നിയമലംഘനം പതിവാക്കിയ ‘കെയ്റോസ്’ ബസ്സിന്‌ പത്താം തവണയും പിടിവീണു

Total
0
Shares

നിയമലംഘനം പതിവാക്കിയ സ്വകാര്യ കോൺട്രാക്ട് കാര്യേജ് ബസ്സ് മോട്ടോർ വാഹന വകുപ്പ് എൻഫോഴ്സ്മെൻറ് സ്ക്വാഡ് പിടികൂടി.

തിരുവനന്തപുരം ജൂലൈ 12, 2019 വെള്ളിയാഴ്ച: നിയമവിരുദ്ധമായി കോൺട്രാക്ട് കാര്യേജ് പെർമിറ്റ് ഉപയോഗിച്ച് സ്റ്റേജ് കാര്യേജായി സർവീസ് നടത്തി വരുന്ന സ്വകാര്യ ബസ്സുകൾക്കെതിരെ ശക്തമായ നടപടിയുമായി മോട്ടോർ വാഹന വകുപ്പ്. അനധികൃതമായി നടത്തുന്ന സ്വകാര്യ സർവീസുകൾ മുഖാന്തരം KSRTC ക്ക് ദിനംപ്രതി 40 ലക്ഷത്തിലധികം രൂപ നഷ്ടപ്പെടുന്നതായി വിലയിരുത്തപ്പെടുന്നു. കെഎസ്ആർടിസി അധികൃതരുടെ നിരന്തരമായ പരാതിയെ തുടർന്ന് KYROS (കെയ്റോസ്) എന്ന ബസ്സ് ഇന്ന് പിടികൂടിയത് പത്താം തവണ.

കഴിഞ്ഞ ആറ് മാസക്കാലമായി കഴക്കൂട്ടം, തിരുവനന്തപുരം ആർടിഒ എൻഫോഴ്സ്മെൻ്റ് ഉദ്യോഗസ്ഥർ ഈ ബസ്സ് പിടികൂടി പലപ്രാവശ്യം പിഴയും താക്കീതും നൽകി വിട്ടയച്ചിരുന്നു. എന്നാൽ അവർ വീണ്ടും നിയമലംഘനം ആവർത്തിക്കുകയാണ് ചെയ്തു വന്നത്. ചെക്ക് റിപ്പോർട്ട് നൽകി അപ്പോൾ തന്നെ പറഞ്ഞു വിടുകയാണ് സാധാരണ രീതിയെങ്കിലും കെഎസ്ആർടിസിക്ക് ഭീമമായ നഷ്ടം വരുത്തുന്ന ഇത്തരം സ്വകാര്യ കോൺട്രാക്റ്റ് ക്യാരേജുകൾക്കെതിരെ ബഹു: കെഎസ്ആർടിസി ചെയർമാൻ ആൻഡ് മാനേജിങ് ഡയറക്ടർ ശ്രീ. എം.പി. ദിനേഷ് IPS അവർകളുടെ ശക്തമായ ഇടപെടലിനെ തുടർന്ന് കഴക്കൂട്ടം RTO ഓഫീസിലെ AMVI ശ്രീ.എം. രജ്ഞിത്ത് 18/5/19-ൽ ടി ബസ്സ് പിടികൂടി കസ്റ്റഡിയിലെടുത്തിരുന്നു. എന്നാൽ പ്രസ്തുത അനധികൃത സ്വകാര്യ കോൺട്രാക്ട് ബസ്സ് സർവ്വീസ് നിർത്തിയശേഷം തൊടുപുഴയിലേക്കും, മുണ്ടക്കയത്തേക്കും രണ്ട് ലോ ഫ്ലോർ A/C ബസുകൾ കെഎസ്ആർടിസി ആരംഭിച്ചിരുന്നു.

