പാതിവഴിയിൽ ബസ് കേടായി; വില്ലന്മാരായി കണ്ടവർ ഹീറോസ് ആയ കഥ

Total
0
Shares

അനുഭവക്കുറിപ്പ് – സജിത്ത് സി.സതീശൻ.

മോനെ എഴുത്തിനിരുത്താൻ മൂകാംബികക്ക് പോകാൻ രണ്ടു ടിക്കറ്റ് ബുക്ക് ചെയ്തു. ദൂരമില്ലേ അതുകൊണ്ട് മൾട്ടി ആക്സിൽ തന്നെ ബുക്ക് ചെയ്തു. 8മണിക്ക് വരേണ്ട ബസ്സാ 7മണിക്ക് കരുനാഗപ്പള്ളി ആയെ ഒള്ളു എന്ന് വിളിച്ചപ്പോൾ പറഞ്ഞു. കൂടെ ഉള്ളവർ പലരും അക്ഷമരായിതുടങ്ങി. ഇന്ന് ഹർത്താൽ ആയത്കൊണ്ട് പലർക്കും പല സ്ഥലങ്ങളിൽ വെളുപ്പിന് തന്നെ എത്തിച്ചേരേണ്ടതാണ്. എല്ലാവരും മാറി മാറി വിളിച്ചു അവർ സ്ഥലങ്ങളും മാറി മാറി പറഞ്ഞു.

ഒടുവിൽ 10 മണി കഴിഞ്ഞു ബസ് വന്നു. സ്കാനിയക്ക് പകരം തിരുവനന്തപുരം എറണാകുളം ഓടുന്ന പഴയ വോൾവോ മൾട്ടി ആക്സിൽ. മനസില്ലാ മനസോടെ കേറി. ഹൈവേയിൽ പോലും വണ്ടി കടകട ശബ്ദം കേൾപ്പിച്ചു യാത്ര തുടങ്ങി. എന്തോ ഒരു വശപിശക് തോന്നി. അതെല്ലാം തോന്നലാ എന്ന് കരുതി യാത്രയിൽ മുഴുകി. മോന് ചെറിയ ജലദോഷം ഉണ്ടായിരുന്നതിനാൽ AC കുറച്ചു വെച്ച് അവനെ ഉറക്കാനുള്ള ബുദ്ധിമുട്ടിൽ വണ്ടിയുടെ കാര്യം മറന്നു. അവന്റെ കരച്ചിൽ പലരുടെയും ഉറക്കം കളഞ്ഞു ഇടക്ക് തിരിച്ചു പൊന്നാലോ എന്ന് വരെ ആലോചിച്ചു.

ചാലക്കുടി ഒക്കെ ആയപ്പോൾ അവനുറങ്ങി. പതുക്കെ ഞങ്ങളും. തൃശൂർ കഴിഞ്ഞു ഇടക്ക് അവനുണർന്നു എങ്കിലും ഉറങ്ങി. പിന്നെ ഉണർന്നു നോക്കിയപ്പോൾ ബസ് ഓഫാക്കി എവിടെയോ കിടക്കുന്നു. കണ്ണൂരോ കാസർകോഡോ ആയെന്നു കരുതി പിന്നെയും മയങ്ങി. പിന്നെ ഉണർന്നപ്പോൾ ഏകദേശം 6 മണി ആയി. ബസ് കോഴിക്കോട് സ്റ്റാൻഡിൽ. എല്ലാവരും ഇറങ്ങുന്നു. ആരോ പറയുന്നു “ഈ വണ്ടി കേടാ വേറെ വണ്ടി അറേഞ്ച് ചെയ്തിട്ടുണ്ട്”.

മോന്റെ ഉറക്കം കളയണ്ട എന്ന് കരുതി എല്ലാരും ഇറങ്ങാൻ കാത്തിരിന്നു. എന്നിട്ട് പതിയെ എഴുന്നേറ്റു പോയി ഡ്രൈവറെ കണ്ടു കാര്യം തിരക്കി. അടുത്ത് കിടക്കുന്ന സൂപ്പർ ഡീലക്സ് ചൂണ്ടി കാണിച്ചു ഡ്രൈവർ ചേട്ടൻ പറഞ്ഞു “ആ ബസ് ആണ് പോയി കയറിക്കോ” എന്ന്. എന്നിലെ ഉപാഫോക്താവ് ഉണർന്നു “ഞാൻ AC ബസ് ആണ് ബുക്ക്‌ ചെയ്തത്. അപ്പൊ എങ്ങനെ ഈ ബസ് ശരിയാകും? അല്ലങ്കിൽ ബാക്കി കാശ് വേണം”.

“സർ ന് റീഫണ്ട് വേണമെങ്കിൽ സ്റ്റേഷൻ മാസ്റ്ററെ പോയി കണ്ടു കാര്യം പറഞ്ഞോ. വരുന്നില്ലെങ്കിൽ വേണ്ട” എന്ന് ആ ഡ്രൈവർ പറഞ്ഞു. അങ്ങനെ ആ ബസ്സും ഡ്രൈവർമാരും യാത്രയിലെ വില്ലൻമാരായി. ബസിൽ നിന്ന് ഇറങ്ങിയപ്പോൾ ആണ് ഹർത്താൽ എന്ന സഹ നടനെ ഓർത്തത്. വില്ലന്മാർക്കും സഹനടനും നടുവിൽ, ഒടുവിൽ കുറച്ചു നഷ്ടം ആണെങ്കിലും വില്ലന്മാരോട് കൂടി പോകാൻ തീരുമാനമായി.

