ഒരു കെഎസ്ആർടിസി യാത്രയും കലിപ്പൻ കണ്ടക്ടറും

Total
1
Shares

അനുഭവക്കുറിപ്പ് – അരുൺ പുനലൂർ.

കൊറോണക്കാലമാണ് വണ്ടികൾ കുറവാണ്. ഉള്ള വണ്ടിയിൽ സീറ്റ് ഫ്രീ ഇല്ലേൽ നിർത്തില്ല. അങ്ങിനെ ഒന്നര മണിക്കൂർ നിന്നപ്പോഴാണ് ഒരു വണ്ടി നിർത്തുന്നത്. പാഞ്ഞു ചെന്നു കേറിയപ്പോ സീറ്റൊക്കെ ഏറെക്കുറെ ഫിൽ ആണ്‌. ആകെ ഒഴിവുള്ളത് കണ്ടക്ടർ സാറിനോപ്പമുള്ള സീറ്റും തൊട്ടിപ്പുറത്ത് രണ്ടു മല്ലന്മാരുടെ ഇടയിലുള്ള സീറ്റും മാത്രം.

മല്ലന്മാരുടെ ഇടയിലിരുന്നു ഇത്രയും നേരം യാത്ര ചെയ്‌താൽ അങ്ങെത്തുമ്പോ ചമ്മന്തിപ്പരുവമാകുമല്ലോ എന്നോർത്ത് കണ്ടക്ടർക്കൊപ്പമുള്ള സീറ്റിലേക്ക് നോക്കുമ്പോ അതാ അവിടൊരു ബോർഡ് – “യാത്രക്കാർ ഇരിക്കരുത് കണ്ടക്ടർക്ക് മാത്രം.” എന്നാലും ഒന്ന് ചോയിച്ചു നോക്കാം. ചോയിക്കാൻ നാക്കെടുക്കും മുമ്പ് ഉദ്ദേശം മനസിലാക്കി കണ്ടക്ടർ പറഞ്ഞു നഹീന്നു പറഞ്ഞാൽ നഹീ. അത് തേഞ്ഞു.

മല്ലന്മാർക്കിടയിൽ ഇരിക്കാതെ നിൽക്കാം എന്ന് കരുതിയാൽ ബസിൽ ആളിനെ നിർത്തി കൊണ്ടു പൊയ്ക്കൂടാ എന്ന പുതിയ നിയമം.
ഒടുക്കം ഗതികേട്ട് മല്ലന്മാർക്കിടയിൽ അഭയം പ്രാപിച്ചു. അങ്ങിനെ ഞെങ്ങി ഞെരുങ്ങി ഇടിയും തൊഴിയുമായി മുന്നോട്ട് പോകവേ
അതാ ഒരു യുവതി കയറി വരുന്നു.

കേറണ്ട താമസം കണ്ടക്ടർ സാറ് വരവേറ്റ് പുള്ളിക്കൊപ്പമുള്ള യാത്രക്കാർ ഇരിക്കാൻ പാടില്ലാത്ത സീറ്റിൽ ഇരുത്തി പതിയെ വിശേഷം ചോയിക്കാൻ തുടങ്ങി. കൊറോണ, മാസ്ക്, സാനിറ്റൈസറിന്റെ ഉപയോഗം, സാമൂഹിക അകലത്തിന്റെ പ്രസക്തി തുടങ്ങിയ ആനുകാലിക വിഷയങ്ങളിൽ പുള്ളിയുടെ സ്പെഷ്യൽ ക്ലാസ്.

ഇതിനിടയിൽ കേറി വന്ന പലരെയും ആ പരിസരത്തെങ്ങും നിക്കാൻ സമ്മതിക്കാതെ മുന്നോട്ടു പറപ്പിച്ചു വിട്ടു. ആളു ഭീകര കണിഷക്കാരനാണ്. ദീർഘ ദൂരം പോകാനുള്ളവരെ മാത്രമേ കേറ്റൂ. സീറ്റില്ലേ കേറ്റൂല്ല. നിന്നു പോകാൻ പറ്റില്ല. ആണുങ്ങൾ കേറാൻ വന്നാൽ മൂപ്പര് ഭയങ്കര സ്ട്രിക്ട് ആണ്‌. ബെല്ലിന്റെ നൂലെടുത്ത് പിടിച്ചു കളയും. പെണ്ണുങ്ങൾ കേറാൻ വന്നാൽ നൂലു മടക്കി പോക്കറ്റിലിട്ട് കണ്ണടക്കും. ചോദ്യമൊന്നുമില്ല.

