കന്നഡക്കാരുടെ ‘കല്യാണവണ്ടി’യായി KSRTC ബെംഗലൂരു – തലശ്ശേരി സൂപ്പർ എക്സ്പ്രസ്സ്

Total
0
Shares

കെഎസ്ആർടിസി ബസ്സുകൾ വിവാഹങ്ങൾക്കും ചെറിയ ടൂറുകൾക്കും ഒക്കെ വിളിക്കുന്നത് ഇപ്പോൾ സാധാരണയാണ്. എന്നാൽ വിവാഹത്തിനു പോകുവാനായി വധുവിനും കൂട്ടർക്കും വരൻ കെഎസ്ആർടിസി ബസ് ഏർപ്പാടാക്കിയ വാർത്ത അധികമാരും കേട്ടിട്ടുണ്ടാകില്ല. എന്നാൽ അങ്ങനെയൊരു കൗതുകകരമായ സംഭവം കഴിഞ്ഞ ദിവസം നടന്നു. സംഭവം നടക്കുന്നത് കർണാടകയുടെ തലസ്ഥാനമായ ബെംഗളൂരുവിലാണ്. അവിടെ ബിസിനസ്സ് നടത്തുന്ന തലശ്ശേരി, പൊയിലൂർ സ്വദേശിയായ ലിബിത്താണ് കല്യാണച്ചെക്കൻ. അധ്യാപികയായ വധുവാകട്ടെ ബെംഗളൂരു സ്വദേശിനിയായ ശോഭയും. വിവാഹം നടക്കുന്നത് വരന്റെ നാടായ തലശ്ശേരിയിൽ വെച്ചാണ്.

ബെംഗളൂരുവിൽ നിന്നും വധുവും ഫാമിലിയും മറ്റു ബന്ധുക്കളും ഉൾപ്പെടെയുള്ള ആളുകൾക്ക് വിവാഹത്തിൽ പങ്കെടുക്കുവാൻ ഒരു വണ്ടി വിളിക്കണം. അൽപ്പം വ്യത്യസ്തത പരീക്ഷിക്കുവാനായി മലയാളിയായ വരൻ വിവാഹത്തിന് ഒരുമാസം മുൻപേ തന്നെ ബെംഗളൂരുവിലെ കേരള ആർടിസി ഓഫീസുമായി ബന്ധപ്പെട്ടു. ബെംഗളൂരുവിൽ നിന്നും തലശ്ശേരിയിലേക്ക് സർവ്വീസ് നടത്തുന്ന സൂപ്പർ എക്സ്പ്രസ്സ് ബസ് തിരഞ്ഞടുക്കുവാനായിരുന്നു കെഎസ്ആർടിസി ജീവനക്കാർ നിർദ്ദേശിച്ചത്. വിവിവാഹത്തലേന്നു ബസ്സിൽ സീറ്റ് റിസർവ്വേഷനുകൾ ഒന്നും ഇല്ലാതിരുന്നതിനാൽ വൈകാതെ തന്നെ ബസ് മുഴുവനും വരൻ ബുക്ക് ചെയ്തു. വിവാഹം കഴിഞ്ഞു തിരികെ ബെംഗളുരുവിലേക്ക് മടങ്ങുവാനും ഇതേ ബസ്സിൽ തന്നെ മുഴുവൻ സീറ്റുകളും റിസർവ്വ് ചെയ്യുകയും ചെയ്തു.