മോട്ടോർ വാഹന വകുപ്പ് പിടിച്ചെടുത്ത ബസ്സിൻ്റെ ഉടമസ്ഥൻ ബസ്സ് പിടികൂടി 20 ദിവസത്തിന് ശേഷം, തന്റെ അറിവില്ലായ്മ മൂലമാണ് ഇത്തരത്തിൽ സ്റ്റേജ് കാര്യേജ് സർവ്വീസ് നടത്തിയതെന്നും ഇനി മേലാൽ ഇത്തരം സർവ്വീസ് നടത്തില്ലായെന്നും അങ്ങനെ വന്നാൽ മോട്ടോർ വാഹന വകുപ്പ് സ്വീകരിക്കുന്ന എതൊരു നടപടിയും പാലിച്ചു കൊള്ളാം എന്ന് ആർ ടി ഒ യ്ക്ക് എഴുതി നൽകിയതിനു ശേഷമാണ് ബസ്സ് വിട്ടുകൊടുത്തത്. ടി സംഭവത്തിൽ അന്ന് കഴക്കൂട്ടം ആർടിഒ 5000 രുപ പിഴ ഈടാക്കിയിരുന്നു. എന്നാൽ പ്രസ്തുത ബസ്സ് പുറത്തിറങ്ങി ഒരാഴ്ച പിന്നിട്ടപ്പോൾ വീണ്ടും മറ്റൊരു ബസ്സ് ഉപയോഗിച്ച് ഇതേ റൂട്ടിൽ നിയമവിരുദ്ധ സർവ്വീസ് പുനരാരംഭിച്ചു. ടെക്ക്നോപാർക്കിലെ യാത്രക്കാരായിരുന്നു ഭൂരിഭാഗവും. ടി ബസിലെ യാത്രക്കാരുടെ ഫോൺ നമ്പറുകൾ ശേഖരിച്ച് അവരെ ഈ ബസ്സിലേക്ക് വിളിച്ച് കയറ്റി സർവീസ് തുടരുന്നതിനിടയിലാണ് ആർ ടി ഒ എൻഫോഴ്സ്മെൻ്റ് സ്ക്വാഡ് വീണ്ടും പിടികൂടിയത്.

ടെക്ക്നോപാർക്കിനു മുന്നിൽ വച്ച് ടി ബസിനെ പിടികൂടുമ്പോൾ 39 യാത്രക്കാരാണ് ബസിനുള്ളിൽ ഉണ്ടായിരുന്നത്. തുടർച്ചയായി നിയമ ലംഘനം തുടരുന്നതിനാൽ ടി ബസിൻ്റെ പെർമിറ്റും ഡ്രൈവറുടെ ലൈസൻസും റദ്ദ് ചെയ്യണമെന്നാവശ്യപ്പെട്ട് കെഎസ്ആർടിസി അധികൃതർ ഇന്നേ ദിവസം ബഹു: ട്രാൻ: കമ്മീഷണർക്ക് കത്ത് നൽകുകയുണ്ടായി. ഇന്ന് നടന്ന വാഹന പരിശോധനയിൽ AMVI-മാരായ ശ്രീ. എസ്.ഷിബു, ശ്രീ. എ.എൽ.അനീഷ്, CPO മാരായ ശ്രീ. എം.ജി.ക്യഷ്ണപ്രസാദ്, ശ്രീ. ബിജീഷ് ബി. നായർ, ശ്രീ. ബി. സുനിൽ, ശ്രീ. എം. ഇസ്മയിൽ എന്നിവർ പങ്കെടുത്തു. കെഎസ്ആർടിസി ഇൻസ്പെക്ടർമാരായ ശ്രീ. എസ്. ജെ. പ്രദീപ്, ശ്രീ. ലൈസൺ തോപ്പിൽ എന്നിവർ കെഎസ്ആർടിസിയുടെ പ്രതിനിധികളായി ഉണ്ടായിരുന്നു.*

കെഎസ്ആർടിസി ചെയർമാൻ ആൻഡ് മാനേജിങ് ഡയറക്ടർ ട്രാൻസ്പോർട്ട് കമ്മീഷണർക്ക് നൽകിയ കത്തിന്റെ അടിസ്ഥാനത്തിൽ എഎംവിഐ-പോലീസ്-കെഎസ്ആർടിസി സംയുക്ത സ്ക്വാഡ് രണ്ട് യൂണിറ്റ് ഉണ്ടായിരുന്നത് ഇപ്പോൾ നാല് യൂണിറ്റുകളാക്കി ഉയർത്തിയിരിക്കുകയാണ്. ഓരോ ടീമിലും മോട്ടോർ വാഹന വകുപ്പിൽ നിന്നും അസിസ്റ്റൻറ് മോട്ടോർ വെഹിക്കിൾ ഇൻസ്പെക്ടർമാരും രണ്ട് പോലീസ് ഉദ്യോഗസ്ഥരും കെഎസ്ആർടിസി ഇൻസ്പെക്ടറും ഉണ്ടായിരിക്കും. വരും ദിവസങ്ങളിലും ശക്തമായ പരിശോധന തുടരുമെന്ന് ബന്ധപ്പെട്ട ഉദ്യോഗസ്ഥർ അറിയിച്ചു.

കടപ്പാട് – മീഡിയ സെൽ കെഎസ്ആർടിസി, കവർ ചിത്രം – അരുൺ വിജയ്  (Representative Image).

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post