കൊറോണക്കാലമല്ലേ നമ്മള് വല്ലോം ചോദിച്ചാൽ വഴക്കായി ട്രിപ്പ് മുടങ്ങണ്ടല്ലോ എന്നോർത്ത് ആരും മിണ്ടുന്നില്ല. അതാ ഒരു അപ്പാപ്പൻ കേറി വന്നു, ടിക്കറ്റെടുത്തിട്ടു മെല്ലെ കണ്ടക്ടറോട് കുശലം ചോദിച്ചു. “സാറ് പുതിയ ആളാണോ?” “ന്തേ..” “അല്ല ഇന്നലേം മിനിയാന്നുമൊക്കെ വേറെ സാറായിരുന്നല്ലോ.” “വണ്ടിയാകുമ്പോ പലരും ഡ്യൂട്ടിക്ക് വരും. നിങ്ങക്ക് യാത്ര ചെയ്‌താൽ പോരെ” എന്ന് കണ്ടക്ടർ. കുശലം ചോയിക്കാൻ പോയ മാമൻ അയ്യടാന്നായി.

അങ്ങിനെ കണ്ടക്ടർ സാറിന്റെ ഈ ബുദ്ധിപരമായ നീക്കത്തിലൂടെ വേറെ പലതും ചോദിക്കാനിരുന്നവരുടെയെല്ലാം വാ അടപ്പിച്ചു. വണ്ടി വീണ്ടും മുന്നോട്ടു പോക്കൊണ്ടിരിക്കുമ്പോ കേറിവന്ന എല്ലാക്കിളികളെയും പ്രത്യേകം പരിഗണിച്ചു പുള്ളി അവരുടെ കൈയ്യടി നേടിക്കൊണ്ടിരുന്നു.

ഇടയിലൊരു ജങ്ഷനിൽ കൂടെയിരുന്ന സ്ത്രീയിറങ്ങിപ്പോയപ്പോ ഒരു പയ്യൻ കേറി വന്നു. വന്ന പാടെ അവൻ കണ്ടക്ടർ സീറ്റിലേക്ക് കയറിയിരിക്കാൻ ചെന്നതും കൺഡ്രാക്ക് തടഞ്ഞു ചെറിയ തർക്കമാകുന്നു. അതേ സമയം ചിലർ ഇടപെടുന്നു. ഇത്രേം നേരം ആ സ്ത്രീയെ അവിടെയിരുത്തി കൊണ്ടുവന്നപ്പോൾ പിടിക്കാത്ത എന്ത്‌ കൊറോണയാണ് ഹേ ഈ ചെക്കനിരിക്കുമ്പോ. “പറ്റില്ല റൂൾസാണ്..”
എന്ന് പറഞ്ഞു കണ്ടക്ടറും.

പെണ്ണുങ്ങൾ കേറുമ്പോൾ മാത്രം മാറുന്ന റൂളോ അതൊന്നു അറിയണമല്ലോ എന്ന് ചെക്കൻ. ഇതിനിടയിൽ നേരെത്തെ വിശേഷം ചോദിച്ചപ്പോ കണ്ടക്ടർ കലിപ്പിച്ച മാമൻ ഉച്ചത്തിൽ “മോനെ നീ പോയിട്ടൊരു ചുരിദാറും ഇട്ടോണ്ട് വാ, അപ്പൊ സാറ് ആ സീറ്റ് തരും.”
ഇതൂടെ കേട്ടതോടെ കണ്ടോണ്ടിരുന്നവർ ചിരി തുടങ്ങി.

കണ്ടക്ടർ സാറ് ആ കലിപ്പിൽ പിന്നെ ഒരു സ്റ്റോപ്പിൽ നിന്നും ആരെയും കേറ്റിയില്ല. ഇറങ്ങണം എന്ന് പറഞ്ഞോരോടൊക്കെ കട്ട മൊട. കണ്ടക്ടർ സാറെ ദീർഘദൂര യാത്രാ ബസിൽ അൽപ്പം മനുഷ്യത്വമാകാം. ബസ് ഇല്ലാണ്ട് വലയുന്നവർക്കായി അൽപ്പം പരിഗണന ഒക്കെ കൊടുക്കാം. നിയമം പാലിക്കണം. പക്ഷെ അത് എല്ലാർക്കും തുല്യമായി ആയാൽ നല്ലതാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post