ബസ് മുഴുവനായും ബുക്ക് ചെയ്തിരുന്നതിനാൽ ബെംഗളൂരുവിലെ വിത്സൺ ഗാർഡനിലെ വധൂഗൃഹത്തിൽ നിന്നുമായിരുന്നു ബസ് യാത്ര തുടങ്ങിയത്. അങ്ങനെ വിവാഹത്തലേന്ന് രാത്രി 10.30 ഓടെ വധുവും കൂട്ടരും ബെംഗളൂരുവിൽ നിന്നും തലശ്ശേരി ഡിപ്പോയുടെ ATC 129 എന്ന സൂപ്പർ എക്‌സ്പ്രസ്സ് ബസ്സിൽ തലശ്ശേരിയിലേക്ക് യാത്രയായി. വിവാഹസാരിയൊക്കെ ധരിച്ച് ആഭരണങ്ങളൊക്കെ അണിഞ്ഞുകൊണ്ട് ശരിക്കും ഒരു മണവാട്ടിയായിത്തന്നെയായിരുന്നു വധു എത്തിയിരുന്നത്. ബാക്കി കുടുംബാംഗങ്ങളും ബന്ധുക്കളുമെല്ലാം ഒരു കല്യാണം കൂടാനുള്ള മുന്നൊരുക്കത്തിലുമായിരുന്നു. യാത്ര തുടങ്ങുന്നതിനു മുൻപ് വധു അടക്കമുള്ളവർ ചേർന്ന് ബസ് അലങ്കരിക്കുകയും, ബസ്സിനു മുന്നിൽ പ്രത്യേക പൂജ നടത്തുകയും ചെയ്യുകയുണ്ടായി. ഇതിനുശേഷം ബസ്സിനു മുന്നിൽ നിന്നുകൊണ്ട് ചെറിയൊരു ഫോട്ടോഷൂട്ടും ഇവർ നടത്തി. ഇതിനിടെ ബസ് ജീവനക്കാരായ ഡ്രൈവർ ഷമീമും കണ്ടക്ടർ മാർട്ടിനും ഇവരോടൊപ്പം കൂടി.

യാത്രയിൽ പങ്കെടുത്തവരിൽ ആരോ ചിത്രങ്ങളും വീഡിയോയുമെല്ലാം സോഷ്യൽ മീഡിയയിൽ പങ്കുവെച്ചതോടെയാണ് രസകരമായ ഈ വിവരം പുറംലോകമറിയുന്നത്. എന്തായാലും കെഎസ്ആർടിസി ബസ്സിൽ യാത്ര ചെയ്ത വധുവും കൂട്ടരും ഹാപ്പിയാണ്. തലശ്ശേരി ജഗന്നാഥ ക്ഷേത്രത്തിൽ വെച്ച് നടന്ന വിവാഹച്ചടങ്ങുകൾക്കു ശേഷം ഇവർ ഇതേ ബസ്സിൽ തന്നെ ബെംഗളുരുവിലേക്ക് പോകുകയും ചെയ്തു.

കണ്ടില്ലേ കെഎസ്ആർടിസിയെ ഇഷ്ടപ്പെടുന്ന, വിശ്വസിക്കുന്ന ചിലരെങ്കിലും നമ്മുടെ നാട്ടിലുണ്ടെന്നു ഇപ്പോൾ മനസിലായില്ലേ? മലയാളിയായ ആ യുവാവിന് (വരൻ) വേണമെങ്കിൽ ഏതെങ്കിലും പ്രൈവറ്റ് ട്രാവൽസുകാരെ ഏർപ്പെടുത്താമായിരുന്നു. പക്ഷേ കെഎസ്ആർടിസി എന്ന പ്രസ്ഥാനത്തോടുള്ള ഇഷ്ടവും വിശ്വാസവും പിന്നെ അൽപ്പം വ്യത്യസ്തത ആഗ്രഹിച്ചതു കൊണ്ടുമാണ് അദ്ദേഹം ഇത്തരമൊരു തീരുമാനത്തിലെത്തുവാൻ കാരണം. കെഎസ്ആർടിസിയെ പുച്ഛിക്കുകയും അധിക്ഷേപിക്കുകയും ചെയ്യുന്ന ചിലരുള്ള നമ്മുടെ ഈ സമൂഹത്തിൽ കെഎസ്ആർടിസി ചെയ്യുന്ന നല്ല കാര്യങ്ങൾ ആരും ഓർക്കുന്നില്ല എന്നതാണ് സത്യം. വിവാഹത്തിന് കെഎസ്ആർടിസി ബസ് വിളിച്ച ആ വരനും വധുവിനും എല്ലാവിധ മംഗളാശംസകളും നേരുന്നു..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post