നവർ തങ്ങളുടെ കൂടെയുള്ളവരെല്ലാം കൃത്യമായി ബസ്സിൽ കയറിയിട്ടുണ്ടെന്ന് ഉറപ്പു വരുത്തേണ്ടതാണ്. മടക്കയാത്രയ്ക്ക് കൂടിയുള്ള ടിക്കറ്റുകൾ ബുക്ക് ചെയ്തു വരുന്നവർ മടക്കയാത്രാ ടിക്കറ്റുകൾ കൂടി പ്രിന്റ് ഔട്ട് എടുത്ത് സൂക്ഷിക്കണം. യാത്രയ്ക്കായി വരുമ്പോൾ ഓൺലൈനായി ബുക്ക് ചെയ്ത ടിക്കറ്റ് കയ്യിൽ ഇല്ലാത്ത പക്ഷം യാത്രക്കാരൻ വേറെ പണമടച്ച് ടിക്കറ്റ് എടുക്കേണ്ടതാണ്.

നിലയ്ക്കൽ – പമ്പ റൂട്ടിലെ പുതുക്കിയ ബസ് ചാർജ്ജുകൾ ഇനി പറയുന്നതാണ്. നോൺ എസി ബസ്സുകളിൽ നിലയ്ക്കൽ – പമ്പ – നിലയ്ക്കൽ റൗണ്ട് ട്രിപ്പിന് (മടക്കയാത്ര) ഒരാൾക്ക് 80 രൂപയും ഒരു വശത്തേക്ക് മാത്രമുള്ള ട്രിപ്പിന് ഒരാൾക്ക് 40 രൂപയുമാണ് നിരക്ക്. ഇനി എസി ബസ്സുകളിൽ ആണ് നിങ്ങളുടെ യാത്രയെങ്കിൽ നിലയ്ക്കൽ – പമ്പ – നിലയ്ക്കൽ റൗണ്ട് ട്രിപ്പിന് (മടക്കയാത്ര) ഒരാൾക്ക് 150 രൂപയും ഒരു വശത്തേക്ക് മാത്രമുള്ള ട്രിപ്പിന് ഒരാൾക്ക് 75 രൂപയുമാണ് നിരക്ക്. ഓൺലൈനായി ബുക്ക് ചെയ്യുമ്പോൾ ടിക്കറ്റ് ചാർജ്‌ജിന്റെ 1% ട്രാൻസാക്ഷൻ ഫീ ആയി ഈടാക്കുന്നതായിരിക്കും.

നിലയ്ക്കൽ – പമ്പ റൂട്ടിലെ കെഎസ്ആർടിസി ബസ്സുകൾ കണ്ടക്ടർ ഇല്ലാതെയായിരിക്കും സർവ്വീസ് നടത്തുക. ടിക്കറ്റുകളിലെ QR കോഡ് പരിശോധിച്ചായിരിക്കും ആളുകളെ ബസ്സിൽ കയറ്റുക. ഓരോ രണ്ടു മിനിട്ടിലും എസി ബസ്സുകളും ഓരോ മിനിറ്റ് വെച്ച് നോൺ എസി ബസ്സുകളും സർവ്വീസ് നടത്തുമെന്ന് കെഎസ്ആർടിസി അധികൃതർ അറിയിച്ചിട്ടുണ്ട്. കൂടാതെ ശബരിമല സ്പെഷ്യൽ ബസ്സുകളിൽ GPS സംവിധാനവും യാത്രക്കാർക്കായി പ്രത്യേകം ക്ലോക്ക് റൂമുകളും സജ്ജമാക്കിയിട്ടുണ്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post