ബസ്സിൽ എല്ലവരും കേറി ഡ്രൈവർ മാത്രം ഇല്ല. എല്ലാവരും അക്ഷമരായി ഒടുവിൽ, ആരോ പഴയ ഡ്രൈവർമാരിൽ ഒരാളോട് ചോദിച്ചു “സാറെ ഇതെപ്പോ പോകും കുറെ നേരമായല്ലോ?” ഹർത്താൽ അനുകൂലികൾ ബസ് തടയുന്നു അതാണ് വൈകുന്നത് എന്ന് മറുപടി കേട്ടപ്പോൾ ആരോ പറഞ്ഞു “6 മണിക്കേ തടയാൻ തുടങ്ങിയോ ചുമ്മാ അടവ് ഇറക്കാതെ ഇതിന് തീരുമാനം ഇണ്ടാക്കേടോ.” ഇത് കേട്ട ഉടൻ മറ്റേ ഡ്രൈവർ വന്നു വണ്ടി ഓണാക്കി എന്നിട്ട് സഹ ഡ്രൈവറെ വിളിച്ചു – “സർ കേറൂ നമുക്ക് പോകാം”.

വണ്ടി എങ്ങനെയോ ഹൈവേ എത്തി. പല സ്ഥലത്തും പോലീസ് കാവൽ ഉണ്ട് അല്ലാതെ ഹർത്താൽ ബഹളം ഒന്നുമില്ല. കണ്ണൂർ ആയപ്പോൾ സ്റ്റാൻഡിന്റെ മുൻപിൽ പ്രകടനം. തെല്ലൊന്ന് ഭയന്നെങ്കിലും. പ്രശ്നം ഒന്നുമില്ലാതെ കണ്ണൂർ ടൌൺ വിട്ടു. ഇതിനിടയിൽ ആളുകൾ പല സ്ഥലത്തും ഇറങ്ങുന്നുണ്ട്. കാസർഗോഡ് ന് മുൻപ് എവിടെയാ നിർത്തിയപ്പോ ഒരാൾ കേറി. ടിക്കറ്റ് ചാർജ് കൂടുതൽ ആണ് ac യുടെ ചാർജ് ആകും എന്ന് ഡ്രൈവർ പറഞ്ഞു. പിന്നീട് കാസർഗോഡ് സ്റ്റാൻഡിൽ കേറി എല്ലാവർക്കും ചായ കുടിക്കാനോ ഫ്രഷ് ആകാനോ വേണമെങ്കിൽ പോയി വരാം എന്ന് ഡ്രൈവർ പറഞ്ഞു.

ചായ കുടിക്കാൻ ഇരുന്നപ്പോൾ ആണ് ഡ്രൈവർ കാര്യം വ്യക്തമാക്കിയത് “വണ്ടി കോഴിക്കോട് എത്തും മുൻപ് കേടായി. ഹർത്താൽ ആയിട്ടു ഇത്രയും ആളുകളെ എങ്ങനെ വഴിയിൽ ഇറക്കി വിടും? അതാണ്‌ കോഴിക്കോട് വരെ കൊണ്ട് വന്നത്. അവിടെ പകരം വണ്ടി ചോദിച്ചു. കിട്ടിയത് ഇതാണ്. ആരെങ്കിലും AC ബസ് വേണം എന്ന് പറഞ്ഞാൽ അടുത്ത AC ബസ് വരും വരെ നിൽക്കേണ്ടി വരും. നിങ്ങളെ അടുത്ത ബസ്സിൽ കേറ്റി വിട്ടാൽ ഞങ്ങൾക്ക് ഞങ്ങടെ ഉത്തരവാദിത്വം തീർന്നു. പിന്നെങ്ങനെ ഇത്രയും പേരെ ഒരു ഹർത്താലിന്റന്ന് അവിടിറക്കി വിട്ടിട്ടു പോരും. നിങ്ങൾ ഒക്കെ അല്ലെ ഞങ്ങൾക്ക് വലുത്, ഞങ്ങളെ വിശ്വസിച്ചു അല്ലെ നിങ്ങൾ എല്ലാം ബസ്സിൽ കേറുന്നത്.”

ഇത്രയും കേട്ടപ്പോൾ അതുവരെ വില്ലൻ പരിവേഷം നൽകിയ ബസ്സും ഡ്രൈവർമാരും നായകന്മാർ ആയി. കാസർഗോഡ് കഴിയാറായപ്പോൾ ഉണ്ടായ ഹർത്താൽ അനുകൂലികളുടെ പ്രകടനവും കഴിഞ്ഞു ഇങ്ങു കൊല്ലൂർ കൊണ്ടെത്തിച്ചപ്പോൾ അതിരട്ടിയായി. ഇവരെപ്പോലുള്ളവർ കൊണ്ടാണ് ഞാനുൾപ്പടെ പലരും KSRTC എന്ന പ്രസ്ഥാനത്തെ നെഞ്ചിലേറ്റി കൊണ്ട് നടക്കുന്നത്. ദയവ് ചെയ്തു മേലാളൻമാർ ഇനിയും ഇതുപോലെ യാത്രക്കാരെയും പാവപ്പെട്ട ജീവനക്കാരെയും വെച്ച് ഇതുപോലെ പരീക്ഷണം നടത്തരുതേ. ബസ്സിലെങ്കിൽ ബുക്കിംഗ് ബ്ലോക്ക്‌ ചെയ്യണം. അല്ലാതെ പണ്ട് ഓടി പരിപ്പിളകിയ ബസ്സ്‌ കൊടുത്തുവിട്ടു യാത്രക്കാരെയും ജീവനക്കാരെയും ബുദ്ധിമുട്ടിക്കരുത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post